المساعد الشخصي الرقمي

مشاهدة النسخة كاملة : قصيدة في الجيب الشاص


ابو عمر اللاحم
03/09/2002, 07:51 PM
قلت هذه القصيده في الجيب الشاص برجاء ان تنال استحسانكم


يا لله انا طالبك جيبٍ هوى بالي=لابين اسهيل ابمشي في مناكبها
جيب سريع تهبله لمست انعالي=ما هوب ديزل و للممتاز شاربها
شاصٍ ومن لمحته يا خوك تهتالي=يعجبك في مركبة وفعال خابرها
وارد ( تايوتا ) من ( اليابان ) يحلالي=ندفع به آلاف ومهما كان يطلبها
توه ورد من مغنه كاملٍ غالي=من الشارقه جالبه واللوحات قالبها
ليا مني مشيت الخلاء بطعوس ورمالي=ما هوب يغرز ولا عزمه يهودها
ليا شفت لي فرق جوني واقعٍ سالي=خطرٍ ليا دست له يا خوك يسبقها
يزرق على الفرق قبل ينهض ويجتالي=وم العوايد تجيبه يوم اصوبها
وأبيه ليا صرت انا في مرتعٍ خالي=آطا الوعر فيه ما يلزم اجنبها
واغراضي اللي بشيله لوهن اثقالي=ماهوب يدري عَنَهّ لو كان ازيد ابها

مع تحيات اخوكم ابو عمر
رحال
03/09/2002, 09:08 PM
ارحبوووووووووووووووو
هلا بيك اخوي (((( نهـــــار )))) وحياك الله و صح الله اللسانك لكن عندي سؤال وش نوع هذا الجيب ؟؟؟؟
شكله والله اعلم انه لاندكروزر موديل 2002 ها وش رايك جبتها ;) ;)
يالله حنا ننتظر التكمله وبسرعه مو تلطعنا
وتقبل تحيات اخووووووك الرحااااااااااااال
http://www.mekshat.com/pix/gallary/data/images/rahaal.gif
http://www.mekshat.com/pix/gallary/data/images/11111.jpg
ابو عمر اللاحم
03/09/2002, 10:06 PM
اخوي رحاااااال الف شكر لك على المبادرة بالاطلاع والتعليق وصح بدنك يا بعدي

اضفت بيتين جواب على سؤال الغالي

وتقبل تحياتي ،،،
ابو زياد
03/09/2002, 10:32 PM
والله يا نهار ان قولك تهبله لمسة نعالي انها اقوى من اي وصف
البيت قبل الاخير شف وش بلاه
كملها ترانا نبي نمرها
ابو عمر اللاحم
04/09/2002, 02:58 PM
اهلاً ومرحباً فيك اخوي ((( ابو زياد ))) ومشكور على التوقيع .

لاكن ما هي الملاحظة اللي ذكرت ارجو التوضيح .

وتقبل تحياتي ،،
الحزين
05/09/2002, 09:00 PM
الاخ ابو عمر ,,,, اسأل الله العلي القدير أن يبلغك طلبك ويرزقك الجيب اللي يحبه قلبك
وموهبتك بالشعر طيبه يانهار والله يوفقك ويحفظك ,,,

تقبل تحياتي وأعجابي

اخوك الحزيـــــــــــن:heart:
ابو عمر اللاحم
06/09/2002, 01:10 PM
اخوي الحزين جزاك الله خير على دعواتك الصادقه وبشرك اني قادر املكه من فضل الله والحمد لله .

اخوي الحزين اشكرك من الاعماق على تفضلك بالاطلاع والتعليق بارك الله فيك

وتقبل تحيات اخوك ابوعمر .
الواضح
07/09/2002, 02:58 PM
هلا ومرحبا اخوي (( نهـــــار ))
صح لسانك يالغالي وإذا أنت تحب الجيب
خذ يابعدي هذي قصيدة بالجيب اللي يحبه قلبك
أرجو أن تنال اعجابك واعجاب من تشرف بقرائتها

لاضاق صدري قلت قرب لي الجيب = جيبٍ من المصنع جديدالتروسي
جيبٍ ليامني دعستله ماخيب = ماتلحق غباره جدادالجموسي
ما صمموه ألا لعكف الاشانيب = عسافةالصعبه عزازالنفوسي
اشهدشهادة حق مافيه تكذيب = الجيب يستاهل جزيل الفلوسي
وقت التحدي والدروب المصاعيب = يعطي لباقي المواتر دروسي
واخترت لي من بين كل الاصاحيب = الصاحب اللي ماحجاجه عبوسي
معرّب السيسان نسل المناجيب = ذيبٍ على صعب المراسي يروسي
هو ريف من صكة عليه المخاليب = شوق الهنوف الجادل العيطموسي
نسل الوفاوالمجد والعز والطيب= ولد السنيدي مثل ذيبٍ فروسي
يا ذيب ياللي منزلك بالمراقيب = ياللي على روس الافاعي تدوسي
اركب على اللي طوعن العراقيب = من صنعة اليابان دقم الفنوسي
يا ذيب شد الحيل يا ذيب يا ذيب = ميرادنا ذاالليل روس الطعوسي

حياك الله وتقبل تحياتي
ابو عمر اللاحم
07/09/2002, 03:10 PM
يا هلا بك يا بو عبد الله وتسلم على هالقصيدة وصح لسانك

ولا تبخل علينا مما لديك من القصائد

ومشكور وتقبل تحياتي ابوعمر
عــاشق الشـاص
07/09/2002, 06:33 PM
هلاااا والله...

هلا اخوي نهار صح لسانك قصيدة روووعة ما قصرت ولا يهون الواضح...
ابو عمر اللاحم
07/09/2002, 11:50 PM
والله كنت متوقع انك تزور القصيدة والحمد لله انه اعجبتك وصح بدنك يا بعدي

وشكراً على اطلاعك وتوقيعك بارك الله فيك

وتقبل تحياتي ،،
عــاشق الشـاص
08/09/2002, 05:41 AM
هلا نهار...

شكلي بحطها بالتوقيع.... :D
عبدالعزيز الدباسي
08/09/2002, 11:36 AM
صح السانك يا ابو عمر ،،،،،،،، قصيدة حلووووووووووووه

وتسلم يالواضح على هالقصيده اللي كلها ملح
مقناص
08/09/2002, 01:14 PM
صح لسانك يابوعمر ومشكور على القصيدة

وصح لسانك يالواظح وماقصرت

وصحة السنت الجميع
ابو عمر اللاحم
08/09/2002, 04:18 PM
صح بدنك اخوي شقردي وشرفت ونورة شاكر وممنون على الزيارة والتوقيع .

وتقبل تحياتي
ابو عمر اللاحم
08/09/2002, 04:20 PM
صح بدنك ويا هلا ومرحبا فيك .

وتقبل تحياتي ،،،
الخبير
08/09/2002, 07:49 PM
السلام عليكم
سمعت هذي القصيدة و حبيت اشارككم بها، للاسف ما اعرف قائلها لذلك هي منقوله.


جعل من يذم الشاص يابو شبيب فداه = يذمه غشيم عايش داخل الديرة
خوي الخلاوي في خلا البر مخلاه = عدو الوعر من جربه ما شرا غيره
بطل و البطل طعس الرمال غايته ومناه = اربع كفر شاهين و الخامس سبيره
لامنه عطى الخامس و ريح و جاب اقصاه = خطر على الكبوت لولا شناكيره

==========================

http://nobody.jeeran.com/jkduhpma1.gif
ابو عمر اللاحم
09/09/2002, 06:24 AM
شكراً جزيلاً على اضافة هذه الابيات الجميله .

وتقبل تحياتي ،،،
الواضح
09/09/2002, 10:55 PM
نهارهلا اخوي صح بدنك وما قصرت ولا يهونون الباقين
لكن نسيت أقولكم إن القصيدة منقولة وما أعرف صاحبها ، وبعدين ياخوي يا أبو عمر اللقب " أبو صالح " لاتجيب من عندك الله لايهينك . . . مشكور وماقصرت .
==============================
عــاشق الشـاص
هلاااا والله... هلا اخوي لا هنت .
==================
الأخ شقردي الله يسلمك يالغالي كلك ذوق لاعدمناك .
============================
الأخ مقناص هلا اخوي صح بدنك طال عمرك .
=========================
الأخ الخبير حياك ربي
شكرا على الزيارة والمشاركة في هذه القصيدة .
==========================
الأخوة جميعاً تقبلوا تحياتي ،،،
الواضح
ابو عمر اللاحم
13/09/2002, 02:36 PM
عفواً خوي الواضح والعتب على النظر وحياك الله يابوصالح ومشكور مره ثانيه على اضافة القصيدة .

وتقبل تحياتي ،،،،،
الشاص
14/09/2002, 10:34 PM
صح لسانك اخوي

ومشكور على القصيده ولا ننسى نشرك الاخوان الى اتحفون بالردود الجميله
ابو عمر اللاحم
21/09/2002, 10:45 AM
تحيه لك اخوي الشاص ..... رجاء غير التوقيع وحط بداله صورة شاص الفين وثلاثه2003م

وتقبل تحياتي ،،،،
ابو عمر اللاحم
15/10/2002, 07:46 AM
تسلم اخو شعيل انت اروع والله يسلمك من كل مكروه ومشكور الف شكر على هذا المدح الذي لا استحقه

وال جي اكس يستأهل . يقول ابن عمار :

ما هوب صيدي يوم الايم غريمي=شفقٍ على الحبه ولمس المبريم
ماهوب صيدي قلةٍ بالحريمي=لاكن كلن له مع الناس مشهاة
مشهاة مشهاتي اضبي الفريق=حب العرب ينقص وحبه يزيد
لاشفتها ذاك هو يوم عيدي=تصبح بساتين الضماير مريفات