المساعد الشخصي الرقمي

مشاهدة النسخة كاملة : ياهل اللاند كروزر.......فزعتكم...


محمد بن ناصر الثبيتي
25/11/2005, 08:38 PM
السلام عليكم ورحمة الله وبركاته


اخواني عندي استفسار ....

طلعت في ساعة ضغط المكينه الكتابة التالية......t-belt
لونها اصفر

سيارتي لاند كروزر Gx-r
2003

لوسمحتوا اللي يعرفها يعلمني وجزاكم الله خير

اخوكم ابوناصر
بوتركي
25/11/2005, 08:42 PM
غير يالغالي سير الجنزير يالغالي عند الميه يبي تغيير دائما
محمد بن ناصر الثبيتي
26/11/2005, 07:30 AM
الغالي ابوتركي
اواحدالاخوان اللي عنده معلومات
س... هل اي ورشه ممكن تغير الجنزير ولا لازم الوكاله...
س.. وبعدين كم يكلف.....
س... وهل يضر السيارة لوتاخرت عن تغييرة...
وانا عاجز عن الشكر للجميع
وين يبون بنا
26/11/2005, 08:11 AM
هلا اخوي ابو ناصر ..

انا توي مغيره قبل اسبوعين لموتري عند الوكاله .. والحقيقه غيرته عند الوكاله من باب الاطمئنان فقط .. وكلف حدود 800 ريال .. اما سؤالك هل يضر لو خليته وما غيرته .. على ما سمعت والعلم عند الله انه يضر وممكن لو انقطع عليك تغير قطع بما قيمته 5000 آلاف أو يزيد .. اتمنى اني جاوبتك ..

تحياتي للجميع ..
الشقردي
26/11/2005, 12:52 PM
انا اذكر قد طلعت لي هاللمبه في الـ Vxr98 يوم تعديت 150 ألف كيلو تقريبا
وغيرته عند الوكالة أضمن لأنهم الظاهر يحتاجون يفكون أشياء كثيرة وحساسة عشان يوصلون له, ونصحني مهندس الصيانة اني أغير بعض القطع اللي ما بقي في عمرها الا شوي (ما أذكر وش هي) اللي في طريقهم وتحتاج فك ولا تقدر توصل لها مباشر بعد ولا أدري هو صادق ولا لا, لكن أضمن شئ انك تسمع كلامهم.

ونصيحة هالامور لا تخيل أحد يجيها الا الوكالة, لأنك لو حاولت توفر شوي يمكن تخسر كثير
أبو أديب التميمي
26/11/2005, 01:25 PM
انا سيارتي كامري والظاهر انها نفس الشغلة غيرت السير عند 120000 يسمونة (جنزير المكينة) ولو ما تغيرة يمكن ينقطع وانت تمشي ثم عاد انشب انت وياه !! .... فصلحة يبو ناصر لأنه فيك فيك تصليحة .. وانتبه لا يفك الموتر واحد يتعلم عليه وده لناس فاهمة ولو زادوا عليك بس اهم شي الراحة النفسية ..

تحياتي للجميع
محمد بن ناصر الثبيتي
26/11/2005, 08:37 PM
السلام عليكم ورحمة الله وبركاته

الاخ/ ابوتركي
الاخ/ وين يبون بنا
الاخ/ الشقردي
الاخ/ ابو فارس
الله يجزاكم خير

والكم هالبيتين وانتم تستاهلون اكثر

بيض الله وجه ابوتركي ووجه اللي معاه @@@ يوم انا بـغيت فزعه كلـــبوهم حاضرين
منتدانا جعل ربي ينصره شخصً بـــــناه @@@ يجمع رجال نشامى في اللوازم جاهزين وسامحوني عن القصور......
ودمتم سالمين..........

اخوكم ابوناصر
دبارة
26/11/2005, 08:48 PM
اخوي ابو ناصر عط الخبز خبازة ولو اكل نصفة ((يعني عليك بالوكالة ولوزادو عليك السعر المهم انك تكون مرتاح نفسيا)))
اخوك دبارة
محمد بن ناصر الثبيتي
26/11/2005, 08:57 PM
السلام عليكم ورحمة الله وبركاته


اخوي/ دباره

بيض الله وجهك يالغالي انت والأخوان ....... وانشاء الله بكره ابودية الوكاله.....


وجزاكم الله خير.....

اخوك ابوناصر
ودمت سالم.........
بوتركي
26/11/2005, 11:28 PM
ابو ناصر مرحبا بك وماسوينا الى الواجب وتشكر على القصيده والف شكر ونحن سعداء جدا بك
الشقردي
27/11/2005, 11:49 AM
ابو ناصر

تسلم على هالابيات

وهذي الطبايع مهيب غريبة على نشاما مكشات كلهم ...
محمد بن ناصر الثبيتي
28/11/2005, 08:53 PM
السلام عليكم ورحمة الله وبركاته

اخوي/ ابوتركي ..... شكراً ياطويل العمر على ردك الاول وردك التالي بعد وبيض الله وجهك.......


اخوي/ الشقردي شكراً يالطيب على حضورك ومشاركتك معنا والله يبض وجهك..........


ودمتم سالمين....

اخوكم ابوناصر
الجبل العالي
29/11/2005, 03:15 AM
السلام عليكم ورحمة الله وبركاته
يا اخوان كلامكم في متمة بس اعتقد ان gx-r يجي سير المكينة حديد والفكس آر هو اللي يجي سير المكينة بلاستيك السير العادي كل 120000يغير والحديد الي في الجكس آر ما يغير
ولكم خالص تحياتي
محمد بن ناصر الثبيتي
03/12/2005, 08:33 PM
السلام عليكم ورحمة الله وبركاته


اخواني......

اشكر الاخوان اللي شاركوا في الرد على الموضوع على اجتهادهم........

واشكر اخوي الجبل العالي وعزالله انه صادق واليوم وديت السياره للوكاله وبعد ماطلعوا عليها قالو هذي لمبة الجنزير ولكنه مايغير في الجكس ار ويغير بس في الفاكسار لان الطبلون واحد في الفكس والجكس ودخلته عندهم واعادوا برمجه للسياره .... المهم ان اللمبه طفت... وكلفني 120 ريال فقط......



اخوكم ابوناصر
ودمتم سالمين