رقــم مهم جدا" لابد من حفظه يجهله كثير من الكشاته

[hadad_999]

السلام عليكم ورحمة الله وبركاته


112


هذا الرقم لو تعطلت السيارة او غرزة او اي حاله طارئه حصلت لاسمح الله ولا يوجد عندك ارسال اتصل على هذا الرقم راح يمسك الخط ويحددون موقعك وبأذن الله راح تجد المساعده



طبعا" ارسله الرقم لي احد الاقارب وحبيت اتاكد منه قبل ما اكتب الموضوع وطلع كلامه صحيح




الله يحمينا جميعا" من كل مكروه



تقبلو تحياتي؛؛؛؛؛

[بو يو سف]

لا تأمن على الرقم

موظف في ارامكو قبل 3 ايام اتصل على هل الرقم ولا حد رد

[درجلان الشمال]

بديهيا مافيه شبكه شلون يمسك انا بنفسي جربت ولا مسك طرف خط

[الخادم]

مشكور يالغالي
ان شاء الله فيه تقدم و تصير هالحاجات صح

[التورنيدو]

انت تقول انك جربته وتقول صحيح طيب من اللي رد عليك؟؟؟؟

انا جربته ولا حتى جني رد علي هههههههه

خلينا نشوف ردود الأخوان يمكن في مناطق يشتغل ومناطق ما يشتغل اقول يمكن.

[سهيل تميم]

غير صحيح..جربته بالصمان ولا مسك معي ...لاتعتمد عليه ابد ابد

[فايز العامر]

وعليكم السلام ورحمة الله وبركاته

إذا تبغى شي يمسك معك وين ماكنت خذ جوال الثريا وريح بالك، أما سالفة أنه يشبك الخط حتى ولو مافيه إرسال هذا غير صحيح وأنا شخصياً مجرب في منطقة مافيها إرسال، أما ذا كنت داخل التغطية يرد عليك الدوريات الأمنية (الشرطة) لأني اتصل بهم أبغى أتأكد من هذي المعلومة، وبعض الجوالات فيها الرقم 911 و 08 جميعها مثل عمل الرقم 112 يحولك على الشرطة، والميزة الوحيدة في رقم 112 أنك تقدر تتصل ولوحة المفاتيح مقفلة !!

لذلك أرجو عدم طرح الموضوع بطريقة والعنوان بطريقة التأكيد، لأنك ممكن تضر شخص وأنت لا تعلم !!

[المقنع666]

الله لا يحوجنا له يا مسلمين

لا كن يبقا امل المضطرين