هذه قصتي وسؤال للخبراء . ارجوا الاجابه للفائده

[ذرب المعاني]

السلام عليكم ورحمة الله وبركاته
وعساكم على القوه

يا اخوان حصل لي موقف . وماقد مر علي الا هالمره
الخميس اللي طاف لقيت راعي فورد جيب اكسبدشن متعلق في عقم .. وسحبته بموتري وطلع .. وتشكر الرجال ومشيت .. يوم ابعدت شفته في المرايه موقف وكنه مغرز رجعت له وسحبته الين اظهرته لدرب راكد .
وطلبني اخذه للمكان اللي كان فيه جالس عشان ياخذ عفشه واغراضه لانه ماخذاها . يوم رجعت انا وياه دخلت من نفس العقم اللي هو تعلق فيه وطلعت وكان عقب العقم طلعة فشرااا من اثار حفريات كسارات او ويت . المهم مدري وشلون الاوالموتر متعلق الكغرات تفر مكانها والدفرنس متعلق .. دخلت تحت الموتر وقمت احفر لكن الدنيا ظلما والموتر مسخخخن من تحت .. وحاولت اني اظهره وتمنيت حظتها ان معي ونش في الصدام غشان اربطه قدام واتل الموتر ..
ابي افضل طريقه مناسبه اذا تعرض الواحد لمثل هالموقف ..
هو المفروض الواحد يعرف دربه قبل بتوهق لكن احيانا تجي بالغلط .. او دون انتباه وحذر

[الطير المهاجر]

السلام عليكم
اولا الاكسبدشن ثقيل مو اشوي وزنه
ومثل هالسيارات لازم يفشش توايره على العشرة هذا المفروض لانه ان طاح حتى الثقيل مايطلعه
وعندي نصيحة حق مثل هالسيارات الكبيرة هذي انه يشتري له مشايات حديد ويشيل معاه شيول وهذا اقل شي المفروض يسويه
ونصيحة حق الي بيدخل بر حتى الخبير يسويها انه اذا جا بيدخل مايدخل على طول زي العبيط لازم يعرف طريقه وين يبي يروح
مو مثل راعي الفورد الله يهديه
وترى انا ملاحظ مثل هالناس خاصة على طريق الرياض الكروزرات دائما ينزل جلد علشان يصلي ويوهق نفسه
مثل هذا مين الي يوقف له في طريق غير الي عندهم سيارة عدلة
بس اهم شي حق الي يبروح لحاله انه يشيل معاه اقل شي الشيول
تحياتي وان شاء الله ماحد يقرز ويتوهق لحاله ويحمد ربه انك صادفته هذاك اليوم هناك

[حر اليدين]

اقل شي صاجة يمشي عليها