يا اخوان عندي مشكلة في سيارتي البرادو سته سلندر 2011

[mhm545]

انا اشتريت برادو 2011 عن طريق البنك الاهلى بنظام الايجار واتضح ان فيه تهريب زيت المكينه من الجهة الامامية وديته لوكيل تويوتا وقالو ان المشكلة في الصوفه وتم تغييرها وجيت استلم السيارة وقالو فيها مشكله ثانية في علبة الدركسون وعندها رفضت استلام السيارة لانها جديده ماشيه 1000 كم فقط ولم تتعرض لاى حادث طبعا طالبت بتبديل السيارة بس تويوتا رفضو وقالو ممكن نصلح اي شي لانها تحت الضمان واذا فيه مطالبة انت طالب البنك وهو يطالب تويوتا ومضى على الحال اكثر من اسبوعين والبنك استقطع القسط الاول فارجوا منكم المشوره بايجاد الحل المناسب وجزاكم الله خيرا

[برهان1]

اخي الكريم الله يفرج عليك بالنسبة للقسط كيف استقطعوه يفترض انك انت من يقوم بايداع المبلغ الشيء الثاني هل ا نت دفعت مبلغ دفعه اولى او لا الشي الثالث وجهت نظري انا ان الموضوع يصعب عليك بالنسبه لهذه المشكلة ان تطالب بسيارة جديدة لان سيارتك انت الان تعتبر مستخدمه انا رأيي السيارة تتصلح وتاخذ فاتورة يكتب فيها القطع ونوعية المشكله والاهم انك تدخل وتشوف مشكلة التهريب ايش بنفسك يعني اذا المشكلة تهريب من العلبة او المشكلة كبس ليات بسيطه ولا تشيل هم بسيطه ان شاء الله
اما لو لاسمح الله المشكلة الدودة هنا لا معك حق تطالب لان لنفترض انك طلبت تغيير السيارة اظنهم يطالبونك بمبلغ فرق قيمه استخدام وغالبا يكون مبلغ مبالغ فيه

هذي وجهة نظر لا اقل ولا اكثر وانتظر ردود الاخوان وأسأل الله العظيم ان يكتب لك مافيه الصالح يارب

[mhm545]

اخي برهان شكرا على المشاركة بالنسبة للقسط انا ممكن ما ادفع بس يحطوني في القائمة السوداء لان الموظفين كلموني في البنك وقالو احنا نامر على تويوتا نصلح وتغير اي قطعه على الضمان ولو اتكررت المشكلة اكثرمن مرة يغيرو لك سيارة او الخيار الثاني اني ارفض السيارة واسوى كسرالعقد وطبعا النظام في هذي الحالة ادفع 6 اقساط يعني 2500 ضرب 6 مع العلم اني دافع مقدم 18000 والمشكلة اللي انا خايف منها ان المكينة تاثرت من التهريب لاني سمعت صوت احتكاك ممكن يكون السبايك وشكرا