المساعد الشخصي الرقمي

مشاهدة النسخة كاملة : الباترول 2002


عــاشق الشـاص
02/09/2002, 04:33 AM
السلا عليكم ورحمة الله وبركاته

هذا اول موضوع لي وانشاء الله افيدكم ونستفيد منكم...

الباترول2002:
ياشباب طبعا الباترول الجديد تغير شكله ومكينته واغلب الاشياء لكن حبيت استفسر هل عيوبه اللي في الموديلات القديمة موجود فيه مثل صرف البنزين والتربيط وغيرها من الاشياء فا ياليت تفيدوني..

مع الشكر الجزيل..
الخبير
02/09/2002, 04:40 AM
السلام عليكم
و الله يا طويل العمر يقول لي واحد من الشباب معه الباترول الجديد ان صرفه قل واجد ، وكان معه باترول 98 و يقول انه ما احتاج تربيط مثل الاولات.
==========================

http://nobody.jeeran.com/jkduhpma1.gif
السرحان
02/09/2002, 09:19 AM
اذا فيه نيه
خذه ولا تشاور ....... ترى ما يعلى عليه !
al-nashmi
02/09/2002, 10:28 AM
السلام عليكم:اخونا الكريم عاشق الشاص ياطويل العمر انا استخدمت. الباترول والشروكي والاند كروزر
وكل هذه السيارات طولت معي يعني جربتها في جميع الظروف وفي التظاريس المختلفه
ولكن غير الباترول ماشفت ؟؟؟؟؟؟؟؟ ليش لان الباترول يطويل العمر يجمع بين مميزات هذه السيارات( الباترول والشروكي والاند كروزر ).
م
موتري الان باترول ماشي لحد الان معي 210000الاف :o (قت ماشاء الله):mad:
وتكن صرف البنزين لك عليه شوي بس يستاهل لو يصرف وايت كامل:D
ونصيحتي لك لا تاخذ الا باترول وخاصة 4800عليه عزم ماهو طبيعي وصرف البانزين اقل من الموديلات السابقه
والله يكتبلك اللي فيه الخيره ويوفقك،،،،،،،،،: :light: وتقبل تحيات
اخوك النشمي
ابومنصور
02/09/2002, 11:11 AM
مرحبا بجميع الأخوة؛؛؛؛؛؛؛؛؛؛؛؛معكم عضو جديد بالمنتدى‘‘‘بالنسبة للباترول--كمجرب2002**4800حصان --

***** سيارة قوية لكن من ناحيةالتماسك فا الاندكروزرأقوى


***** البنزين اقل صرفية من الاندكروزر,,,,

==========هذا ماعندي،،،، وعلى فهي سيارة رائعة جدا===========


للمعلومية جربت الاندكروزر2001جي اكس ار؛؛؛وباترول2002قوة4800حصان


شكرا
راعي بر
03/09/2002, 01:00 AM
انا اللي عندي من الاخبار ابقولها
حسب ما سمعت من واحد مجرب باترول 2002 اسيح شيء ولكن انه جديد .

الباترول عزمه قوي في الطعوس ولكن فيه واحد مجرب الباترول 2002 ويقول ان فيه اكبر مشكلة وهي البيبان حقت الشنطه ومعروفة البيبان بعد فتره تقرقع والهواء تسمع وشيشه اذا مشيت 160 او اكثر .

ولكن ليت النيسان يحلون هالمشاكل ويطلع انشاء الله افضل جيب .
عــاشق الشـاص
03/09/2002, 02:34 AM
وعليكم السلام..

هلا والله بالخبيريعطيك العافية على هالمعلومة ما قصرت...
عــاشق الشـاص
03/09/2002, 02:38 AM
هلا والله يالسرحان...

الله يجزاك خير...
عــاشق الشـاص
03/09/2002, 02:40 AM
يا هلا بالنشمي...
(ماشاء الله تبارك الله) مشكور على مشاركتك ما قصرت ...


بس حبيت اسألك الباترولاللي معك كم موديله..؟؟
عــاشق الشـاص
03/09/2002, 02:44 AM
هلا والله ابو منصور

معقولة اقل صرفية من الاند كروزر..؟؟؟؟:confused:

مع الشكر..
عــاشق الشـاص
03/09/2002, 02:46 AM
هلا راعي بر

يمكن بس في السياحي:D

يعطيك العافية...





---------------------------------------
ياليت اللي يمتلك الباترول او عنده معلومات يسجلها الله لا يهينكم
al-nashmi
03/09/2002, 02:08 PM
ياهلا فيك ياعاشق الشاص الباترول اللي معي م/98 الموتر صراحه اكثر من رائع ومن مميزات الباترول انه
راسي خاصة في طرد الصيد ماهو مثل الاند كروزر ثقيل وغثيث مع اللفات والمطبات .

اما بانسبه للهواء فصحيح مثل ما تفضل اخونا راعي بر مع السرعه تسمع اصوات الوشوشه وانواع الصفير
وانا اعتقد ان اسباب هذه الاصوات المزعجه هو ارتفاع مقدمه الموتر والتي ترتفع اكثر مع ارتفاع معدل السرعه وكذالك هذا الرتفاع يزيد من نسبه استهلاك الوقود.
وقد جربت ان انزل خشم الموتر:D ولاكن نصحوني اهل الخبره واصحاب موازين السيارات بان لا اتعرض
خشم السيد االمذكور:D :D :row: لانه اي تعديل في مقاسات الشركه الصانعه مثل قص اليايات يؤثر على

توازن الموتر......... هذا ولكم اطيب تحياتي:love2:
القماري
03/09/2002, 02:49 PM
إلي معاي ذا الحين باترول 2001 ستاندرد ، أمشي فيه يوميا أكثر من 60 كلم ، شاريه جديد العام الماضي وما خليت طعس بالشرقية إلا وقلت فيه وكاده مزبوط وبصراحة (الباترول شمعة البر وفي نظري أن السوبر سفاري أحسن من اللاند بس لا حد يحط في خاطره) عيبه الوحيد ( صرف البنزين ) هذا بخصوص إلي معي لأنه كاربريتر مش بخاخ عكس السوبر سفاري ،
وأعتقد أن 4800 أطلق من جميع السيارات المتعددة الاستخدام (لاند - جيب ... ألخ)
وبخصوص القرقعة في الباب الخلفي (فهذه مشكلة كل السيارات إلي أبوابها الخلفية مش شنطة وليس مشكلة خاصة بالباترول وحده)
وللعلم قد جربت أنواع الباترول 84 و 89 و 95 وذا الحين 2001 وبصراحة الحالي أفضل وأنظر وأريح وأقوى من الموديلات القديمة .
عمران
03/09/2002, 07:15 PM
هلا والله اخوي عاشق الشاص




والله لا تسالن عن الباترول اسالن عن التويوتا والشروكي


بس جربه قبل لا تشريه






عمران:confused: :confused:
العزام
03/09/2002, 07:47 PM
ياجماعه أنا أفضل الباترول على الاندكروزر عندي أنه أخف طينه من الاند وهذا رأي الشخصي وأنا الصراحه معي شروكي م 95 والصراحه أنه فيه قوه عجيبه وبنفس الوقت مريح ولكن ترى في كل سياره عذاريب
لكن يا جماعه أن شفت الرانجلرفيه قوه غريييييييبه يعني يضرب لشروكي والسفاري والتويوتاالربع الجديد باصبع ولا فيه مقارنه بالقوه وهذا المشهد رأيته في نقرة أم دباب في القصيم !!!!!!!!!!
عــاشق الشـاص
05/09/2002, 03:05 AM
يعطيكم الف عافيةيا..

النشمي، القماري ، عمران ، العزام.


سؤال اخير الله لا يهينكم ...

الان هل مازالت هذه العيوب موجودة ام لا وشكرا
القماري
07/09/2002, 07:33 AM
أخوي عاشق الشاص
شف إن سألتني عن الباترول (S) ستاندرد (كربريتر مش بخاخ) فأقول لك بصراحة أنه يصرف بنزين أكثر حتى من ال GMC سوبربان ، لكن بالنسبة للسوبر سفاري فالكلام مختلف (لأنه بخاخ) ومجرب .
وبخصوص قرقعة الابواب مثل مايذكر بعض الشباب (لحد هاليوم أنا غير ملاحظ هالمشكلة معي ) ولم الحظها في الباترول السابق وودي لو يكون هناك مقارنة بين الباترول أو النيسان على العموم وسيارة أخرى بنفس المواصفات والموديل ( ونشوف على الطبيعة الفرق بخصوص القرقعة والتربيط)
أعتقد أن الشوارع وطريقة السياقة لها تأثير كبير على هذه المسألة ، كذلك تصميم الابواب الخلفية ( شنطة أو درفة ) لها تأثير أيضاٌ.
راعي طير وسفاري
03/10/2002, 05:31 PM
عندي سفاري موديل 2002 بس اوتوماتيك بس والله مايهزه ريح بالطعوس والغرازات وديكورات جدا راقية وشكل جميل بس مشكلتة البانزين بس قل واجد عن القديم بصرفية البنزين والله يوفق
عاشق الصحراء 2
04/10/2002, 08:24 PM
اخوي عاشق الصاص
انا عندي باترول 2000 وباترول 2002
بلنسبه للباترول 2000ممتاز بالمرة بس عيبه البنزين يسحب سحب ولا تاخذه الا اذا صار جنبك بيتكم محطة بنزين
اما الباترول2002 مشاء الله تبارك الله اقل صرف للبنزين ولاتدور غيره
الكسر
05/10/2002, 02:53 AM
http://www.alsyarat.com/CarImages/NissanHardtopSafari.jpg