حرارة الترانميشن باليوكن 2009

[سامر عبدالله]

اخواني استفسار بشأن حرارة الترنميشن
السياره يوكن 2009
درجة حرارة القير الترانميشن تصل الى 92 c
هل هذا الشئ طبيعي ولايدعو للقلق

[omerqaz]

اذا السيارة سليمه، فحسب التضاريس، فأنا كنت في عقبة في جنوب المملكة ووصلت الحرارة 125 درجة والأمور سلامات ولله الحمد

[alwali]

اذا السيارة سليمه، فحسب التضاريس، فأنا كنت في عقبة في جنوب المملكة ووصلت الحرارة 125 درجة والأمور سلامات ولله الحمد
انا كنت في تركيا وكانت درجة حرارة الجو 19
ووصلت عندي الترانمشن 117 والحرارة ارتفعت فوق النص
بس اول ما وقفت رد كل شي طبيعي
الموتر يوكن اكس ال 2010

[سعد777]

اخواني استفسار بشأن حرارة الترنميشن
السياره يوكن 2009
درجة حرارة القير الترانميشن تصل الى 92 c
هل هذا الشئ طبيعي ولايدعو للقلق
هذا شي طبيعي ولآكن

انتبه توصل فوق الـ 100 وتمشي عليه كثير غالبا لا ترتفع الحراره إلا إذا طلعت مرتفعات او المشي المستمر في النفود او الجور المستمر يعني الدعسات المتتاليه على الخطوط وغالبا تصل إلى حول الـ 100 مع السرعات العاليه في الخطوط الطويله إذا الجو حار لما تكون درجة الحراره فوق الآربعين درجه
يوجد حل وهو تركيب مبرد اكبر مكان المبرد الوكاله وهذا قيمته حول 1000 ريال والتركيب حول 400 ريال
نصائح:
غذا مريت على مرتفعات وطلوع ونزول ضع شاشه المعلومات على حرارة الترينمشن وانتبه لها كذلك غذا دخلت الطعوس الطويله والمراقا عليها

[GABER65]

مامعنها أصلا
هل هي القير

[مكشآتي للآخر]

حرآرة الترآنسمشن - تعني حرارة القير- عآدتن تكون معـي مابين ال 65 - الى 100 =- ولله الحمد لم تترفع زيادة عن ذآلك - ولاكن اللاحظ الارتفآع الزآيد عن تشغيل الدبل الثقيل خصوصآ-

[خاب الرجا فيك]

اخواني استفسار بشأن حرارة الترنميشن
السياره يوكن 2009
درجة حرارة القير الترانميشن تصل الى 92 c
هل هذا الشئ طبيعي ولايدعو للقلق


هذي حرارة القير وهذا شي طبيعي في ظل حرارة الجو
وما شاء الله الامريكي 8 سلندر كله قوه ولفح نار بالسلندرات
لكن مشكلة الجديد ان مبرد القير صغير مره غيره وركب اكبر وبتحس بفرق كبير
اذا ماتعرف مكانه شفه ورى علامة gmc اللي بالشبك نازل تحت شوي صغير مرره
لكن لاتخاف تبدا الحراره تشكل خطوره لما تعدي 100 الى 110

[أبـو زهـرهـ]

بموتر الوالد الدينالي مثبتين على خط السفر 160 ماشين الساعه 5 الصباح حراره القير ثابته على 81 - 85
وحنا راجعين الظهر الحراره 95
ــــــــــــــــــ
داخل البلد على حسب إذا زحمه توصل 90
فوق ال110 خطيره هد
ـــــــــــــــــ
ومشكلتها وقت الزحمه لانه القير يعشق أول ثاني بعدين توقف ويرجع أول وتمشي يرجع ثاني وهاكذا تتعب القير

[سعد القاسم]

انتبه ياخي من هذه النقطه ونصيحتي لك لا توصل الميه
ركب مبرد زيت القير الي اسمه ترانس كول 40000 وبتدعيلي

وفقك الله

[مخ سعودي]

حرارة موترك طبيعية جدا والقير حق 2009 يختلف عن الموديلات السابقة التي تحتاج مبرد قير وعليك التاكدوان كان موترك استخدام امريكي بوجود مبرد القير خلف الشبك مباشرة والقير يبدا يفلت بعد ١٢٠ ياجامعه الخير ويظهر علامه في الطبلون انا توصل معي بعز الحر وسفر وسرعه ٩٦ وطبيعية جدا فترة بسيطه وتبدا بالنزول

[turkiq]

بس للتنبيه مثل ما كتب اخونا مكشاتي للاخر ..
اسمها ترانزمشن وليس ترانمشن

[first2oo2]

هذا ردي في احد المواضيع اتمنى يفيدك............



السلام عليكم ورحمة الله وبركانه..

لدي نصيحتين حبيت انبه الاخوان عنها لمن سياراتهم يوكن 2007-2012 :

الأولى ... نوعية الزيت
البعض يغير الزيت لدى فروع اي سي ديلكو والبعض يعتقد أنهم تابعين لوكالة جي ام .. وهم في الحقيقة موردين لقطع الغيار وتقديم خدمات للسيارات.. أي انهم ليسو ضامن لسيارتك ولا يؤخذ منهم توصيات غير الموجودة في الكتاب المرفق مع السيارة.

ماذا يحدث .. أولا يقومون بتغيير زيت السيارة بنوع 10w30 للسيارات الجديدة .. و 20w50 للسيارات اللي تعدت 100 الف كيلو ... وهذي كارثة .. الزيت الموصى به هو 5w30 ومن عام 2011 اضافت شركة جي ام زيت جديد وقد سارعت الشركات لصناعته واخذت اعتماد الشركة الأم ومنها اي سي ديلكو .. وهذا الزيت هو (ديكسوس 5w30) وهو الموصى به لجميع السيارات من 2007 وهو موجود لدى الوكالة وسعر الحبة 23 ريال..

الزبدة .. تبي سيارتكم تعيش .. استخدم الزيت الموصى به وشوف للفرق.. تبي مشاكل اسمع كلام الموردين والبناشر ..

الثاني ..تركيب شبك امامي صيني شبية للدينالي فوق الشبك الاصلي..
هذي كارثة بحد ذاتها والبعض لا ينتبه .. والنتيجة قد تكون مكلفة إما تخبيط الجير أو المكينه.
كيف يخبط الجير ..؟ .. هناك مبرد يقع مباشرة خلف الشبك الأمامي .. وعملية وضع شبكين تسبب عدم وصول الهواء الي المبرد وارتداده .. ومن ثم ارتفاع درجة حرارة الجير فوق 100.. ولمن لديه هذا الشبك يلاحظ أنه في حال ارتفاع حرارة الجير فوق 90 في الاحوال العادية فاعلم بأن السبب الشبك واذا واصلت الحرارة الطلوع ,, فالله يخلف .. روح لاقرب بنشري وخله يشيل الشبك ويرميه.

الحل .. تبي شبك دينالي ,, الله لا يهينك بالاصلي .. بحيث لا يكون هناك شبكين بأي حال من الأحوال ..

صورة الزيت الموصى به وتأكد من وجود كلمة ديكسوس 1
http://forums.justcommodores.com.au/attachments/ve-holden-commodore-2006/127577d1318917719-acdelco-dexos-oil-imag0002.jpg


انتبة من تركيب مثل هذا الشبك فوق الشبك الاصلي للسيارة .. النتيجة أليمه جدا..

http://i65.photobucket.com/albums/h235/lilpates03/ExamplePics003.jpg

[* ابو باسل *]

الحرارة الى 120 طبيعي جدا ً

[first2oo2]

الحرارة الى 120 طبيعي جدا ً


الحرارة الطبيعية 79-93 ..
في حالة سحب مقطورة او صعود جبل .. الى 107 .. فوق ذلك الله يعين واحتمال الجير يتوضب .

[مخ سعودي]

الحرارة الطبيعية 79-93 ..
في حالة سحب مقطورة او صعود جبل .. الى 107 .. فوق ذلك الله يعين واحتمال الجير يتوضب .





كلام صحيح والافضل تركيب مبرد قير

[مكشآتي للآخر]

بس للتنبيه مثل ما كتب اخونا مكشاتي للاخر ..
اسمها ترانزمشن وليس ترانمشن

لاعتقد تختلف ترانزمسن عن ترانسمشن
ولاكن صحيح انا معـك في الاختلاف الا نهائي في كلمة ترانمشن
حرف ال (س) وال (ز) في الانجليزي والنطق العربي متقآرب
وإكبر دليل مثل كلمة ترانزيت
الكتابة
Transit
في حرف الاإس
شكرآ لك على التصحيح --