<<< أرجو من الجميع المشاركة >>> مـاهـو افـضـل عـازل حـراري امـريـكـي لـلـسـيـارات ؟؟

[محامي وراط]

السلام عليكم ورحمة الله وبركاته




وكما تعودنا منكم ايها الاعضاء الاوفياء والكرماء فأطلب


منكم الآن تحديد أفضل شركة تضليل عازل حراري للسيارة


من واقع تجربة وخبرة وليس من كلام فلان وفلان او ان


هذي شركة كبيرة ولها صيت عند الناس ومدري ايش ...


باختصار أريد أحد جرب احد الشركات ويكتب تجربته هنا


مع توضيح عيوبها ومميزاتها واسعارها وارقام هواتفها


في مدينة الرياض وان امكن توصيف لمكان الشركة نفسها


مع العلم أني سأختار من بين الشركات التالية :


1- لـــومـــار
2- 3M
3- درايــف 7
4- جــونــســون
5- زيــبــارت
6- V-COOL


ومن أراد المزيد من الشركات فليتفضل بوضعها ووضع


تجربته معها بالتفصيل الممل ، ،



** علما ان نوع السيارة : باثفندر 2005


** مكان التواجد : مدينة الرياض




وننتظر أرائكم أيها الاعضاء الكرماء

[محامي وراط]

للرفع ، ، الله يرفع مقداركم

[ابو صافي07]

كوول لايت اللي ب تايوتا ممتاز جدا ويجي بهده الزيبارت

[AL.KNG]

زيبارت من واقع تجربه اما الباقي مدري

[محامي وراط]

كوول لايت اللي ب تايوتا ممتاز جدا ويجي بهده الزيبارت


مشكور أخوي وما قصرت ،، لكن اي شركة من جهة عبداللطيف جميل لن اتعامل معها لأنها قائمة على نصب واحتيال وشكرا (( وهذه قناعة شخصية ))

[محامي وراط]

اما بالنسبة لزيبارت ممتازة ولكن اسعارهم مرتفعة ومبالغ فيها ايضا

[محامي وراط]

زيبارت من واقع تجربه اما الباقي مدري

زيبارت هل تستاهل قيمتها لأنهم مبالغين فالاسعار بالحيل ..

[محامي وراط]

واذا فيه احد يقدر يطلب تضليلة عازل حراري امريكية اصلية من النت

( مثل موقع امازون وغيره ) يبلغني في الحال سواء على الخاص او

على العام ولاتبخلون علينا يا اعضاء المنتدى في مثل هالخدمات لمن

يستطيع ذلك وأدفع له مقدما بشرط ان يكون هناك محل يركبها مثل 3M

وغيرها من الشركات الاخرى من أجل ضبط تركيبها على نوافذ السيارة

وانتظر ردكم ايها المكشاتين الكرماء
^_^

[ريان2002]

وعليكم السلام ورحمة الله
أنا مركب عازل على سيارتي يوكن 2002 إسمه ريفيكس ومن شركة كارتك في جده وضمانهم خمس سنوات
وله الآن مايقارب ست سنوات وممتاز في العزل والعيب الوحيد أنه بدأت تظهر في قزاز السائق خطوط متوازيه عموديه بسبب كثرة فتح وإغلاق القزاز وكثر خيره إنه صبر طول هالفتره
الشركه ماأدري لهم فرع في الرياض أو لأ وركبت العازل ذيك الأيام ب 2200 ريال
ولكن بعض الزملاء يمدح الفي كول وبصراحه ماجربته ولا صادقت إني قد ركبت مع أحد مركبه
وسلامتك

[عمر الشريف]

والله بالنسبه لي جونسون مررره ممتاااز

طبعا الرأي الأول والأخير عندكـ ولك الخياار

فااااااااااالك التوفيق

[abuzeyad]

لا تاخذ غير في كول وسلامتك.

[محامي وراط]

وعليكم السلام ورحمة الله
أنا مركب عازل على سيارتي يوكن 2002 إسمه ريفيكس ومن شركة كارتك في جده وضمانهم خمس سنوات
وله الآن مايقارب ست سنوات وممتاز في العزل والعيب الوحيد أنه بدأت تظهر في قزاز السائق خطوط متوازيه عموديه بسبب كثرة فتح وإغلاق القزاز وكثر خيره إنه صبر طول هالفتره
الشركه ماأدري لهم فرع في الرياض أو لأ وركبت العازل ذيك الأيام ب 2200 ريال
ولكن بعض الزملاء يمدح الفي كول وبصراحه ماجربته ولا صادقت إني قد ركبت مع أحد مركبه
وسلامتك

الف شكر لك أخوي وما قصرت لكن السؤال هل الفي كول لهم فرع فالرياض لأني لفيت شارع خريص ما لقيت الا( 3m ودرايف7 ولومار وزيبارت ) ..

[محامي وراط]

والله بالنسبه لي جونسون مررره ممتاااز

طبعا الرأي الأول والأخير عندكـ ولك الخياار

فااااااااااالك التوفيق


الف شكر لك أخوي ولكن هل عندك علم باسعار جونسون ؟؟ او على الاقل ارقامهم ؟؟ وهل لهم فرع بالرياض ؟؟
وبإذن الله سأختار ما يتفق عليه الاغلبية ويكون سعرهـ مناسب ..

[محامي وراط]

لا تاخذ غير في كول وسلامتك.

الف شكر لك لأخوي ،، ولكن هل تعرف عن اسعارهم شيئا ؟؟ او مقر الشركة اين يوجد بالرياض ؟؟

[ملك الفكتوريا]

الف شكر لك لأخوي ،، ولكن هل تعرف عن اسعارهم شيئا ؟؟ او مقر الشركة اين يوجد بالرياض ؟؟


معليش على قطة الوجه لكن أنا أعرف أحد محلات في كول وشكلها المقر الرئيسي




يالغالي هي بطريق الملك عبدالله تقاطع التخصصي


الوصف


وانت جاي من التخصصي ومتجه شمال يعني كنك رايح للثمامه اذا جاء تقاطع الملك عبدالله خذ يمين وتصير متجه شرق

أصلا اول ما تاخذ يمين هد السرعه وراح تلقى يالمحل الثاني او الثالث المهم قبل مطعم ماما نوره المحل موجود وخبري به ترى من عام 2007 الا ان كان غيروا المكان فهذا شئ ثاني


وتحياتي لك

[ملك الفكتوريا]

بالنسبة للتظليل ممتاز


بس ترى ما يقطع الحرارة نهائي بس بالظهر وهي بالشمس تركب السيارة تكون مقبوله وعادي الحرارة مو عالية


والمكيف يبرد بسرعه


طبعا على جمس

[محامي وراط]

الله يعطيك العافية أخوي ولا يقصر بعمرك ولاهنت على الرد الاكثر من رائع والتوصيف الدقيق والواضح

ما شاء الله تبارك الله عليك وبإذن الله بمر عليهم بكرة العصر وبستعلم عن تضليلهم واسعارهم ..


وتقبل تحياتي ^_^

[رهيبXرهيب]

يا طويل العمر عندك 1- في كول
2- جونسون
واقع تجربه وكلهم عليهم ضمان 5 سنوات
ونصيحه كل ما ركبت عاكس زياده تقل درجه الاشعاع في السياره وكذالك الحراره داخل السياره
انا مركب طبقتين فوق بعض الطبقه الاولى 10% عاكس طبقه ثانيه 30% اسود
يعني في النهار يكون عاكس وفي الليل اسود

انا مركب جونسون وكلفني 3000 ريال لاني مركب طبقتين هذا الكلام سنه 2007
ولكم الصور والحكم
معذره على الصوره كبيره اشوي بس اهم شيئ تتم الفائده
انا ما احب اتكلم من غير صور ودليل
ولكم الحكم والاختيار
http://edxfuq.blu.livefilestore.com/y1pYFv6DeFjNpAqQ5FNy96AXfF42mHMVsxGm7C5woM_2MhcNNQ C-KsBZ0UT51ncdSK0LxsnEYBUbQOIdtOQaNav2julS4g62bqm/%D8%B9%D8%A7%D8%B2%D9%84%202.jpg?psid=1


http://edxfuq.blu.livefilestore.com/y1p64Fcw2cItcOYavsdfTwGPvAsBO7yRwDt-RuwJTn4clojamMpm-FN7yAgyDvnCahesJ4Zo5gQrty1jF-EMbq7MTRsAZxcPbuf/%D8%B9%D8%A7%D8%B2%D9%841.jpg?psid=1

[GMC 111]

والله بالنسبه لي جونسون مررره ممتاااز

[فصاص]

السلام عليكم

حيا الله راعي وراط

اذا تبي العلم الي يجمد على الشارب كل الشركات هذي صار اسم فقط وبعطيك شركه انا مصلح موتري عندهم
شغل نظيف ولا يعلى عليه

طبعا اسم الشركه (جيوشيلد) وتستعمل تظليل بتقنيه النانو سيراميك وعندهم نوعين تظليل بنسب عزل مختلفه ولك الاختيار حسب ميزانيتك

من مزاياهم الي مااحد يسويها غيرهم هي حمايه النيكل وكشافات الهيدروجين

وهذا موقعهم فيه كل شي

http://www.geoshieldksa.com/

مع العلم ان سيارتي الاولى كنت مسويها عند لومار ,, وصراحه فرق كبير لصالح جيوشيلد

[YUKON_GMC]

انتبهوا ياشباب .. لاتخسرون على الفاضي

ترى بعض التظليلات ممنوعه خصوصاً بعض الالوان وزجاج الابواب الاماميه

لا احد يتخسر 3 آلالف واخرتها تكشعها عند اول نقطة تفتيش

[محامي وراط]

الله يعطيكم العافية ولاهنتو جميعا

والف الف الف شكر لكل من شارك ورد على الموضوع وبالاخص أخونا

( رهيب × رهيب ) رد وتفصيل وتوضيح اكثر من رائع وتشكر عليه

واشكركم جميعا ايها الاعضاء الكرماء على نصايحكم ومشورتكم القيمة

وتقبلوا تحياتي ^_^

[محامي وراط]

انتبهوا ياشباب .. لاتخسرون على الفاضي



ترى بعض التظليلات ممنوعه خصوصاً بعض الالوان وزجاج الابواب الاماميه



لا احد يتخسر 3 آلالف واخرتها تكشعها عند اول نقطة تفتيش



مشكور أخوي وما قصرت ،، لكن بالنسبة للتضليل الشركة ما تضلل الا الدرجة

المسموح بها عند المرور او غيرهم ، ولو فكوها التفتيش يركبون تضليل مجانا

عــلــى الــضــمــان

يعني من هالناحية حط يديك ورجليك في موية باردة ، ،

وتقبل تحياتي ^_^

[عمر الشريف]

أخي محامي وراط بالنسبه لجنسون ع حسب السياره أنا معايه صالون مضلله بعد الخصم 1700 مع ضمان خمسه سنوات يكفي تعاملهم فوق العسل

[الطرس ممدوح]

اما بالنسبة لزيبارت ممتازة ولكن اسعارهم مرتفعة ومبالغ فيها ايضا

[محامي وراط]

أخي محامي وراط بالنسبه لجنسون ع حسب السياره أنا معايه صالون مضلله بعد الخصم 1700 مع ضمان خمسه سنوات يكفي تعاملهم فوق العسل


مشكور أخوي والله يعطيك العافية على ردك الجميل ،، ولكن هل تقصد ان

الصالون تكون عليه التضليلة ضابطة ومحكمة عليه اكثر من الجيب او الباثفندر بالاخص ؟ ؟

وهل لهم فرع بالرياض ؟ ؟ واين يوجد بالضبط ؟ ؟

وتقبل تحياتي ^_^

[محامي وراط]

اما بالنسبة لزيبارت ممتازة ولكن اسعارهم مرتفعة ومبالغ فيها ايضا



الله يعطيك العافية أخوي على مرورك وردك الجميل ،،

من ناحية زيبارت رحت لهم وقالوا لي تضليل السيارة

كاملة ملون بيكلف

2400 ريال

اسعااااااااااااار مبالغ فيها للغاية على منتج اعتبرهـ زي

جودة غيرهـ ما اشوف ذاك الفرق اللي يفرق هالسعر اللي

حاطينه وشكرا ، ،

وتقبل تحياتي ^_^

[محامي وراط]

لا اخفي عليكم اليوم رحت لشركة geoshield
المعروفة لدى البعض وموقعها بجانب وكالة نيسان على
طريق الامام سعود

المهم سألت عن نسبة العزل فالتضليل وقالوا لي
الملون 75 % ، والشفاف 85 %
طبعا انا صراحى اعجبت باسعارهم الرائعة والمناسبة ايضا مع
الخدمات المجانية التي يقدمونها
سعر الملون بعد الخصم 1500 ريال
وسعر الشفاف بعد الخصم 1800 او 1900 ريال

طبعا انت عارفين ان عزلهم بتقنية النانو سيراميك المعروفة
بقوة عزلها وطول فترة بقائها

بس الصراحة اسعارهم مع خدماتهم جدا راائعة والخدمات هي :
1- طبقة حماية على واجهة السيارة ( قيمتها 500 ريال

عند أي شركة أخرى ) وعندهم مجاني مقابل التضليل ،
او مادة يضعونها على البودي وقاية من الخدوش

والرمل وغيرها .

2- تلميع نسبي لداخل السيارة .
بالاضافة الى شغلهم الاحترافي في التضليل افضل بكثير من
غيرهم في التركيب ،،
ولكن ايها المكشاتين وش رايكم تنصحوني فيها ( وهل فيه
احد جرب هالشركة وفضلها مثلا على في كول او جونسون )
وثاني شيء االسيارة اللي بضللها باثفندر تنصحوني
بدرجة وحدة لللون الاسود لكامل السيارة ؟؟
او اكتم اللي وراء السواق واخلي السواق والراكب بدرجة اقل ؟؟
ودي بشكل اجمل وفي نفس الوقت لا يرى ما بداخل السيارة
علما ان المسموح به للراكب والسواق على حسب علمي01

انتظر ارائكم ايها المكشاتييين وآآآآآآآآآآآآسف على الاطالة
وشكرا

وتقبلوا تحياتي ^_^

[محامي وراط]

ارقام شركة geoshield


الهاتف / 012052525

الجوال / 0533205252

افيدوني فيما ذكر في الرد السابق

الله يعطيكم الصحة والعافية وشكرا .

[رهيبXرهيب]

مرحبا اخوي (محامي وراط)
اولاً اشكرك على الاطراء وسامحني على الاقصور

انا افضل تسوي استبيان وتشوف وبصراحه الحين الشركات كثرت لعازل ما تدري وين الاصلي
بس مهما كان تاكد انه العازل امريكي
تدري يا طويل العمر في محل عندنا بقطر اسمه ((النهدي)) وسالته شنو اسم العازل الي عندك قال عازل النهدي يوم شفت العازل ولا الحبيب يركب جونسون يعد هذا غش
يعني يا طويل العمر تاكد من اسم العازل الي بيركب وتاكد انه امريكي
وبعد تاكد من المسموح في المرور
نصيحه: اذا بتركب لسايق والعبري خفيف ووراء بتركب غامق اتوقع نفس السعر
انا ركت كل السياره نفس الشيئ ونفس الدرجه علشان ما يكون في فرق

[fallah2020]

السلام عليكم،،،

انا الصراحة جربت شركة 3M فيه تضليلة اسمها كريستلايزر ميزتها انها لاتستخدم اي مواد معدنية في التضليلة كباقي الانواع
وعلى حد علمي لاتوجد تضليلة خالية من المواد المعدنية غيرها عندما بحثت عند تركيبها قبل سنة تقريبا وللمعلومية حصلت 3M على براءة اختراع لاستخدامها تقنية النانو في هذه التضليلة ويمكن الرجوع للموقع للحصول على افادات
مع العلم ان بحثي كان على مواقع الشركات الأم في امريكا لمصداقية المعلومة ودقتها عن الوكلاء عندنا
ومن تجربتي المتواضعة ان هذا النوع ارتحت معه من ناحية عزل الحرارة من نوع اخر ركبته على سيارة اخرى من نفس الشركة

وتقبلوا تحياتي،،،

[محامي وراط]

مرحبا اخوي (محامي وراط)
واهلا وسهلا بك

اولاً اشكرك على الاطراء وسامحني على الاقصور


ما سوينا شيء يالغالي ، وبالنسبة للقصور مامنك قصور ابد جعلك تسلم

انا افضل تسوي استبيان وتشوف وبصراحه الحين الشركات كثرت لعازل ما تدري وين الاصلي
بس مهما كان تاكد انه العازل امريكي

بالنسبة للاستبيان أنا بإذن الله نويت اركب عند شركة geoshield
تدري يا طويل العمر في محل عندنا بقطر اسمه ((النهدي)) وسالته شنو اسم العازل الي عندك قال عازل النهدي يوم شفت العازل ولا الحبيب يركب جونسون يعد هذا غش
يعني يا طويل العمر تاكد من اسم العازل الي بيركب وتاكد انه امريكي
وبعد تاكد من المسموح في المرور

على العموم الشركة من يوم دخلتها وانا ارتحت ومتجهك بإذن الله اصلي 100%
وبالنسبة للمرور هو مايركب الا المسموح ويعلمك قبل التركيب وهذا عند اي شركة

نصيحه: اذا بتركب لسايق والعبري خفيف ووراء بتركب غامق اتوقع نفس السعر
انا ركت كل السياره نفس الشيئ ونفس الدرجه علشان ما يكون في فرق




منا ناحية السعر واحد لو خففت وثقلت ، ، او خففت لكامل السيارة

لكن بإذن الله بخفف السواق والراكب واثقل اللي وراء وشكرا على التفاعل والرد مرة
(((( الاجابة باللون الاحمر ))))
أخرى وتقبل تحياتي ^_^

[محامي وراط]

السلام عليكم،،،

انا الصراحة جربت شركة 3M فيه تضليلة اسمها كريستلايزر ميزتها انها لاتستخدم اي مواد معدنية في التضليلة كباقي الانواع
وعلى حد علمي لاتوجد تضليلة خالية من المواد المعدنية غيرها عندما بحثت عند تركيبها قبل سنة تقريبا وللمعلومية حصلت 3M على براءة اختراع لاستخدامها تقنية النانو في هذه التضليلة ويمكن الرجوع للموقع للحصول على افادات
مع العلم ان بحثي كان على مواقع الشركات الأم في امريكا لمصداقية المعلومة ودقتها عن الوكلاء عندنا
ومن تجربتي المتواضعة ان هذا النوع ارتحت معه من ناحية عزل الحرارة من نوع اخر ركبته على سيارة اخرى من نفس الشركة

وتقبلوا تحياتي،،،



وعليكم السلام والرحمة ،، الف شكر لك أخوي ولاهنت على الرد الجميل والاجمل

التفصيل في الرد

ولكن بالنسبة ل 3m رحت لهم وقالوا لي ملون 1300 ريال ضمان عشر سنوات

والصراحة واحد يقربلي ركب عندهم قال التضليلة على سعرها تعتبر منتج اقل جودة

وحرام اخسر فيها علما ان الذي ركب عندهم مع قراند ماركيز وركبها 1170 ريال

وقال تضليللة اعتبرها عادية ولا راح اخسر مرة ثانية واركب عندهم

وانا رحت لهم صراحة تعاملهم اكثر من رائع ولكن اشوف شركة
geoshield
افضل منها في الخدمات والمنتج والجودة وبإذن الله بركب عندهم
وآسف على الاطالة وتقبل تحياتي ^_^

[es johnson]

جونسون بها منتجات جديدة مثل حماية الانوار بالالوان مثل الزنون وتظليل الكترونى جديد وفتح فرع رقم 2 فى طريق الملك عبد العزيز بجانب مطعم بيت الكباب بعد دوار القاعدة لاستفسار 0501130070