المساعد الشخصي الرقمي

مشاهدة النسخة كاملة : ضيف كويتي زايركم يااهل الكرم والطيب ويبي فزعتكم وخدمتكم


كويتي 111
16/03/2011, 11:58 AM
السلام عليكم ورحمه الله وبركاته ... :)



:good2: اود ان اوجه اعجابي باعضاء موقع مكشات فردا فردا مراقب مراقب هههههه متاثر سياسيا هههه حبايبي انا بأذن الله جاااي للسعوديه دار الكرم والطيب والمحبه

ارجو منكم يااخواني افادتي لاني صراحه شفت صوور عن روضه خريم :r صراحه اوروبا :lr:lr:lr ماشاء الله وودي ازورها انا وبعض الربع لاتفشلوني وياهم ههههه لاني تحمست وقلت لهم اعرفهاا بالملي متر :D:D:D ههههههههه بس ابي وصف المنطقه علما باني جاي من طريق الدمام عرفت ;);)

الموقع بس مكان الخضرة والورود وين بالضبط فا الله لايهينكم اللي يعرف


المكان تزويدنا بالوصف .... وشاكر ومقدر لكم محبكم .
لمع السحاب
16/03/2011, 12:15 PM
هلا بك اكثر ياخي\
روضة خريم تقع بالقرب من محافظة رماح شمال طريق الدمام الرياض تبعد عن الطريق تقريباً 70كيلو شمال \
المكان الزين في الروضة شمال غرب الروضة من عند هجرة غيلانه بالقرب من الروضه تدخل الديرة ووجهك شرق وتمشي تقريبياً 5ـــ 7 ك شرق وتطيح في الروضة مع الخطوط الممسوحه \
والثانية المنطقة الواقعة جنوب شرق الروضة وهي قبل توصل الروضه ب 8 ك من بعد شعيب الخويش تفرق يمين وتتوجه وجهك شرق وتتمايل للشمال لين تطيح في شبك الروضه وهذا بر تمشي تقريبا 10 ك مع المسحيه وبالعلامة انك تشوف نفود على يسراك شمال شرق هذي تقريباً اللي اعرفه وانتبه من الغراز في الطين وقت المطر \
ارجو اني افدتك \
تحياتي
قناصه
16/03/2011, 12:24 PM
سسسلام

يامرحبا بك ومسهلا انت ومن معك وكل من يعز عليك

شف اللاخ الكريم والمشرف السابق >نفل>اطال الله بعمره على طاعته منزل صور ووصف للمكان من زياره له يوم الثلاثاء صور تفتح النفس ووصف للمكان في الرد الثاني اطلع عليه وبيعجبك واتمنى اني اقابلك هناك يوم الخميس من راس وامشيك وعشيك انت وربعك ورقمي عندك على الخاص ابونوره
كويتي 111
16/03/2011, 12:41 PM
يعطيكم العافيه كفيتوو ووفيتو ........... وجزاكم الله خيرااا ... ان شاء الله ادعيلكم وانا مسافر
ذيب صعافيق
16/03/2011, 01:29 PM
يا أخوان فيه طريق مختصر لروضه من الكويت عن طريق الصمان مرورا برماح ارجو من يعرفه يذكره للأخ
كويتي 111
16/03/2011, 03:56 PM
يعطيك العافيه الاخ ذيب بس الان متعدي الدمام وماسك طريق الرياض بيض الله وجهك ماقصروا الاخوان وخاصه الاخ لمع السحااااب
لمع السحاب
18/03/2011, 01:21 AM
لمع السحاب و جميع اللي ردو عليك يبادلونك التحية والله يحييك وانه يسعدنا لقائك بس انا خارج الرياض نهاية الاسبوع نطلع للمزرعة مع العائلة كل اسبوع \
تقبل اجمل التحيات وعسى الله يوسع صدروكم بالعافية وبالسلامة تجون وترجعون
مدمن مرقوق
18/03/2011, 09:33 PM
يوجد طريق مختصر
على ماظن تروح طريق الحفر الين المجمعة وتفرق من المجمعة مع الخط القديم المؤدي للرياض بالضبط ماعرفة لكن انشد عنة
الروضة لاتفوتك من سنوات ماربعت مثل هالربيع
بالتوفيق لك