من الافضل البترول والا الند اكروزر

[1001001]

السلام عليكم ورحمة الله وبركاته
كيف الحال

سمعنا عن النيسان
وسمعنا عن تيوتا

وكل واحد يقول الزود عندي

بس نبي نعرف الحين

القطع من الاي اغلا ؟؟

والزيت مهم بفلتر وبدون !!

ومن الي يشد معك اكثر

ومن الي اقوا. :j :j :j

البنزين التانكيين وكم يتم معك كم كيلو؟؟ :confused: :confused: :confused:

وقيره من الاشياء للموترين

لاني سائلة الوكالة للنيسان قالو البترول الجديد 2005 مايسرف بنزين

** ياليت من عنده ملاحظة على هذا النقطة يبينها علشان نستفيد **

انا شفت نيسان 2005 في الوكالة
المواصفات سفاري كامل
1. ثلاجة
2. مثبت
3. الغير تماتك
4. مخشب الطبلون
5.مكيفين تحكم خلفي
سعره 136000

وسافري كامل ستراندر بس الدرايش تماتيك
سعره 113000

ام بنسبة للربع مايجي الا درايش عادي
سعره78000



بالنسبة لتيوتا بلاش
-------------------------

ويليت كل واحد صارتله تجربه يذكرها

وياليت يكون الي يذكر المشكلة يذكر موديل السيارة ونوعها !! :rolleyes:

وشاكر لكم تعاونكم

[عريدان]

تويوتا ونيسان - هلال ونصر - شمس وقمر - خير وشر (نعوذ بالله منه) - إنس وجن (نعوذ بالله من شرهم) مرأه و رجل - ألخ... - أولا تلاحظون أن كل شيء تقريباً له موازن أو قرين .ألا الله الأحد الصمد سبحانه وبحمده.
ترى شياب المنتدى أكيد بيكون اكثرهم مع تويوتا زي ما هم معا النصر. عاد تراني أمزح والله مالي في الكوره.

[عاشق حسناء]

الباترول اقوى واخف وافضل ميزات لكن البنزيييييييييييييييين !!!!

[طحنون]

الاخ العزيز
1001001
الكلام عن السيارتين
طويل جدا
لاكن الختصرالمفيد
لاتبتعد عن النيسان
خذه لان تندم
ولاتشاور
اخوي انا معي 2005
قير تماتي
سفاري رقم2
واي استفسار انا حاضر
السياره لها معي 8شهور
وكارفها كرف الويل
ابي اطلع اي مشكله والحمد لله مافيها مشكله ومن ناحيه البنزين
بنسبه جيدجدا ...مرتفع ........ويوصل الى حد انه يرضيك ان شاء الله
اول ماشريته بعدها بـ أقل من شهربس تعدا الالف الاول وأروح عليه عمره وتمشيه في الجنوب والغربيه
من الدمام الى الطايف ماعبيت ألا 44ريال فقط والسرعه 120
طلوع الجبال مريح ممتاز
وجربته في عز الصيف في طعوس الجافوره والكفرات اللي كانت مركبه عليه البريجستون وكانت متعبه جدا وبدلتها
بنوعين
بالون جنط 16 مع الجنوط
ودنلوب مقاس 17
ون بغيت البر والطعوس ركبت البالون تجلس اسبوع وافكها واركب الدنلوب للديره اريح

اما الاندكروز
سمعته اصبحت ماهي ذاك الزود
وابحث في المنتديات الاخرى ةبتشةف بنفسك
ان النسيان اصبح في القمه
نيسان على كل لسان
وشف انت بنفسك الانكرورزراذاغرز مايسحبه ألا الباترول
ملك الصحراء
وعلى فكره ترى قيرالباترول الجديد
يعتبرقير قوي ومتطور
الناس اذواق
اخوك طحنون

[القماري]

إذا أنت راعي بر وكرف وعندك مبلغ معقول وترغب في سيارة قوية رباعية مع مواصفات جيده نوعا ما فالباترول هو الأفضل.
إذا تحب الكشخة وبعض الناس تناظر فيك وعندك فلوس زايده ودك ترميها وأنت رجال السيارة ماتبقى معك أكثر من 3 سنوات وتبدل فاللاند أفضل في هذه الحالة.
اللاندكروزر حاليا مبالغ في سعرها كثيرا ويجب من وجهة نظري المتواضعة أن تقاطع لمدة محدوده حتى أولا يخفض السعر بسبب قلة الطلب وبعدها يفكر المصنع في تغيير الشكل الذي أستمر طويلا بدون تغيير جذري.
بخصوص البنزين أقول كلا السيارتين صرفيتهما متقاربة.
الخيار لك ولذوقك وغرضك وبالتوفيق

[ذيب حضن]

والله الباترول زين لكن وكالته مروحة وقطعه غير متوفرة الا عند الوكالة وغالية أعتقد هذا عيبه والا الباقي ماعليه

[القصيم-الرس]

الكلام لا يكثر
الاند أحسن بكل شيء
ولا مقارنه مع الباترول
الباترول يطلب قطع وقرف في قرف
أنا كان عندي باترول وبهذلني بالقطع


(رجلي حاره على البنزين وألعن الموتر)


والآ عندي كروزر جي اكس آر 2003
وزاد لعني ولا عمره قال شيء
الكلام هذا ماقوله عبث
ولكن أنزل الشارع وشف مين أكثر
في الشوارع


وسلامتكم
وسامحونا ياراعين الباترول
بس الحق حق وينقال

[1001001]

يعطيكم العافية شباب

وماف اي مشكلة اذا بعد احد علق

اخي طحنون مافهمت وش قصدك بسفاري رقم2 ؟؟ ليه حاط رقم 2

ثاني شي كم فل البنزين ماله وهل هو تانكي او تانكيين وكم يمشي معك كم كيلو تقريباً


وشكراً لكم جميعاًً


شباب بس بقيت اضيف نقطة البترول يطيح سعره على طول

ام الكروزر ماايطيح انا شايف 2000 vx.r مسيوم 96000 ولا هو بايع


شوف البترول 2000 انا متاكد 100 % ماايزيد عن 50000

وليساء هذا مدح في الكلوزر بس هذا الواقع وصدق هو مبالق في سعره

بس البترول يطيح سعره علاطول هذا مشكلته


وشكرااً اي احد عنده تعليق فليتفضل مشكور

[محب الشمال]

اخوي 1001001
حنا نبي ناخذ الموضوع بالعقل وليس بكلام غير منطقي
الحاجات الرئيسيه في آي سيارة معروفه الي هي القير والدفرنس والشاص والدبل وبعض الحاجات
الباترول اقوى من الاندكرزور في جميع هذي الاشياء
الباترول اقوى من الاندكروزر في
القير
الدبل
الفرنس
الماكينة
القوه

وفوق هذا كله الباترول حتى الان يتصنع في اليابان وليس في استراليا وماليزيا مثل الاندكرزور
يعني باختصار ما فيه حاجه تقدر تقول ان الاندكروزر اقوى من الباترول
بس الاندكروزر مستغل سمعته القديمة التي لم يحافظ عليها للاسف وصار اقرب ماله حق مهايط وجعصة بس
اما الباترول لا تقارنه مع الاندكروزر ابدا ابدا ابدا
لانه ما فيه مقارنه غير حاجه وحده وهي اذا بغيت تبيع السيارة لكن كاستخدام لا تطلع غير الباترول
والله يا كان عندي باترول 97 كرفته يا اخوك كرف غير طبيعي كل شي يخطر على بالك سواء في البر او المدينه الا وسويته فيه
باختصار كنت ((((((عنيف في استخدامي))))))

والله يحفظك

[ابو راشد]

اخي العزيز انا ردي مختلف شوية عن رد الجماعة منهم الى جرب النيسان 2005 و2000 و2004و4 اما فلا
جربت النيسان من عام 1992 ولا زال ف الخشوم ولاتوجد رملة في الامارات ولا في عمان الى وطاها واحلف لكم باغلض الايمان بانة مارجع للوكالة من طلع منها .... وهوا بعد عبرة فقير.. ولايخذلك في المزاحم كم مرة سحبت كروزر وكم وكم ... وهذا الرد المختصر المفيد
تحياتي للجميع

[عريدان]

مرة أخرى أنا شخصياً أهيم بالباترول وأعشق الكروزر ولكن اكره الذهاب مع الب إم (الجيب) واحذر من الاعتماد على الجمس وأفرررر من مضايقة اللاند والرينج روفر ولا أحترم المرسيدس(الجيب). وفقط ألاعب الدودج ( في حديقة منزلي) ولا أثق بأحد منهم ابداً. وأخاف غيرهم خوفاً مهددا. ( يعني حيرتونا بين الحلوين الثنين الأولين) وسلامتكم

[طحنون]

الاخ العزيز
أبد....معك من الاول
النوع الاول.....فئه s.... وهاذ اقل درجه ومكينته 4500 سسي على ما اظن اللي يستخدم للدوائرالحكوميه
النوع الثاني ....فئهsg....وهاذبرظواعلى منه لان درايشه يجي منها تماتيك وعادي
النوع الثالث...فئه سفاري رقم 1 ومواصفاته كاتالي حجم الماكينه 4800 سسي ولابه ديكورخشب وفيه ثلاجه
والجنطمقاس 16
النوع الرابع ..فئه سفاري رقم2 ثلاجه مكيفين جنوط17 ريموت كنترول مثبت سرعه ديكور تخشيب
وهاذ اللي معي
النوع الخامس..فئه سوبرسفاري رقم 1 فتحه تخشيب مثبيت سرعه سيدي انوار زنيون كشافات ضباب
طبعا جنط 17 الاسيات قماش من النوع الممتاز واسمه (شامواه) وريوت كنترول وقارئى رحله
النوع السادس...سوبر سفاري افخم نوع شامل المواصفات المذكوره وزياده الاسيات جلد وشاشه
والطبلون زنون ويوصل سعره بعد اضافه dvd
الى 175الف نوط ينطح نوحط
طبعا هاذي المعلومات اللي عندي قبل 9شهورتقريبا
ملاحظه×
سفاري رقم 2 يعتبر الوسط في الباترول الشكل الخارجي والداخلي يشبه السوبر سفاري فرق الكشافات والفتحه خارجيا
ومن الداخل الطبلون زنون
ونسيت السوبر سفاري فيه دفلوك طبعا
بالنسبه للبنزين اذكان التانكيين فاظيين مره تعبيهم 106ريال
ويمشيك على سرعه 120 الى اقصى حدمن 650 الى 7030 كيلو تقريبا
وهاذا يعتمد على طريقه القياده مع تشغيل المكيف واذا كان داخل الديره كلام ثاني
وفي البر كلام ثاني
واذا بتفكرفي البيع منت شاري النيسان بتشري الاندكروزر
لاكن والله ان ركبته تسوى التيوتا
واللي بيستخدم نيسان وبس
اخوك طحنون

[عشانا]

اذا كان النداكروزر حصان فان الباترول حمار الله يكرمكم
واللبيب بالاشارة يفهم

[أبو يحيى]

خذوا الموضوع من واقع الخبره ,,,,,

وليس من واقع إن كل واحد يمدح أو يتكلم لمصلحة سيارته........

أنا أقول إنهم زي بعض ولكن إذا كل واحد حافظ على سيارته ........

أما يجي واحد مشتري سياره مستخدمه ويلقى فيها بلى يقوم يحط عليها ... يا أخي يمكن راعيها الأول مهملها, لأن السياره يبي حرص وعنايه فيها من تشييك وبعض الشغلات الأخري.

الشاهد إن الحكم يأتي من الشركه المصنعه.

[البيـرق]

السلام عليكم ورحمة الله وبركاته
تبي الزبدة خذ لاند كروزر وانت مغمض
والاندكروزر مامسك قيمته عند البيع من عبث
والباترول ماطاحت قيمته عند البيع من عبث
واسئل مجرب ولا تسال طبيب.......
اخوكم البيـــــــــرق............

[فهد الرياض 00]

السلام عليكم ...

اخواني باختصااااااااااااااااااار:
أولا. الباترول عند البيع يطيح سعره اكثر من اللاند (ولاحد يقول لان سعره اصلا اغلى من الباترول)
ثانيا. الباترول يصرف بنزين اكثر من اللاند (في اكس ار)
ثالثا. الباترول تنسيم هوا وازعاج اذا تعديت ال100 بعكس اللند
رابعا. الباترول يتفكك اسرع واقوى من اللاند بحيث انك تلجأ للتربيط كل 3 شهور او 6 على حسب طلعاتك للبر
خامسا. الباترول اقل مستوى فخامة من اللاند
كلامي من واقع تجربة . اعتمدت المقارنة بين لاند 1999 في اكس ار وباترول فل كامل 2005 والله على ما اقول شهيد...

[فهد الرياض 00]

نسييييييييييييييييييييييييييييييييييييييييت شي مهم مرررررررررررررررررررررررررررره

((((((سادسا)))))). صيانة الباترول ووكيلها زبالة الله يكرمكم بعكس اللاند افضل من النيسان بمرااااااااحل

[@الزيرسالم@]

السلام عليكم مثل ما قال اخوي عاشق حسنا النيسان احسن واقوى لانه خفيف بالبر والخط بس عيبه هالبنزين ولا التويوتا الاسم فقط لا غير والنيسان اقوى ما يبيلها هذي كلام شف اهل الامارات كلهم نيسان ومشكورين واعذرونا ياهل التويوتا الحق ما ينزعل منه والسلام

[المنذراوي]

السلام عليكم /انا شخصيا معي نيسان ربع موديل99 بصراحه العيوب اكثر من المزايا نصيحة مجرب النيسان لاتقربه وعليك بالاندموديل97 وانت نازل هذا اذا تبغى مكدة لكن الموديلات الجديده من اللاند ماتكد كثير لكن تبقى افضل من النيسان.

[السالمي]

السلام عليكم

يالربع اتركو كلمة السعر ينزل او ماينزل

هذي حديد ماهي اراضي او بيوت

يوم تقولون ماينزل سعره

السياره ماهي مضمونه تتعرض للحوادث الله يكفينا الشر

وساعتها خله يجيبلك قيمه

ياللي تقول ان الباترول يتفكك غلطااااااان يالغالي

وبعدين شف الباترول من موديل 91 الى 97 اكثر شي مع الناس من الموديلات الجديده

ومازال يخدم

واذا عن كلمة ان التايوتا اكثر شي بالديره صحيح الكلام هذا

لاكن بعضهم مايدري من وين يجيه لا غرز ولايعرف للدبل السالفه سالفه تقليد

وياما نوعيات حصلتها زي هذا مغرزين اقوله نسم يقولو ماينسمون له والكفارات كفارات بالون

يكفيكم ان النسيان ماتغيت جودته والدبل حقه دفرنس الا اخر موديل ماهو عكوس زي الاند

والبر ماهو مسجل بأسم التايوتا كل موتراً ارتفع بطنه حق بر

[محب الشمال]

يا اخي بالعقل اذا مشيت بشوارع الرياض تلاحظ الدداسن (النيسان) >القديمة< اكثر من الهايلوكس
لاحظ هذا الشي وهذا يعني ماجت من فراغ
وتلاحظ محلات النجارة والحداده وغيرها كل سياراتهم نيسان ددسن قديمة بس ماشيه ولا تلقى معهم هايلوكس

[راعي الحلوة]

طيب سجل عندك واحد باترول بس ما جربتة لكنه أعجبني لأنه أخف في ظني من الاندكروزر


وشرايكم في الباجيرو السلوقي؟؟

[1001001]

شباب لاتاخذون الموتر من وجه واحد

انا على امااعتقد انكم مااخذينه انه بس حق البر والبترول يعطيك في البر اكثر من الكلوزر

بس في الخطوط يعطيك الكلوزر اكثر لانه راسي اكثر من البترول

هذا وجهة نضر وانا اعرف ناس اكثير من واقع تجربه قالو هذا الكلام

البترول خفيف في البر والكلوزر ثقيل اشوي

بس البترول زين للخطوط والكلوزر ازين

والشور شوركم

وشكراً للردود

[أبو أسامة]

السلام عليكم ورحمة الله وبركاته

الاند أرسى من السفاري بالخط هذي كثروا منها ..................... الوالد الله يحفظه معه لكزس الآن وقبل كان معه في أكس آر2004............................................ .............................................

وطبعاً كلها فيها نظام التعليق الهيدروليكي ورغم ذلك إذا لفيت وأنت مسرع شوي تحس أنك بتقلب وإيضاً إذا هديت بشكل قوي وجه الموتر ينزل تحت مره بشكل يخوف...................

على كلن الوالد الله يحفظه أقوله عن السفاري لكن مايغير عن التايوتا .... لكن هذي أفكار الشيبان الله يهدينا وياهم .....


أقول سلمولي على السفاري .................... بأذن الله شاريه شاريه لو موديل 2010 بشرط دفرنس قدام ماهو مثل الاند.......

سفــــــــــــــــــــــــــــــــــــــــــــــــ ـــــــــــــ عشقـــــــــــــــــــــــي ــــــــــــــــــــــــــــــــــــــــــــــــــ ــــــــــــــاري

[القصيم-الرس]

رداً على الأخ محب الشمال
الباترول أفوى من الاند
بكل شيء بعد بالديكور
وبالكفر
وبالدركسون
وبالباب
وبالشكمان
وبالنور
وبالشكل
وبالمصارعه
وين الله يرحم والديك
لا بعد أعلمك الاند يصنع بالسعوديه
وباليمن

[بو خليفه]

يبغى البترول هو الأفضل في البر و أيضاً قطعه يابانية أصلية
أما اللاكروزر احتمال قطعه تجارية و المكيف تجميع سعودي

[ذيب الصحرا]

من ناحية القوة السفاري اقوى
اما من ناحية التفكك فكلهن الحين بالهوا سوا
وضعو مقارنة بقناة دبي بينهم قبل فترة فكانت النتيجة
االلاند سيارة مخصصة للمدينة اكثر من البر
الباترول مخصص للبر اكثر من اللاند

[ذيب الصحرا]

اما بالنسبة للسعر فبكم تشري الباترول ان طق ان طق 140
اما اللاند يوصل 180 و 200 واحسب عدند البيع الفرق من القيمة الاساسية

[بو خليفه]

صادق يا ذيب الصحرا

[أبو ربيعان]

سلاااااااااامـ عليكمـ ورحمة الله وبركااااته..
كيف الحال..!؟!؟

طويبين ان شاء الله...اسمحوو لي بعد اذنكمـ يعني..ابطول شوي لان ودي اخدم الرجال..


اولا صراحة نقااشكم ماهو مكافئ يعني يعني وجه المقارنه عندكم مدري وشو..؟!؟!
يعني فهد الرياض مثلا مع احترامي يقارن 99 Vxr وسفاري 2005 ..؟!؟!
اخووي الغالي وين وجه الشبه يعني تقارن سيااره 8 سلندر بسياره 6 سلندر..!؟!؟
وتقارن موديل قديم بموديل جديد ..؟!؟!
عالعموم الـ Vxrبالوكاله قيمته 218 الف 2006 بكل المواصفات حتى الشاشه..
فلا تقااارن سيارة قيمته 218 بالوكاله بسياره قيمته 160 الف..
الفرق يالغالي 58 الف يعني قيمة سياره ثانيه...

انا ابقول اللي عندي ولحد يزعل من الحق..

يعني مجررد مقارنتك بين هالسيااارتين دليل على انك مقتنع ان الباترووول افضل من الـ Gxr..
لانك ماتقارنه بالـ Gxr تقارنه بالـ Vxr..
ياليت لما تقارن تقارن الباترول بالـ Gxr..
يعني 6 سلندر ومواصفات متقاربه وسعر متقارب يعني..

ثانيا اخوي الغالي اللي يقول النيسان تطيح قيمته واللند مايطيح..
انت على اي اساس تتكلم هذا الكلام ياخوي قديم..
واحد من العيال معه لند كروزرGxr قطري 99 ماشي حول الميتين الف..
مواصفاته خلفية لكزس جنوط Vxr (يعني ماهو اللي تجي فيها اكواب) وفرش من داخل وفيه مكيفين..
ودرايش كهرب قير عادي وريموت وسيدي..
باعه بالمعارض بـ 55 الف بس على انه قعد شهر كامل وهو ينزله بالمعارض..

على ان الباترول اللي عندنا تونا بايعينه عقبه بلا يزيد على شهرين موديل 98..
لونه اخضر وذهبي SGL-E قير اوتوماتيك ودرايش كهرب فرش من داخل ومكيفين..
عليه جنوط اكواب وماشي حول 318 الف يعني تقطع ونص هالممشى خطوط..
مطلعينه من الوكاله 103000 ريال جاب لنا 42 وكنا مستعجلين بالبيعه يعني من ثالث مره نزلته بعته على طول..
يعني شف فارق المواصفات والموديل واهم شي الممشى السفاري كان شبه منتهي318 ماعقبه شي..
وتراني نزلته ولا غيرت فيه شي اللهم غيرت الزيت بس ونزلته المعارض..
انا ماتكلم من راسي الا شي انا متاكد منه اخوي
عالعمووم ماطول عليكم بس انا مجرب كل السيارتين..

بالنسبة للسفاري لو انت تبي تاخذ 4500 مانصحك يعني هج عنه...التايوتا افضل.. خاصه لاصار النيسان اوتوماتيك..
اما لو انك تبي تاخذ 4800 فهو افضل من الـ Gxr بفرق ..
اوقى عزمه واخف بالبر وخفيف دم بالمدينه اللند اثقل على حسب تجربتي..
(اكرراوتوماتيك ماهو عايدي لحد يقولي اللند عايدي خفيف اتكلم عن الاوتوماتيك)..
وانا سايق لاندكروزر 99 و 2000اوتوماتيك و2002 قير عادي..
صراحه الاتوماتيك ولا بريال..اما العادي عزمه ممتاز ولا يعيبه شي..
بس لا جيت للنيسان اتوماتيك عزم ماشاء الله وراحة بعد وخفيف وهذا اهم شي..
ويجي اتوماتيك وعايدي بنفس الوقت..
ولا شفت منه مشاكل يعني خرابات بالقير او شيءولااحد اشتكى منه..
وللمعلوميه السفاري 4800 اقل صرفيه من الـ4500 واقوى عزم بعد ..
وبعد لو انك تبي تاخذ التايوتا اوتماتيك لا تاخذ 6 سلندر لانه ثقيل مرهـ..

بس من ناحية الخطوط انا اقولك ماشاء الله اللند ارسى..
بس لاجيت من ناحية العزم يعني القومه وعلى خط كممشى السفاري افضل..
ولما اقولك اللند ارسى يعني ماقصد السفاري ماهوو راسي لا والله راسي بس الحق ينقالاللند ارسى ..
انا كنت مع واحد ماشاء الله معه Gxr موديله 2002 قير عادي وفل كامل...
كنا نمشي 140 وجنبنا سفاري..وطلع عليه السفاري(2002 قير اوتوماتيك) بس طبعا كان 4800..

والوالد طال الله عمره كان عنده سوبر سفاري 93 ولا عمره اشتكى منه..
كده كد ومر علينا بعد Vxr فل كامل 99 قير عايدي..
ونيسان 98 كرفناه كرف الويل..
صحيح ان الباترول يشرب بس الجديد اقل صرفيه..
وترى صرفه يعني ماهو بعيد عن اللند كلهن يصرفن فلا تقول اللند سرفيته حلوهـ يعني فيك فيك الصرف..

احس اني طولت.. بس اصبروووا عطوني جوي..

طيب نجي من ناحية الوكاله..
اخوي اللي يقول وكالة النيسان زفت ومدري ايش انا معك..
من ناحية الصيانه ماهي بمستوى التايوتا..
بس انت تقول قطع غياره ماهي متوفرهـ..؟!؟!
اخوي هل يعقل كلامك ماهي متووفره الا بالوكاله..
يالغالي النيسان اللي كان عندنا الـ 98 ولاعمرنا صلحناه اخر 6 سنين بالوكاله وقطع غياره بكل مكان..
تراه ياباني ماهوو متعبك بالقطع..
بس وش رايك بواحد مطلع GxR 2002 فل كامل باكثر من 140 الف...
واخر شي يطلع له السكن تجاري ؟!؟!
لا وجنووطه تايلنديه ؟!؟!
لا والخشب مركب بالسعوديه والتنجيد بعد منجد هنا وموجود شعار الشركه اللي زينته..
على انه مطلعه من وكاله حسن جميل ماهو معرض..
بعدين ياخوي صراحه اللند هنا بالسعوديه مستفيد الوكيل من سمعته..
ولا المواااصفات والله خرطي..
ابيك تروح تشوف الميناء وتتفرج على جيوب اللند هناك..
عايدي تلقى Vxr وكاله جديد جنووطه هدد..!!
ياخوي اذا كان يدخل اللند على البطاقه الجمركيه انا شايفه Gxr فل كامل 2002 على وقته بـ 118 الف فل كامل ...
ويبيعه لك بـ 150 و 140 الف..؟!؟!
هل يعقل يعني استغلاله اللي قاعد يصير..؟!؟!

ادري طولت عليكم بس ودي الحين استعرض لكم لمواصفات النيسان و التايوتا..
مع ان التايوتا والله مارحت له بس راح اكتبه..
عشان محد يقول لي الحين متعصب ومن هالكلام..
عالعموم اصلا التايوتا معروفه مواصفاته ومايحتاج احد يذكره من 98 ماتغيرت مواصفاته..
اللهم اصطبات غيروهـ 2003 وغيروهـ مرهـ ثانيه 2006..
والطبلون غيروهـ كله المسجل مع المكيف على الدركسون 2003 وللحين هو نفسه 2006..
الخطوط تتغير من موديل لموديل طبعا وتفرق من مواصفات قطريه او سعوديه او البريمي يتغير الخط حسب الوكاله..
طبعا الوان جديدهـ من فتره لفتره تطلع بس قليل يعني..
الـ 2006 Vxr عندك فيه شاشه زي اللكزس مره قويه ..
يعني عندك فيها ماجلان وفيها اذا دقيت الريوس يطلع لك بالشاشه تصوير من كاميرا خلفيه..
بس ماظنتي انه موجوده بالـ Gxr..
قيمة الـVxr زي ماقلت لك 218000ريال وسمعت انه فيه عليه عرض حلو بس مدري كم واللهماودي اكتب شي ماهني متاكد منه..
اما الـGxr سعرهـ حوالي الـ 160000 الى 150000ريال (حسب وكالة عبداللطيف جميل)..
طبعا كله على الفل الكامل ماسالت الا عنه..
عالعموم اذا كنت رجال منت مطلعن كاش عندك ايجار بس يطلب منك كفيل ويطلب منك تامين للسياره الزامي طبعا..
(اما سالفة الكفيل نكته يعني السياره باسم الوكاله يعني يسحبونه باي وقت اذا تاخرت ويبي كفيل..!!)
و تدفع التامين لشركه عبداللطيف جميل للتامين( عنده شركه تامين وبيستفيد الرجال)..!!
طبعا حسب قيمة السياره فلا يقل يعني تامينك عن 50 الى 40 الف ريال اذا ودك تقسط مبلغ التامين او تدفعه كامل مع اخر دفعه...
مثلا جيب اللكزس ياخذ عليه حوالي 95 الف ريال تامين..
بس اللي مافهمته للحين..راح يطلب منك 4500 قيمة اوراق وتسجيل السياره عندهم ( اول مره اسمع به هذي)..
اما اذا انت ناوي تاخذه تقسيط (( مريح على قولته ))..
هنا لازم انك تجيب ثنين يكفلونك وثنين غيرهم يزكونك..
وطبعا فيه دفعه اخيره بس مدري هي بالتقسيط او التاجير...
طبعا قبل مايحل عليك القسط بثلاث ايام بيدقون عليك يذكرونك بالقسط..

انا ماقاعد اطلع عيوب اللند بس مابي الرجال يطلعه من عبداللطيف ويبلش به..
ولا يطلعه من حسن جميل لانه زي ماقلت يركب جنوط وسكنات تجارية ويفك المسجل ويركب لك مسجل سوني بميتين وخمسين واذا تبي مسجل فكسار مع سيدي اللي طبعا تجي السياره من اليابان وهو مركب به تشريه منه قيمته لاتقل عن 7000 ريال..
بس اذا تبي تايوتا عندك البازعي ممتاز وكيل بالريااض والخفجي ومدري وين بعد..
وعندك معرض اليحيى يجيب مواصفات قطريه موجود بالقصيم وبالدمام فيه بالمعارض مدري اذا موجود بمكان ثاني عاد..

اما بالنسبة للنيسان عندك الباترول ..
عندك سفاري 1 وسفاري 2..
سفاري 2 فيه مواصفات شبه كامله يعني بس ينقصه بعض الاشياء..
ينقصه كراسي كهرب ودف لوك ( هزاز ) وزينون وغازيات ووسايد جانبيه (SRS) على القزاز ثنتين وتتغير العدادات..
ولا يجي فتحه ولا جلد بس يجي من داخل الكانترا..( لانه ماتجي الا على السفاري)..
بس انه فيه مثبت سرعه وتحكم بالمسجل بالدركسون وفيه ثلاجه وقير اتوماتيك عايدي وكاسيت وسيدي ومكيفين منفصلين وتخشيبه ..
وجنوط 17 نفس جنوط السوبر سفاري وطاولات ورى...
وقيمته بالوكاله 2006 بـ 131000 الف اوتوماتيك على نفس المواصفات اللي كتبته..
بالنسبة للسوبر سفاري عندك فيه كل المواصفات اللي ماذكرته على السفاري 2( يعني اللي ماهي موجودهـ فيه)..
بس من ناحية الاختيارات ضعيفه شوي..
يعني بالسوبر ماعندك الا انك تختار تبي جلد او الكانترا(فرش زي المخمل)..وتبي فتحة او لا بس الباقي كله مواصفات اساسيه..
اما اسعار السوبر سفاري فـ2006 بـ 162000 ريال بجلد وفتحه وفتحه بس بدون جلد 156000 ريال تقريبا..
وبالنسبة لـ 2005 بجلد 154 وفتحة بس بدون جلد 148000 تقريبا..

يبقى شي اخير اقولك ان المواصفات بالنسبة للند مواصفات عبداللطيف جميل...
ومواصفات الباترول واسعاره عند الجبر بالمنطقه الشرقيه يعني تختلف عن الحمراني تنزل لك كم الف..
لانه هو يشري من الحمراني فلازم يرفع السعر..
يعني يفرق 7 الاف 8 الاف والله مدري كم بالضبط...

وختااامااا ادري طولت عليكم بس اعذرووني تحمست صراحه وودي افيدكم واستفيد منكمـ...
ويعطيك خيرهـ ويكفيك شره مقدمااا 10101...

واذا تبي تسال عن اي شي مواصفات سعر لا تستحي او تبي صور او شي ابشر بعزكـ...

ومرهـ ثانيه اقول لحد يزعل.. واسف على كثر الحتسي بس عاد توي جاي من الوكالات ومتحمس شوي..


تحيااااااااااااااااااااااااتي

..يادافع البلا.. [I]منبر من لا منبر له

[أبوغمارة]

الله يهديك يوم تحط السؤال


يعني معروف من دون سؤال الباترول وبس


وفيه ملاحظة تأمل أصحاب السيارات اللي معهم سفاري واللي معهم لاند تجدهم فئات معينة يعني أصحاب الاند فئة وأصحاب السفاري فئة ثانية





مع احترامي للاند ولجميع التويوتا: الناس بدأت تفهم وتعرف وش تصنعون ، كل يوم مطلعين لنا بلوى وآخرتها الهايلكس اللي مدري وش يبي وأحسن شي فيه انه مصنوع بتايلند ،، والله كفوهم من يخلي سياراتهم لهم يا اصنعوا لنا سيارات زي الناس ولا على الأقل لا تجيبون هالكراتين اللي تقولون عليها سيارات

[السالمي]

من ناحية القوة السفاري اقوى
اما من ناحية التفكك فكلهن الحين بالهوا سوا



عز الله انه صاااااادق يالذيب

التايوتا من يوم تعدى موديل الـ 97 وهو مدحدر

والدليل اللي عنده 97 نضيف مايفرط فيه ابد

[أبو أديب التميمي]

اقول إن كان الدعوى تطعيس وتبي سيارة عزم ونشاط فخد النيسان باترول !! بس تراه ما يمسك بسعرة ولا هو مثل تماسك التيوتا .... والتيوتا تراه بعكس الكلام اللي قلته عن السفاري

وبالتوفيق

[1001001]

مشاء الله تبارك الله يعطيكم العافية


شكر خاص:
ويعطيك العافية يا دافع البلا

سؤال : الحين وش تنصحني تايوتا ولا نيسان انا معي احدود 120 - 110 تغريباً

وابي موديل جديد واذا باخذ سفاري ابي الشكل الجديد

سؤال : وين هذا الحمراني وماادري هذا وكالة والا معرض والا ايش وكانك اتقول ارخص من الجبر ؟؟؟


وشكراً لك

[ذيب حضن]

الله أعلم ان اللاند من تالي يطيح أكثرمن الباترول ويمسك قيمه نقدية أكثر وفكرو جيدا الا ان وكلة الباترول سيئة عموما

[أبو ربيعان]

هلا والله 1001001 لا شكررر ولاشي وحيااكـ ربي..
انا اشاركم وجهة نظري وانت شف اللي احسن لك..
عالعموم انت تقول موديل جديد يعني عايدي مستعمل استعمال نظيف ولا لازم وكاله..؟!؟!
لاني انا ياطويل العمر رحت للمعارض قبل اسبوعين كنت ابي لي سوبر سفاري جديد..
بس لقيت لي واحد مستعمل 2005 ماشي 8 الاف بس..
سوبر سفاري بس مافيه جلد ولا فتحه..
جاي من الكويت يعني ماهو سعودي...
وطلع المووتر انباااع بـ 125 الف بس ( الله يوفق راعيه ويعطيه خيره ويكفيه شره ان شاء الله )..
المهم يعني انه نازل اكثر من 25 الف..
الله واعلم يمكن عاد به بلا ولا شيء..

اهم شي ترى هذي وجهة نظررري وتختلف من واحد لواحد..
بس صراحه النيسان من 2002 وطالع ماعمري شفت احد يتشكى منه..
اما الـ 98 الى الـ 2001 التايوتا افضل بصراحه..

بالنسبة الحمراني ياطويل العمر هو وكيل النسيان بالسعوديه..
بس الجبر شاري منه الوكاله بالمنطقه الشرقيه...
الحقيقة مشكلة الجبر الصيانه عنده زفت ماهي بالمستوى..
والحمراني افضل منه من ناحية الصيانه ومن ناحية الاسعار..
وقطع غياره يبيعه غاليه..
يعني مثلا لو انك تبي تركب شاشه على السفاري وكاله..
يقولك بـ 23 الف..
لا لايصير عندك سي دي..
حرام والله يوم تطلع الشاشه بالسفاري وهو يركبه بـ9 الاف ويوم شاف الاقبال عليه رفع سعرهـ..
اما المواصفات مالي علم به بس يقولون انه تفرق بعض الاشياء البسيطه..
انا صراحه كنت ابنزل للرياض بس والله مامداني هالاسبوع..
والحمراني دقيت عليهم اكثر من مره ابسالهم ماردوااا علي..

شي اخير اخوي انصحك انك ماتاخذه الا وانت ساائل قبل ولا تستعجل..
ترى العجله ماله سنع..
والله يوفقكـ انـ شاء الله ويعطيك خيره ويكفيك شره مقدما..
عالعموم اذا انت عندك معلومات او شي ياليت ماتبخل علينا بعد..

اخووي ابو فارس الله لا يهينك كيف التايوتا يمسك سعره والنيسان مايمسك..؟!؟!
ولاعليك امر ابيك تروح تشوف التايوتا بالمعارض شف الفكسارات كم تسوى..

لاشفت لك فكسار 99 ماجاب له اكثر من 75 الف بالله هذي قيمة..؟!؟!
هذي تسميه مسكة سعر..؟!؟!
انت تقول يمسك سعره انا اقولك يمسك بس ماهو هاك الزود يعني ماهو ميزه تميزه..
بس ميزه التايوتا انه ماكان يطيح بسرعه سعره..
بس الحين خلاص لان مافيه فرق بين الموديلات اذا خذيته من ناحية مكينه ومواصفات..
يعني التغييرات اللي صارت بسيطه ( ماعدا الشاشه بالفكسار)..
يعني جنوط واصظبات هذي كله تقدر تغيرهـ..

وش رايك بواحد مطلعن له 2005 Gx من اليحيى..
وعقب شهرين نزله للمعارض يبي يبيعه والله انه نزل 18 الف من سعره الاصلي..
الموتر نظيف وماجاهـ شي ابد ولا ركب عليه شي ابد..
جنوطه وكفراته ماغيرهن حتى التظليل ماظلل..
وحتى لو تقول انه مشى اصلا راعيه يوم يطلعه ماكان يمشي عليه واجد..
يعني لو نقول انه مشى تلقاه ماشي 3 الى اربع الاف بالكثير..
بالله ماهو حرام وانت تقول لي يمسك سعرهـ..

بعدين مسكت السعر هذي اذا تبي تفكر به هذا اذا كنت رجالن تبي تبيع عقب سنه سنتين بالكثير..
اما اذا ودك تستخدم اكثر من كذا ماراح تفكر بمسكة السعر كثير..

واخيراااا تحياتي لكمـ...

..يادافع البلا..منبر من لا منبر له

[abdbd]

يالحبيبي اول شي السلام عليكم
ثاني شي الباترول رايح فيها خايس مو زين للتغاريز واللا ند يبيلة

[1001001]

يعطيكم العافية

وشكراً لك اخي يادافع البلا

[1001001]

1
1
1
1
1
1
1
1
1

[القناص]

وانا عندي لك راي

سو مثلي
استاجرت لاند الاسبوع الاول
ثمن استاجرت سفاري الاسبوع اللي بعده

وطلعت في الاثنين للبر وجربتهن طعوس وخط ووعر

واعجبني السوبر سفاري اكثر وشريته
وجربت بنفسي
ولا خليت احد يحكم لي على وش اللي يعجبني

وسلامتكم

[القصيم-الرس]

المكيف حق الاند(تجميع سعودي) يقول
لا وبعد الكفرات
والصواميل والمسامير
قل مصنوع بالسعوديه وأرتاح



يأخوي واحد صفرين واحد صفرين واحد
أنزل الشارع وشف أيهم أكثر

[أبو ربيعان]

القصيم = الرس
من يقول المكيف تجميع سعووودي ..؟!؟!؟

[القصيم-الرس]

تلاقاه بالصفحه الثانيه وأسمه بوخليفه


يناس الأند أحسن وأتحداكم كلكم


وش شايفين بهالكسره اللي أمه سفاري (ذا بسكوت مهب سياره)


واحد يقول الدبل أقوى وشلون
والثاني يقول الدفرنس أقوى



أسمع ترى الآند مهب زين لأحد يشريه
تراه يغرز
ويخرب وتراه كسره
وخرابه


أقول لايكثر
اللي مايقدر يوصل للشيء يسبه

[طحنون]

اخوي القصيم الرس
الاخوان حطوالموظوع
من واقع تجارب
بين السيارتين
في ناس تتعصب للاندكورز والعكس للباترول
وفيه ناس جربو السيارتين
وكل شخص حسب ارتياحه للسياره
اخي الكريم مثلا الاند كروزر من 97 ونازل قمه ولا احد يظلم السياره
ومن بعد الـ98 اختلفت السياره واختلفت أراء الناس للسياره
والبنسبه للتغريز كل السيارتين تغرز ولا فيه سياره تمشي على اربع كفرات ولاتغرز
لاكن هي على السواق
وفيه عندنا ناس لو تعطيه دبابه اللي ماتغرز راح يخليها تغرز غصب لانه غشيم
(((وما يمدح السوق ألا اللي ربح فيه))) ونت تشوف ان الاندكروزرقمه ولافيه مايعيبه طبعا هاذا بالنسبه لك لاكن
غيرك عنده الوظع مختلف
لاكن اخي العزيز اتمنى انك ما تأخذ وجه نظري بحساسيه
انت رح لم اي مكان فيه تجمعات مثلا الهافمون شاطئى نصف القمر
انا لاحظتها بنفسي ما يغرز ألا الاند كروزر ويمرعليه صاحب الباترول ويرمي عليه القلص((الواير))
ويسحبه
وكثيره تحصل
لاكن باترول مغرز ماشفت حتى تاريخ اعداد هاذالمشاركه
اخوك
طحنون

[1001001]

يعطيكم العافية

بس صحيح انا اجي معكم الند يقرز اكثر من السفاري لانه ثقيل والسفاري خفيف

بس انتو لاتخذون الموضوع على انه بس بناخذ موتر حق بر نبي الموتر بعد حق كشخة يعني رزه ونصبه

يعني لا تااخذون الموضوع من وجه واحد :no2:

وانا اشوف الرزة هو الند اكثر البترول وهذا لا يعني ان البترول مو كشخة لا كشخة وشيخ بعد بس الند اكثر منه :rolleyes:

وهذا وجهة نظر خاصة ولا يسة عامة

وشكراً لتجاوبكم مع الموضوع ;)

[محب الشمال]

ابلشتونا بالاند
اصحاب الاند هم نفسهم يسبونه ويقولون كله تايلندي وصيني
الجنط صيني
الرادو صيني
المسجل صيني
الرفرف صيني
الجناح صيني
الاصطبات صيني
دبل خرطي بس
شاص خرطي مش حالك
ثيقل في الطعوس والجبال
يتم تركيب اكثر قطع الغيار في جده حيث يتم تبديل الاصلي بصيني وحتى المراتب تركب بجده
اكمل ولا تبون بعد
راجع مشاكل واعطال السيارات في خيمة السيارات بشكل عام اكثر المشاكل مع اعضاء مع مكشات هم اصحاب الاند وانت تتأكذ بنفسك
بس فيه ميزة حقت المهايط :D وهي انه حق جعصة
ولا يسوى سعره
وخير الكلام ما قل ودل

اذا تبي سيارة للكشخة والجعصة خذ لك لاندكروزر
واذا تبي سيارة عملية وبرية خذ لك باترول

[ذيب الصحرا]

رح لل اي محل تشليح اللاند البودي صاير قرطاس مهوب خبرك الأول

[1001001]

ابلشتونا بالاند
اصحاب الاند هم نفسهم يسبونه ويقولون كله تايلندي وصيني
الجنط صيني
الرادو صيني
المسجل صيني
الرفرف صيني
الجناح صيني
الاصطبات صيني
دبل خرطي بس
شاص خرطي مش حالك
ثيقل في الطعوس والجبال
يتم تركيب اكثر قطع الغيار في جده حيث يتم تبديل الاصلي بصيني وحتى المراتب تركب بجده
اكمل ولا تبون بعد
راجع مشاكل واعطال السيارات في خيمة السيارات بشكل عام اكثر المشاكل مع اعضاء مع مكشات هم اصحاب الاند وانت تتأكذ بنفسك
بس فيه ميزة حقت المهايط :D وهي انه حق جعصة
ولا يسوى سعره
وخير الكلام ما قل ودل

اذا تبي سيارة للكشخة والجعصة خذ لك لاندكروزر
واذا تبي سيارة عملية وبرية خذ لك باترول



يخوك هذا الكلام مو صحيح

من قال ان هذهي الاشياء صينية

الند يباني ويمكن في اشياء تركيب سعوديه بس قليه

وهي الاكسسورات وهي قليله جداً وقطعها يباني كلها :no2:

[قناص5]

نصيحة خذ اللاند كروزر جي اكس ار لان مايصرف بترول مثل الفي اكس ار ومن ناحية الفخامة افخم من النيسان واقوى ويعجبك في البر والطعوس وانا عندي جي اكس ار مو 2003 غرزت فوق العشر مرات ولكن الحمد لله طلعت بروحي وايذا تبي نصيحتي لاتاخذ الحين لان احتمال يغيرونه سنة2007 اخوك القناص

[محب الشمال]

ابي اسالك سؤآل هنا وان شاء الله افكر انزله في موضوع مستقل
فالنفترض انك كنت بالبر جالس ولا معك سياره دفع رباعي
وانت جالس تشرب الشاي وشفت جيبين دخلوا من الخط المزفلت على البر والطعوس
السوأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأل
ركزوا معي
في اعتقادك وفي داخلك وش تقول افضل من الثاني من جميع النواحي في تلك الرحله للجيبين الباترول والاندكروزر وما هوالذي سوف تتوقع انه يزبن صاحبه بالبر والطعوس والقيادة في تلك البيئة ؟؟؟؟؟ ؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

الجميع يجاوب لو سمحتوا
وشكراً

[طحنون]

الاخ العزيز محب الشمال
اول شي اشوف شكل السواق وأعرف أذا انه سواق وألا لا ;)
وأذا ماشفنه من شكله اشوف طريقه نزلته من الخط الى الرمل (الجلد)
وبعد كذا احكم هل هو هب ريح في السواقه وبعدين اشوف الموتر يمكن يمرعليك راعي هايلكس وسواق حريف
يعفجها عفج وهو نازل من الخط وتسمع حنه المكينه اللي يطربك.......... :D
عموما اولا السواق بعدين السياره :cool:
ومن ناحيتي ولا ابي اصير منحازللسفاري لاني املك سفاري
طبعا رزه الباترول بالكفرات البالون تعطيك انطباع انك تملك سياره جباره في الرمال ومن تشوفه وهومقبل عليك
تحس انه موتر صحراء وتعتمدعليه بعد الله
أخوي حصل معي موقف على طريق العقير الجديد.....قلت في بالي خلني اسويلي برادشاهي فوق الطعس واتقهوه
وانزل والكفرات فيهم 30 وارقى الطعس بسرعه بدون دبل خففت السرعه الى 100 وانزل بنفس السرعه على جانب الطريقوعلى طول في نزلتي والرباضه تستناني وينزل الموتر والصدام الامامي مابين منه ألا شي بسيط :confused:
قلت في بالي شكلها الدعوه يتصير شاهي وقهوه وغداء وعشى :(
وتقفل معي وطبعا انا لوحدي :j
ولا حولك احد
واتعوذمن ابليس
وقلت في بالي ماراح تطلع السيارع ألا بونش 20 طن :no:
وابعد الرمل من تحت العمود والدفرنشات والصدام استمرعمليه الحفر تقريبا 45 دقيقه
وأنسم الكفرات على الجنط الاربع واشغل الدبل الثقيل واسمي بالله طبعا بالريوس وينتفض الموتر ماشاء الله
وسبحان الله تقول جات هولكبتر وشالته
واوقف واحمد الله على خروج السياره
وزبط البرادالشاهي وانبسط :p
واقول في بالي لو انه كورز والله مايطلع من الرباظه :no2:
ألا بونش
وسلملي على الباترول
ون شاء الله مايغيرون الدفرنش ويصير مثل الندكوزر عكوس
اخوكم طحنون

[1001001]

طحنون

اشقصدك بالعكوس

اشلون اعكوس ماادري انا اش هذي ومميزاتها وسيائتها

وشكراً

[الكونترولCONTROL]

اخوي القناص ..... ما عندك سالفة ...... مع احترامي .... انت يمكن تتكلم من غير تجربة ....
وش رايك اني راعي تجارب ؟؟؟؟!!!!!!!!
ال Vxr أقل صرف بكثير من ال Gxr ؟؟؟؟؟؟؟؟؟
===================================
و الباترول طبعا اكثر منهما !!!!!!!!!!!! بكثييييييييييييييييييييييييييييييييييييييييييييييي ييييييييييييييييييير
يعني لو تبي تقطع 800 كم بسرعة 120 يبي لك :
Vxr يبي له 110 ريال
Gxr يبي له 115 ريال و لكن مع سرعة 140 يتساوى صرف الاثنين !!!! و يصير 125 تقريبا
اما الباترول يبي له 120 ريال على سرعة 120 - و على سرعة 140 يبي له 135ريال
و الله اعلم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[عابد]

السلام عليكم ورحمة الله وبركاته

اخوي1001001

حياك الله وياهلا والله مسهلاُ بك وبجميع الاخوان

اخوي مثل ماذكر بعض الاخوان اللي ردو قبلي
انت وش ناوي ؟
تبي تشتري مستعمل وتبيع تترزق الله خذ اللاند لأنه يمسك سعره
تبي موتر للطعوس وقليل المشاكل خذ البترول من أي فئة وبإذن الله لن تندم وأنا شخصياً عندي بترول من ثلاث سنوات ولله الحمد ماعانيت منه إلا من مشكلة وحدة في المكيف وهي عندي ماوجدتها عند غيري وأظن انها من مكرة المكيف وتاركها لأنها مهي مأثرة على كفائة المكيف من حيث التبريد أو دفع الهواء .

اخوك عابد

[safari4x4ksa]

اقولك ........... مثل ما قال محب الشمال

اذا تبي سياره 100 % ما عليك الا بالباترول سوبر سفاري ........ هذا ملخص الكلام

[محب الشمال]

هههههههههههههههه
ضحكتني يا طحنون لما قلت انها بتصير شاي وغدا وعشا
بس هذا الموقف دليل صحة كلامي وذلك بعد توفيق الله سبحانه وتعالى
وبالنسبة للسواق يا طحنون والاخوان طيب ما فيه شكل له دول بعد توفيق الله سبحانه وتعالى
لكن اريحك فالنفترض انه السيارتين نفس السواق كل مره يدخل بسيارة
مره في الباترول ومره في الاندكروزر من تتوقع يتفوق من تلك السيارات في البر

يا ليت تجاوبون يا اصحاب الاندكروزر

[محب الشمال]

هههههههههههههههه
ضحكتني يا طحنون لما قلت انها بتصير شاي وغدا وعشا
بس هذا الموقف دليل صحة كلامي وذلك بعد توفيق الله سبحانه وتعالى
وبالنسبة للسواق يا طحنون والاخوان طيب ما فيه شكل له دول بعد توفيق الله سبحانه وتعالى
لكن اريحك فالنفترض انه السيارتين نفس السواق كل مره يدخل بسيارة
مره في الباترول ومره في الاندكروزر من تتوقع من السيارتين يتفوق على الاخرى

يا ليت تجاوبون يا اصحاب الاندكروزر

[طحنون]

:D
واالله العظيم يامحب الشمال
اني مافهمت من كلامك ومقصدك
في الرد الاخيروهو.....
بس هذا الموقف دليل صحة كلامي وذلك بعد توفيق الله سبحانه وتعالى
وبالنسبة للسواق يا طحنون والاخوان طيب ما فيه شكل له دول بعد توفيق الله سبحانه وتعالى

[1001001]

طحنون مارديت على سؤالي

اشقصدك بالعكوس

اشلون اعكوس ماادري انا اش هذي ومميزاتها وسيائتها





يشباب

صدق البترول مااينقد عليه في البر لانه خفيف ( شينكو )

والند كلوزر ثقيل في البر

وانا ياشباب لاني بذاك الي من بر لبر في المواسم بس

وانا بيني وبينكم راعي اخطوط يعني كل اسبوعين ام رايح الرياض والا الدمام

وعلعمو يعطيكم العافية

[طحنون]

الاخ العزيز
1001001
المقصد ان الباترول الدبل الدفرنس الامامي يجي دفرنس كارونه
والاندكوزر يجي فريول ولافيه كارونه في الدبل يعني لوتسحبه سياره مغرزه ماينفع ورايح يخترب على كول واحتمال كبيرانه ينفرط اوينكسر واذا تبي تتأكد رح الى الورش وتشوفه مفكوك ويغيرونله عكوس
ورح الى ورشه عبداللطيف جميل وشف البلاوي حقت العكوس

[VX-R 2001]

يــــا حبيبي بلا نيـسان بلا هـم ؟؟؟؟؟؟

يبغالك كل سنه تربـط ؟؟؟؟ ( يعني يتفكك )

والله لانـد كرورزر افضل من الباترول بكثييييييييييييييييييييييييير


والاند اللي معي ما شي 119.000 كـم

وجـاب 110.000 بالراحة

ومـــارضيت ابيع ولا ني بايع ؟؟؟

[عاشق النحم]

أنا ارشح النيسان
وبشدة

وقولة النيسان يتفكك شكله خرطططططططط

واذا كان يتفكك فمهب بالشكل المتصور لدى البعض
وصرفة البنزين حلت المديل الجديد

[1001001]

شكراً لكم جميعأُ على التعليق

وانا عندي ددسن م 98 والله يبيلي كل 6 شهور اروح اربطه

بس عطيك في السرعة ولا دخلت ابه الا مره البر وقرزة وقلت مااني داخل ابه مرتاً ثانية

[خالد 3000]

انا جربت الاثنين وكلها مديلات حديثه
الفخامه والرحابه وزين المركب فللند كروزر
القوه في المكينه والدبل وخف النفس للباترول

[1001001]

وشرايك يا خالد 3000
انت جربت الثنين تقول

وين الي يسرف اكثر الند اكلوزر والا البترول

وكم الفل وكم يمشي معك في البلد لحد كم كيلو ؟؟؟؟

ويعطيك العافية

[راعي البصيره]

تبون العلم اللى يجمد على الشارب يااخوان

انا لى اكثر 13 سنه
فقط نيسان
خلال ال 13 سنه غيرت وبدلت فيها
اخذت 2 جيب ربع
و3 جيوب كبير اربع ابواب بحيت كل سنتين مثلا اغير السياره اخر جيب كنت ماخذه على الزيرو وكاله كان موديله 98

فى النهايه يااخوان شريت فى اكس ار
والله تندمت على كل ساعه قضيتها مع النيسان .
.اكتشفت ان النيسان ( تنكه ) مشاكل واجده ..مطبه قوى
..بالوعه :) يشرب البنزين شرب
والله اتكلم من جد
يااصحاب الينسان ..لا تغالطون انفسكم ولا تكابرون اساسا ما فيه وجه للمقارنه
على فكره انا كنت زيكم عنصرى للنيسان
:)

ايضا ملاحظه
الجميع يعتبر ان اللاند كروزر افضل واقل صرف للبنزين من الفى اكس ار
والعكس صحيح
الفى اكس ار اقل استهلاك وذالك لمكينته الجباره 8 سلندر حيت ان السياراه تنطلق بكل خفه مما يجعل ضغطك على مكبح البنزين اقل
بعكس اللاتد كروزر

انا عند لاند كروزر وفى اكس ار حاليا
وجميعها موديل 2001
ولله الحمد لذالك اوضحت لكم المقارنه

تحياتى للجميع
وترا مهوب عيب الواحد يقول ان النيسان وع
:)

[الهلـ راعي ـي]

ياناااااااااااااااااااااااااااااااااااااس ألحقو على اللاندكروزر موديل 2006 لأن الـ2007 [[قبيح]]؟؟؟؟؟؟
وانا أقول أن التويوتا كلها مواتر [[[ تويوتا وبس]]]
وبخص من التويوتا جيب الربع ثم الهايلوكس [[[[[ الهلي]]]]]

[1001001]

يعطيك العافية الاقشر
وشكراً على التوضيح


الهلـ راعي ـي

2007 شكله قبيح ؟؟ عندك له صوره؟؟

يعطيك العافية

[راعي المواجيب]

السلام عليكم ورحمه الله وبركاته...........
انا انصحك بالنيسان فل اوبشن ديزل..

[ولـد الدوادمي]

اخوي 1001001

تبي نصيحتي التيوتا اول شي سعره غالي وثانيا قطع الغيار نار

انت صامل تبي السفاري واحد من الشباب معه سفاري 2005 اربع ابواب تبي نصيحه غير السفاري لاتدور

[ss12]

اخوى ولد الدوادمى هو للبيع اقصد السفارى الاربع ابواب 2005

[القصيم-الرس]

ياخوي أنا أول مره أسمع ياولد الدوادمي أن قطع التويو
نار بالعكس
قطعه يباعاً بالبقلات
وأرخص القطع قطع التويو
وأنا أراهن وشو أراهن

[ليث الوغى]

التويوتا وبس ومايبيلها كلام نصيحه لوجه الله

[سفاري]

مع ان اسمي سفاري الا اني اقول مافيه شك ان الاندكروزر افضل من حيث انه يعيش معاك وانه افخم لكن اذا الواحد يبي يقارن لابد انه يقارن من جميع النواحي مثلا :
السعر
الجوده
خدمة الوكيل
استعمالات السيارة ( تطعيس / سفر / داخل المدينه )
عدد سنوات الاستعمال
================================================== ==========
انا من وجهة نظري اني مااتشري باترول من الوكالة ابد ابد لان سعره يطيح اذا كان مستعمل فمثلا ممكن انك تاخذ 2005 بالثمانينات اما الاندكروزر فلا تحلم الا من فوق المائة بكثير يعني تقدر تشتري باترول مع سيارة ثانيه بقيمة الاند
======================================
للمعلومية الباترول يفي بجميع اغراض الاندكروزر وزيادة من حيث توفير المال ويتفوق الباترول على الاند في الرمل التطعيس

صحيح ان الاند يتفوق في بعض الاشياء ولكن الباترول يتفوق او لنقول يغريك ان تشتريه لما يتميز به من بعض الاشياء واهمها السعر وانه يفي بغرض الاندكروزر تمام دون نقص


لي ملاحظه على بعض الاخوان والي معششه في روسهم ان الباترول يتفكك هذي فكره قديمه صحيح ان الباترول يتفكك لكنه مثله مثل غيره لو طعست بلاند كروزر بدون تنسيم راح يتفكك اكيد لكن ليش ما نشوف الا الباترول يتفكك لان اكثر الناس الي يطعسون ياخذون باترول لانه يبي يلعبون فيه وسعره رخيص دايم تشوف اهل الاند محافظين والباترول الجديد الان تغير عن القديم كثير من هذي الناحيه .

للمعلوميه انا الان ماعندي جيب من اساسه لا باتورل ولا غيره وتحسفت على الباترول الي بعته وشريت هوندا والله يجيب الخير

[1001001]

يعطيك العافية

[الأعصـــــار]

الف شكر لكاتب الموضوع وأنا من عشاق الاند ولا أسمع فيه بس
تبي الحق النيسان باترول الجديد غطى على الاندكروزر واااااااجد
وخصوصا يوم عدلوا صرفية البنزين في موديل 2005 صارت هالنقطه من صالحه
أنا أحب سواقة الاندكروزر بس يوم قام يغدر فيني في الرباضات والطعوس
حسيت أنه مايعتمد عليه لو بطلع لحالي وبعيد لأني ماني بظامن كل مره أطلع
مع خوياي وصدق من قال في أحد ردوده أنه ماشاف لها الحين نيسان مغرز
حتى الغشيم الي مايعرف يسوق أحس أن النيسان يسعفه أكثر من الاند كروزر
وبصراحه شركة نيسان الحين أحسن من أول بدت تنزل مكاين قويه على سياراتها
وكلامي أنا على موديل 2003 وطالع وشوف حبيبي أنت بتقط فلوس من 100 ألف ورايح
وماتبي تنقهر ويحترق دمك لاشفت المواتر تمر بجنبك وأنت قاعد تحفر وتبرح تحت تواير الاندكروزر
الي بيطيح وجهك بصراحه الا أذا أنك تعرف تسوقه وتسايسه وهذي حاله خاصه... من مميزات النسيان الجديد
1: مكينه قويه بصراحه تخليك تفشخر أذا واحد حاول أنه يستظرف دمه قدام النيسان...
2:صرفية بنزين أشوف أنها أحسن من الاند في الموديل الجديد..
3:خفيف نفس في بر وديره ...
4: رزة ونصبه ووقفته ترد العافيه .. هذي النقطه يتساوى فيها مع الاندكروزر بعد كشخه...
5: ياباني (ركزوا على هالكلمه)...
6: يعتمد عليه في أحلك الظروف بعد الله والدليل تجارب الشباب وأن بدو البر وأهل المقناص دايم يعتمدون عليه
لأنه يبرد القلب ومشاكله أقل مقارنه مع التيوتا لأنه عكوس..
7: مكيف النيسان معروووف أنه بارد في الصيف وأنسى شي أسمه حرارة الماكينه ...
8: الديكورات أحس أنها صارت أفضل من أول وكلامي هذا لناس الي يقولون أنه يتفكك ..على الأقل لاتفكك هذا أصلي
مو مثل أبو جميل الي كل تجميعه تايواني والله قهر ياناس ....


في الأخير موترك أن حافظت عليه راح يخدمك سواء كان تيوتا أو نيسان وسلامتكم وأختلاف الرأي لايفسد للود قضيه
وشكرررررررررا.....

[1001001]

الاعصار جزاك الله خير ويعطيك العافية اخي الحبيبي على المعلومات المفيده

وعلى طاري البنزين يفرق واجد والا شي بصيط

[الأعصـــــار]

بصراحه الاند كروزر الجي أكس أر لا أسرعت فيه يحن وضغط الماكينه يرتفع
ويبدى يشرب ووكالة نيسان أعلنت تحدي أنها بتسوي رحله من الدوحه الى الرياض بدون ماتوقف السياره
نيسان باترول وزيد على كذا بعض مهندسين السيارات أطلقوا أسم التحفه الميكانيكيه على مكينة الفتك 4800 حقت الباترول
وفي مثل يقول كل قوي وعليه أقوى والقوي الله سبحانه وتعالى وفي شغله ميكانيكيه عرفوها المهندسين
الي عند نيسان تحت السياره والله بالظبط ماعرفها بس هم قللوا من وزنها وزاد أقتصادية السياره الى 10%
في موديل 2005 ولو بتقارن حجم ماكينة نيسان بمكينة تويوتا بتلقاها أكبر وفوق كذا ألا ان صرفيتها أقل وقوتها
أكبر وأعذرني على ركاكة التعبير .. وبعدين من بغى يطرب نفسه
مايلتفت للفلوس صح ولا غلط (حتى هالمثل في كفة وصالح نيسان ) .... يكفيك نصبته عند الباب .. وشكرا

[حـاتـم]

اخوي 1001001

ممتااااااااااازه صوره موتري بعد التصميم

الله يعطيك العافيه تسلم يمينك


بالنسبه للباترول والتايوتا

الكلام اطول من الطويل بس

كلن ورائيه
اخوك / حاتم

[1001001]

يعطيك العافية اخي الاعصار

وياحاتم اهلاً اعجبتنب صورة موترك مشاء الله عليه نصبه

الله لايظرك

وقلت ياولد سو عليه توقيع

وبعد الاضافة صار مثل ماانت شايف ويعطيك العافية على المرور

[ليث الوغى]

اخوي 1001001
فيه شغله نسيت اقولك عنها بالمشاركه الاول انه افشل وكاله من ناحيت الصيانه وكاله نيسان وانا مجرب بنفسي سيارتين ولا احد قالي

يعني وانا اجي اقولك او كلام الناس انا مجرب الوكاله تعدم السياره وانسى يركبون شي جديد من الاشياء المهمه مثل -- الجير -

المكينه - الدفرنس

وللمعلوميه انا اتكلم عن وكاله الجبر الي بالمنطقه الشرقيه ولا احد يتورط معهم في تصليح سيارته نصيه لان كل الي يشتغلون فيها

من السعوديين مبتدئين ولا يعرفون شي وانا شايف كل شي بعيني وهذا والله اعلم

واذا في اي سؤال عن سوء الخدمه عند الوكاله انا مستعد وشكرا

ليث الوغى

[1001001]

يعطيك العافية

وشكراً

[1001001]

للرفع ........

[s_A_F_A_R_II]

بس ياشباب البتروووول اقوووووه من التيووووتا في المكيناااااا واقوووووه في التطعيس تررررااااه مو سهل البتروووول قوي في الخط وقوي في التطعيس

واقووووه من الاند في الخط

[شفايف نعجة]

الـــــــــم تـــــرى ان الســــيـــف يـــنقـــص قــــــــــــــــــدره

اذا قــيـل ان الســــيــــف امــضــــى مـــــن العـصــــــــــى

واللبيب بالاشارة يفهم

الجـــــيــــــــــب عـــــــــــــــــــــــــــــــــــــــــــــــــ ــــــــز