احتاج ماكينة سياره

[حجلان]

السلام عليكم ورحمة الله وبركاته

اخواني الاعزاء الله يسلمكم ويعطيكم العافيه اخوكم محتاج لنصيحتكم
انا محتاج الى ماكينة سياره اكبر من اللي عندي لان سيارتي شفر وانيت غماره ونصف ابورفرف
Z71 off road موديل 2001 ماكينته ماهي عاجبتني في عزمها لان حجمها 5.3 وانا بودي اركب ماكينه اكبر منها او اني ازود عزمها ان كان ينفع فيا اخواني ارجوا منكم الايضاح والمعونه والله يجزاكم خير

اه نسيت ان ابارك لكم على هذه الخيرات فلله الحمد والمنه وعسى الله ان يجعلها امطار خير وبركه ويعم بنفعها المسلمين

[عاشق الجبل]

وعليكم السلام ورحمة الله وبركاته


نصيحتي لك تركب مكينة جمس صالون أو يوكن مع القير ولاتنسى بارك الله فيك شغلة الكمبيوتر .


بالتوفيق

[تطعيس]

السلام عليكم نصيحتي لك تركب مكينه كابرس الجديده ls1 5.7 تلقاه تقريبا ب6الاف واذا تبي مكينه قويه مررررررررره ركب مكينه 6لتر الي جت على الهمر والسكاليد ولا تغير القير والله يوفقك

[البريمي]

السلام عليكم ورحمة الله وبركاته
ركب مكينة جمس 454يكون لون الراسين اسود.......والقير معاها

[حجلان]

الحمدلله والصلاة والسلام على رسول الله وعلى آله وصحبه أجمعين

اخواني اشكركم على النصيحه الطيبه وتفاعلكم بالموضوع

اخي (تطعيس) شرت علي باللي كان في بالي :good: (اما 5.7 او 6 لتتر) ولاكن ممكن تساعدني وتدلني على المكان اللي احصلها فيه :confused: تراني عازم ان شاء الله على مشتراها.

واذا تراسلني على الايميل يمكن يكون احسن :D

michelrs@hotmail.com

او ايميل المنتدى تراه عادي ولك مني جزيل الشكر والعرفان

[تطعيس]

السلام عليكم اخوي حجلان المكينه السته لتر صعب انك تلقاه اما lt1 ممكن تحصله بسهوله فيه واحد من الشباب شاريه بحدود 5000 الاف ريال طبعا من غير الكمبيوتر وممكن تحصله باكثر التشاليح بس اهم شي شف لك مكانيكي له خبره بالمكاين هذي واذا كنت من اهل الرياض عندك عبدالحكيم البلوشي واذا انت بالقصيم احمد الصمعاني والله يوفقك ويسعدك

[حجلان]

اشكرك مره اخرى اخي والله يكتب اللي فيه الخير ان شاء الله

[ابو سلامه]

السلام عليكم ورحمة الله وبركاته
اذا انت من سكان مدينه الرياض مالك الى الله ثم تشليح الحاير
وان شاء الله تحصل مكينه :(

[حجلان]

شكراً لك أخي الكريم

جاري البحث حتى الان وان شاء الله احصل مبتغاي او اني افتح على الكميوتر

[صنهات]

اخوي حجيلان مكينة موترك قويه اذا هي بخاخ وكويل منفصل لاتنسي ترى مكينتك العزم فيها اقوى من 5.7 لاكن عدد الاحصنه اقل
اقترح عليك تعدل بمكينتك تعديلات بسيطه وخذ عزم ماتصدقه
غير الدبه لدبه رياضيه وركب Msd واسلاك بواجي ومروحة كهرب واذا القير عادي انتبه للكلتش
كل هذي ماتكلفك 1500 ريال احسن من ترهيم مكينه بيكلفك اكثر من عشر الاف ريال
ولاتسي جنوط 15 مع كفرات بالون وحاول تخفف وزن السيارة اذا عليه اضافات مالها داعي

[abdulrahmanfd]

السلام عليكم ورحمة الله وبركاته

أخوي وأنا أضم صوتي للأخ صنهات.. إشتغل بالتزويد على نفس مكينة الموتر
وبتصير أفضل وأقوى إن شاء الله ...
يعني مثلاً
الهيدرز مع نظام شكمان كامل
بواجي + أسلاك بواجي + Msd
عمود تيمن ( صغير ) + تشيب مع برمجته
مراوح كهرباء
وإن كنت تبغى شئ راهي عليك بالتشارجر هذا لوحده ((( إجرام )))
أما إن كنت مصمم على تغيير المكينة فشف نفس مكينة الجمس الـ8100
مع تزويداتها وبتشوف الفرق كيف..!
وانصحك إن كنت تبغى بداية.. تشوف موقع سعودي هوت ويلز من هناك تقدر تسأل وصدقني بتحصل إجابة بالذات إن أغلب الشباب فيه من أهل المنطقة الشرقيه

والله يوفقك لكل خير

[أبو رشود]

8
8
نفس الكلام

وان بغيت راسلني على الخاص أعطيك رقم ميكانيكي عنده خبره بالتزويد والمكاين وبيعطيك الراي السديد






أخوك/ أبو رشود

[ابو الهنوف]

[QUOTE=حجلان][size=4]الحمدلله والصلاة والسلام على رسول الله وعلى آله وصحبه أجمعين

اخواني اشكركم على النصيحه الطيبه وتفاعلكم بالموضوع

اخي (تطعيس) شرت علي باللي كان في بالي :good: (اما 5.7 او 6 لتتر) ولاكن ممكن تساعدني وتدلني على المكان اللي احصلها فيه :confused: تراني عازم ان شاء الله على مشتراها.

واذا تراسلني على الايميل يمكن يكون احسن :D

michelrs@hotmail.com

اخي حجيلان

مكينة lS1 ..5.7 او 6 لتر ماتحتاج تعديل او تغيير في الكمبيوتر مجرد برمجة
هي في الاصل نفس محرك اللومينا SS والكابرس او سكاليد 6 لتر

نفس الافياش مجرد فك وركب وسيعجبك مكينة الكابرس او اللومينا SS ( مكينة خفيفة لانها بالكامل المنيوم )
للمعلومية
ممكن تروح للتشليح وهم يركبونها لك وتدفع الفرق

[تطعيس]

لا تنسون ان المكينه ls1 قوته شد بلد 325 حصان ومع تغيير البرمجه وتغيير الاقزوست الى نضام عادم رياضي تاصل المكينه الى 350 حصان وهذي ماهي شويه المكينه 8001 قويه لكن ثقيله بعد والله يوفقك هذا رقم احمد الصمعاني ممكن تحصل عنده مكينه 0505152430