الجيب الهونــداي (( وش رايكم فيـه ))

[الطرشي]

مساكم الله بالخيــر جميع

فيه واحد من الزملاء موصيني على استشارتكم في الجيب الهونداي
موديل 2000 الرجال محصله في معرض حد بــ 28.000 الف ريال
ويقول نظيف ويمدحه صاحبه على (ذمتــه) قير عادي ماشي قرابة
60.000 الف كلم
والرجال يستشيركم في الهونداي بشكل عام مايهمه السعر حتى لو كان غالي
بعدين الرجال يقول ابي جيب يمشيني فالبر والصياهد يعني
مانيب راعي ((الرملة والنفود وتطعيس ))

هل من مجـــرب ؟؟؟ :j

[الطير المهاجر]

السلام عليكم
صبحك بالخير يا شين الحلايا
اولا ايش اسم السيارة ؟ اذا جلوبر يعني السيارة زينة اذا مو راعي دخلة بر
اما اذا الي اصغر من الجلوبر فأنا ما امدحه ابدا لانها صراحة مو مركب وقوطي بعد
واذا وده في سيارة كشخة وممتازة ياخذ الهوندا مو الهونداي
تحياتي

[مشغول]

لا يشتري .. ولا يا خذه لو ببلاش

لأني شريته جديد على بالي رجال يعتمد عليه وبعته بعد 6 شهور بخسارة 22 الف

السيارة تعبانه وصيانتها دورية ومكيفها تعبان

السيارة عموما تعبانه إذا كانت جلوبر .. لأني مجربها
سيارتي كانت ومديل 2001

[بو خليفه]

يا طير المهاجر الهونداا لا يوجد فيها جير h - L هذا أكبر عيب في جيب هوندا
أما الهونداي جالوبر فهو جيد و لكن سعره غالي يعنى في قرابة 22000 ريال معقول و إذا تجاوز 25000 ريال و هو في البر جيد و الدفع رباعي ميكانيكي

[الطرشي]

__الطير المهاجر/
السيارة نوعيتها جلوبر ,, بعدين الجيب الهوندا بيكون غالي


__مشغول/
والله ياخوك ان كلامك يخوف صراحه ,, وفعلا انا ملاحظ فرق السعر الوكالة عن المستعمل فرق قرابة النص
يعني مهيب شيك بس وودي توضح لي تكفى العيوب اكثر وادق .

__بو خليفة /
والله صراحه يابو خليفة ان كلامك يرفع معنويات صاحبي وكلامك قد سمعت من اكثر من واحد
بس كلام مشغول يتناقض معك .


انا بانتظار مزيد من التعليقات .

[مشغول]

اسمع اخي الحبيب

انا سمعت عن الجلوبر الكثير قبل لا اشتريه ...انه قوي وبيصبر معك ثلاث سنوات بدون تصليح..

لكن الحقيقة انه تعبان وازيدك من كثر ما سمعنا عنه اثنين من اخوياي شرو زيي والحقيقة طفشوا منه وتوضيب القير زي الحلاوة على طول

والله لو جاني واحد وشار علي اني اخذ لي جيب سفاري او لاند كروزر قديم ازين من الجلوبر ..

والله نصيحة اخ يحب لك الخير

.. خاطرة

ركبت في لاند كروزر قديم موديل 92 ووقتها كان الجلوبر معي .. قلت في نفسي الله يخلف على اثري راكب دينا وسيارتي كانت 2001 ناظر فرق الموديل ..

وهلا بك

[الطرشي]

.. خاطرة

ركبت في لاند كروزر قديم موديل 92 ووقتها كان الجلوبر معي .. قلت في نفسي الله يخلف على اثري راكب دينا وسيارتي كانت 2001 ناظر فرق الموديل ..



ههههههههههههههههه
جزاك الله الف خير اخوي مشغول والله لايهينك
وهذا اللي كنت اخاف منه .

[منيصف]

نعم كلام الاخ مشغول صحيح لاني ركبت معة في الجلوبر وتأ كد لي ان السيارة عشت حمام

[بو خليفه]

يا شباب الاندكروزر 92 أظن الآن مابقي إلا على المشتري يقوم بالتالي توظيب الماكينه و الجير و الدبل والدفرنش و المكيف
لأن العمر الافتراضي لهذه السيارة انتهى

[مشغول]

اخوي ابو خليفه

حياك الله ... اللي جرب مو مثل اللي ماجرب

وبعدين المكينة مو كل شي ..

على العموم .. اقترح عليك يا زين الحلايا .. انك تستأجر جلوبر وتخليه معك كم يوم وتجربه والتجربة خير برهان

وبعدين اذا عزمت تشري جلوبر ارجوا مراسلتي على الخاص قبل الشراء

[مشغول]

نعم كلام الاخ مشغول صحيح لاني ركبت معة في الجلوبر وتأ كد لي ان السيارة عشت حمام


حياك الله اخوي منيصف وشكرا على الشهادة اللي اعتز بها .. لكن الحقيقة ما عرفتك ... من انت .. ذكرني :confused:

[الطير المهاجر]

الحين عاد القرار الاخير حق المشتري
كل واحد يفضل سيارة
والموضوع له وجهات نظر كثيرة
ماتدري تشور على خويك بالجلوبر وتشوفه بكرة بالباترول
تحياتي

[صفوان]

السلام عليكم

لي وجهة نظر.. اذا سمحتوا لي

القالوبر جيد للي ما عنده قروش كفاية لشراء غيره.. يعني يقول المثل على قد لحافك مد رجلينك :(

القالوبر من موديل 99 وطالع ممتاز.. خاصة المكيف (ولا أطلق سيارة)!

أما من حيث القوة فهو لا يقارن بالتايوتا أو السفاري.. لكنه تراه ما هو سهل. بالأخصية الدبل الثقيل.

يبقى موضوع السعر اللي انت ذكرته اشوف انه غويلي شوي.. يعني لو عطاك اياه 20 ألف معقول وزين.

لا تنسى تشيك صرفية الزيت.. وقير الدبل (الاوتو ويل) لأنها غالية شوي (تقريبا الواحد 800 ريال). حتى تعرف ذلك ادخل رمل وعشق الدبل وخذ لفات أقصى اليمين وأقصى الشمال.. اذا يوجد طقطقة وصوت تراها خربانه تحتاج تغيير!

للعلم: أعلاه من واقع خبرة!

أخوكم
صفوان

[ابوزهره2010]

بصراحه لقيت جالوبر موديل 96 ب8000وشفته نظيف بس المكيف موشغال ويقول يبيله فريون وش رايكم يالنشامى ابيه للصيد بس.

[طربان على صوت]

الى كل من نوا يشري قلوبر لا يقربه لايقربه لايقربه.. موديل 99 نظيف هبل بنا تهبيل طبعا شراه الوالد جديد وهو واقف طول الوقت مايحركة..


1-حرارة تهبل بك ولا تطلع الا بالرمل او اذا شبكت الدبل..
2-كل خراطيش الزيوت تفقعت (زيت البريك-زيت الدركسون وكل شي..)..
3- المكينة خبطت 3 مرات وركبت مكينة ثانية وخبطت..
4-القير يجي له يومين من كل اسبوع يبدا يقر ولا يلقم..
5-قطع غيار ناااار اجل اصطب بـ550<<هونداي..

علماً ان استخدامي من الدوام للاستارحة لبيت//ويوم واحد بالاسبوع اطلع لثمامة امشي 200 متر بعدين اوقف من الحرارة(بالرمل)...