يالله انا طالبك حمرا هوى بالي

[ساري نجد]

سلاااااااااااااام

احييكم يا اخوان وحبيت اهديكم هالقصيده
وقائل هذه القصيده غير معروف او بالاصح اختلف في نسبتها حسب جريدة الرياض
وهي مكونه من اربعين بيت ... وهنا بعض الابيات

يالله انا طـالبـك حمـرا هــوا بـالـي ***** لـي روّح الجـيـش طـفّـاح جـنايبـها
اللـي عـلى كـورها واللي بلحبالي ***** واللي على المردفه واللي بغاربها
يا بنـدق(....) يـللي مـالـك أمثـالـي ***** اللي ليّا جـت ليـال الصـيد عـجـبها
اللـه يرحمـك يا عـود شـراهـا لـي ***** من واحـد جـابها للسـوق جـالـبها
حـديـدهـا واذكـر الله كـنـه ريـالـي ***** كن الحـيايا تطـوّي في مقـاضـبـها
ربعي ليا جو من المقناص زعالي ***** احدن مدح بنـدقه واحـدن يعذربها
بشـرتهم بالعـشا من عـقب مقيالي ***** والقايده مع مـرد الكوع ضـاربها

وقد غناها الفنان سمير الوادي

http://www.eqla3.com/eqla3foon/Sha3bi/Sha3bi41.rm

اتمنى الرابط يشتغل صح

يالله سلاااااااااااااااااااام

[راعي الجيوب]

صح لسانك وبيض الله وجهك على هذا القصيدة الجميلة

ومشكور على هذا الاغنية الرائعة

وجزاك الله خير وماقصرت

اخوك:راعي الجيوب

[السرحان]

صح لسان الشاعر وتسلم ايدك على النقل
وهذا يدل على ذوقك وفنك
....مشكوووور