ابي شوركم vxr 2005 ماشي 400 الف

[الشنه]

الموتر معروض علي بسعر معقول
متردد بسبب الممشى
ما شي 400 الف
لكن الحق يقال الموتر مع شايب ومحركاته نضيفه لكن البدي فيه دقشات لكن بدون سمكره

هالشايب مشاويره واجد وراعي حلال
ويتردد يومياً بين الحل وحريمه واشغاله

سقت الموتر
لا رجه ولا تنسيم هوا وما شاء الله
بدون فتحه وقير تماتيك والأستبنه علاقي ( شنطه)


وش رايكم هالممشى الواجد ما يضر السياره
اخاف اشتريه وبعد فتره يخبط او يحتاج توظيب

[مجنون عسل]

كم باعك به الشايب ؟
وكذا تقدر تعرف ان القيمه مناسبه او لا

[شيخ المواتر]

والله ياخوي الممشى واجد .

موديلات 95 ولا 96 400 الف معقوله .

بس اذا انه بيكون موتر ثاني ممكن ..

الله يكتب لك اللي فيه الخير

[V I P]

لايهمك الممشى ياما وياما انغشينا بسيارات ممشاها قليل وهي بالاساس مفصول عداد

اذا السيارة نظيفة ومتماسكة وبدون صدوم وسعرها مناسب فخذها ولا تشاور

[الشنه]

كم باعك به الشايب ؟




وكذا تقدر تعرف ان القيمه مناسبه او لا


ما بعد شريته محدود على ب 79 الف
والممشى مخوفني انا رجال ابستعمل
حتى اللون لك عليه

[الشنه]

والله ياخوي الممشى واجد .

موديلات 95 ولا 96 400 الف معقوله .

بس اذا انه بيكون موتر ثاني ممكن ..

الله يكتب لك اللي فيه الخير

لا والله بيكون حمار مكده يكرم السامعين
للديره والعائله والبر
والخبز والمدارس وكل ما يخطر على بالك

[صديق كلم رفيق]

ماشي كثيررر 400 ألف ممشى في 7 سنوات ، وغير كذا بديه فيه صدوم ، واللون لك عليه ، انحش اجل وانا اخوووك ، ودور لك موتر ماشي من 200 ألف ودون وتلقى إن شاء الله جكسار وإلا هدد 2003 وإلا 2004 في بحر الثمانين بتلقى إن شاء الله .

[حسن ابو طالب]

اخوي الموتر ماشي واجد

ولا تنسى انه راعي بر ...؟

ولا تنسى انك لو خذيته بتخسر عليه مبلغ مو بسيط عشان التعديلات والسمكرة ..

...

استخير ربك والي تشوفه مناسب توكل على ربك وسوه .. والله يكتب لك الي فيه الخير

[السومر]

الممشى ما يضر السياره اذا كان صاحبها محافظ على تغير الزيوت والقطع الاستهلاكيه باستمرار

وسعره مناسب

[سليمان 10]

ماشي واجد وبعد سنه يدق 500 الف والى عرضته مابه احد يبي يعبرك ولايسلم عليك والشايب هودمار السياره انحش الله يعوضك خير منه 000

[ابونبيل]

غآآآآآآآآآآلي

دو لك جكسار 8 سلندر بتلقى بهالقيمه رخيص وممشاه بحدود 200

[لزام1]

تقول راعي حلال يعني مطامر بالبران ونت تعرف سواقت الشيبان كلشي يهبدونه يعني تلقا تحتيه عدمان

[سفاري959]

والله رأيي الشخصي 400 الف على 2005 كثير ياخي معنا موديلات 99 ما وصل هالممشى ولا حوله نصيحه دور لك موتر ممشاه تحت 200 الف لك وللزمن الله يكتب لنا ولك اللي فيه صالح وخيره

[ابومحــ م ـــد]

اذا انت متردد وما اتخذت راي من مشورات الشباب استخر ربك وتوكل على اللي تقرره بعد الاستخاره والله يوفقنا وياك للخير

[sgl2002]

وين وين وين ؟؟؟

أنا معي 92 ماشي 400ألف ...........

وبعدين كلها كم شهر وتبدا توضب ....

خذ لك أقل موديل وأقل ممشى وفكر إذا جيت تبيع ..

[عاشق الحيسية]

الموتر سعره مناسب

لكن ممشاه كثير


بتلقلى أحسن منه إن شاء الله

[العنابي 616]

الفكسارات كثيرة
دور لك واحد ثاني ألرك
و خصوصا إن سعره مهو مغري
ماشي كثير و لزنه مهو مرغوب

[عذب الروح]

ياهلا والله ومسهلا أخوي

موضوع مشابة لموضوعك

أطلع علية قد تفيدك بعض الردود

نصيحتكم في شراء سيارة ممشاها قارب على الـ 400.000 ....لاتبخلوا علينا جزاكم الله خيرا (http://www.mekshat.com/vb/showthread.php?t=338301)

تحيتي

[((( الحر)))]

الله يسعدك ويوفقك

انا معي 2005 والان ماشي 210000 ومع ذلك لايخلو من المشاكل .. كارونه .. رمان دفرنس .. رمان عكوس .. مع اني محافظ عليه لكن كل شي له عمر افتراضي .. حتى الانسان..

الله يوفقك

[زمزم 100]

400 ألف كم + 80 ألف رس

يالله حسن الخاتمة !!

[حبيب الامس]

لا لون ولا ممشى ولا بدي نظيف واستخدام شايب بعد
دور غيره
وعليك بصلاة الاستخاره اولاً

[الفنطاس]

اعتقد انك تترك الموتر لانة ممشاة واجد والله يعوضك باحسن منة هذا رائي

[مغلي]

1- 79 الف ريال
2- لون = غير مناسب = لو بتغيره 6000 ريال
3- ممشى = كثير جدا = يبيله اقل شي 15 الى 20 الف تصليحات خلال اول سنه معاك
4- مواصفات = قليله جدا = عندي استعداد ادفع 10 الاف عشان مواصفات اكثر واكثر
5- بدي = يبيله تلقيط = 3000 ريال تلقيط ورش حزام
6- بعد التلقيط والرش + لون غبي = الموتر صعب بيعه + ممشاه 400 الف = افلقني ان قدرت تبيعه

--------------------------------

لو انا مكانك = اجمع 79 + 6000 تغيير لون + 15000 تصليحات بسبب الممشى والكرف + 10000 مواصفات تفتح النفس + 3000 تلقيط ورش = 113000 ريال ادور لي 2006 شيخ ماشي 120 او 150 كم

[.أبوعبدالرحمن]

قيمته حليوه

لكن ممشاه وااااااااااااااااجد بالحيل ، وحتى لو إنه محافظ السيارة كلها قطع استهلاكية لها عمر افتراضي