كيف تستخدم الدبل الإستخدام السليم ؟

[أبو أديب التميمي]

ياجماعة الخير انا عند لاندكروزر مديل 2005 خليجي .... قير اتوماتيك ... المشكلة كيف استخدم الدبل عند الحاجة له ؟

ارجوا ارشادنا إلى الاستخدام السليم يا خبراء!!

[الشقردي]

مبروك الموتر مقدما وزين ما أختر ما شاء الله والله يعطيك خيره ويكفيك شره أنا بأقولك اللي أعرفه ولكن يفضل انك اذا بتطلع تجرب الموتر بالنفود يطلع معك واحد عارف ومجرب, عشان ما تتوهق.

فيه قير صغير للدبل وعليه ثلاث نمر

وفيه زر صغير حول المسجل (تحته تقريبا ومرسوم عليه علامة دفرنسين)

- للمشي العادي في الزفلت تأكد ان قير الدبل هذا دايم تخيل على H بدون ما تضغط أي زر

- الدبل الخفيف يكون قير الدبل على H مع ضغط الزر اللي مرسوم عليه علامة الدفرنسين (وممكن تسوي هالحركة وانت ما شي والافضل وانت واقف لزيادة العمر الافتراضي للدبل).
وهذا تستخدمة للمشي في الطعوس مع مراعاة تنسيم هواء الكفرات الى 20 اذا لم تكن الطعوس ممطورة.

- الدبل الثقيل يكون قير الدبل على L مع التأكد من عدم ضغط الزر يعني اذا كنت مشغل الخفيف تطفي الدبل الخفيف وبعدين تغير نمرة الدبل الى L (لازم تسوي هالحركة وانت واقف والقير على الفاضي N)
وهذا تستخدمة اذا كنت مغرز أو اذا تبي تسحب أحد وتنسم الى 15 أحسن.

[محمد التمامي]

بيض الله وجهك يا الشقردي على الرد

وارجو ان ابو فارس استفاد

[طحنون]

مبروك الموتر ابو فارس
الاخوان ماقصرو
وخذمن عندي نصيحه
الدبل الثقيل لاتستخدمه ألااذاكنت مظطر جدا انك تستخدمه
ويكون على سرعات بطيئه جدا
لان هو في الاساس يستخدم لاخراج السياره من الرمال الناعمه والوحل وصعودالاماكن المرتفعه جدا كالجبال
وبعدماتستخدمه ترجعه على الدبل الخفيف
على طول وحسب حاجتك
واهم شي المحافظه عليه لان هو اللي راح ينفعك بعد الله
اخوك طحنون

[سهيم الليل]

يعني اذا بغيت اشغل الثقيل لازم اطفي الزرار حق الخفيف
ارجو الافاده

[سهيم الليل]

وابغى اسئل اخواني كذلك عن اذا حطيت الدبل الخفيف متى احط القير على 2 وكم السرعة التي لااتجاوزها وكذلك اذا حطيته على اللي تحت 2 اعني L وكم السرعة التي يجب ان لااتجاوزها

[أقلط]

الف الف مبروك

الله يطعمك من خيره ويكفيك شره

اخوي....أذا اردت تضغط زر الدبل لازم لازم لازم يكون القير في وضع فاضي

واحذر تضغط الزر والقير ليس فاضي ...وحتى وانت مقبل على تغريز ( فض القير وانتظر قليل ثم اضغط

زر الدبل وتوكل على الله..ويجب تنسيم الكفرات لمساعدت الدبل ...وكذلك اذا اردت فصل الدبل لازم لازم

يكون القير فاضي وانتظر عدة ثواني ثم توكل على الله...بارك الله لك بهذه السيارة ...آمين

كلامي من واقع تجارب مع هذه النوعيات...واحرص على منفاخ الهواء والعيار لابد يكونون معك

واذا غرزت السيارة لاسمح الله ..لازم تبرح وتفتح للكفرات طريق واذا لم ينفع افصل الدبل الخفيف

(( بالزر المذكور)) وعشق الدبل الثقيل..واذا كان متعلق شغل الهزاز اللي جنب فاصل خزان البنزين

على يسار السائق..واذا طلعت السيارة افصل الدبل الثقيل مباشرة ..مبروووووك

واذا كنت راعي نفود وسرعة بها انتبة لوصلة الشكمان النيكل الدائرية لانها تسقط مع كثر الاحتكاك بالرمل...,

ارجو أن اكون افدتك...مبرووك على الاختياار الفاخر

ماشاء الله لاقوة الا بالله اللهم بارك

وافر التحااايا

اخووك...أقــــلط

[الشقردي]

الاخ حوطي هاوي

ج1 - نعم لازم تطفي الزرار حق الخفيف اذا جيت تبي الدبل الثقيل

ج2 - L يعني كأنك حاطه على الاول في القير العادي ولا يغير للنمره اللي بعدها
2 يقوم الموتر بالأول ويغير للثاني ولا يتعدى للنمره اللي بعدها
أما بخصوص السرعة اللي يجب ان لا تتجاوزها فلا أذكر بالتحديد لكن العبره بأنك تنتبه لعداد ضعط المكينة ما يوصل الاحمر والافضل كما يقال انه اذا وصل للـ 3,5 تقريبا (هذا لين قالوا أقصى عزم عند عدد دورات للمكينة كاني منيب واهم)

وفيه زر جنب القير مكتوب عليه 2nd هذا يقوم الموتر بالثاني ويغير كل التغييرات

أرجو انك استفدت وأي استفسار أنا حاظر
وهذا من واقع التجربة

[أبو أديب التميمي]

ما قصرتو يالنشاما والله يبارك فيكم !!

والشرح مفهوم وواضح !!

وإلى طعوس الثمامة لنجرب !!

[سهيم الليل]

اشكرك يااخي الشقردي على تجاوبك
اما باالنسبة الى تشغيل الدبل الثقيل مع الخفيف فهذا قد تم بالفعل معي وهذا مع شديد الاسف كان بجهل مني وقد استخدمتهم جميعاً حوالي 3 مرات اثنتان منها كانت غراز والاخرى سحب سياره مغرزة وكنت حين اخرج من الغراز اطفي على طول الدبل الثقيل . سؤالى لأخي هل هذا سيؤثر على الدبل لاسمح الله آمل افادتي عاجلاً لاني الصراحة قلق

[أبو أديب التميمي]

يا الأخ / حوطي هاوي سبق وان سويت مثلك وعلشان كذا طرحت الموضوع !!

ما فيه إلا العافية انشاء الله !!