اين تقف سيارات ساهر على طريق مكة؟

[نديم الحيا]

السلام عليكم ورحمة الله وبركاته

اليوم ياجماعة الربع ابمشي لمكة ان شاء الله

ياليت اللي عنده علم وين تاقف سيارات ساهر على الطريق يعلمني وله مني دعوة خاصة تحت الكعبة

[الخزاعي2010]

شوف اخوي فية سياره تحت كبرى مستشفى الحرس الوطنى
وفية سيارة تحت كبرى الميت هذا مسنتر ابد مايروح

ونتبه بعد كبرى الشميسى فية سيارة بس بعض الاحيان ماهو موجود

وبعد انتبه لكبرى الحجز

وتوووووصل بسلامه ان شاء الله

[عبر الأجواء]

السلام عليكم ورحمة الله وبركاته:

شف الله يسلمك عشان تريح نفسك ترى هي غالبا ان لم يكن دائما تحت الجسور (الكباري) يعني خذ حذرك منه

وانتبه لنفسك من السرعة الله يسلمك

[بدوي جنوبي]

اخى نديم يعنى السرعه محدده ب 120
أكثر من كذا بتمشي كم 140 مثلا
ما تستاهل انك تاخذ قسيمه عشان فرق 10 دقائق تقريبا
للوصول

بالتوفيق عزيزي

[عبودي2002]

ياجمااااااااعه

ساهر صحيح انه ظلم قيمة المخالفه بس للزمن هو من صالحنا

صدقوني في النهايه نحن المستفيدين منه حيث انه اجبر الاكثريه على عدم السرعه وهوبذلك كان المساعد بعد الله تعالى على قلة الحوادث الخطيره بسبب السرعه

النظام وضع من اجل حماية ارواحنا وهي غاليه على الجميع اتمنى التفكير لدقيقه كم سيفرق من الوقت في مسافة 100 كيلو بسرعة 120 وسرعة 180 اتمنى حساب الوقت وبعده احكم بنفسك هل تستحق المخاطره بنفسك من اجلها

واكيد ان المكتوب سوف يحصل حتى لو انك على سريرك ولكن امرنا بفعل الاسباب

[majeds]

120 تتمشى وتشوف الي حوليك خصوصا بالنهار
135 قسيمة ب 300 ريال ونفس المناظر الي تشوفها بسرعه اكبر واقل تركيز زالفرق 10 دقايق مثل ماقال اخونا الجنوبي
135 + قسمة ب 500 ريال ولا تشوف شي ونسبه الحوادث مرتفعه وتحتاج تركيز عالي جدا اقل غلطه الله يعينك والفرق 15 او 20 دقيقه فكر وش بتحلق؟ هل هو ميت بتحييه او كارثه وبتوقفها؟ الله لاقادر على كل شي
تحياتي

[شين بس رزه]

ترفق بس الله يستر علينا وعليك

[شعيب فياض]

اللهم اجعل ساهر فوق كل تل وتحت كل كبري
والله ياخوي ماارتحنا من المهبل إلا يوم صار ساهر
صحيح إنه قلق وخساير بس يعيننا على التعقل
تروح وترجع سالمآ معافا

[mr.قهد]

يااخوان ليش تشيلون هم سااهر؟؟
حط على اللوحات شطرطون ولا لزقاات وتوكل على الله

[وادي حويره]

دائما توقع ساهر بالقرب من المدن والقرى
والاماكن اللي فيها شبكة الجيل الثالث

[gomr-15]

كل يوم لهم محل ما يثبتون ابد في موقع واحد

عشان كذا انتبه يالغالي وكن حذر

وانصحك بعد ما تسرع وشوله العجله والخساير مخالفات وحوادث وغيرها الله يسر عليك ...,,,

[Abo gssar]

انا مع راي اغلب الشباب خط جده السريع مايحتاج سرعة اكثر من 120 لان المسافة قصيرة والخط دائما مزدحم هذا اولا.
ثانيا المشكلة ماهي في الخط السريع المشكلة في مداخل المدن تكون جاي من الخط ومبرمج نفسك على سرعة120 وفجأة تشوف فلاش ساهر وماتلاحظ ان السرعة المسموحة اصبحت 60 علما انك تعتبر في خط سريع لاكن في نهايته ....
الحين ماعاد ساهر سيارات فقط الان اصبح يوضع في صناديق مهملات(قمامة-زبالة)اكرمكم الله وموجوده بكثره في الخط السريع وفي مداخل مكة خصوصا على الدايري.

[الليميتد]

الحين ماعاد ساهر سيارات فقط الان اصبح يوضع في صناديق مهملات(قمامة-زبالة)اكرمكم الله وموجوده بكثره في الخط السريع وفي مداخل مكة خصوصا على الدايري.[/QUOTE]
+ 1

[ابن الاصيل]

يخوي شلك بالسرعه الله يكفيك شره لاتنسى فيه ناس ينتظرونك من اهلك ويخافون عليك لاتصير عليهم نكد وهم خلك اذا وصلت يفرحون بجيتك

[رسيس نجد]

السرعه ما فيها خير

[ذباح الكرك]

السرعه مافيها خير وخط مكة جدة ازحم خط سريع والزحمة على طوول فيه

وانت طالع من جدة على مكه لاجاتك محطة الفتح على يسارك تجيك نزله قوية شوي فأخر النزلة تحصل

صندوق ساهر شبية لصندوق القمامة اعزكم الله

فالخط الدايري وانت رايح للعزيزية والطايف قبل وبعد كبري المسفلة وفوق كبري كدي وبطحاء قريش

فالرجعه بداية كبري كدي (بين الشجر موقف السيارة ) بعد كبري الرصيفة والاسكان تحصلة بين الشجر

والله يستر علينا وعليك