المساعد الشخصي الرقمي

مشاهدة النسخة كاملة : برادو 2011 جديد أو لاند كروزر 8 سلندر مستعمل ؟؟؟


متعب بن فهد
17/03/2011, 04:29 PM
السلام عليكم ورحمه الله وبركاته

اخواني انا محتار بين البرادو 2011 6 سلندر جديد وسعره بحدود 140 الف أو اللاند كروزر 8 سلندر الشكل الجديد يعني من 2008 وطالع وطبعاً مستعمل ؟؟؟ واسعارة بحدود سعر البرادو الجديد ؟؟؟
توتاري
17/03/2011, 04:53 PM
من وجهة نظري

برادو...لانه جديد لكن يعيبه شكله القبيح نوعا ما

اتوقع الباترول افضل من البرادو وارخص من الاندكروزر

ومواصفاته رووعه وواقوى من البرادو & الاندكروزر

عند التاهو بعد اطلق من البرادو من ناحية القوة + الراحه+ المواصفات+ الشكل
وارخص من البرادو

معليش البرادو مايستاهل قيمته ابد مغلينة على ايش !!!!!
متعب بن فهد
18/03/2011, 02:05 AM
هلا وسهلا
انا مختار تويوتا لان قطع غيارة متوفرة بكل مكان اما الباترول فمالي نظر فيه و بالنسبة للتاهو فخايف من قطع الغيار غير ان مشكله الحرارة في الامريكي ازلية
عبدالله المطيري
18/03/2011, 01:30 PM
الباترول قطع غياره متوفره

بكل مكان

والحين عليه عرض 143000

وشكله احلى من المفخره واحلى من البرادو


ولكن اذا اذا كنت لاترغب بالنيسان اخذ لاند احسن من البرادو 100%
كاشت 2011
18/03/2011, 02:17 PM
لا تاخذ شي.

الىَّ بعد ماتعرفه!!!


(نـــــــــــــــــــــصـــــــــــــــــيــــــــ ــــحـــــــــــــــــــــة)
المنيعي1
18/03/2011, 02:33 PM
الباترول قطع غياره متوفره

بكل مكان

والحين عليه عرض 143000

وشكله احلى من المفخره واحلى من البرادو


ولكن اذا اذا كنت لاترغب بالنيسان اخذ لاند احسن من البرادو 100%


وش العرض الي بـ 143000 أقل فئة في الباترول 175000 ريال
عموماً حسب خياراتك الندكروزر أفضل من البرادو ولافيه وجه مقارنة حتى لوكان 6 سلندر افضل من البرادو بواجد . وأنا شخصياً جربت الـ 6 سلندرgx-r ممتاز جداً وأقوا من القديم.
متعب بن فهد
19/03/2011, 12:06 AM
الله يعطيكم العافية فرداً فرداً واطلب المزيد من المشورة
وليم
19/03/2011, 01:13 PM
عليك باالطيب ولوغلي مشراه بدون مجامله ولانقصان الندكروزر رقم واحد في البيع والشراء والسوق حكم
متعب بن فهد
20/03/2011, 06:07 PM
الله يعطيكم العافية

طيب كم تتوقعون سعر اللاندكروزر من 2008 وطالع 8 سلندر و 6 سلندر
n e w
23/03/2011, 10:23 AM
حتى انا زيك ...... بس اميل للبرادو لانه ولد الفكسار :D
والي معجبني فيه حجمه ... لان الكروز كبير ويبيله عائلة كبيرة ... ابو عائلة :p
البرادو حلو وصغير وولف :p ......... كحجم مناسب للشباب والي عائلته متوسطة


انا قد شفت gxr 2008 ابيض مدري لؤلؤي احليل نظييييف اللهم بعض المخوش الي ماتأثر , اتوماتيك 8 مدري 6 سلندر << لم ادقق وانتبه له

ممشاه فوق 100

يسام 108 والظاهر بيعه مو بعيد بنفس السومه لانه كان موقف بمعرض

الكلام هذا قبل شهر او اقل


http://www.haraj.com.sa/tags/لاندكروزر%202008
رمز الوفا
23/03/2011, 04:29 PM
اهم شي خذ تماتيك
شريك
24/03/2011, 01:19 PM
والله أني نفس تفكيرك ولي حوالي شهرين وأنا أراوي بين هذا وهذا

لكن يبدو أني أبجزم على البرادو الجديد وكالة بحكم أني أبدفع 140 ألف تقريباً وودي إذا وصلت القيمة هذي أحطه بموتر جديد تكون ريحة وكالته به وما أحطه بموتر ماشي 3 سنوات

وممكن نسمع من الشباب آرائهم ...
ابوٍ تركي
25/03/2011, 01:14 PM
الجديد حوالي 139 الى 141 لكن دور لك مستعمل انا حصلت برادو قير عادي 2010 (( 115 )) ومره حصلت توماتيك خليجي استبنه علاقي (( بـ 125 )) ترى كلهم حادينهم حد احسن لك من الجديد طايح فيه اكثر من ال 15 الى 20 الف وانصحك تدور على مهل تلقا شي زين وطايح فيه وانا اخذت لي برادو اعلى نوع بسعرر رخيص وترى فرقه واجد الفل عن الستاندر 2011 تحس انك راكب لكزس من ناحيه الراحه مواصفات وشي مو معقول بالبرادو الفل ماشاء الله
متعب بن فهد
26/03/2011, 01:06 AM
الجديد حوالي 139 الى 141 لكن دور لك مستعمل انا حصلت برادو قير عادي 2010 (( 115 )) ومره حصلت توماتيك خليجي استبنه علاقي (( بـ 125 )) ترى كلهم حادينهم حد احسن لك من الجديد طايح فيه اكثر من ال 15 الى 20 الف وانصحك تدور على مهل تلقا شي زين وطايح فيه وانا اخذت لي برادو اعلى نوع بسعرر رخيص وترى فرقه واجد الفل عن الستاندر 2011 تحس انك راكب لكزس من ناحيه الراحه مواصفات وشي مو معقول بالبرادو الفل ماشاء الله

المشكلة الشكل الجديد نادر تحصل مستعمل ويكون 6 سلندر فإذا تعرف معارض بالرياض متوفر عندها دلني عليها تكفى
Salamah.y
27/03/2011, 10:37 AM
والله لو انا مكانك !!
ما افكر بالبرادو أبد , دام اني أحصل لاندكروزر بنفس السعر
الإستخدام ما يضر , اذا حصلت شي نظيف , و فحصته و تطمنت له
توكل على الله , و دور لك GX-R , V8 نظيف !!
و إن شاء الله تحصل اللي يطيّب خاطرك

,

مووفق !!