اللغز السادس والخمسون....................لم يتابع الحل

[المجًفل]

مساكم الله بالخير

وصح بدنك اخوي الصقر القطامي

اخوي السمح ياهلاااابك وتامر امر وهذا اللغز جاكم
--------------------------------------------------------


المجفل يالســـــــمح قال بلحون=لغز وموضوعه سبق بالجريده
رجلاً ولا ذكرله شبيهاً بهالكون=رجلً كتم ســــره على اللي يريده
لاشفت فعـله قلت هالرجل مجنون=بسم الله الرحمـــن ياقو كــــيده
قالوا وقالوا يمكن ويمكن يكون=لاكـــن مافيـــــها علـــومٍِِ اكيــــده

[راعي الكشتات]

السلام عليكم كيف الحال يا المجفل

وش رايك في الخبر

[ابو زياد]

الصندوق الاسود

[راعي الكشتات]

السلام عليكم ورحمه الله وبركاته كيف الحال يا الطيب

وش رايك با اسامه بن لادن

[المجًفل]

ياهلاااااا والله براعي الكشتات وبالنسبه للخبر واسامه بن لادن مالك لوى

هلاا بأبو زيادومالك لوى ماهو الصندوق الاسود

[المجًفل]

اخوي السمح مساء الخير لو سمحت تعديل البيت الثالث
لا شفت فعـله لأن الشباب اخاف يقرونها فطه

[الصقر القطامي]

ويش رايك في ملك الموت او المهدي المنتظر:redcar:

[ابو نجود]

وش رايك يالمجفل بها لرمعة.....الخضر الذي ذكرت قصته في سورة الكهف؟
اخوك ابو نجود

[السمح]

مشكور أخي المجفل على الاستجابة وعلى تفهمك للموقف .. وكثر الله ألف خيرك على ادراج اسمي في لغزك هذا ..
ولي رمعة في اللغز وهي : الخضر صاحب موسى عليه السلام ..

تحياتي ..

[ابو نجود]

خيرها بغيرها يالمشرف الغالي ....انا قبلك بهالرمعة وهذا يدل على توارد الخواطر بيني وبينك ...
اخوك ابو نجود

[السمح]

:D :D :D الغريب أخوي ابونجود إننا كتبنا في نفس الوقت ( انظر وقت ادراج المشاركة ) جميعها في الساعة 12:28 .. شي غريب ولكن الأعجب إن اسمك جاء قبل اسمي .. مع العلم إني شفت المشاركة بعد إدراجها ولم أجد اسمك .. ولو كان الأمر كذلك لحذفت رمعتي :mad: ،، وأنا متأكد إنك نفس الشيء .. عجيبة فعلاً !!!!!!!

[ابو عمر اللاحم]

يمكن يكون المسيح الدجال

وشكراً

[ابو نجود]

صدفة عجيبة وتوارد خواطر عجيب وانت صادق يالسمح لو لقيت رمعتك كان ما حطيت رمعتي ونشوف الحل هل هو صحيح اولا .....
اخوك ابو نجود

[راعي الكشتات]

:D السلام عليكم ورحمه الله وبركاته كيف الحال يا المجفل عساك بخير


لو كساها الدلال وقلبها طاهر"="للتعب يا فؤاديمابقى نوبه


وش رايك في هتلر

[راعي الكشتات]

السلام عليكمة ورحمه الله وبركاته كيف الحال يا المجفل وش رايك بجهيمان واذا كانت صحيحهقوه معي للكشته اما اذا كانت غير صحيحه فاااااااااا ؟؟؟؟ قوه معي :D :D :D
http://www.mekshat.com/pix/upload/images/hmk55[1].jpg

[المرتكى]

السلام عليكم ورحمة الله وبركاته أخوى المجفل وش رايك بصدام حسين وعساك سالم أنت والجميع

[المجًفل]

ياهلااااااااا والله ومسهلااااااااا بكم كلكم
الصقر القطامي ،،ملك الموت والمهدي مالك لوى
ابو نجود،،الخضر ،مالك لوى
السمح لا شكر على واجب ومالك لوى
نهار،،المسيح الدجال ،،مالك لوى
راعي الكشتات،،مالك لوى لا في بيت الشعر اللي كتبته ولا في جهيمان
المرتكي،،صدام حسين مالك لوى

[المجًفل]

اخواني الأعضاء
نظراً لظروف تجبرني عن الابتعاد عن الجهاز لمدة ثلاث ايام تقريباً فقد وكلت الاخ السمح على تلقي الأجابات منكم 0
شاكر لكم تعاونكم وبالتوفيق للجميع

[الهيثم]

السلام عليكم ورحمة الله وبركاته
الاخ الفاضل السمح الموكل من قِبل المجفل عندي رمعه وقل صح السانك لو هي خطأ جاملني يعني
وش رايك في اللغز نفسه , صح ولا صح .
ولك تحياتي,,,

[السمح]

هههههههههههه هو صح لسانك صح لسانك ، ولسانك ياعيوني ما يجي منه إلا الصح .. ولكن حل اللغز مهوب صح .. :D ماش يعيي المجفل يقول : لا مهو باللغز ..

تحياتي ..

[ابو عمر اللاحم]

مهوب سفاح اليمن

اخصائي التشريح اللي ترددت قصته بالجرايد .

[السمح]

بالنيابة ..
لا ياالغالي أبوعمر ..
سفاح اليمن غير صحيح ..
حاول مرة ثانية ..

تحياتي ..

[سكوربيون]

هلا بالمجفل وهلا بمشرفنا الغالي

عندي رمعة وش رايك بالزير سالم

[السمح]

هلا بك ياسكوربيون ورمعتك الزير سالم غير صحيح ..
أنا معكم لين تحلون اللغز أو يجي راعيه يقول لكم وشو ..
أما أنا ما نيب معلمكم لو تطيرون .. :D :D

تحياتي ..

[الهيثم]

السلام عليكم ورحمة الله وبركاته
اخي السمح حياك الله معنا اليوم ودوم وعندي سؤال لو سمحت !
من قال لك علمنا بحل اللغز ؟ أو ودك تقول لنا الحل من خاطرك وترميها علينا ؟ هــاه........
بإذن الله راح نحله بدون توضيح وقبل مايجي صاحبه . قل آمين .
ولك تحياتي,,,

[مخلص]

اخوي السمح مساء الخير اللغز ممتاز والله يعطيك العافيه انت وصاحب اللغز

عندي رمعه ماهو (( الجربوع ))



تقبل تحياتي / مخلص

[وكر]

وش رايك برافت الهجان

[السمح]

الهيثم :
والله ياعيوني ما أحد قال علمنا .. بس ودي أعلمكم ( ما ينعطى سر ) :D :D
وداري إنكم قدها وقدود .. وتبي تجيبون الحل قبل إن شاء الله ..
يالله شدوا حيلكم .. مهوب بالحيل علشان ما ينقطع ..

==========

مخلص :
حياك الله وهلا بك يالغالي ..
ورمعتك ( الجربوع ) لا ، غير صحيح ..
حاول مرة ثانية ..

==========

وكر :
أرحب يابعدي ..
ومالك لوا ( رأفت الهجان ) غير صحيح ..

[الشنفرى]

السلام عليكم ورحمة الله وبركاته (وش تقول ياالطيب الغالي في الكنبـــيوتر) قول صح

[السمح]

تقصد الكمبيوتر ؟؟
غير صحيح ليس الكنبيوتر :D :D
كان ودك تحاول ثانية تراي موصى إني أقول لك معليش لك محاولة ومحاولة ..

[ابو عمر اللاحم]

مع احترامي للجميع اللغز اخذ وقت كثير والا لا يالمشرف . وشوف الرمعات حول بعض يعني ان اللغز فاشل

ارجو ان يوخذ كلامي بروح رياضيه والمجاملات احياناً تضر ما تنفع .

المفروض: ان اللغز ما ينطبق الا على شي واحد .

[السمح]

هلا بك أبوعمر ..
لا يالغالي اللغز حتى الآن لم يأخذ وقته ، فقد طرحه صاحبه بتاريخ 2/9 واليوم 7/9 يعني باقي له يومين حسب النظام ومن ثم ينظر هل يخبركم بحله أم يطرح لغز ثاني ..
ولا أعلم هل إذا كانت الرمعات حول بعض يكون اللغز فاشل أم لا ؟؟
وبودي أن نؤجل مناقشة اللغز لحين حله ثم نرى .. ويعود صاحب اللغز للمناقشة .. أليس كذلك ؟؟

[المجًفل]

السلام عليكم جميعاً

الف شكر للجميع على المشاركات واخص بشكري للأخ السمح الذي تولى مهمة الرد في غيابي

الأخ نهار مع احترامي لك اقول ان ماعندك درايه بأللغاز ومعرفة هل اللغز فاشل او غير فاشل لأن اللغز لم يحل الى الأن فكيف تحكم عليه،،لذا أرجو عدم التسرع برمي الكلام العشوائي وولجميع تحياتي

[وكر]

مرض الايدز اعاذنا الله واياكم منه
امين

[ابو عمر اللاحم]

والله انا عند كلامي وكان تبي اناقش واحلل لك لغزك بشكل موضوعي فعلت لاكن بشرط انك تتقبل وترد علي بالمنطق . لأن هدفي هو االخروج من المجاملات التي ليس لها داعي خاصة اذا زادت عن حده ... ويجب تحط في بالك اني اتكلم عن اللغز وليس عنك انت لأني لم اتشرف بمعرفتك شخصياً .

واذا كان يبي يحصل زعل وتجريح بالكلام فلا والانريد هذا انما المقصود هو النقد البناء

واللجميع تحياتي ،،،،

[السرحان]

طيب ايش رايك ......عنتره بن شداد :D
ها هي ....:p

[السمح]

الاخوان الأفاضل نهار والمجفل ...
أسعد الله أوقاتكم بالمسرات ، وياجعل أيامكم بيض إن شاء الله ..
أرى أننا لا بد أن نلتزم بالموضوع وهو اللغز ولا نريد أن يتطور الأمر إلى أكثر من ذلك ..

أخي الغالي أبوعمر : لا تعدو المسألة ان تكون لغزاً طرح للاستمتاع والمحاولة ، ولا يوجد يا عيوني مجاملات ولا غيرها .. هو لغز مثل بقية الألغاز ولصاحبه الحق في طرحه طالما أنه يندرج تحت ما يعرف باللغز ، والذي يبدو لي أن اللغز استقطب ما شاء الله من الردود الشيء الكثير مما يدل على تفاعل الأعضاء معه وهذا هو المطلوب ..

أخي الكريم المجفل : أرجو أن تتسع صدورنا كالعادة للنقد أياً كان ، وطالما أنك مقتنع باللغز فلا يهم أن قال أحد الأعضاء أن اللغز عليه مآخذ ، فله الحق أن يقول ما يشاء .. نعم أوافقك الرأي أنه لو انتظر حتى يتم حل اللغز فيبدي رأيه فيه كان أفضل ، ولكنه حر فيما ذهب إليه .. وهل ستخسر شيئاً إذا قال ما قال ؟؟ طبعاً لا .. ستظل أنت أخونا المجفل العضو الرائع ..

حياكم الله جميع ..

[المجًفل]

مساء الخير

اخواني وكر والسرحان مالكم لوى

هلا بالسمح وابشر اخوي

[المجًفل]

مساكم الله بالخير

اشوف هاللغز البسيط عجزكم افااااااااااااااااااااااا وين اللي يرمعون بسااااع

على العموم اذا تشوفون ان اللغز طول والراي لكم طبعاً اذا احد عنده لغز يتفضل ومدري وش راي اخوي السمح


وللجميع تحياتي

[ابو زياد]

مهوب اللي فجر في اوكلاهوما من كم سنه

[المجًفل]

هلاااااااااا والله بأبو زياد

مالك لوى

[السمح]

اعتقد أخي المجفل إنه حان الوقت لواحد من التالي :
1- الافصاح عن الحل .. واستبدال اللغز أو التنازل عن لعضو آخر .
2- الاحتفاظ بالحل .. واستبدال اللغز او التنازل لعضو آخر .

[السرحان]

لا ما اعتقد ان المجفل راح يبخل علينه بحل اللغز .
,,,,, مجرد اعتقاد ,,,,, لا اكثر ولا اقل ,,,,,,, على العموم انت بالخيار

[المجًفل]

مساكم الله بالخير

اللغز مسحوب ومن لديه لغز يتفضل بطرحه علينا

واللي عنده اجابه على اللغز يرسل الحل على الأميل

وللجميع تحياتي

[هجرس]

الحقيقه استغربت سحبك للغز دون توضيح اجابته ,,,,, خصوصا بعد طلب الاعضاء والاخ الفاضل السرحان,,, الا انك لم تستجب لطلباتهم ,,,,, ويبدوا والله العالم ان كلام الاخ نهار ابو عمر صحيح,,,,,, والا لماذا لم تطرح الاجابه ,,,,, وانا اقترح على المشرف ان يجبر السائل بالاجابه عند الانتهاء من اللغز ,,,, حتى يتبين الناس ويعرفون الاجابه ,,,,,,,والتهرب الذي ابداه المجفل يثير اكثر من سؤال لدي ولدى ابو عمر,,,,,,, الذي يبدوا والله العالم انه كان محق بطلبه !!! واعلم منا بالالغاز وطارحينها ,,,,,, مجرد اقتراح ورأي .