الوكاله طلبت 250 ريال تغيير بواجي شوفو كم غيرتهن برا ؟

[زيتون أبيض]

والله ياناس الوكالات لاعبين علينا تصورو الوكالة طلبت 250 ريال لتغيير بواجي

اكسبلورير وغيرتهن برا ب 45 ريال هههه واللي ركبهن تركي شاطر يمدحونه

ماصدقت أحسبه صعبه مثل ماقالولي 00 الله لايحللهم دنيا وآخره غش في غش

[meshu]

45 ؟؟؟؟؟؟؟؟؟؟؟؟؟؟؟؟؟؟؟ مو معقوله

البواجي لوحدها إغلى من كذا إلا إذا مركبها بلاش بعد ؟

[دل البحار]

اخوي ممكن قال لك السعر 250 قبل الخصم
لكن بعد الخصم بكم يكون السعر
ثاني شيء الوكاله مافيه ولله زي الوكاله أسألني عن المحركات يتعبونك الغشمان بالصناعيه وبالوكاله تخصص يعني كأنك مسويها بالشركه ببلدها ،،مجرد رأي وتحياتي لك""

[سعدكو]

أخوي نصراوي عسل .. انا أؤيـدك وبقـوة .. لأنه فيه شغلات ما يحتاج تروح الوكالة : زي البواجي وتغيير زيت مكينة وتشييك السوائل زيت الفرامل والدركسون. لأنهـم لاقينا ويلعبون علينا.
اسمع قصتي المختصرة وتمسك راسك .. اشتريت من الوكالة 2 مساعدات خلفية وسألتهم بكم يغيرونها ؟؟ قال لي : شغل يد 890 رياااااال !!! ليييييش :confused::confused::confused: ؟؟ قال هذا اسعار الصيانة بعد الخصم طبعا ومبرمجة عندنا بالكمبيوتر!! قلت السلام عليكم وانا اروح ميزان اليرموك بالصناعية القديمة . وركبت المساعدين الخلفيين بـ 150 ريال فقط , مـع ضمان لمدة شهـر والفاتـورة مـعي .
يعني بالعربي نصـاااااابين .
وأقول للاخ mesho تـرا 45 قيمة شغل اليد فقط .
وأقول للاخ دل البحار .. تـرا يوجد ورش في الصناعية أفضل من الوكالة في الكشف والأسعـار !! مثل : مركـز الوعـلان / تـراي ستار / مركـز المشعل . وغيرهـا كثير .. وأعطيك مثال بسيط رح لاي مركز منهم واسأل عن قيمة فحص الكمبيوتر والبرمجـة ؟ طبعا معروف 100 ريال
ورح الوكـالة واسأل ؟؟ بـ 480 ريال !!! المشكلة جهاز الفحص هو نفسه اللي في الورش والوكالة . حبيبي هذا الكلام من واقع تجربة شخصية . واتفـق معاك فيه شغلات ضروري تعملها بالوكالة زي تغيير فلتر وزيت القير حتى لو كلفتك .
وتقبلوا مــروري .

[زعيم مو مزعوم]

انا يا خوي معي اكسبلورر 96 شريت البواجي من الوكالة تقريبا 97 ريال وركبته بلاش عني في البيت ترى الدعوى سهلة بس يبغالها جهد وبعض المفهوميه

[canon-d]

الله يكتب الخير للجميع ومشكور على طرح الموضوع وتقبل مروري

[mobe]

الله يعطيكم العافية ياشباب على نشر خبراتكم هنا.
والله نستفيد جدا..الله لايحرمنا من مساهماتكم القيمة

[AxR979]

يا رجال لو جينا للصح .. 45 ريال اشتري به مفك حق بواجي و اركبهن بنفسي

[T-Tamimi]

يعطيكم العافيه جميعا
للفائده فقط ,,
كان معي كراون فكتوريا جديد ماشي 50 الف
حبيت اغير بواجي واسوي تصفيه
الوكاله سعرهم مبالغ فيه وانا ماعندي عده اغير فيها البواجي والسيرولا حفره استعين فيها بتغيير فلتر البنزين وخلافه
المهم اتفقت مع فلبيني في ورشه بام الحمام واستعنت بالله وخليتهم يشتغلون وجبت لهم قطع الغيار
بعد تقريبا اربع شهور صار معي تفتفه قووويه والي صار ان واحد من البواجي انطلق من مكانه
يعني الي ركب البوجي ركبه مايل وبازت السنه حقت البوجي الي براس المكينه
واضطريت افك راس المكينه اسوي له خرط لفتحه البوجي
وطبعا راس المكينه صعب يفكونه لحاله لان مكانه ضيق
وفكيت المكينه كلها برا وفكيت منها الراس وخرطته ورجعت ركبته وركبت المكينه

السالفه هذي والحوسه كرهتني بالسياره

الي بقوله ان تركيب البواجي لا تستهين فيه ابد
لازم ونت تركب البوجي تتأكد ان السنه ماشيه تمام وما يكون البوجي راكب غلط وتقوم تزر عليه بقوه وتعدم سنه المكينه

ايضا معلومه مهمه >> لازم تكون السياره باارده قبل تفك البواجي لان الحراره ممكن تخرب السنه ونت تفك البوجي او تركبه .

اتمنى تكون المعلومه مفيده للجميع

بالتوفيق

[ضميني]

بالنسبه لتركيب البواجي
كنت اركبها بيدي مافي اي مشاكل فيها
بس اذا بغيت تركب البوجي
ابدأ بتركيبه بيدك على الاقل 6 لفات بعدين بمفتاح البواجي
على شان تعرف ان البوجي ماشي صح
يعطيكم العافيه على الموضوع

[alturki1386]

نحن نعرف أن أغلب شغلات الصيانة العادية مثل الزيوت والبواجي وخلافه سهلة وممكن تسويها برا الوكالة .. لكن إذا كانوا يشترطون عليك أن ضمانهم يكون فعال أن تعمل الصيانة الدورية لديهم .. قريب لي اشترى سيارة وكان يعمل غيار الزيوت والسيفون وغيرها برا وعندما حصل عنده مشكلة بالمكيف (اظنه تهريب) وهي في وقت الضمان ذهب للوكالة رفضت أن تكون الصيانة على الضمان لأنها تعتبره خالف الاتفاق ..
وش نقول ما عندك وزارة تجارة تدافع عنا.
لماذا تربط الشركات ضمانها بأن نقوم نعمل الصيانة الدروية لديهم وخلاف ذلك فإنه يسقط حقنا بالمطالبة.

[m3ax]

نحن نعرف أن أغلب شغلات الصيانة العادية مثل الزيوت والبواجي وخلافه سهلة وممكن تسويها برا الوكالة .. لكن إذا كانوا يشترطون عليك أن ضمانهم يكون فعال أن تعمل الصيانة الدورية لديهم .. قريب لي اشترى سيارة وكان يعمل غيار الزيوت والسيفون وغيرها برا وعندما حصل عنده مشكلة بالمكيف (اظنه تهريب) وهي في وقت الضمان ذهب للوكالة رفضت أن تكون الصيانة على الضمان لأنها تعتبره خالف الاتفاق ..
وش نقول ما عندك وزارة تجارة تدافع عنا.
لماذا تربط الشركات ضمانها بأن نقوم نعمل الصيانة الدروية لديهم وخلاف ذلك فإنه يسقط حقنا بالمطالبة.

الوكالة تجبرك بالصيانة الدورية عندها لأنها عارفه ان شغلها نظيف وهي على استعداد لأنها تضمنه وتعرف زين بأنك لو التزمت بالصيانة الدورية عندها ناااادراً جداً تتعطل سيارتك ..

بينما لو رحت تصلحها برى يمكن تروح لسباك ولا مبلط ما مشي سوقه في شغلته وفتح له ورشة ميكانيكا (وهذا حال 99% من الميكانيكيين) وايتفلسف لك في السيارة وبدال ما يغير لك زيت او يركب لك بواجي يخبط بالمكينة كاملة وبعدها تجي تحاسبهم على غلطت غيرهم

[kimo mashakel]

الوكاله مفروض ما أحد يروح لها غير للشغلات اللي عليها الكلام زي زيت القير والدفرنش ومثلها ..
أما بواجي خل الموتر لين ما يبرد ثم جبلك كم مفك وركب بنفسك ..
والسلام مسك الختام ..