وش فرق جنط 17 عن 16

[walhan]

يا اخوان انا شريت يوكون ولقيت جنطه 16 وغيري شرى نفس الموديل والمواصفات بس الجنط 17 ، ودي اعرف وش الفرق بينهن وايش الأفضل وسلامتكم،،،

[طحنون]

اخوي ولهان
مبروك الموتر
يعطيك خيره ويكفيك شره
اخوي من وجهه نظري
ان الفرق طبعا في المقاس
1..الـ 17 يعطيك مظهر اكبروافخم من ناحيه الجنطوالكفرات وارتفاع اعلا
2..لسمح الله لوينسلخ الكفرماتنزل السياره كثيروتقلل من سرعه انقلابها اوفرصه انقلابها تصبح اقل
3..وحسب ماسمعت ان في الرمل ماهوزين ما ادري وش السبب في ذالك
4..سعره مرتفع عن الـ16 بالنسبه للجنط والكفر
وسبحان الله كل شي له سلبيات وايجابيات
كل ماكبر الكفر يكون معرض للبنشر اكثرويطلع صوت في الطريق ضجيج
والكفر الكبيراذا انسلخ يعدم الرفرف والصدامات
الكفرالكبير مريح في المنعطفات
وملاظه اخوي الفرق كله انش واحد فقط
وخليك على الجنط الـ16
احسن لك لانك لو تتورط في طريق لسمح الله بتلقى بسرعه
لاكن الـ17 بيتعبك
والـ16 سعركفراته ارخص
وكل ماكبر الكفر زادسعره
أسف اني اطلت عليك
اخوك طحنون

[الشقردي]

نفس الحكاية صارت معنا لكن يقولون وعلى حسب كلام العيسى ان ال17 نزل منه دفعات قليلة على الدفرنسين في 2005
وانهم (انت يا مجلة متخصصة بأمور السلامة) اكتشفوا ان الـ17 ما يشتغل معه نظام مانع الانزلاق او مدري قالوا الانقلاب بنفس الكفاءه اللي يشتغلها مع جنط الـ16 !!!!!!

والله أعلم
مع ان الفرق في الارتفاع سانتي واحد تقريبا

[walhan]

اخوي طحنون :
الله يجزاك خير وما قصرت على المعلومات المفيده اللي اتحفتنا فيها.
اخوي الشقردي:
الله يجزاك خير ويعطيك العافيه على معلوماتك.

[هاوي قصيده]

انا مع كلام طحنون

الجنط 16 اخف نوعا من وازين بالبر..لان ال16 اذا نسمت الكفر فيه مجال تنسيم والكفر يفرش معك ..واذا بنشر معك كفر لا سمح الله بقطوه يمديك تلقى كفر من اي شخص او اي بنشر لتوفره وان 90 % من المواتر الصالون والجيوب 16

بس جنط 17 شخصيه عالموتر وارز وارسى بالخط نوعا ما..بس كفراته غاليه..اغلى من 16

وبخصوص اليوكن جنط 17 يكون بكامل المواصفات او ابشن زياده وطبعا زياده بالسعرر

امل اني افدتك اخوي

واعذرني على اي قصور

ابو ناصر

[al-nashmi]

اخوي الولهان...

الشباب ما قصروا كلا قال اللي عنده وكلامهم سليم..

ولكن زبدة الكلام خلك على جنوط 16 انش

تراها هي افضل جنوط وكفراتها متوفرة في كل مكان ،

جنط 15 له سلبيات وايجابيات
جنط 17 له سلبيات وايجابيات

يقولون خير الامور الوسط، فهذا القول ينطبق على جنط16

والله يكتب لك اللي فيه الخيرة ويوفق الجميع

اخوكم النشمي

[walhan]

اخوي ابو ناصر :
ماقصرت والله ويكفينا تشريفك للموضوع
اخوي النشمي:
الله يعطيك الف عافيه وفعلا خير الأمور الوسط

[مهراس]

السلام عليكم ورحمة الله وبركاته:

يمكنك قياس الجنط من الطرف الى الطرف لتعرف ماهو العرض أو القطر بالأنش.

أبوفهد.

[الربذي]

وانا اعوذ بكلمة انا بين قوسين ! ابي ادلي بدلوي
جنط 16 كفرات دنلوب على ماعتقد 330 للواحدة اما 17 اذكر كان 450 ريال انا مسعرهن وكان لايوجد الا طلبية من الرياض لكن الحين بدوا يجيبون بس نادر يمكن توفره مع الي يستعملون السيارات اقل من 4 بالمائه حاليا
يقال عشان ماتقولون وكالة يقولون ان جنط 18 مقلا مطبة قاسي لا ن مسافة الاطار المطاطي او الكفر صغيره وتبلش اذا نزلت فيه يمكن حدود الجنط تلامس الاسفلت مع اللفات والمطاب لكن مثل ماقالو الاخوان ماقصرو والحمد لله اغلب اعضاء مكشات واحدهم ملم بجميع الامور الفنية والمكانيكية
بالنسبة للنفود فانه لك عليه لانه مايفرش مثل ماقال هاوي قصيدة
ومرة شفت لكزس 470 جيب صالون عليه جنوط لم ارى كبرهن وعندما مررت بجابه وجدهن جنط





















جنط 22 نعم 22 ومقدار الكفر تقريبا اقل من طول الاصبع هذا يبنشر الكفر ويطيح وما يبقى الا الجنط وهو مادري بس كم الكفر اكيد مو اقل من 3000 ريال وذلك لكي يرد تكاليف المصنع لان المسابك خصصت له ولاتنتج الا قليل عشان كذا يرفعون السعر مقارنه بملايين الاطارات جنط 16 خصوصا و22 هو اكبر جنط مخصص لسيارات الصغيره في العالم

[al-nashmi]

اخونا الربذي ..

جنط 16 وبس ولا تعور رأسك....

تخيل قعدنا ندور كفر جنط17 يوم وليله اول ما طلع على الفكسار.... يمكن لو رحنا نجيبة من جده اصرف( كنا بالشمال)



اللهم ارحم اخو الربذي (ابو نوره ) واسكنه فسيح جناتك واكرم نزله واجعل قبره روضه من رياض الجنة اللهم امين عساك لجنات الخلد اللهم ارحمة

[الربذي]

كلا له من اسمة نصيب فانت اسم ومعنى تكمن في شخص اخونا (النشمي )
تحية ود واحترام لك ايها al-nashmi

اخوك ومحبك بالله الربذي