أستشارة عن جمس 89 رفرف قصير دفرنسين...,ياأهل الخبرة

[أقلط]

السلام عليكم ورحمة الله وبركاته

أخواني أهل مكشات الغالين

وجدت جمس رفرف قصير دفرنسين

ومكتوب على رفرفه ارقام أظنها (27)وكتابة اجليزية

والوضع العام للجمس جيدجدا

ويقال أن هذه الارقام ميزة للجمس

وعليه كفرات وجنوط مميزة وعريضة

سؤالي..هل تنصحوني أخذة ولا لا

مواصفاتة..

دفرنسين

رفرف

كفرات وجنوط عريضه

موديل 89م

اسود وذهبي

مفحوص ومجدد

فل كامل الابواب والزجاج كهرباء

والوضع العام للمكينة ممتاز وماشاء الله شكل المكينة جديدة

عيوبة..

عند تشغيل الدبل فية صوت العكس الايمن

سؤالي الاخير.. كم يسوى ياأهل الجموس

علما اني تعبت من البحث من العام الماضي

ولا تركت معرض الا وبحثت به في الرياض

والمجمعة..والزلفي..والقصيم..

ولم اجد الا هذا وهو معروض في معرض

ارجو من الاخوة ذوي الخبرة افادتي ..!! :confused:

ولهم الشكر مقدما...

أخوكم

[أبو أديب التميمي]

هلا اخوي اقلط ... بكم قالو لك وأنا شايف واحد في معارض الشفاء تقريبا نفس المواصفات بس ما نشدت عن سعرة !!


وإذا انت خابر لي مديل 93-97 قلي عنها .. ؟

[أقلط]

هلا وغلا ومرحبا اخوي ابوفارس

صحيح في معارض الشفاء

وكما تعلم ان هذه النوعية نادرة عندنا

والحقيقة الجمس جاز لي بالحيل ولم اسئل

عن قيمة او سومته ..قلت اشاوركم كم يسوى..قبل

هل..تعلم عن قيمته او سومتة ياليت تفيدني؟؟؟

وياليت تعطيني رايك فية..؟؟

مشكور ودعواتي مقدما

تحيتي يامحب

[أبو أديب التميمي]

بقولك حاجة يالغالي ... انا مثلك ادور لي موتر للبر ويكون ما يكلف شي لأن ماراح اشتري لي واحد بـ35 الف واقعد اطامر به واحوسة في البر ... والصراحة كنت ادور لي جمس مصفح أو رفرف من مديل 93-97 ... وكل من سألت قال ابعد عن الامريكي لأنة متعب في الصيانة وغرابيل .... فتخوفت منه ... فأنا ادور لي ددسن من مديل 98 وما حولة .... والهايلكس نار شابة وإلا تراه زين مرة .

اخوي اقلط انا عارف اني طولت عليك لكن الهدف من هذا ان الامريكي ما ينشد به الظهر في بر ولا غيرة وتراها حظوظ !!

وعلى فكرة ان كانة اللي في الشفاء موقف برا المعرض لونة اسود مع ذهبي والداخلي ازرق او رصاصي والقير عادي انا شفتة والصراحة نظيف نظيف لا من الخارج ولا من الداخل ... بس ما ادري عنه من الناحية العملية هل هو Ok وإلا لا . ولا ادري كم تسوى هالنوعية , بس انتبه لاحظ انك بتشترية ولا تدي هل له قطع غيار او لا .

اسف على الاطالة مرة ثانية

تقبل تحياتي

[أقلط]

الله يجزاك خير اخوي ابوفارس على حرصك

انا يالغالي معي جيب جديد ورفيقي بالطلعات معه جمس

طبعا دفرنسين...لكنة اشتراه غالي واخو الجديد..ماشاء الله

وجهزنا الجمس تجهيز كامل..والحقيقة اعجبني فعلة بالبر سوى بالنفود او غيرها

وقوي جدا ماشاء الله ومع ذلك يشيل عفشك من حطب وماء وغيره..

ومن حوالي سنة وانا ادور جمس قصير...(قطع عشرة) عشان يكون للبر

خصوصا...في طلعات الشباب..والاماكن البعيدة..ووجدت هذا اللي معرض الشفاء

وحبيت اشاوركم..علما أن جمس رفيقي امريكي..وماشاء الله يشفي القلب واقتصادي وينشد به الظهر

والفكرة..اترك الجيب تحت المظلة ولمشاوير العائلة ...,

والجمس اجهزه واخصصة للبر ...

اخوي..هل تعلم كم يسوى اللي بالشفاء او اخوه؟؟

شكرا لك اخوي الله لايهينك

تحيتي

[ابومرتاح]

تبي نضيف حييل......اشر من مواتر ارامكو...........حوض قصير ابيض قير عادي ودبل ارضي ......شفهم بالدمام بحي 37 .....الموديلات من 2000 وطالع ....ورخيص حول ال 43 -47 الف ريال...............والسيارات المعروضة كثيرة.....والمواصفات سعودية.....

[أبو أديب التميمي]

والله ونخوك مادري عن قيمته !!

لكن تبي تعرف رح للمعرض اليوم وصوره من الخارج والداخل وحط الصور في المنتدى والشباب ماهم مقصرين انا عارف ان الشغلة طويلة بس بتلقى الأراء الزينة .... لأني حطيت موضوع ( في قسم تجهيز السيارات "سيارة بـ10000 الاف ريال ) وكلهم جاوبوني على ان ما فيه سيارة بتكون مناسبة للبر ابداً باهالقيمة وكذالك علموني ان المبلغ بيجيب لي كذا نوعية من السيارات . الصراحة ترى الاستشارة في المنتدى استفدت منها كثير بالرغم من قلة الردود بس عطوك الجواب الشافي (بأن لا يمكن ان تشتري سيارة للبر وتكون ممتازة اقل من 15000 ريال )

هذا هو الرابط !!

http://www.mekshat.com/vb/showthread.php?t=39426

[أبو أديب التميمي]

هلا بك ابو مرتاح .... إذا كان سعر سيارات ارامكو بهالقيمة الصراحة غالية سبعة واربعين الف باقي عن الخمسين الف ثلاثة الاف بس!!

اشتري لي شاص مديل 97 وحولها أو اشوف لي هايلكس اخو الجديد وارتاح ... واكون شاري تويوتا يعني لو بعد ثلاث سنوات ابيعة ماراح يخسرني شي بمشيئة الله .

لكن الأمريكي على طول من يوم يطلع وجهة من المعرض تلقاه نازل خمسة آلاف !!

يقول المثل (اشتر تبيع ) يعني اشتر شي تقدر تبيعة .

يعطيك العافية اخوي

(اختلاف الرأي لا يفسد للود قضية )

[راعيChevrolet]

شباب أنا عندي
جمس موديل 96
وقوت مكينته 3500
وقير عادي وأبي أبيعة ولي يبي يشتري يقولي علا شان أحطلكم المواصفات كامله
وصراحة بوه نشاط الله لا يوريك أنا جتني مرة وتلا قطت مع راعي لاند روفر 2004 او 2005 وقمت عليه و أنا أضحك
صراحة نشاط لحد يروع وهو دفرنسين طبعا وبل بر دوره فوق قمم النفود

[أبو أديب التميمي]

هلا اخوي Chevrolet

للمفاهمة 0552990992

ولك تحياتي

[أبو أديب التميمي]

عطنا المواصفات ؟؟ وكم حدك فيه ؟ وياليت صورة له !!

[أقلط]

اخوي ابومرتاح

لاهنت يالغالي

جزاك الله خيرا

تحيتي

[وجهة نظر]

بسم الله الرحمن الرحيم

السلام عليكم ورحمة الله وبركاته
باختصار عندي معرفه لأباس بها عن الونيتات بشكــــــــــــــل عام .
المهم اذا هو نظيف مرررررررررررره مايوصل الثلاثين اذا كان
من غير تجهيزات .

[أقلط]

اشكر الجميع على المرور

اخوي وجهة نظر

اليوم ارسلت اخوي للمعرض

وقالوا له مسيوم بسعة عشر الف 17000الف ريال

والظاهر راعية ماهو بعيد عن البيع..,


طبعا ..الجمس مافية اي تجهيزات سوى الجنوط العريضة والكفرات


تحيتي

[وجهة نظر]

سلام عليكم
اخوي /اقلط
اذا كان نظيف مره ومن غيرتجهيزات
وبعد بها التوقيت ( البـــــــــــــــــــــــــــــراد ) بالنسبه
89 / بسومته يمكن يمشي لكن غيرها اعتقد غــــــــــالي
طبعاً هذا سعر البيع لكن الشخص الهاوي وراغب السياره
يمكن يزود .........ما عليش توقيتتك سئ في الشــــراء
شكراً .......... هاه تري وجــــــــهة نــــــــــظر

[أقلط]

لاهنت اخوي وجهة نظر

كلامك صحيح

لكن انا من العام الماضي وانا ابحث

شاكر لك مرورك الطيب

تحيتي وتقديري

[النال]

هل هو تماتيك ام عايدي خمس غيار

والله ياخي كان معي جمس دفع رباعي م 90 رفرف طراد

صراحه لايعلى عليه في كل الاحوال

ويكون الوصل والفصل للعكوس الاماميه كهربه مع التعشيق الدبل ميزه فريده

وان كان من 12 الى 13 طيب



وجة نظر وراي فقط



وبتوفيق