نصيحة لوجه الله (لاتركب اطار ميشلان)

[ysad]

السلام عليكم
اخواني ركبت كفرات ميشلان للجمس والظمان غير محدود مادام الاطار راكب في السيارة وفية زرعة اخترب الاطار الاول وكنت في جدة وذهبت الى الوكيل الرئيسي الجفالي وقالو لي هذا لايشمل الظمان !!!!!!! اتريد ان نكنس لك الشوارع - والاطار الثاني كان قبل اسبوع في الدمام ولطف الله سبحانه وكدت افقد عائلتي لولا لطف الله - فقد انسلخ الاطار بالكامل وذهبت للوكيل في الدمام (الجفالي) وانا على قناعة تامة باني لن احصل منهم على حق او باطل حيث قالو لي هذا لايشمل الظمان -- انا لااعلم ماذا يشمل الظمان --------------------- حسبي الله ونعم الكيل

للمعلومية انا راسلت الشركة المصنعة وفي انتظار الرد وسوف اطلعكم على الرد انشاء الله

انظرو الى صور الاطار اسفل[/size]

:no2: :no2: :no2: :no2: :no2: :no2: :no2: :no2:
http://www.geocities.com/sap2006/tire3.jpg

[خشكاري]

والله أنك صادق ونصيحتك في محلها . . .

أخوي أخذ له فورد فكتوريا وكالة وجاني ذاك اليوم مطنقر سألته خير وش السالفة أشوف الوجه قافل . . طلع زعلان بسبب بنشر والكفر ميشلان جديد بشعره . . ووالله العظيم انه بنشر من قطعة خشب كبر صبعي . .
بصراحة طاح من عيني الميشلان بعد ماشفت البنشر . .

الله يعوضك واللحمد لله على سلامتك وسلامة العائلة الكريمة . .

بس تكفى حاول تعلمنا برد الشركة بخصوص موضوعك ولاعليك أمر . .

[فهيد711]

تشكر اخي العزيز
بتوضيح سوء الصنعة
بالنصيحة وحرصاً على اخوانك من ان يحدث لهم مكروة لا قدر الله

وتقبل تحياتي

[ناصح]

وعليكم السلام ورحمة الله وبركاته

نصيحة لله نشر الموضوع في المنتديات لا يكفى لكن راسل الوكالة الأم وراسل وزارة التجارة وحماية المستهلك

والحمدلله البريد الاكتروني سهل المراسلات ولا تسكت أبدا لأنك سوف تنقذ الكثير من المسلمين بأحتسابك .

والله يقويك

[غالي]

الحمد لله على السلامه اخوي وسلامة عيالك هذا اهم شيء
وفعلا هالديره مستهدفه من الاعداء الي ماهمهم الا المكاسب فقط وضر اهلها حسبي الله عليهم ونعم الوكيل

لو المسأله مسألة دراهم تهون رغم انها تبط الكبد ،،،، لكن الارواح الي راحوا الاف البشر بسبب الكفرات

الله يعينك وينصرك عليهم اخوي اللهم امين

[ابو سعدون]

الحمد لله على السلامه
والله يعينك ومو انت اول واحد تصيرك هذي السالفة .
انا واحد رحت للوكالة { هونداي } اطلع جيب تيريكن لوحد من اخواني يوم تعديت الوكالة 15 كيلو بنشر واحد من الكفرات على العلم انه اول من مشى بالجيب هو انا يعني ما نزله من التريله الا انا والبنشر جاء بدون :confused: لامسمار ولا خشب تعرضلي كذا من حاله

[ابو ساره 999]

الف الحمد لله على السلامه انت وعائلتك الكريمة وماتشوف شر ومشكور على النصيحه الثمينه

الكفرات الممتازه حسب رائيي الشخصي ...... هانكوك ............... يوكوهاما .... وقل على باقي الكفرات السلام

[ابو وطبان]

الحمد لله على السلامه انت وعائلتك وماتشوف شر ومشكور على النصيحه الثمينه والعاقل من يتعظ

[طحنون]

اولا الحمد لله على السلامه
يا اخوان كم مره ينكتب مثل هاذي المواضيع عن كفر المشلان
لاكن قليل من يقتنع من اراء الاعضاء ونصايحهم وهي من سابق تجربه شخصيه اومن صديق اوقريب
اخواني انا واعوذب بالله من كلمه انا
اقود سياره من يوم كان عمري 12 سنه
وشريت عده سيارات جيوب ونيتات وسيدان
لاكن ماشفت مثل كفرات الدانلوب والتويو
كفرات بكل ماتعنيه الكلمه من كفرات
وعلى فكره ما امدح الكفرات ألامن سابق عده تجارب مع كافه الانواع الموجوده عندنا بالسوق وبدون مبالغه يا اخوان
الكفرات السيئه جدا
ولا تستاهل ولا ريال يندفع فيها
لاكن لايزعلون اصحاب السيارات الامانيه
اولا .........المشيلان
ثانيا..........البريلي
ثالثا.........الكونتننتال
رابعا.......الفايرستون
خامسا......القوديير
سادسا.....برجستون

هاذي الانواع لاتقربها لوتاخذاها مجانا
والكفرات الزينه
1.. الدنلوب
2..التويو
3..الجنرال وهويعتبرالكفرالوحيدالجيدفي السوقوماني متأكد هل هو امريكي اوياباني
4..اليوكهاما
5..الفالكون
6..المكسس بالنسبه للبالون يعتبرجيد نوعا ما
هاذي بعض الانواع الممتازه اللي اذكرها
واللي عنده زياده من خبرات ونصايح لايبخل علينا بها
ويااخوان نصيحه المشلان والبرلي لاحد يقربها
أكيد ان فيه بعض الاخوه عنده مرسدس اوبي ام ولايبقى يركب ألا مشلان او بريللي
لان مواصفات المانيه وسرعات عاليه
فيه نفس المواصفات موجوده في التويو والدنلوب
وعلى فكره كفرات ناعمه جدا في الخط والمطبات
والبطناج
اخوكم طحنون

[ريع الدياب]

بسم الله الرحمن الرحيم
السلام عليكم ورحمة الله وبركاته

الغالى ysad

أولا الحمد لله على سلامتك والعائلة
والله يعوضك خير عن الكفرات التالفة

ما عندى خبرة بالميشلان وأتخيل أنها سيئة كما قلت
وربما اطارات أخرى معينة تكون أفضل منها مثل يوكوهاما ودانلوب

ولكن المشكلة فى وكلاء الكفرات عندنا ... الضمان سهل يعطوه
ولكنه ضمان على لا شئ .....
نفسى أسمع عن واحد استفاد من ضمان أى كفر !!!!
أى كان سبب شق أو انسلاخ أو انفجار الكفر ... دائما تسمع ... لا يشمله الضمان

أرجو من كل أعضاء مكشات أن يفيدونا اذا أحد استفاد من ضمان كفر أى شركة
والله ان ضمان الكفرات هذا شئ يقهر

[الشقردي]

اتوقع انهم يفكرون ان الضمان بس للكفرات اللي تصعرر (تحبل) يعني تنتخف من أحد الجوانب وحتى لوصار كذا مايعوضونك بكفر جديد لكن يقولون انت استهلكته ويبدلون لك الكفر بجديد مع دفع الفارق

[ولـد نـاصـر]

السلام عليكم ورحمة الله وبركاته

حي الله كل بإسمه

في الحقيقية أنا مستغرب من كلام أخي طحنون بخصوص كفرات مشلان وكفرات قوديير لأني منذ أكثر من 20 سنة وانا أستخدم هذه الكفرات بالذات ولله الحمد والمنة لم أجد منها مشاكل أبدا والآن لدي سيارتين جميها بكفرات قوديير ، وحده من هذه السيارات لها أربع سنوات الكفرات راكبه فيها وماخالفت معي أبداً سوى كفر واحد فقط قبل شهر تقريباً ( هذه السيارة أستخدمها داخل المدينة فقط) .

وعلى طاري الكفرات ومشاكلها إسمعوا هذه القصة والتي حصلت لي شخصيا مع وكالة الجميح ، حيث شريت سيارة من عندهم وبعد ماطلعت السيارة لاحظت في الكفرات الأربع كلها طعجة ( إنثنائة ) ، وعندما أخذتها للوكالة قالوا لي بأن هذا شيء طبيعي وحاولوا يزحلقوني بس أنا نشبت لهم ، وأخذوا يماطلوني كثير ، وفي الأخير قالوا لي الكفرات لايشملها الضمان عندنا إذهب لوكيل الكفرات ، قلت لهم ومن هو الوكليل قالوا لي العبدالقادر ( إن لم أنسى إسمهم ) ذهبت للعبدالقادر فقالوا لي هذه الكفرات كنا وكيل لها ولكن لم نعد كذلك ، وقالوا لي أيضا بأن هذه الكفرات لاتصلح في المملكة وسببت مشاكل كثيرة وخسائر في الأرواح والسيارات ، فأخذت التقرير منهم وذهبت لوكالة الجميح ، فأخذوا يماطلون كثير ، وبعد شهر كامل أرسلت للوكيل الإقليمي في دبي إيميل أشرح المشكلة لهم ، ثم عندما ذهبت من الغد للوكالة إستقبلوني إستقبال حافل وأعطوني ورقة بتغيير الكفرات من أي نوع ، وفعلاً تم ذلك ولله الحمد والمنة .

نصيحة لكل شخص يجد مشكلة مع الوكالة سواء وكيل إطارات أو وكيل سيارة ان يراسل الشركة الأم فهم حريصين جداً على رضى العميل بعكس الحرامية من الوكالات .

والسلام ختام

[بريق كشته]

والله يا شباب صارت معي مشكلة مع كفرات ميشلان
معي فورد كفراتة من الوكالة ميشلان ابو خط مع الجنب ضعيف
اكيد ما اختارت الوكالة شي بة عيب
بعد مرور فتره اقل من سنة
واحد من الكفرات طلع فية صعرور (ما طلق على الورم براسك بعد تعرضة لاصابة بعلبة ببسي حديد الجميح سابقا)
راجعت الجفالي ومعي كرت الضمان وكشف علية وقال خلل مصنعي ولازم ناخذ الكفر القديم ولازم تغير الكفر من عندنا ونخصملك الاستهلاك دفع 175 ريال قيمة الاستهلاك والا ما لك عندنا شي
قيمة كفر البريدجستون ذاك الوقت 180ريال قلت ياولد ما له داعي تركب ياباني وتخرب عليك الطقم
وبعد شهرين او ازود شوي طلع بالكفر الثاني صعرور مثل ما جا الاول رحت لهم وغيرو الكفر ودفعت الفرق حوالى ال 200
وعد فتره وصعرر الثالث قلت يا ولد ما يبيلها غيرت كفرين بريدجستون وخليتهم قدام
والميشلان اللي استبدلهم الوكالة ورى ورميت الخربان على الوكالة قلت ابي كاش قالو ما عندن لك شي
وبع ما خربو طقم كامل من بريدجستون
ومن وقاقع خبرتي
احسن كفرات للامريكي هي بريدجستون
ما ينسلخ الا بامر الله
يكرف لين يتسحت ولا تلقى لة نقشة ابد وزي ما هو تيوبلس
ما لة ونة ولا ينشف بجونا
و
و

[Waleed1]

السلام عليكم

أنا والدى شرى مشلان فرنسى النوع وليس كندى نوع أ المقاوم للحرارة سعر الحبة 480 ريال ولها ياطويل العمر سنتين وحقيقة أكثر من رائعة قوة وليونة، عندى أخوى كذلك ركب مشلن فرنسى على الكروزر نوع أ بحول 500 ريال للكفر ولها اللحين من الشتاء الماضى يعنى من بدايت السنة وزى الحلاوة وجدها أفضل من الدنولب.

القوديير كفر ممتاز. أنا زميل لى شراة من الوكيل وربك ستر بغى يفقد حياتة على خط الطائف عموماً الكفرات أنواع وأشكال ويبى لك تعرف النوع المتاز والمناسب مع لبيئتنا ومن نفس الشركة.

أخى غالى واللة ماأحد مستهدف الناس كثر تجارنا اللى واللة حتى المصانع برى خربوها ببضاعة من ماركة معروفة وتجدها من أردى الانواع يشترون بضاعات ببخس بثمن بسيط ويربحوح 500 %

وشكراً للجميع

[رهف2006]

دنلوب
يوكوهاما

[طحنون]

اخوي والد ناصر
في كلام سابق عن الكفرات المشلان والبريللي
وكتبت في ردي
ان الكفرات الميشلان والبريللي ماركات لا يعلى عليها وهي في القمه
لاكن هاذ الكلام اكثرمن 10 او15 سنه كانت في عز جودتها ولاغبارعليها
اما الان مع كثر الطلب عليها وفتح مصانع خارج اوروبا
لتفي متطلبات اسواق الشرق الاوسط اللي تعتبر اقل مستوى من ناحيه العالم اجمع
واصبح اقل جوده لان الموادالخام الاصليه تصنع للسيارات الاوربيه في اوروبا
لان عندهم حمايه مستهلك ويخافون من اي قضيه ترفع لهم لاكن انت في دول عربيه مالك ألا ان ترضى باللي عندك فقط لاغير
ابي أسئلك سؤال.........................................
طبعا هاذا الكلام عندنا
اذا شريت كفرات جديده من الماركات العالميه المعروفه
اومن الوكيل نفسه
أقراء خلف الفاتوره من شروط مابعد البيع او تغطيه الضمان
وأسأل نفسك والموظف اوالمسؤل
هل هاذا الكلام يتم تطبيقه حرفيا طبعا لا
لماذا لان مافيه حمايه مستهلك ولا تقدرترفع قضيه ضدالوكيل لان ماطبق شروط الضمان ولا الشركه المصنعه
وذا تذكرفضيحه كفرات ....فايرستون وش اللي صارفيها اللي صارت باامريكا
واللي تظررومن الكفرات تم تعويضهم كلهم
لاكن هنا مين اللي يعوظك عن مشكلتك سواء كفرات اوغيره
اخوي ولد ناصر
التجارب خيربرهان
صدقني فيه عندنا مشاكل كثيره من ناحيه التجاره في جميع المجالات
والسبب المستهلك لان ليس له صوت ولان يسمع صوته
ارجو اني ماطولت
عليكم
اخوكم طحنون

[LAND CRUSER]

السلام عليكم ورحمة الله وبركاته
وبعد اسمحوو لى بإدلااء دلوى من ناحية الاخ اللى سلخ عليه الكفر يااجمااعة يمكن يكون سووء التخزين وغالبا ماتخزن الكفراات بالهنااقر اللغير معزوله ولذلك تتعرض لحرارة الشمس غير المباشره وتتعرض للتلف وضعف تماسك ومكوناات الكفر بسبب الحراره ولدينا شمس تذيب الصخر0
وأحسن نوع إستخدمته فى الكفرااا ت وخاصة الجيووب ولله الحمد لم اذكره يووم ضرب او سلخ الا وهى كفرااااااااااااااااااااااااااااااااااات


دنلووووووووووووووووووب

[فتى نجد 83]

السلام عليكم ورحمة الله وبركاته

يا شباب الكلام هذا غريب جدا وانا ابي اسألك يوم شريت الكفرات هل هي من الوكيل ولا من محلات البنشر



ثانيا لمن يتكلم عن البريلي صح انه عندهم مصانع ثانيه والكلام الذي منه

انا انسان اشترى كفراته من الوكاله وطبعا سعرهم اغلى من المحلات لكنهم كانوا واضحين من ناحية اماكن التصنيع و الجوده لانه كل شي له سعر انا اخترت الالماني طيب طيب بعد ما استخدمت الكفرات لفتره 3شهور طلعت رجه غريبه رحت لهم رصصوها من جديد وعادي ولا علي ولا ريال طيب عندي الفورد بعد مركب له لكن الفورد سوله ترصيص وما نفع على طول اشوفهم جايبين كفرات جديده ويركبونها قدام انا طبعا انهبلت وش القصه هي الدعوه تلبيس طربوش وخصوصا ان الكفرات لها 8 اشهر مستخدمه قالولي لا هذه على الضمان لان الاحتمال ان المشكله في الكفرات انت ماعليك كمل قهوتك وحنا انشاء الله خالصين

فلو سمحتم الي يبي يسيئ لسمعة اي شركة اتمنى انه يراعي الدقه والتأكد وانه فعلا جرب الاصلي

[أبو أسامة]

السلام عليكم ورحمة الله وبركاته

الحمدلله على السلامه ....................

أخواني أنا تقريباً قبل سنتين طقمت لجيبي ميشلان 4*4 فرنسي درجه أولى ......... طلعت أطعس على الجيب وطبعاً نسمت الكفر وفجأة طلعت وحده من الكفرات من الجنط يعني صار نصف الكفره في الجنط والنصف الآخر برى في الهواء رحت للجفالي قالي هذي ماهي على الضمان ...... جلست أفكر مع نفسي مره أقول معه حق لأني منسم الكفر ومره اقول لا لأن الكفر ماكمل أسبوع ......ثم أضطريت أشتري أختهن عشان مايخرب الطقم .......... ثم بعد مده ليست بالطويله كنت أتمشى وأشوف أثر الأمطار والخير ثم نسمت معي وحده من هالكفرات اللي هي 4*4 أنهبلت ماني مصدق أن اللي تسبب بذلك شوكه من قشعه دخلت مع الجانب السفلي الخارجي للكفره !!!!!!!!!!!!!
وين راحت 4*4 رحت الوكاله وكالعاده قالي هذي ما تدخل ضمن الضمان ......... مع العلم أني بعت الطقم بـ110 ريال رغم أن ضمانها على كلام الوكاله مفتوح وأنا أخذت الوحده منها بـــ475 ريال ............

ملاحظات ::
من تجربتي لهذا النوع من الميشلان لا أنصح به إلا لمن يحب السرعه ........ فقط .............. وللمعلومية النوع هذا مزعج تسمع صوت الكفر وأنت داخل السياره ... وقاسي على عيون القط تحس أنك أخذت مطب ......................

أخذت الهانكوك والله ناعمه وممتازه داخل البلد لا صوت كفر ولا مطبات عيون القط و سعر الكفره الواحده منها بـ240 ريال ......... بس عيبها واطيه بالبر لأن إرتفاعها صغير ......... يعني لو أنسمها ماراح يبقى على البدي ويحك بالأرض شيء.. ومقاسها للمعلومية .....(235/60/16) وأبي أغيرها إلى مقاس (225/70/16)بس ما يكون أمريكي مقطاع البضائع الأمريكيه يا أخوان أبي واحد يدلني ..........

وجزاكم الله كل خير

[الرجه الدجه]

السلام عليكم
يا شباب المثل يقول نصيحة مجرب ولا نصيحة طبيب ( الظاهر المثل كذا ؟؟؟ ) هههههههههههههه
غير دنلوووووووب لا تدور جيده بكل معنى الكلمه في كل النواحي خط بر مطب مطر اللي ودك
والسلام ختام

[بو خليفه]

للأسف ميشلان في المملكة لا يوجد عليهم ضمان و الأصلى غير موجود و الآن كله تجاري يحمل الاسم و يباع بقيمة أصلي
فاشتر هانكوك كوري أصلي بنصف القيمة و بدله و هادئ و جودة عالية
و كانت سيارتي كفراتها ميشلان للأسف ذهبت إلى موقع صخري و تشقق الكفر و راجعت ميشلان يقولون سوء استخدام لأنك لم تستخدم الكفرات في الزفلت و قلت للمندوب هذا جيب و الكفرات مخصصة للدفع الرباعي و هي مخصصة للرمال و الجبال الكفرات و بعدها ركبت هانكوك و أنا الآن لا أبدل إلا هانكوك فقط

[ابو شكاع]

أخوي الحبيب
أول شي الحمد لله على سلامتك أنت والعائلة الكريمة
ثانيا
أنامن سنة وتقريبا 11 شهرمركب كفرات مشلان طراز أو موديل سانشيرون فرنسي من بلد المنشأ على اليوكون
ولله الحمد ممتازات
يعني الحين بيكملن سنتين
وأعطيهن زيادة تقريبا 4 شهور وبعدها لابد أني اغيرهن
لكن أنا مرتاح لهن
وممكن فيه أحسن منهن
وسعر الواحد 480 ريال
ومشكور

[أبو أديب التميمي]

تبون الكفرات المضبوطة هـــانـــكـوك ولا تشاور !! سيارتي كامري جربت عليها التويو ما نفع بهذلتني بالمسامير والترقيعات !! جربت الفالكون وزينة شوي ما لحظت عليها زود مشاكل !! وجربت الهانكوك والصراحة اثبت الكفاءة صحيح انه كوري بس مصنوع صح !! ومواصفاته صح !! والله اني اطامر بها في التربان ولا رحمتها ولكن ممتازة وبس !!

بعدين اللي يبي يشتري كفرات !!

يكون يعرف الكفر كم السرعة المسموح انك تمشي عليه لأن فيه بعض الكفرات ما تمشي عليه اكثر من 180 وبعضها 220 وبعضها 260 وبعضها يتحمل حرارة وبعضها ما يتحمل كذالك الحمولة بعضها يتحمل وزن زائد وبعضها ما يتحمل وبعضها يسبب انزلاق وبعضها لا . وانتبهوا لتاريخ الانتاج !! لا تشترون كفرات منتهية !!

ولو تلاحظون ان الكفر يكون على جوانبه كتابات انجليزي وحروف وكل هاذي هي المواصفات للكفر !!

انا خابر فيه ورقة عندي تعلمك وش معانيها !! إذا لقيتها ادرجتها لكم ,,,,

وما تشوفون شر

[مأيـغـرّز]

استغرب والله يا اخوان كلامكم عن المشلان انا واحد ما اركب الا ميشلان ومن عمر بس ترا يا اخوان الاستخدام ترا يحكم والله لو اتركب فولاذ فيه ناس والله يقطعونه بس ترا الميشلان ما عمره خون فيني ولا اشوف حتى البنشر منه وكل سياراتي ميشلان والله لاهو مدح فيه ولا شي وافضل من الدنلوب وتوابعه ميشلان والحافظ الله

[al-nashmi]

اخونا صاحب الموضوع
اخواني الكرام
انا جربت عدة انواع من الكفرات، وكان افضالها:

التويو كفر ممتاز في الخط والحصى بس غيبة في الرمل قاسي
الدنلوب نوعا ممتاز بس عيبة له صوت وقاسي في المطبات وفي الرمل ثقيل شوي.
البرجستون القديم دمار.... لكن النوع الجديد اللي يجي على الجيب الكزس والفكسار 2005 البريمي (مدري عن السعودي) نوعية ممتازة..

واخيرآ ركبت ميشلان 4*4 سنكرون فرنسي ب500 ريال للكفر الواحد الله لا يخسر، والى حد الان الوضع ان شاءالله زين، جربتة خطوط وصحراء ورمال ممتاز له الان تقريبا 6 شهور.......


اخونا أبو أسامة...

والله كلامك ما يطمئن ؟؟

اخوي يوم طلع الجنط من الكفر كم كان ظغط هواء الكفرات؟؟؟

والشئ الثاني وهو المهم كيف الوكاله يقولون ما يشمله الضمان وضمانهم مفتوح على الكفر ،،، خاصة انه يمكن الكفر فيه عيب مصنعي اللي هو قد يكون فتحة الكفر اللي يدخل بها الجنط اكبر من 16 انش؟؟؟؟؟ وهذا لو حصل عيب كبييييييييييير....

اخي أبوأسامة ردك مهم بالنسبة لي..

وتحياتي للجميع

[أبو أسامة]

السلام عليكم ورحمة الله وبركاته

أخي الكريم النشمي ضغظ الهواء كان على 15 تقريباً ........ أما الوكاله ليش قالوا لي مايشمله الضمان لأنهم طلبوا من المهندس اللبناني اللي عندهم يشوف الكفره اللي صارت عليها المشكله يوم شافها قالي هذا سوء إستخدام .......... قلته الكفره ماكملت أسبوع
وإذا كان سوء إستخدام ليش الباقيات سليمات ........ قام يتفلسف علي أني أنا قلتله أني كنت منسم الكفر وهذا سبب خرابها ........
ظنيت أني أبي أقنعه وقلتله إذا بغيت أتمشى بالنفود ما أنسم عزالله ما تمشنا إلا غرزنا وكسرنا الموتر قالي الكفر جديد المفروض مانزلت به للبر ....................!!!! قلته أخذت ميشلان 4*4 ما أخذت كفرات رياضيه ........ قالي ولو .....................

وووووو آخر شيء أخذت من عندهم كفره جديده عشان الطقم مايخرب ............ لكن بعد ماغيرت الميشلان بالهانكوك حلفت ما أرجع أشتري ميشلان مره ......... قال ضمان مفتوح والله من الكذب .............

آسف على الإطاله .............

[فتى نجد 83]

يعني انت معترف انك اسأت استعماله لكن الي قهرك الحزه بالنفس لانه جديد صح

وبعدين كان المفروض انك تشرط عليه ان الكفر الي تاخذه يكون للاستخدام في المناطق الوعره ويكتب الميزه هذه على الفاتوره وبكذا ماله وجه انه يقولك شي انا مسوي كذا مع البريلي وما قالو شي لكن المشكله انه مزعج حبتين لكن على الرمل ماشاء الله ما فيه شي .

وبعدين يا شباب متى ودكم تحولون لانظمة الدفع الرباعي الجديده صح انها كمبيوتر لكن ماتحتاج انك تنسم لان الدفع محسوب على كل كفر مهب زي الانظمه القديمه

[al-nashmi]

[quote=أبو أسامة]السلام عليكم ورحمة الله وبركاته

أخي الكريم النشمي ضغظ الهواء كان على 15 تقريباً ........ أما الوكاله ليش قالوا لي مايشمله الضمان لأنهم طلبوا من المهندس اللبناني اللي عندهم يشوف الكفره اللي صارت عليها المشكله يوم شافها قالي هذا سوء إستخدام .......... قلته الكفره ماكملت أسبوع
وإذا كان سوء إستخدام ليش الباقيات سليمات ........ قام يتفلسف علي أني أنا قلتله أني كنت منسم الكفر وهذا سبب خرابها ........
ظنيت أني أبي أقنعه وقلتله إذا بغيت أتمشى بالنفود ما أنسم عزالله ما تمشنا إلا غرزنا وكسرنا الموتر قالي الكفر جديد المفروض مانزلت به للبر ....................!!!! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


تدري بأبواسامة اني جتني حموضة وحسيت بالقهر من رد اللبناني النصاب..... قال ايش الكفر جديد ما تنزل به البر.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


نعنبو ابوك واللي جابك تبينا نمشيه لمدة سنه على رخام وزل شيرازي.!!!!! هذا مجنون او نصاب

وقالوا ايش قالو مهندس..........

اهه يالقهر..

تدري وين المشكلة المشكلة في وزارة التجارة... وحماية المستهلك هذولا يحمون التاجر مو المستهلك... والمفروض القضايا اللي مثل هذي الواحد يقدم على أدارة حماية المستهلك وهم يتولون الموضوع...

والمفروض انك مرسل رساله الادارة الاقليمية للوكلاء او الى الشركة الام وتشوف وش يسوون في الوكيل اللي عندنا، المشكلة ان شكاوي المستهلكين عندنا ما تاصل للمصنعين... والوكيل يقول لهم كلش تمام يافندم....

[صالح نـــاجي]

ابو اسامة
جزاك الله خير على المقاطعة
مثل ماقال اخوي الدجه الرجه
السلام عليكم
يا شباب المثل يقول نصيحة مجرب ولا نصيحة طبيب ( الظاهر المثل كذا ؟؟؟ ) هههههههههههههه
غير دنلوووووووب لا تدور جيده بكل معنى الكلمه في كل النواحي خط بر مطب مطر اللي ودك
والسلام ختام
ما اقول الا من يحمينا من حماية المستهلك فهم يحمون التاجر من المستهلك

[راعي العوجاء]

ما رد صاحب الموضوع وش صار مع الشركة الام ؟

[Waleed1]

السلام عليكم

أحسنت ياأبو خليفة، المسعورين يشترون بضاعة يقولك أصلية ولاكنها مضروبة وتحمل أسم ماركة علشان الاخ مو عاجبة ربح 100% او 200% يبى أربعمائة فى المئة ولاحمايتى ولاحمايت مستهلك

حسبى اللة عليهم لاكن اللة عليهم بالمرصاد يوم لاينفع مالاً ولا بنون ألا من أتى اللة بقلبٍ سليم.

وشكراً

[محب الشمال]

الحمد لله على السلامه اخوي وسلامة عيالك هذا اهم شيء
وفعلا هالديره مستهدفه من الاعداء الي ماهمهم الا المكاسب فقط وضر اهلها حسبي الله عليهم ونعم الوكيل

لو المسأله مسألة دراهم تهون رغم انها تبط الكبد ،،،، لكن الارواح الي راحوا الاف البشر بسبب الكفرات

الله يعينك وينصرك عليهم اخوي اللهم امين


كلامك سليم يا غالي ميه بالمية
بس فيه ملاحظة يا اخوان الحين ميشلان معروفة بس انا سمعت انه يتصنع في دبي وماليزيا
وحسب معلوماتي ان الاصلي يصنع في البروازيل وزي ما قال الاخ غالي صارت للاسف سوقنا لكل بضاعة مقلده وفي اعتقادي والله اعلم وحسب اخر الاخبار ان حوالي 99% من بضايع اسواقنا مقلده

[الغرش]

السلام عليكم ورحمة الله وبركاته
قبل كم يوم اشتريت سيارة جيب وغيرت الكفرات ولكن قبل ما اغيرها لفيت شارع الغرابي ثلاث مرات أسأل واستفسر واتحرى الدقة بلإختيار وأخيراً رسيت على ( دنلوب ) وتوكلت على الله ومسكت فيها خط وجربتها بالدهناء والحمدلله كان اختيار موفق لأنها لينه ومريحه جداً وصناعتها يابانية وكالعادة أفضل من الأمريكي وحسب خبرتي السابقة أرى أن كفرات ميشلان سمعتها جيدة بعكس الزفت فايرستون سيئة جداً .. والله أعلم

[slagoro]

السلام عليكم ورحمة الله وبركاته

اسمح لي اخوي اللي تقول general & youkahama هم من افضل الكفرات ان اخالفك الراي عن تجربة شخصية.

انا شريت جمس من الجميح (حسبي الله عليهم) هذم ماهي وكالة هذا ممكن اقول عنهم نصابين(حكاية طويلة ماهو بوقته الحين نتكلم عنها)

كانت الكفرات general حذرني زملائي منها لسابق خبرتهم بها. المهم بعد ما كملت الألف والسيارة ترج والسرعة ما وصلت المية. ويوم مارحت وكالة النصب قالوا ابدا مافيها اي مشكلة. المهم اخذتها ويوم انا رايح لينبع الا وقطعة من الكفر بحجم الكف تنسلخ. وصلت ينبع وغيرت الاحتياطي.ويوم ما رجعت جدة وحجزت عند النصابين وقابلت مدير الصيانة الله يكافيه، رد علي ببساطة الكفر ما منه خوف وقتها عصبت وقلت اليهود يمكن ما يسووا سواتكم ما تخافوا الله الكفر لو انفجر مين المسؤول (هذا لسة والسارات ما كملت شهر يعني لو كان الضمان منتهي كان طردوني من وكالة النصب

بعدها كلمت الشركة بدبي وشكيتهم اتصلوا علي وغيروا الكفرات بكفرات يوكوهاما ( عشان الجميح وكيل الكفرات هذه). وبعد سنة ونصف حبلت هذه الكفرات وانا يا ناس ما اروح البر الا مرة بالسنة.


الآن انا مركب ميشلان واشوف انها قاسية شوي ماهي مثل الهانكوك لينة بس انا رحت لدنلوب ابي اركب دنلوب لكن الفني يوم ما سألته النصيحة لله قال لي روح لميشلان. هذه قصتي شوفوا ايه رايكم فيها وبخصوص الكفرات وسلامتها ارفق لكم هذا الملف بصيغة الباور بوينت ان شاء تستفيدوا منه.

[القماري]

أعتقد ان الموضوع يخص نوعية معينة من كفرات ميشلان
بصراحة أنا مركب كفرات مشيلان منذ 3 سنوات تقريبا على سيارتي باترول
وأسبوعيا أذهب للبر والطعوس تقريبا (صيف وشتاء) وأستخدم السيارة للذهاب للعمل يوميا تقريبا مسافة 80 كلم وللآن بفضل الله لم الحظ أي مشكلة معي (يمكن بسبب المدة بدأت الكفرات تهتري نوعا ما ولكن بشكل عام لا مشكلة ظاهرة وحتى إن ظهرت بعد هذه الفترة فالأمر طبيعي)
أنا لأ أنصح بتركيب نوعية معينة أو أذم في ماركة أخرى (قد يكون أن الإطارات التي ركبتها قديمة مخزنة في مكان غير مناسب أو بطريقة غير مناسبة وقد يكون عيب تصنيع في موديل معين وقد يكون لسؤ إستخدام معين ) أما أن يكون تعميما (مدح أو ذم ) فهذا منظق غير سليم.
قرأنا في بعض مشاركات الأخوان (مدح لنوعية وذم لنوعية أخرى) هذا كلام غير صحي . التجارب وكثرة الأعطال لمجموعة كبيرة من المستخدمين وبعد الفحص والتدقيق ودراسة من المواصفات إن وجدت (هي الأنسب لرفض منتج معين ) كما حصل مع فايرستون (كان العيب في موديل واحد) ولم يكن في كل الموديلات .

[الورد]

فعلا الميشلان غليه على غير سنع خذ يابانى ارخصلك واحسلك والله الحامى

[s3ed]

السلام عليكم ورحمة الله وبركاته

اول شي الحمدلله على السلامة لك ولعيالك ياخوي


انا بخبرك شو القصة مع الميشلان

وانا مالي مصلحة ولااني وكيل ولا موزع

الميشلان ياطويل العمر من افضل الاطارت الموجودة واقدمها

بس المشكلة في اللي يبيعون هالتواير

المصنع ينتج الاف الاطارات يوميا وعشان الجودة يتم فحص كل اطار ف من بين هالاطارت يكون فيى انواع فيها خطأ تصنيعي Factory defect

والمفرض تنعدم

بس فية وكلاء يشترونها بأرخص الاثمان ويبعونها على الناس ويحلف لك انة اصلي وصدق انة اصلي بس فية عيب تصنيعي


مشكلة المشلين انة مايتأكل لمدة طويلة حتي 5 سنوات على الاستعمال الجامد وفية حد من الناس مايبدل التاير الا طلعت عيون التاير وحديدة

والمفروض تغير الاطار كل 50 الف بأقصي حد


طولت عليكم

[حـاتـم]

اولا الحمدلله على السلامه اخوي واهم شي العافيه


وثاني شي

انا ماقد جربت الميشلان بس انا الي اعرفه انها غاليه جدا سعر الكفر الواحد مقاس 275/70/16
500 ريال على خبري

لكن انا الكفرات المفضله عندي
الدنلوب 275/70/16
لانها بجد تصبر


وشكرا


اخوكم / حاتم

[رحال7]

الحمد لله على السلامه والحافظ الله

عندما تشترى كفر يجـــــــــــــــــــــــب عليك التأكد من تاريخ الكفر وهو ياتى فى شكل رقم يمثل السنه مثل 05 ورقم الاسبوع مثل 51 ..
لا تأخذ كلام البائع بل تأكد بنفسك:

اولا: تاريخ الانتاج مثلا 5105 (يعنى السنه 2005 والاسبوع 51) ...السنه الميلاديه 52 اسبوع فى العاده تكون الكفرات انتجت قبل اسابيع قليله وهذا طبيعى!

ثانيا: تأكد ان الكفر قئةa اى انه يتحمل الحراره العاليه

ثالثا: تـاكد من المقاس يجب ان يكون مطابق لاطار سيارتك ولا يعجبك الشكل والسعر فتتنازل عن الامور المهمه على حساب سلامتك وسلامت الاخرين!

والله اعلم ونسأله ان يحفظ الجميع وان لا يكلنا الى انفسنا او الى احد من خلقه طرفة عين او اقل من ذلك

[المموه]

صبحكم الله بالخير
اولا الحمدلله على السلامه ويعوضك الله . اما من ناحية انفجار او انسلاخ الكفر فهذه حاله استثنائية قد يكون محترق قديم او ناقص هواه او تعرض لضربه . ويعود ذلك الى من باعه عليك . في الحقيقه لم اجد حتى تاريخه افضل من كفرات ميشلان صبر وتحمل صحيح ان جنوبها ضعيفه قد تتأثر اذا استخدمت بكثره على طرق حجريه ولكن يبقى الميشلان كفر له وزنه بالسوق . ومن ناحية الوكاله فتعودنا الشكوى الى الله سبحانه في كل شي لأنه لايوجد حمايه للمستهلك .

[ابوعدي]

السلام عليكم ورحمة الله وبركاته
الحمد لله على سلامتك انت والعائلة الكريمه
شكرن على النصيحه
انا اضم صوتي لصوت الشباب المؤيده لميشلان ...طبعا عن تجربة طويله جدا تقريباً من 91 وانا ما اركب الا كفرات ميشلان مهو عشان ضمان مدى الحياة لكن عشان جربته اكثرمن سيارة عندنا سواء عائلية او شخصية
......مو دليل انا مانجح معك يكون مهو كويس لان الكفر له سنة انتاج وانتهاء ممكن يكون ضاربته الشمس في مستودع مفتوح (سوء تخزين)
حبيت اشارك وليس التعليق
ابو عدي

[جلاد الصحراء]

للاسف الضمان ماله اعتبار عندنا شف الجوالات
افضل كفرات جربتها يوكهاما.

[ثرمداء]

يجوز يخوي ان كلامك صح
لاكن مانسمعه عن الميشلان
انها افضل كفرات
والعلم بيد الله
اماتعليق على اخوي
الي يقول بعض الكفرات
طحنون

انا مااايدك لا البرجسون
مايحتاج بالنسبهلي
والبرلي
انا اخوي معه شبح موديل
92 منصلخ عليه الكفر وهو يمشي
200 ولا درا عنه الايوم وكف يعبي بنزين
ولاه متقطع
ويمكن التصنيع يختلف يلخوان
موب الواحد يحكم من اول مره

[s3ed]

السلام عليكم ورحمة الله وبركاته


ازيدكم من الشعر بيت


تذكرون مشكلة التواير الفاير ستون مع الفورد من ست سنين في امريكا


سببت موت عدة اشخاص لانها كانت تنفجر وكانت تركب علي الفورد اكسبلورر

المهم المحكمة الامريكية وقفت تسويق الاطار في امريكا وحولو االانتاج على الشرق الاوسط

[العا ذر]

يقول العاذر وهو واثق با لله ومن خبر ه بشعبان= العرمه=الحجره =ابشركم تركنا اللويرات والرقع والجنوط الشنبر بعد ماركبنا كفرات هنكوك بعضكم يقول كورى اقول لكم جربوه ولاحظو الفرق

[برقان]

السلام عليككم ورحمة الله يا أخوان من اراد كفرات ممتازبة بالنفود وعلى الزفلت فعليه ان يجرب هانكووك فهي كفرات رخيصة وعملية ومرنة ولله الحمد ركبت طقمين وماشيه زي الفل بس اذا ابطت تبدا تسمع وشييش ودام الكفر ب280 تستاهل من يركبها واظاهر طقمين هانكوك = طقم برللي ولا دنلوب

انا اضع يدي بيدك اخي العاذر

[ibrahim_20]

يعطيكم العافيه

[ربع الخالي]

والله انك صادق واحد من الاقارب ركب كفرات ميشلان على باترول واللحين يشتكي من الكفرات الله يسر امرك ويعينك يارب.

[ساري 111]

تجربتي مه الميشلان رائعه للجمس خصوصاً

لكن اخوي الكفر كم لك مركبه ؟؟ وكم تاريخه ؟؟

وكم تحط فيه هواء داخل المدينه وخارجها ؟؟

[abu_nayf]

تشكر على النصيحة

[معدي المرقاب]

الله يعطيكم العافية

[هاوي غماره]

مشكوورخيوو

[عزٍيزٍ]

انا بكره ناوي اشترري كفرات بكره

وقريت هالموضوع اليوم

وطلع براسي نخله

وش اشررررررررررررررري ههههههههههه

الظاهر انه هانكوك ,, رخيص وكويس

[ابو عجاج]

مشكورين ما قصرتوا
ولك اجمل تحيه اخوي طحنون م قصرت