ابي رايكم يالمجربين

[ابو فهد10]

انا تعبت ادور حر اصيل وطيب وشرايكم بالجير وش مقاسات الطيب منهن وش لون الريشه ارجوا الافاده ناوي اجربه السنه الجايه ان شاء الله ابي اشتري فرخ وش النصيحه
تكفون لاتخلوني بالنصيحه

[عساف @]

يامرحبا فيك
انا يامكلمك اول مره اجرب الجير السنه هذي اخذت جير تبع من الكويت من بدر محارب جير شاهين اسود تبع الماني يطربك بطيار ويهد علا كل شي مشاء الله عليه وريته حبارى وجاهاء وكراوين وطيور البحر جيد عليهن

[قرناس شماالي]

والله يالغالي الجير قليل تلقاء الصالح

والطير ماهو بريشه بفعوله

[مقناص الكويت]

هلابك اخوي وعز لله مالومك الطيور الوقت هذا ينخاف منهن .

امااا الجير لافعل ورتفع ماتبي غيره

والجير لازم يكون مزرعه معروفه او شركه وانت وحضك ونصيبك بس عليه اطيار يروع وانا ولله انصحك بالوحش يعرف يفك نفسه من الطيور والجير غبي يعلق الصيده لو كانت بالبحر .وانت بكيفك ولله يوفقك بالطير الي بخاطرك

[عـــــزام]

فدوك الاخوان

والله يرزقك بالطير

[قرناس بيتي]

اذا كان الطير معروف عند رجال تعرفه وتبخصه والطير معروف وسبوق وصايد وعلومه زينه اشتره الطول والمقاس مايهم واذا كان مجهول ويقولون صايد انحش عن كلمة يقولون الا اذا رجال خابرهم وتعرفهم زين اما من السوق لاتشتري والاعذار ارفع الطير ونزل الطير الطير رامك الطير مو مجرود الطير فيه دود ومن هذا القبيل وانت بكيفك هذي نصيحتي لك ترا فيه ناس ماترحم اهم شي الفلوس عندها وبعدين لاتشتري طير ماتشوف طياره يعني بالربطه لاتشتري طير وبالاخص الجير لان فيه جيره ماترتفع ويصير فيها غش الا اذا رجال تبخصه شرواك وشروى الطيبين

[falcon 1]

السلام عليكم ورحمة الله وبركاته
كانك تبي فرخ اتعب على الجير شاهين من مزرعة فالكن سنتر ..واللون مو مشكله اتعب على الوسره ..امن اذا تبي قرناس اخذلك طير معروف عند رجال ( مثل ما قال اخوي قرناس بيتي )
اذا تبي لون وفعل ( ان شاء الله ) الجير الوحش الي هو السيبيري لكن هذا غالي جدا
واهم شي مع الجير ان تكون صبور لانه انت خابر انه مو مثل الوحش ..متعلم وعارف ..هذا ريش فقط ياكل ويشرب ..لابد ان تعلمه كل شي !! وبعض المرات تجيك طيور تاخذ وقت طويل حتى تتعلم وفي طيور سبحان الله بعد شهر يتم تدريب الطير وتعليمه تعليم كامل ولله الكمال
لكن انت وصقارتك وخبرتك ...كل طير له ميزاته لكن هذا كله يرد الى الصقار نفسه

الله يوفقك بالطير الي ينومسك
تحياتي
اخوك
فالكن 1

[تميم222]

اخوي ..الشباب ما قصرو ..مشالله عليهم ...اذ بغيت رايي..الاصيل ما فيه كلام بس تاكد انه اصييييييييييييل هذا اهم شي...والجير ..يالغالي رهيييييييييييييب لافي سبق ولا في جساره قلب هذ رايي لكن الفرخ منه يتعب شوي وتحمله عندنا لك عليه يعني يبي اعتنا مره ..يعني لو لقيت ثنو ولا بكر يكون افضل هذا من وجهه نظري والعلوم تاكد منها يالغالي هذا اهم شي...الله يوفقك بالطير الي ينومسك يالغالي^_^

[دعاس]

احترم راي اخواننا في المنتدى’’والوحش وبس
وهذا رايي

[الرقعي]

الله يرزقك مبتغاك

[مطنوووخ]

اذا انت صامل على الجير احرص على شاهين بس لا تشتري الا انت متساوي اهم شي تكون ترتفع ولا تصيح
واحرص على الوسره الطيبه والطول بين 16 ونص الى 17 ... وبتشوف شي ماعمرك شفته والجير اهم حاجتين عنده انك لا تجوعه ولا تفلسه في البدايه على شوي شوي ..