المساعد الشخصي الرقمي

مشاهدة النسخة كاملة : اللي عنده خبرة بطريقة تنزيل قير الفتك مسافة 2سم يساعدني


nissan vtc
27/03/2011, 12:41 AM
السلام عليكم

ياجماعه اللي عنده خبره بهالموضوع اتمنى يفيدني

انا عندي باترول فتك موديل 2002

ورفعت البدي تقريبا 10سم من الامام والخلف

وعرفت اني لازم انزل القير مسافة 2سم

لكن في مشكله اطلعتلي وهي ان يوجد تحت عامود الجاردن الخلفي جسر حمايه متصل بالشاصي والمسافه بين الجسر وعامود الجاردن اقل من 2سم ولو نزلت القير 2سم اكيد عامود الجاردن بيلامس جسر الحمايه اللي تحته ؟؟!!


هل توجد طريقه معينه لتنزيل القير مسافة 2سم من غير قص الجسر اللي تحت عامود الجاردن ؟ ولا لازم ينقص شوي؟ ولا شنو الحل؟

واسف على الاطاله وشاكر لكم سلفا ...
العابر2222
27/03/2011, 08:04 AM
أخوي 10 سم كثيره ونخووووك ... وبتحسف يعدين على الرفعه هذي

الرفعه المناسبه 3سم الى 4سم مع تنزيل القير
الربذي
27/03/2011, 09:39 AM
راح يعدم عليك حاجات كثيره ركب بالون لو انه غير امن بس احسن من الخرابات الكثيره واحد رفع موتره وبعد فتره غربت معه الكارونه وبعدها خربت مره اخرى وتبهذل
فهد 620
27/03/2011, 10:04 AM
والله وانا اخوك زي ما قالو الاخوان انه يبي يضر

بس من ناحية التنزيل على ما اتوقع تقدر تنزله عن طريق الواشر الي يجيك زي الورده الي تحط بنفس المسمار

عاد انت دبر الواشراات على جسب مزاجك وقد ايش تبي تنزل موترك

ان شاء الله قدرت افيدك
مقلع الرمث
27/03/2011, 10:25 AM
ركب بين الجسر اللي ماسك القير وردات وينزل اشوي القير هي 8 مسامير حط بينها وبين الشاصي وردات وراح ينزل القير لكن رفعك للموتر واجد
قرم العيال
27/03/2011, 11:53 AM
فيه .. حل انك تدخل مواقع استراليه ..

وعندهم رفعه مثل رفعك وانظمه تعليق غير ..

وامان بس تبي دراهم ولا رح لمحلات عرب بالامارات او السعوديه وخلهم يحهزون لك الموتر برفعتك القويه هذي ...
nissan vtc
28/03/2011, 03:31 AM
أخوي 10 سم كثيره ونخووووك ... وبتحسف يعدين على الرفعه هذي

الرفعه المناسبه 3سم الى 4سم مع تنزيل القير

هلا ومرحبا بك اخوي العابر ...

يالغالي بالنسبه للرفعه ان شاء الله مامنها مشاكل ان حليت مشكلة تنزيل القير باذن الله ...

او بالاصح اني حليت ان شاء الله كل المشاكل الخاصه بالرفعه الا مشكلة ملامسة عمود الجاردن لجسر الشاصي بعد تنزيل القير 2سم ...

وان شاء الله يكون حلها قريب باذن الله ...

شاكرلك مرورك واهتمامك يالغالي ...
nissan vtc
28/03/2011, 03:56 AM
راح يعدم عليك حاجات كثيره ركب بالون لو انه غير امن بس احسن من الخرابات الكثيره واحد رفع موتره وبعد فتره غربت معه الكارونه وبعدها خربت مره اخرى وتبهذل

هلا ومرحبا بك اخوي الربذي ...

وان شاء الله مامن مشاكل يالغالي وانا عامل كل احتياطاتي وعدلت كل شي وماتم غير المشكله اللي قاعدين نتكلم عنها وباذن الله راح تنحل ...

اسعدني تواجدك ولا تحرمنا تواجدك الغالي ...


والله وانا اخوك زي ما قالو الاخوان انه يبي يضر

بس من ناحية التنزيل على ما اتوقع تقدر تنزله عن طريق الواشر الي يجيك زي الورده الي تحط بنفس المسمار

عاد انت دبر الواشراات على جسب مزاجك وقد ايش تبي تنزل موترك

ان شاء الله قدرت افيدك

هلا ومرحبا بك اخوي فهد ...

والنعم فيك وفي الاخوان الغالين كلم والله وكلامكم ونصايحكم تاج على راسي ومثلكم يفتخر فيهم ...

اكيد فدتني والله يالغالي بكلامك وماقصرت ولو مافدتني كافي تواجدك العطر ...


ركب بين الجسر اللي ماسك القير وردات وينزل اشوي القير هي 8 مسامير حط بينها وبين الشاصي وردات وراح ينزل القير لكن رفعك للموتر واجد

هلا ومرحبا بك اخوي مقلع الرمث ...

تسلملي عالشرح يالغالي وعلى اهتمامك واتمنى تفيدني اكثر شوي وتعملني اذا حطيت وردات ونزلت القير بعدها عمود الجاردن ماراح يلامس الجسر الموجود تحته ؟!
علما باني مثل ماقلت ان المسافه الحاليه بين عمود الجاردن والجسر اللي تحته اقل من 2سم !!

وبالنسبه للرفعه يالغالي فماهي عاديه وفي اعلى منها اللي هي 6 انش يعني تقريبا 15سم من الاما والخلف

وهالرفعات تكون غير عن رفعات اليايات الاستراليه او الكعكات يالغالي ويؤخذ بعين الاعتبار اشياء كثيره تتغير مثل هوزات البريك وعمدان التوازن الامامي والخلفي والمعاونات ( المساعدات) وغيره وانا بس ناصني احل مشكلة عمود الجارن وباذن الله كل شي تمام ...

والسموحه عالاطاله يالغالي وشاكرلك تواجدك الكريم وافادتك يالغالي ...


فيه .. حل انك تدخل مواقع استراليه ..

وعندهم رفعه مثل رفعك وانظمه تعليق غير ..

وامان بس تبي دراهم ولا رح لمحلات عرب بالامارات او السعوديه وخلهم يحهزون لك الموتر برفعتك القويه هذي ...

هلا ومرحبا بك اخوي قرم العيال ...

اعرفها هالمواقع يخوي بس مشكلتهم موشارحين طرق تركيبها او صيانتها !

والرفعه اللي رفعتها للموتر مثل هالرفعات بالضبط ( الاستراليه )

والله كريم يالغالي وتسلملي على تواجدك المثمر ...