خاص لاصحاب الجمس فقط [الأرشيف]

مشاهدة النسخة كاملة : خاص لاصحاب الجمس فقط

kmarrr

23/03/2011, 01:10 PM

شباب انا عندي جمس 2006 دبل وودي اغير كفراته القديمه وهي قودير مقاس 265 / 75/16 وش تنصحوني فيه انا طلعاتي للبر تقريبا 45% مو كثير لقيت كفرات اسمها ماستر كرافت صناعتها امريكي وش رايكم فيها هل احد جربها او غيرها ينصحني فيها ولكم خالص التقدير

سداااااح

23/03/2011, 01:49 PM

انصحك بالدنلووب

سلفاريو

23/03/2011, 01:52 PM

انصحك بالدنلووب
:good::good::good:ممتازه جدا ومجربه ...

ريان2002

23/03/2011, 02:02 PM

بالنسبة للدنلوب فأنا جربته على يوكون 2002 مقاس 275 / 70 / 16 لمدة سنتين أمشي يومياً على طريق جلد بحكم ضروف العمل ( صخور حرات ) مسافة 60 كيلو ( 30 رايح و30 جاي ) وكلها جلد ممتاز جداً ولم يبنشر نهائياً إلى أن غيرته بطقم آخر نفس النوع بس مشكلته قاسي شوي ولكن يظل ألين من البرجستون لأني جربته
ولكن إن كان البر اللي تروح له طعوس ورمال فبعض الأخوان مدح كفرات الهانكوك ويقول إنها لينه في الحفر والمطبات فأنصحك بها لأن الرمال ماتقارن بالطرق الوعرة وكذلك ممتازة على الإسفلت
والله يسهل أمرك

kmarrr

23/03/2011, 04:02 PM

اشكركم يااخوان علي نصيحتكم ولكن كنت اليوم عند بن زقر وكيل دانلوب واخبري العامل ان كفرات دانلوب لاتصلح للجمس لانها خاصه بالجيوب واتمنى من الاخوان ان لايقيسوا تجربتهم بالكفرات على الجيوب وانماعلى الجمس فقط .....

ريان2002

23/03/2011, 05:03 PM

وأنا قلتلك بردي فوق إني جربته على يوكون وتراه مثل الجمس مافيه فرق
والطقم اللي عليه له الآن سنه وشهرين واللي قبله خدم سنتين
والعامل تراه ماصدق لكن شكله تعود إن مايشتري منه إلا أصحاب الجيوب فإذا كان مقاس الجنط واحد ( 16 ) للجيب والجمس وعرض الكفر المستخدم في السيارتين مهما كان نوعه متقارب فإش اللي يمنع من إنه يركب على الجمس ؟؟؟؟ لو سألته هالسؤال ماعرف يرد عليك

مغلي

23/03/2011, 05:33 PM

شط العرب..

23/03/2011, 10:35 PM

أنصحك بالدنلوود 275 / 70 / 16
بس ترا فيها صوت مع الملفات .. لكنه طبيعي ..

طير رماح

23/03/2011, 10:57 PM

انصحك بالهانكوك انا مجربها على الجمس ولي 3 سنوات مقاولها

لحظةوداع

24/03/2011, 12:03 AM

أنا مركب هانكوك ممتاز وسعره حلو 550 ريال

kmarrr

24/03/2011, 01:15 AM

وانت تصدق العامل ... الله يهديك

.
.
بالله وش الفرق بين يوكن دبل = وبين فكسار او جكسار
الفرق ... الصناعه .. فقط ... ولا كلهم جيوب ... دبل وتطعيس ... ووزنهن 2500 كغم
.
.
.
المهم ركب مشلان - او - دنلوب - او يوكوهاما - او اكسس او ماكسس
.
.
وفيه عرض بهايبربنده ... تسوق عندهم وممكن تكسب كفر لما تغير 3 كفرات اعتقد انها قودير

وش مصلحته انه يرد زبون جاء اليه كان قال انه كويس وركب زي ابو يمن اذا جيت اليه قالك هذا احسن كفر عشان تشتري من عنده ولكن ياشباب مارديتوا علي بخصوص كفرات ماستر كرافت

kmarrr

24/03/2011, 01:17 AM

انصحك بالهانكوك انا مجربها على الجمس ولي 3 سنوات مقاولها

سألت عن كفرات هانكوك مقاس 265/75/16 وما حصلت

عاشق الvx

24/03/2011, 01:40 AM

مشلان ممتازه جدا
ومجربة على نفس موترك

تيتشر

24/03/2011, 09:26 AM

كفرات قودريش

بالكويت مالها وكيل عندنا

دواك عندي

24/03/2011, 01:32 PM

انا معي يوكن كنت ابركب ميشلان بناء على نصيحة الأخوان هنا في مكشات ولكن للأسف ماحصلت وركبت دانلوب الصراحه مرتاح معهن لكن قاسيات بعض الشئ

kmarrr

24/03/2011, 02:37 PM

كفرات ماستر كرافت فيه احد جربها

تيتشر

24/03/2011, 02:43 PM

ماجربتها شخصيا

لكن لي زملاء جربوها ويمدحونها وللمعلوميه

تراها بالدرجه الثانيه بعد كفرات قودريش اللي قلت لك عليها

كفرات قودريش أخف وزنا واقل ازعاج بالخط

نصيحه ان كان لك روحه للكويت او تعرف احد بيروح هناك خله يجيبها لك من هناك

تيتشر

24/03/2011, 02:45 PM

ترى كلامي هذا ان كان موترك حوض مو صالون

بالنسبه للصالون ماعندي خلفيه عن المناسب له

kmarrr

25/03/2011, 12:53 AM

ترى كلامي هذا ان كان موترك حوض مو صالون

بالنسبه للصالون ماعندي خلفيه عن المناسب له

اشكرك اخي المعلم وموتري صالون

عبدالعزيز-1

25/03/2011, 09:05 AM

الافضل في الكفرات هو الميشلان الفرنسي ومن بعده الامريكي ثم التايلاندي

جربت الدنلوب وكانت تجربتي لها سيئه حبلت معي بسرعه + بعد سنه يطلع لها صوت وانت تمشي

kmarrr

26/03/2011, 12:17 AM

الافضل في الكفرات هو الميشلان الفرنسي ومن بعده الامريكي ثم التايلاندي

جربت الدنلوب وكانت تجربتي لها سيئه حبلت معي بسرعه + بعد سنه يطلع لها صوت وانت تمشي

اشكرك اخي عبدالعزيز والله انا محتار بين قودير وتاريخها 2010 44 اسبوع وبيم مستر كرافت وتاريخها 2011 و1 اسبوع

kmarrr

26/03/2011, 01:58 PM

وينكم ياشباب معقوله محد جرب او سمع عن كفرات ماستر كرفت شئ

راعي8100

27/03/2011, 01:02 AM

لم أجرب كفرات (ماستر كفرت)
وانا صارلي سنتين تقريبا مركب كفرات (مشلان) الفرنسية
على جمس 2002 سفرات طلاعات بر ممتازه

((أعقل الميشلان وتوكل))

أخوك: عمر المذن

جاسم الهاجري

27/03/2011, 03:42 AM

لم أجرب كفرات (ماستر كفرت)
وانا صارلي سنتين تقريبا مركب كفرات (مشلان) الفرنسية
على جمس 2002 سفرات طلاعات بر ممتازه

((أعقل الميشلان وتوكل))

أخوك: عمر المذن

وفقك الله واسرك سرور في الدنياء والاخرة اخي عمر المذن كنت طفشان واضحكتني يوم تكتب (ماستر كفرت)
وهو يسال عن ماستر كرافت
اخي الفاضل kmarrr (http://www.mekshat.com/vb/member.php?u=64492) اوصيك في ميشلان ميشلان (بالإنجليزية (http://ar.wikipedia.org/wiki/%D9%84%D8%BA%D8%A9_%D8%A5%D9%86%D8%AC%D9%84%D9%8A% D8%B2%D9%8A%D8%A9): Michelin‏) هي شركة فرنسية (http://ar.wikipedia.org/wiki/%D9%81%D8%B1%D9%86%D8%B3%D9%8A%D8%A9) تعد الأولى عالميا في قطاع صناعة الإطارات المطاطية (http://ar.wikipedia.org/wiki/%D8%A5%D8%B7%D8%A7%D8%B1_%D9%87%D9%88%D8%A7%D8%A1)
المهم اخي الفاضل لقيت لك هذ الرابط يتكلم عن نفس طلبك وشرح مع الصور
http://www.assayyarat.com/forums/thread153854.html

بوراشد

27/03/2011, 03:59 AM

السلام عليكم ورحمة الله وبركاته

ياجماعة بقول لكم سالفة ميشلان
جانا واحد من الربع عنده فكسار وعليه تواير ميشلان والولد يشكي منهم يوم نشدناه قال عمرهن سنتين وابي اسافر يعني لازم ابدلهم
الثاني قال هذيل هم على سيارتي من اربع سنوات (سيارته يوكن) بس الايام التوالي ما قمت اسرع عليهم

للعلم الاثنين اهل كشتات وعطلة الاسبوع صعب يقعدون بالديرة والاثنين يكشتون ويطعسون وغرامهم الصمان
الله يوفق الجميع (انا تعرفت على ميشلان عقب سالفتهم) :)

kmarrr

27/03/2011, 11:49 PM

اشكر جميع الاخوان علي تفاعلهم معي والمشكله اني دورت علي ميشلان نفس المقاس في الغرابي ولاحصلت اذاكان احد يعرف وين احصلهم يعطيني خبر واكون له من الشاكرين

أبلج

28/03/2011, 12:25 AM

عليك بالمشلان اسأل مجرب خاصة للجمس سفر وتحميل وبر
لكن شرط تاخذه من الوكيل ويكون تاريخه جديد