عزمت على الشد العقرب ,, اعينونا و نعينكم

[بو يزيد]

السالم عليكم و رحمة الله و بركاته


حيا الله الشباب جميعا

الفترة القادمة قاعد افكر ان شاء الله بعد الاختبارات اضبط الحوض شوي و اهتم فيه

لأنه زعل علي من يوم شريت الالنترا و ما اشغله الا كل خميس و جمعة

و ناقصني يا جماعة الخير تجهيزات موتر البر الرئيسية

ففكرت و عزمت اني ابحث بالنت و الحمد لله ما وجدت الا كل خير

و المنتديات كلها و لله الحمد استفدت منها

من ضمن الافكار اللي تحوم براسي الشد العقرب مثل ذا ,, و اعتذر من راعين المواتر

http://i887.photobucket.com/albums/ac79/zfk89/mk188238_18-1.jpg

هل في ورش تجيده هنا بالشرقية سواء الدمام الخبر ايا كان ؟

طبعا التجهيزات معروفة لكن ابي اشاوركم بأماكنها

1 - معلاق الذبيحة : وين يتثبت و على وين ينفتحو لو فيه صورة يكون افضل

2 - التانكي : هل الفيبر جيد و يتحمل مثل اللي بالصورة ؟ و كيف اعرف مستوى المواء اللي داخل ؟ و هل يتغير طعمه مع الوقت ؟

و التمديدات هل يحتاجلها ورشة و لا شغلتها بسيطة ؟

اذا هي مواصير و بزبوز فما يحتاج ورشة :)

و وين ينباع ؟ في بالدمام شارع كله محلات خزانات, هل موجود عندهم نفس اللي بالصورة ؟


http://i887.photobucket.com/albums/ac79/zfk89/mk188238_16.jpg

http://i887.photobucket.com/albums/ac79/zfk89/0007.jpg

3- الطبق : دورت بالسوق و لقيت بليود 18 ملل مقاس 244 * 122 بسعر 100 ريال

تنصحوني فيها ؟ لأني احيانا احمل اشياء ثقيلة خيام مواطير ,, الخ

و هل توجد طريقة لشد المسامير من داخل ؟

بالمناسبة مقاس حوضي تقريبا 162 * 252 سم

و الباب الحمد لله فيه مفتاح شد بلد

4 - الشراع : تنزاني او تايلندي ؟

هل فيه نصايح حول التفصيل المحل الجودة ؟

مع اني افكر افصل جيوب داخل و كذلك مظلة خارجية مثل حقت ابو عبد الله الله يحفظه


و هذ راعي هايلكس ما شاء الله مضبط الشد و مظلة مربوطة (و اعتذر منه على أخذ الصور)



http://i887.photobucket.com/albums/ac79/zfk89/1.png


http://i887.photobucket.com/albums/ac79/zfk89/2.png


http://i887.photobucket.com/albums/ac79/zfk89/5.png



5 - الشد او الحديد : كم ماصورة او رصه او طبقة ؟ 7 زي الشيصان ؟

البوية هل اصبغه اسود و لا بنفس لون السيارة ؟


انا هدفي الوحيد من الشد هو حفظ الاغراض سواء من لسرقة او الشمس

لذلك افكر بوضع مستوى الطبق على مستوى الحوض بحيث ما يمكن الوصول الى ما تحت الطبق الا عن طريق الباب


6- قاعدة الايكوم : اي نصائح عنها و مكان وضعها ؟

و بالنهاية اتقبل اي اقتراح بصدر رحب ,,, و ابشروا بالتقرير الوافي بكل صغيرة و كبيرة


http://i887.photobucket.com/albums/ac79/zfk89/f250/IMG_7542.jpg

[فيصل التميمي]

اخوي انا معي هايلكس
ومركب لي شد العقرب وطبق لكن انصحك وانا اخوك الطبق ركب اللواح نفس الاي في الصورة لان الالواح الي سمكها 18 سم ماتتحمل تنكسر من واقع تجربة وانا اخوك
اما التانكي تجده عندنا في الرياض كذاء ورشة تصلحة اللمنيوم او استيل وانا انصحك بالاستيل
اما الالمنيوم تجده عند السنيدي
اما القماش عليك بالتنزاني وانا اخوك وفي شد السنيدي او عروق الشمال او محلات الكشاتة في الرياض ولهم دعاية في نفس المنتدى يفصلون شدود لك ان تتصل بهم وتستفسر منهم ارجو اني افدتك وانا اخوي

[بو يزيد]

اخوي انا معي هايلكس
ومركب لي شد العقرب وطبق لكن انصحك وانا اخوك الطبق ركب اللواح نفس الاي في الصورة لان الالواح الي سمكها 18 سم ماتتحمل تنكسر من واقع تجربة وانا اخوك
اما التانكي تجده عندنا في الرياض كذاء ورشة تصلحة اللمنيوم او استيل وانا انصحك بالاستيل
اما الالمنيوم تجده عند السنيدي
اما القماش عليك بالتنزاني وانا اخوك وفي شد السنيدي او عروق الشمال او محلات الكشاتة في الرياض ولهم دعاية في نفس المنتدى يفصلون شدود لك ان تتصل بهم وتستفسر منهم ارجو اني افدتك وانا اخوي


الله يجزاك خير اخوي فيصل , ما قصرت و الله

طيب الالواح هذي لها اسم معين ؟ شكلها سميكة مرة , يمكن 30 مل : توقع فقط

لكن كأني عرفتها

و التوانك اجل الالمنيوم و الستيل افضل من الفيبر , يمكن يعيب الثنين ذول سعرهم شوي مرتفع

الشراع شكلها ما لها الا روحة الرياض ,,, الله يجزاك خير و يحرم وجهك عن النار

[نسري بالليل]

يفيدونك الاخوان.............

[بو يزيد]

يفيدونك الاخوان.............

جزاك الله خير

[بو يزيد]

انتظر ردودكم يا شباب

[بو يزيد]

وينكم يا قروم مكشات ؟

[nahham]

هلا ابو يزيد

ترى لي تجارب كثيرة مع الشد واخيرا صار اللي انت شفت هناك
بالنسبة للمواصير الجانبية سو 3 واترك فراغ ماصورة وسو 3 فوق حتى تستفيد من الفراغ لربط الحبل للرواق او اي اغراض على الصندوق
ولا تنسى وهو الاهم اقول الاهم تركب 9 مواصيرمتلاصقة في الامام بدون فراغ حتى تحمي الزجاج الخلفي من الكسر من اي حمولة فوق الطبق
الطبق ياعزيزي اذا خشب ما يصلح عندنا في الرياض واكيد ما يصلح عندكم في الشرقية لانه يتأثر بالرطوبة وينكسر بسرعة
انصحك تسوي تيوبات 3×6 وتلحم كل 7 سوا
الخزانات انصحك تركب خزانين للماء في المقدمة كل خزان سعو 105 لتر من المختار ولهم فرع في الدمام لان الخزانين ومن واقع تجربه تستخدم خزان واحد ولو خلص عليك في البر تقدر تعبيه من اي بئر او من شيب حتى لو غير صالح للشرب المهم يكون للغسيل ويكون الخزان الثاني فقط للشرب والطبخ

ارجو ان تكون وضحت الصورة
دمت بخير