مــــا الــفــرق بين الددسن الخليجي والددسن السعودي وسبب السعر

[مساعد بن خالد]

السلام عليكم

اخواني

مــــال الــفــرق بين الددسن الخليجي والددسن السعودي وسبب السعر

لان السعودي في 70

والخليجي اصفار درايش تماتيك وقفل تماتيك وطاره هوا

ب 55 الف

وش الفرق من ناحية المكينه وجودتها

البدي ما يهم عارفين انه خط لكن نبي المواصفات الداخلية

[ابونبيل]

كلهم نفس الشي

الفرق ان الخليجي دفرنس 2004 والظاهر مايفصل
و يجي بدون تمثال الي يجي ع الكبوت بالسعودي
على كلام راعين الددسن السعودي دفرنسه يختلف شوي فايشد بالنفود اكثر من الخليجي

هذا الي اسمعه من اهل الدداسن سير على رابطتهم وبتلقى الجواب

[عاشق الجكسار]

والله انا على كلام واحد من الشباب يقول الددسن الكويتيه متتحمل الخطوط الطويله يقول كل دوله ولها تحملها هذا كلامه مو كلامي

[قناص خلاوي]

موضوع مهم وفرق السعر ماهوب بسيط ويستاهل العنوة
ياليت اللي عنده علم يفيدنا وهل الاختلاف في الددسن الدفرنس بس او الدفرنسين بعد ؟؟
وهل يوجد بالخليج ددسن ديزل وكم سعره للغمارتين ؟؟

[قرم العيال]

اول واهم شي بالنسبه لي ..

مروحه المكيف << هذي ليست بالخليجي ..

الطبلون ما فيه ضغط هواء بالخليجي .,.

التمثال << لا يوجد في بعض الخليجي

الازياق بالسعودي والستكرات اصلي ..

هذا الظاهر لي ..

[و لد ملهم]

و أنا أخوك دام الفرق 15 الف ريال خذ الخليجي بغض النظر عن المواصفات

[قدر مكتوب]

خذ خليجي ولا تشاور

[الشهابة]

الفرق يا الغالي في السعر 15000 ريال .. خذ الخليجي

[مكشآتي للآخر]

الفرق طال عمررك بالقير ..
إنآ إتكلم من سبق تجربة كانت عندي ددسن 2009 سعودية
وعند ولد عمي ددسن 2009 كويتية
الفرق انه الاول انا الي اتذكرة سيارتي تجيب بالاول 40
والكويتية تجيب 55
والثاني انا تجيب 75
الكويتية 100!
الثالث السعودية تجيب 130
الكويتية تصفق 150
الرابع السعودية تجيب 155 او 165 ماني متذكر
الكويتية الرابع تصفق 190!
الخامس السعودية تفصل 177 او 187
الكويتية تفصل 200!
الفرق واضح .!بالقير:) والدفرنش بعدين الكويتية تقريبآ مرتاحة بالخط اكثر من السعودية
السعودية تحن وتسمع صوت قوي من المكينة لامشيت 120

[.أبوعبدالرحمن]

إذا فيه فروقات بالقير والدفرنس

خذ سعودي أزين لك لو خرب عليك شي تلقاه بسرعة لكن الخليجي تطلب

وهاذا اللي حاصل في الهايلكسات من الخليجي والسعودي 2009 السعودي ما يجي ABS
والخليجي يجي ABS وخرب الـ ABS بسبب حصاه ضربة القطعة على نسيبي وهايلكسه قطري وفيه النظام هذا ولا لقى الا بعد عناء طويل جدا جدا جدا على هايلكس سعودي 2006 وبالطقاق لأن هذا الموديل الوحيد اللي نزل فيه النظام

[كبسولة2]

كلها زي بعض

الفرق فقط في المواصفات

الخليجي داخليه رصاصي والسعودي عنابي

الخليجية بدون تمثال السعودي بتمثال

أما المحركات واااااااحدة

قد ركبنا مكينة خليجي على سعودي ومافيه فرق ابداً

موديل 2004

[ددسن 4800]

الخليجي القطري افضل و ارخص من السعودي

و مايبيلها كلام
تصدق ان الخليجي يستحمل اكثر من السعودي

من ناحيتي الخليجي و الفرق المرايا الكهرب تجي في السعودي و الخليجي ما يجي

على حسب علمي بها

[كثير السؤال]

الفرق بسيط بالكماليات

[ساري 111]

اذا هو زي كلام الأعضاء فأتوقع الاختلاف برقم الكارونه فقط لاغير

[khaled 555]

الخليجي اطلق من السعودي بكثير
زي الشاص السعودي ماينفع بريال والخليجي شيك بالجيب + افضل مليون مرة

وددسن طال عمرك الخليجي خذه ونت مغمض

المشكله عندنا في السعوديه اي شي غالي قالي كويس واذا سعره شوي طايح قالو ابتعد عنه

عندنا 2 دداسن خليجيه مشاء الله ادعس وبس

[بيك اب 4X4]

موضوع قديم
الرجال شرى ددسن سعودي و ركب عليه دفرنس خليجي ههههههه

امزح

[الحربي01]

ياخوي خذ ددسن سعودي الفرق في الدفرنس الخليجي تمشي 140 الضغط يتعدا ال4 السعودي حول 3 وثاني شي الخليجي يفصل على 175 السعودي مايفصل ومن ناحيت الاغراض الثانيه كلها زي بعض بس الفرق في مسكت الباب الخليجي تجيك كلها سودا السعودي لا نضام القديم اتمنا اني افتك

[العنابي 616]

الفرق الله يسلمك 15000 ريال