استشاره يااهل الفتك (بخصوص اليايات )

[فصاص]

السلام عليكم

انا بخاطري اركب يايات استراليه 3 سم للفتك عشان التحميل

فياليت تعطوني ارائكم هل اركب طقم كامل 4 يايات افضل او اركب اثنين فقط (انا اميل لتركيب الطقم كامل عشان مااتختلف الوزنيه)

وهل لازم اتعبث بالقير وانزله ,, مع العلم ان الشغله هذي ممكن تخليني اصرف النظر عن الموضوع كليا

[raed]

السلام عليكم

فك القير :( :( :( :( مع تغير زيت الماكينه او بدون :D:D
ما ادري وش دخل القير بالموضوع .
اعتقد الشباب بيفودونك ان شاء الله :good2:

[قناص خلاوي]

اليايات 3 سم ترفع الموتر شوي
ولا هو لازم ترفع الوجه
خصوصا اذا كان جنط 17
او مركب كفرات بالون
بالتوفيق

[فصاص]

السلام عليكم

فك القير :( :( :( :( مع تغير زيت الماكينه او بدون :D:D
ما ادري وش دخل القير بالموضوع .
اعتقد الشباب بيفودونك ان شاء الله :good2:

اخوي رائد احيانا يحتاج القير للتنزل سانتي او اثنين بعد رفع السياره مو المقصود فك القير كامل وتنزيله
يمكن خانتك الخبره شوي هنا:D:D

عافاك الله

[فصاص]

اليايات 3 سم ترفع الموتر شوي
ولا هو لازم ترفع الوجه
خصوصا اذا كان جنط 17
او مركب كفرات بالون
بالتوفيق


السلام عليكم

اخوي هل تقصد اني اركب يايات خلفيه فقط مع العلم ان الجنط 17 صحيح

[بوحے شماليے]

اذا كان على التحميل ورفعت البودي شوي مالك الا تركب كعكات فوق الياي

[قناص خلاوي]

السلام عليكم

اخوي هل تقصد اني اركب يايات خلفيه فقط مع العلم ان الجنط 17 صحيح

عليكم السلام
اي نعم ركب خلفي بس
لان التحميل على الخلفي
وانا مثلك معي فتك جنط 17 ومركب خلفي ووقفة الموتر تمام

[محمدالعريني]

حيا الله الاخوان
انا بتكلم عن واقع تجربه اذا كان تحميلك يوصل 300 كيلو وفوق فيه ياي للباترول اكبر مقاس خلفي لكن انا اعتبره للمهام الشاقه ومطبه قوي نوعا ما ولازم ترفع الوجه 2 سانتي لكن خذ ولد يبيض الوجه

لكن اذا كان تحميلك متوسط ركب ياي خلفي مقاس 980 اللي هو 4 سنتي والوجه مايحتاج ترفعه في هالحاله واذا كان ودك ترفع الوجه شوي ركب كعكه اقل من سنتي ونص حرام تخسر مبلغ ياي قدام بدون فايده واضحه

طبعا هالكلام كله اذا كان الباترول اللي معك اربع ابواب وترا مايحتاج تنزل القير للصالون اللي يحتاج تنزيل القير في حال رفع السياره هي الجيوب القصيره (الربع) اتمنى اني افدتك اخي الغاالي

[ALBDRANE]

موضوعك حلو أخوي والصراحة بشاركك في الموضوع ههههههه

الي بيركب كعكات وش الأفضل الألمنيوم ولا الربل ؟؟

[m-a-z-d]

والله وأنا أخوك أن كنت منت راعي تحميل واجد أنصحك تبقى على ياي الوكالة لأني ركبت 3 سم استرالي اللي رقمها والله العالم 989 ورا وقدام ياي الوكالة وفرق معي بالمطب واااجد
صار الموتر قاسي ... وان كانك مصمل ركب ياي 3سم ورا وركب مساعدات جبريال لأن امتصاصها للصدمات مرن ..
واذا تبي توازن الموتر ركب قدام كعكات 1,5سم
وأنت لك الحرية ..

[محمدالعريني]

والله وأنا أخوك أن كنت منت راعي تحميل واجد أنصحك تبقى على ياي الوكالة لأني ركبت 3 سم استرالي اللي رقمها والله العالم 989 ورا وقدام ياي الوكالة وفرق معي بالمطب واااجد
صار الموتر قاسي ... وان كانك مصمل ركب ياي 3سم ورا وركب مساعدات جبريال لأن امتصاصها للصدمات مرن ..
واذا تبي توازن الموتر ركب قدام كعكات 1,5سم
وأنت لك الحرية ..

اخوي للتوضيح فقط الياي الاسترالي طبيعي يصير مطبه قاسي شوي لكن انت مركبه عشان تحمل اقل شي يكون تانكي مويه مليان اغلب الاوقات في الموتر عشان يصير مريح لان عندك تحمل 200 كيلو

[فصاص]

عليكم السلام
اي نعم ركب خلفي بس
لان التحميل على الخلفي
وانا مثلك معي فتك جنط 17 ومركب خلفي ووقفة الموتر تمام

يامال العافيه ان شاء الله

ماقصرت يالغالي

[فصاص]

حيا الله الاخوان
انا بتكلم عن واقع تجربه اذا كان تحميلك يوصل 300 كيلو وفوق فيه ياي للباترول اكبر مقاس خلفي لكن انا اعتبره للمهام الشاقه ومطبه قوي نوعا ما ولازم ترفع الوجه 2 سانتي لكن خذ ولد يبيض الوجه

لكن اذا كان تحميلك متوسط ركب ياي خلفي مقاس 980 اللي هو 4 سنتي والوجه مايحتاج ترفعه في هالحاله واذا كان ودك ترفع الوجه شوي ركب كعكه اقل من سنتي ونص حرام تخسر مبلغ ياي قدام بدون فايده واضحه

طبعا هالكلام كله اذا كان الباترول اللي معك اربع ابواب وترا مايحتاج تنزل القير للصالون اللي يحتاج تنزيل القير في حال رفع السياره هي الجيوب القصيره (الربع) اتمنى اني افدتك اخي الغاالي

حياك الله اخوي محمد

الله يحرم وجهك عن النار ,, فعلا الي انا ناوي اركبه مقاس 980 خلفي اشوفه معقول
المقاس الي اكبر منه يعطيك 7 سم وانا اشوفها واجد حيل

لكن انا ماودي اغير وزنيه ميلان الوكاله بين الخلفيه والمقدمه عشان كذا سالت عن الياي الامامي
وطمنتني الله يرضا عليك الي معي صالون مهوب ربع وكانت مشغلتني سالفه القير

[فصاص]

موضوعك حلو أخوي والصراحة بشاركك في الموضوع ههههههه

الي بيركب كعكات وش الأفضل الألمنيوم ولا الربل ؟؟


حياك الله اخوي البدراني

مالي خلفيه في الكعكات بس واحد من الشباب مركب المونيوم ويشكتي احيانا من صوت طقه او صوت (ضرس)
والربل شفتها عند الرمايه امس وماش احس ماهنا اسرع من قطعتها توقعتها اقوى من كذا

[مواسي الطعوس]

الافضل ركبهم سوا علشان اهزاز الموتر يروح .ركب اللي يرفعه 4 سم ممتاز .لكن التانكي حق الماء الافضل يكون فيه ماء لكي يصير الموتر مريح .

** معلومه : رايح يزين عزمه بالنفود اذا صار قاسي .

[محمدالعريني]

حياك الله اخوي محمد

الله يحرم وجهك عن النار ,, فعلا الي انا ناوي اركبه مقاس 980 خلفي اشوفه معقول
المقاس الي اكبر منه يعطيك 7 سم وانا اشوفها واجد حيل

لكن انا ماودي اغير وزنيه ميلان الوكاله بين الخلفيه والمقدمه عشان كذا سالت عن الياي الامامي
وطمنتني الله يرضا عليك الي معي صالون مهوب ربع وكانت مشغلتني سالفه القير

جزاك الله خير على هالدعوات واذا عندك اي استفسارات انا حاظر وبالنسبه للياي الاسترالي لو تركبه عند ورشة الرمايه افضل لان فيه ياي مخصص لليمين والثاني لليسار
وبالنسبه للمساعدات افضل شي من واقع تجربه خلفي شاص واماي مرسدس طبعا ترهيم قاعده