أفضل وأسرع وأرخص وأكفأ مناخ كفرات أستخدمته بدوووون مشاكل تذكر بالصور ,,,,,,,,, [الأرشيف]

مشاهدة النسخة كاملة : أفضل وأسرع وأرخص وأكفأ مناخ كفرات أستخدمته بدوووون مشاكل تذكر بالصور ,,,,,,,,,

كبسولة2

12/03/2011, 04:44 PM

بعد التحية والسلام

أخواني المكشاتية الكل منكم يعلم أن هناك أنواع كثيرة

جداً من مواطير الهواء

وفيها السئ وفيها الجيد وفيها القوي وفيها الضعيف

ولكن هل تعلم أن هناك منفاخ هواء

(ENGINEER POWER TIRE PUMP)

المنفاخ فكرته بسيطة جداً عبارة عن لي طويل في نصفه

ساعة ضغط طرف منه يشبك في مكان بوجي السيارة

والطرف الآخر يشبك في الكفر ويستخدم قوة دفع بستم

المحرك لتعبئة هواء للكفرات

وله عدة مميزات ومنها :

الرخص 25 ريال

القوة يرفع الكفر من ضغط 15 إلى 35 في أقل

من دقيقة واحدة فقط

الأعتمادية بدون أعطال تذكر

الحجم الصغير جداً

القوة ينفخ قوارب مطاطية وكفرات كبيرة وصغير بسرعة

مجرب وأستخدمه منذو أكثر من 10 سنوات وإلى الآن

وهذه صورة له

http://www.m5zn.com/uploads/2011/3/12/photo/031211040302wnhcbrm.jpg

http://www.anmar4u.com/viewimages/9f85c8ab69.jpg

وهذا كفر فيه تقريباً ضغط 15 PSI

رفعته إلى 35 في أقل من دقيقة تقريباً 50 ثانية

http://up.graaam.com/uploads/imag-5/10img101c8e5d101b.jpg

تفصل اي سلك بواجي وتفك البوجي وتركب الوصلة في

مكان البوجي وتشبك طرف الي في بلف الكفر المراد نفخه

وتشغل السيارة فقط

http://up.graaam.com/uploads/imag-5/10img10c9f91eb471.jpg

http://up.graaam.com/uploads/imag-5/10img109556e7da6b.jpg

http://up.graaam.com/uploads/imag-5/10img10cf6ca9418f.jpg

عـــــزام

12/03/2011, 05:06 PM

يعطيك العافيه ومقصرت على الصور

كبسولة2

12/03/2011, 05:08 PM

حياك الله ياعزام

وشاكر مرورك العطر دمت بود

شحرور الدهنا

12/03/2011, 05:54 PM

طيب تقطع المكينه ويمكن تطفي ولاماتشتغل!!!!!!!!!

NISSAN KSA

12/03/2011, 09:45 PM

الله يعطيك العافية

مجرب ويصلح لطوارئ

لكن سؤال هل له أضرار مع الاستخدام المستمر

حرب111

12/03/2011, 10:27 PM

عاشق vip

13/03/2011, 12:13 AM

ياليت يا الغالي تصغر الصور

ما نقدر نشوف زين

والله يعطيك الف عافيه

7ابو نواف7

13/03/2011, 12:16 AM

الصور غير واضحة لكبرها
ياليت تصغرها الله يعطيك العافية

كبسولة2

13/03/2011, 05:42 AM

طيب تقطع المكينه ويمكن تطفي ولاماتشتغل!!!!!!!!!

حياك الله بالنسبة لتقطيع المكينة

هي تقطع بس ماتطفي وإذا حسيت أنها بتطفي دوس لها بنزين شوي

وكلها دقيقة وأنت خالص بالتوفيق

كبسولة2

13/03/2011, 05:45 AM

الله يعطيك العافية

مجرب ويصلح لطوارئ

لكن سؤال هل له أضرار مع الاستخدام المستمر

حياك الله

لا ليس له أضرار تذكر أستخدمه من زمان ولم الاحظ شئ

كبسولة2

13/03/2011, 05:49 AM

'الله يعطيك العافية اخوي على الموضوع الرائع...

بس عندي كم سوال:

1- هل فيها ضرر على السيارة؟

2-هل قصدك نفك البوجيوالاسلاك ولا بس الاسلاك؟

3- واذا ممكن تقولنا اماكن بيعه؟

واعذرني على كثرة الاسئلة...

لا ليس هناك ضرر

تفك سلك البوجي بعدين تفك البوجي نفسه وتشبك طرف الي في المكينة

يباع عند أماكن بيع عدة السيارات ومحلات الزينة

من شمر

13/03/2011, 06:08 AM

hamido

13/03/2011, 08:31 AM

طيب انا سمعت انه تحوس توقيت التشغيل ... مادري عن هالكلام صحيح ام لا

قطب 999

13/03/2011, 09:05 AM

هالحين البوجي صار عزيز ما ينفك الا على سنع اما نفخ الكفرات خذ ماطور صغير للتعبئه للطواري اما اذا انك متعود على التنسم يكفيك ابو جمل

فاقدخوي

13/03/2011, 09:16 AM

ياخوك البوجي يبي له ورشه لين افكه
هذا كان يجي بلاش مع الهيلوكس81من الوكاله

majeds

13/03/2011, 09:29 AM

ماينفع للسيارات الجديدة
لصعوبه الوصول للبوجي
ايضا لوجود حساس استشعار حالة المكينه من حرق للبنزين وتوزيع الكهرباء قد يكون ضار
او اطفاء السيارة

تحياتي

الهر

13/03/2011, 10:23 AM

ماطور ماركة ساكا saca
وقد تغيرت الشركة إلى ابوجمل
يكفيك ابو جمل وقوة وسرعة
وكيله الشراع في الغرابي بالرياض ب 380ريال ونم ،،، وسوف تدعيلي ،،،

راعي طميه

13/03/2011, 02:42 PM

ياااااااااااااااقدمك قدماه الناس في تطور وانت ترجع وراء ليه وجع راس فك بوجي ركب بوجي هل حين عن طريق الولاعه

كبسولة2

14/03/2011, 09:51 PM

الله يصبحكم بالخير جميعا 0000000 هذي الطريقه من وقت بداية السيارات بالخمسينيات كالفروت وغيرها حتى التسعينيات واختفت حتى يومنا هذا الا قليل 00 وذلك نظرا لتكنلوجيا التى صعبت علينا الوصول بسهوله للبواجي من اجل تركيب البلف ثم اللي 0 وذلك لسيارات البنزين فقط اما سيارات الديزل فتشتغل على بخاخات ومن المستحيل تركيب لي عليها 00 ومن عنده احد كبير بالسن وسبق له قيادة السيارات القديمه وخاصة السيارات التي تدخل الصحاري فل يسأله وبفتح باب الذكريات00 شاكر للجميع

حياك الله أخوي من شمر

كلامك صحيح هي طريقة قديمة جداً ولكن ميزتها أنها بعد الله سبحانه

لا تخذلك أبداً أبداً فالماطور الي على الكهرب ياما غدر في ناس في أمس الحاجة

له كما أن هناك نقطه ذكرتها مهمة الا وهي أن بعض السيارات صعب الوصول للبوجي

تبعها بسبب مكانه البعيد ولكن أقول للي سياراته بواجيها سهل الوصل لها

فهو ممتاز وسريع جداً في نفخ الكفر ورخيص ولا يغدر بصاحبه مثل ماطور الكهرباء

تحياتي لك

سلكي نت

14/03/2011, 10:14 PM

من شريته للطواري قبل 11 سنه ما قد استخدمته ابدا
لاني اساسا استخدم ماطور ابو جمل
وبعدين اخوك كسلان جدا جدا جدا
وما فيني افك بوجي حتى اركب القطعة لان البوجي قد يكون حار جدا وايضا بعد النفخ تكون القطعة مولعة حرارة
ولكن ينفع للطواري
الله العالم وش بيصير من مواقف ويتعطل الماطور

فيصل 555

15/03/2011, 01:29 AM

يعطيك الف عافيه
صراحه فكره حلوه اقل شي تخليه معاك احتياط لو لا سمح الله خرب ماطور الهواء

Desert Ranger

15/03/2011, 03:53 AM

والله طريقة جدا ممتازة بس مشكلتها ماراح تصلح على السيارات الجديدة زي ماوضحوا الاخوان :(

عرهب

15/03/2011, 05:44 AM

يا أخي ذكرتني بأيام زمان يوم كان بوجي الددسن سهل تفكه بدقيقة وتركب اللي ويطلع صوت زي التقطيع عند التعبئة , هالحين البوجي صعب تفكه ما عاد هو زي أول , لكن موضوع طيب بارك الله فيك .

الصمان 2

15/03/2011, 06:12 AM

يصلح تخليه للطوارئ

لكن الاستخدام المستمر عندك أبو جمل أفضل وأسرع

الله يعطيك العافية .

.

راعي الرسيس

15/03/2011, 08:25 AM

ماشاء الله فكره حلوه جداجدا...

ALBDRANE

15/03/2011, 09:36 AM

الله عليك يا كبسولة ذكرتنا زمان أول (واحد شايب ) ههههه
في أحد ما يبي الراحة والسلامة ؟

الحين أبو جمل يغنيك عن كل شي في الماضي أذا جينا نفك البوجي تتحرق يدينا من القزوز والبلف حق الهوى
وأحيان ما ينفك البوجي الا بالعفرته وفيه ناس أنقطم عليهم البلف أو البوجي وتعطلو في البر يعني الدعوه وجع راس وقلق

لكن فرصة يتعرفون عليه الشباب الي ما لحقو عليه وتحياتي

على فكرة عندي مثله بالمستودع ولا رميته مع الأشياء الي في خانت الذكريات .

Mind

15/03/2011, 11:05 AM

طريقه ممتازه بس اكرر هل في ضرر على المكينه؟

HW80

15/03/2011, 07:02 PM

اخوي فيه نفس الحركه بس احسن بدون فك البوجي طريقتها مثل الماصورة عليها قفيز تركبها في الشكمان وتتفخ

كبسولة2

30/04/2011, 10:21 PM

حياكم الله اخواني المكشاتية

alwssam6

30/04/2011, 10:31 PM

يعطيك العافيه بس الصور كبيره بالحيييييل

المهاجر انا

30/04/2011, 11:03 PM

انا ما انصح بها لاني اتوقع انها تتلف المكينه مجرد ري لا غير

كبسولة2

28/09/2011, 06:42 AM

نتقبل رايك والراي الاخر

وما أكتبه هو حصيلة تجربة سابقة وإلى الآن لم الاحظ لها أضرار

تحياتي لك

خشير الذيب

28/09/2011, 07:20 AM

بيض الله وجهك ياكبسوله ولو يشيله الانسان معه للطواري ذكرتني والله على بالي من مده اشريه

رحال7

28/09/2011, 01:41 PM

كنا نستخدمه مع الموديلات القديمه ولا مشكله على الاطلاق..اما مع الموديلات الحديث فلا اعلم ولكن لما لا؟ ففى الحاله الطارئه لا خيار!

ذكرتنا بالماضى بارك الله فيكم

كبسولة2

01/10/2011, 11:59 PM

حياكم الله نعم حجمه مناسب وينفع وقت الحاجة

DNA

02/10/2011, 01:25 AM

الله يعطيك العافيه اخوي بس المشكله انك تعبي هواء جاي من المكينه يعني انك تعبي خليط الهواء والبنزين واحتمال ان الكفر ينفجر اذا جاته حرارة مع جونا هذا الحار.
ويعطيك الف عافيه اخوي