عندي مشكلة اكسبديتشن يااصحاب اسد الصحراء

[احمد498]

اشتريت شيارة اكسبيديتشن 2005 وحبيت اغير البواجي وذهبت الى مركز من المراكزفطلب 600ريال بعد المكاسرة وقالي ان نوعية هذي السيارة فيها مشكلة بالبواجي عيب مصنعي وبعد يوم ذهبت الى الورشة وافاد انها لازم يفك الماكينة والراس يذهب للمخرطة وفك البوجي بالمخرطة يكلفك 200 ريال غير اجرة فك الماكينة .
سحبت السيارة وادخلتها ورشة ثانية فطلب فك راس الماكينة 1000 ريال غير القطع الي كلفت 2400 ريال والمخرطة 100 ريال على البوجي الواحد .
فالسؤال هنا هل كل مافكيتك البواجي ابدفع هل المبلغ الحقيقة السيارة حلوة واعجبتني بس مشكلة البواجي هذي تبي تخليني افكر مرة ثانية لانها مشكلة عويصة .
ماادري عندكم حلول للمشكلة هذي ؟

[ابوعمر1397]

مر وكالة توكيلات الجزيرة او البيان وقل لهم ابي اغير البواجي شف كم بيطلبون ونفس الوقت بتتأكد هل كلام الورش اللي رحت لهم صحيح او لا

[احمد498]

البيان الجديد طلبو 600ريال فك وتركيب البواجي فقط

[aaf2]

انا عندي اكسبيديشن 2005 وغيرت البواجي ولا طلب فك مكينه ولا غيره بالطريقة العاديه فك وتركيب
واخذ 50 ريال والحمدلله السيارة ماشاء الله تبارك الله من احسن ما يمكن

[awod]

السلام عليكم
انا عندي فورد ونيت اف 150 موديله 2006
بغيت اغير بواجي وكثير من الورش تقول مانقدر نغيرها رح لورشه متخصصه في الفورد.
والسبب انه احيانا البواجي تنكسر داخل المكينه اذا اللي يغيرها ما عنده خبره فيها .
عموما وديتها لورشه سوريين في الصناعيه وما غيرها الا ب 600 ريال نقدااااااااااً .
ولا يتعلم فيها واحد ونبلش بفك الراس والمخارط.

[goooga]

نصيحة لا تفك الا بالوكالة او البيان عشان عندهم مفتاح خاص وناس مختصين لأنه لا قدر الله انكسر لازم تفك راس المكينة حسب ما سمعت الله يكون بعونك اخوي

[دحمي رويبع]

اخ احمد اذا انت في جده ادلك علي ورشه يفكون البواجي بحوالي 350 ريال وشغلهم طيب ،،،،

[aziz151]

شوف ياحبيبي انا عندي نفس موديل موترك بالضبط واخذته من الصاله وقلت ابغير البواجي ومشكلتي جيت
والسياره حاره جاي من مشوار وقلته غير البواجي(( ياليتك مخاي السياره عنده يوم كامل وعلى الراحه لانه لو صار حار بينكسر من الحراره عكس لو كان بارد يون اسهل ... عموما اللي صار صار)

طبعا جيت الشامي اللي بصناعية الاحساء وقلت غيرها وفعلا الموتر حار وانكسر 2 بواجي ولازم فك راس مكينه
وووو ... والله انقهرت الموتر له بس اسبوع عندي وفرحان فيه
وتوكلت على الله ونفس الكلام لازم خرط ووووو كلفني الظاهر 1200 كامل
اللي صار تحملت بدون سياره خمس ايام وصلحوه والامور طيبه يعني لاتشيل هم ابد المهم يعطيك ضمان شهر عليها بعد التصليح وبالتوفيق ان شاء الله

[ابو فاروق]

انا عندي اكسبلورر 2008 وسبق غيرت له بورشة عادية سوريين ونسيت المبلغ بس كان مبلغ عادي جدا يمكن 100 ما يتعداها أو أقل وكل شي تمام بفضل الله المفروض راعي الورشة يتحمل لو كسره لأن هذا شغله وهو أعرف أنه إذا يفك والمكينه حارة أو لا
حصل لي موضوع في تغيير زيت القير غيرته مرتين الأولى عند التقوى جيتهم وفكوه وغيروا الفلتر والزيت وأنا جالس عندهم ممكن ظرف ساعة أو ساعة ونص لكن لما جيت أغيره ثانية وديته لورشة عادية أتعامل معهم دوم وأغير عندهم الزيت والصيانة الخفيفة فيها سوري وقالي لازم السيارة تبقى مدة حتى ينزل الزيت القديم كله وبالفعل وقفت السيارة عنده وخذت تقريبا أربع ساعات بعدها كلمني وقال السيارة جاهزة والله أعلم وإلي عنده خبرة يعلمنا

[ابو محمد ....]

بخصوص فك البواجي لموديلات 2003 الى 2006
أولا / يجب رش البواجي ببخاخ الصدأ ....لتسهيل عملية الفك
ثانيا / يجب ان تكون السيارة بارده
ثالثا/ ورشه مشهوره الى حد ما تكون عمالتها فلبينيه أو هندية
رابعا / السعر يتراوح ما بين 100 ريال الى 200 ريال كاأقصى حد