سؤال عن البطارية الثانية ؟

[الروضة]

بسم الله الرحمن الرحيم
السلام عليكم ورحمة الله وبركاته
سؤال لأهل الخبرة في كهرب السيارات
وهو لو أحضر بطارية ثانية وأشبك الماص في البدي والكهرب في كهرب البطارية الثاني وأضع فاصل من أجل إذا أردت شبك لمبات فصلتها عن البطارية الأساسية حتى لاتفضي معها وإذا مشيت شبكت الفاصل حتى تعبي الثانية
زي الأشتراك مع سيارة ثانية ( بدون كتاوت ....)
هل تنجح العملية وهل فيها ضرر

والسلام عليكم ورحمة الله وبركاته

[صنهات]

لا ماتنجح وانتبه من الطريقه هذي تري الكهرب رايح يصير معك 24 فولت وتحترق عليك الظفيره

عطني وقت اجيبلك ان شاءالله الطريقه كامله مع الشرح

[المشراق]

السلام عليكم ورحمة الله وبركاته

مثل ماقال أخوي ونت وين ساكن إن كنت في الرياض عندي لك كهربائي فلبيني ممتاز في حي السويدي وأنا صلحتها للجمس ومن سنين والتكلفة حوالي ( 200ريال ) وتسلم لك الظفيرة وغيرها وبعطيك وصف محله إن اردته انت أو احد من الجماعة شارع البلد الأمين بالسويدي شرق شارع عائشة بنت ابي بكر إتجه من الغرب للشرق بعد أول إشارة بحوالى 300م على يدك اليمين مركز الرياض وقدامه أرض فضاء وأسمه ( قطو)وأتمنىلك النوفيق 0المشراق

[منتعش]

حي الله أخوي الغالي : المشراق
الورشة اللي تقول هي اللي مقابلها مسجد وعندها مطب وعندها مخابز الخيلاء ؟
وهل هو يركب بطاريتين ؟
والسعر هذا شامل شغل يده أو كل شي حتى سعر البطارية .
والله يحفظك ويرعاك ويبارك فيك .

[الدهماني]

أخي الروضه
أنا مسوي الطريقة اللي أنت قايلها بالضبط من سنة
وما حصل معي شي لا خربت البطارية ولا حصل شورت بس احرض يسويها كهربائي شاطر
والحين يمكن طلعت عشرين طلعة للبر
لا وصلت للبر فصلت البطاريتين عن بعض وشبكت اللمبه على البطارية الاحتياط
ولا بغيت أمشي شبكت البطاريتين مع بعض حتى أشحن الاحتياط
والحمد لله مبسوط من هالطريقة

[الروضة]

الأخوان
صنهات جزاك الله خير بس ماتلاحظ لو تشبك أشتراك من سيارة ثانية على سيارتك وتتركها تشتغل لمدة ماحصل شيء ؟
المشراق مشكور على الوصف وأنا لست من الرياض وجزاك الله خير
منتعش حياك الله
الدهماني
جزاك الله خير
لكن كيف تفصل البطارية الثنية هل أنت مركب فاصل ؟ ومانوعه
ثانياً هل أنت تشبكها مع البطارية الثانية على طول ؟
ياليت تبين طريقة شبكها بالضبط ( إذا كان نفس الطريقة اللي في بالي أنا أسويها بنفسي بدون كهربائي والمطلوب هو سلك نفس البطارية يتحمل الكهرب
والسلام عليكم ورحمة الله وبركاته

[الجيب الربع]

وعليكم السلام ورحمة الله وبركاته

أخي العزيز الروضه

ممكن هذا الموضوع لاخينا المترو يفيدك اذا لم يسبق لك قرائته

طريقة شبك البطاريه الاحتياطيه للسياره بالشرح والصور (http://www.mekshat.com/vb/showthread.php?t=37714)

لك أجمل تحية

[المشراق]

السلام عليكم ورحمة الله وبركاته أخوى منتعش اللي مقابلة المسجد ورشة أتراك وهي بعد المسجد على اليمين وبعد مخابز الخيلاء والبقالة وأسمها مركز الرياض والفني فلبيني وأسمه ( قطو ) وترى الورشة الي قلت ما مدحت . ومستعد لأي خدمة أخوك المشراق وتراي مركبها على صالون جمس 0

[منتعش]

الله يبيض وجهك ويسعدك على المعلومات القيمة .
والله يحفظك ويرعاك .