تقييم لاندكروزر الجديد 2008 ومافوق

[ابوبسام مكشات]

اخواني انا ادور لي على جيب

بس ما ادري ما هو افضل موديل2006و2007 أوالشكل الجديد من 2008 وطالع

ياليت تشاركوني يا اخواني للوصول الي افضل موديل وتقييم سيارات الاندكروزر :l


ولكم فائق احترامي

[الغاط الحصين]

2006 الى 2007 للكرف 2008 الى 2011 شكل

[قناص خلاوي]

2006 الى 2007 للكرف 2008 الى 2011 شكل

صدقت هذي الزبدة

[الوزير2]

2006 الى 2007 للكرف 2008 الى 2011 شكل

هذه قلناها سابقآ 1989الى 1997حقت كرف وتحمل ودفرنسات وقرق طويل ..الخ ...
1998الى 2007 شكل ومشاكل ومافيه دفرنس للفكسار وتوماتيك واستبنة تحك وخرابات الخ ..
والآن نقول العكس والجديد من 2008 شكل وخكري ودبل كهرب ومايصلح للبر وخرابات الخ ..

وسنظل هكذا على طول الطريق وجميع السيارات صار بها هكذا مثل الكامري والهايلكس والله المستعان .
ومع ذلك شف الشوارع مليانة منها ونشتري بس اللهم فكر وكلام والواقع يفرض نفسه .
لكن انت انظر قدرك الماليه اولآ ثم حاجتك بالسيارة ثم استخر واقدم ولا تكثر المشورة لأن كل سوف يدلي بدلوه بما يناسبه ,,

[راعي الركيات]

الجديد مامثله في اي سيارة


واللاند كروزر اثبت جدارته عبر السنين انه من افضل السيارات

مع وجود الكثير من السيارات المنافسه

[أبوراشد]

الجديد حتى لاتندم
الـ 98 سبوه أول ماطلع
والـ2008 نفس الشي
ربعنا مايستوعبون إلا بعد مرور 4 سنوات
يعني من 2012 بتنتهي طفة الشكل القديم

[.أبوعبدالرحمن]

الجديد أفضل من القديم بأشياء كثيرة

صحيح ان القديم لازال ماسك شكله وقوته ولكن كلها سنتين والا ثلاث بتمل من شكله لأنه قديم


ولو الجديد فيه شيء ما شفناه بكل مكان يعني تدخل في أي شارع بدون مبالغة تلقا ثلاثة والا أربعة وهذا دليل على إنه أثبت جدارته

ونصيحه في كل شيء ( الشيء المنتشر مع الناس لا تشاور أحد فيه )


الله يوفقك باللي يرضيك

[وكري الشمال]

انا مع كلام الأخوان مابعد الجديد ما صمم إلا للبران

[أبو صالح0]

إذا إنك منت براعي بر أنا أنصحك فيه وإذا كنت العكس فأنا انصحك بالقديم او الباترول

[ابوبسام مكشات]

السلام عليكم ورحمة الله وبركاتة


جزاكم الله خير على مشاركاتكم وأرائكم


بس الاحظ بعض التعصب للقديم زاد في حيرتي :(:(:(

[نسيم المطر]

طبعا الجديد
ان كنت راعي بر عليك بالgواذ كنت على خفيف خذ 8 سلندر جاكس ار وفوق
الله يوفقك