استفسار لاهل بريدة

[المحناء]

السلام عليكم ورحمة الله وبركاته

الله لايهينكم ابي أركب عكوس لموتر فان هوندا أوديسي ومالقيت ورشة مظبوطة تظبطة

لي بغيت شوركم بأفضل الورش لتركيب العكوس وصيانة هوندا بشكل عام ولكم مني دعوة

باخر ساعة من يوم الجمعة { انكم تسكنون بيوت ملك}<<<دقيت على الوتر الحساس

[سحابة قبله]

السلام عليكم

عندك القرعاوي بعنيزه شغلهم كويس وسريع واظن له فروع ببريده

وعماله فلبينيين

[7ابو نواف7]

وعليكم السلام ورحمة الله وبركاته
انا اعرف ورش لكن في الرياض فقط لعلها تفيدك وتفيد باقي الشباب وهي/
1-ورشة الجنوب ومكانها في الصناعية القديمة وانت على طريق الخرج بعد اشارة السالم بيجيك جسر مشاة بعده مستوصف المعجل لف من عنده يمين تشوف الورشة على يسارك(لكن أسعارهم غالية شوي وشغلهم جيد)وراعي الورشة باكستاني اسمه حنيف.
2-ورشة الجزيرة(هذا الاسم على الكرت وأما اللوحة مكتوب عليها اسم ثاني ما أذكره) ومكانها في الصناعية القديمة بعد اشارة السالم وانت على طريق الخرج بيجيك شارع يمينك يدخل على الورش في زاويته محل صغير اسمه فرسان للسياحة لوحته زرقاء ومدخل الشارع مرتفع كأنه بداية طلعة لف يمين من عنده بتشوف يمينك ويسارك ورش لهوندا شف خامس أو سادس ورشة على يمينك مقابل ميزان العضيب (فيه ميزانين للعضيب واحد أول الشارع والثاني مقابل الورشة)الورشة فيها باكستاني اسمه عبدالجبار وولده عبدالوهاب، وشغلهم جيد وأسعارهم مناسبة.
وبالنسبة لقطع الغيار عندك محلات لقطع غيار هوندا مقابل ورشة الجنوب واحسنهم العبيدان والنعماني (لكن تأكد أن القطع أصلية).
رقم العبيدان/4474136-01
رقم النعماني/4396999-01
اتمنى أن أكون أفدتك، وبالله التوفيق.

[المحناء]

يعطيكم العافية واللي عنده زود يفيدنا ويفيد غيري وياخذ اجرنا ويفكنا من هالعليميين اللي يتعلمون على السيارة