معاناتي مع ددسن 85

[كاشت وضايع]

السلام عليكم ورحمت الله وبركاته
ابي اقول معاناتي مع >> الددسن
انا كان معي ددسن 85 غمارتي
طلعت لدهنا انا وثلاثه مع عيال العم
رحت اهناك نزلنا الفرشه والغراض وسوينا الغدأ

يوم تغدينا رنا نبي نتمشا وشغل الددسن عيت تشتغل وشغل وشغل عيت وشغل ثاني مره وشتغلت وبي اعشق واحد ما تعشق القير معلق وابي اعشق ثاني عيت معلق بعد وعشقها ثالث ومشي بها بثالث ووقت ابي اطير الشراب الله يكرمكم وجيت بمشي وتغرز وعزمها بثالث باااأأرد
وينزلون ويبرحون للكفر ويدفون عيت تطلع ونتكي عندها وفرشتنا مخذناها مخلينها مكانا ورحنا علانا بن تمشا ونجيها وروح انا واحد من عيا العم ونجيب الفرشه ونحطها عند السياره ونصلي العصر قلت خلا احاول يمكن لعل وعسا تطلع ومن دلاختي ما فكرت اطلعها بريوس وحولبها بريوس عيت مافيه امل تطلع الا بسحب وجوالاتنا ما فيها ابراج ونصلي المغرب قلت يعني بنموت هنا
ويجي راعي جب شاص مر منعندنا ونوتله ويجي يسحبنا وطلعت الحمدالله ولك الشكروروحنا للبيت قلت الله يلعن مني يجي ثانيه مره بددسن قديمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
وشريتلي عاد سياره اخذتلي سفاري 2009 باب واحد ورح اخذ عيال العم ونروح نتمشا ونتمشا ونطعس ونرجع مب مثل الددسن

[escape_man]

انا احب المواتر القدام ولابد يكون عندي بالحوش واحد

بس عندي قاعدتين :

1) البر ---> اقصى مدى هو الثمامة شمالاً والخرارة جنوباً.
2) السفر ---> لاعينت لي سطحة وقفت واخذت رقمها لين اوصل وجهتي :)

[تناهيت]

صح عليك الجيب موب مثل الددسن يجمل اكثر بالبر لاكن الددسن ذكرياته لن تنساها ابد ابد

من اول ما نعرف الجيوب ما فيه الا ابو عراوي وما نخلي محل ما نآصله ...<يطفى الموتر ويخرب ويغرز ومرات يقلب على جمب والامور تمشي بسهاله

والحذر واجب ونا خوك واهم شي الزاد والمويه لازم تاخذ احتياطك منها بقدر كافي

واحمد الله على سلامتكم

بس غريبه نسيت الريوس

[لزام1]

.زمان يالخمس وثمانين

[ذراع الذيب..]

صدقت الله يعيني ددسن 89

[ذيب الدلم]

يازين الجيب وعلى قول الشاعر:
الجيب جاهزوللمقناص مشتاقي

[محنك]

الف مبروك :good2: الجـيب :good2: .. الله يعطيك خيره ويكفيك شره ويجعل فيه البركه والله يسعدك
والحمــد لله على ســلامتكم يالغــالي ......والف شكر لراعي الشاص

وعقبال جيب اللكزس ان شاء الله ..