شباب ممكن اقرب فيضه للرياض الحين زينه وشو ..

[فلاجكو]

السلام عليكم ورحمه الله وبركاته

ممكن اقرب مكان زين للطلعه من الرياض وسلامتكم .......

[الشقردي]

عندك روضة نورة على طريق القصيم حول مخرج رويغب أعتقد انها 130 كلم
أما الشعبان فعندك الطوقي 70 - الطيري 120- محارق180 - الشوكي180
(((الكيلوات تقريبية)))

والصمان زين بس أقرب شئ 250 كلم زفلت هذا غير الجلد (الطريق البري)

[بركان]

روضة خريم وما جاورها.

[nahham]

هلا اخوي

اذا كان عائله والسياره غير ذات الدفع الرباعي فانصحك بروضه الخفس قريبه وجميله وما فيها ازعاج بشرط تروح لشماليها بعيد عن الناس

وطريقها هو طريق الثمامه تروح شمال حتى تتعدى مفرق الصمان بحوالى ثلاثه الى خمس كيلو وتروح يمين عبر طريق ممهد وجيد للسير واتجه شمالا واترك الروضه على يسارك

منطقه جميله ومن اهم مكوناتها وجود الرمل الابيض النقي الغير موجود الا هنا ومنظر خلاب للجبال من جهه والروضه من جهة اخرى

تمنياتي لك بقضاء اجمل الاوقات وبالسلامه

[أقلط]

اقرب فيضة روضة الخفس

بعد ملف الطوقي بحوالي خمسة كيلو

اذا كنت جاي من الثمامة..تترك ملف الطوقي يمينك وتروح سيدة تجيك بقالة يمين

بعدها مدخل روضة الخفس الجنوبية...وبعدها بقليل روضة الخفس الشمالية

ومقابل البقالة من يسارك خشم الرثمة...وكلها حلوة وقريبة...رحلة سعيدة مقدما

تحيتي

[جرير]

اخوي انا لا انصحك بالفياض حاليا اصبر شوي لين تخضر وتحمر
وحاليا مافيها الا الطين والماء .

[aziz99]

عليك بفيضة ((حديقة الفوطة)) ---على شارع الخزان....واليك الاحداثية على القارمن:-

N 46 25 211
E 27 00 258

تحياتي لك

[فلاجكو]

مشكور للجميع على مروركم ومحلات كل واحد احسن من الثانى .........

[رسلان]

هل الأمكنة المذكورة فيها باذر ربيع ؟
أو بقايا مياه أمطار ؟

أو ماهي ميزتها هذه الأيام ؟

[محب الشمال]

مشكور يا اخوي على السؤال واشكر الاخوان على الاجابة لاني ابحث عن هذا السؤال مثلك وهذي المواقع وخصوصاً للعائلات
طبعاً يا اخوان نبي نمشي اهالينا وخلهم يغيرون جو ويستانسون
والله يحفظكم

[ترتر]

انا انصحك بروضة خريم .. واللي حولها من الشعبان .. الاسبوع الماضي كنت هناك وكانت مليانه عوائل .. وبالنسبه للا رض والشعبان رويانه من المطر ماشاء الله .

والله يوفقك

اخوك ترتر

[ابوذيب]

فيه فياض بس ماعندنا لها احداثيات وبخرائط الفارسي يسمونها حدائق
ط
تحياتي للجميع

[غيّام]

الله يهديك يا aziz99 وش دعوى وانا اخوك الرجال يقول فياض تقوم وتعطيه حديقة الفوطه الله يهديك بس

[aziz99]

اخوي غيام

هذا فقط من باب المداعبه......واعتذر لك ان كنت اسئت اليك

تحياتي لك

[جلمود1]

تبي نصيحتي رح لشعيب الحيسيه اونس وظل والطلح والسمر مخظر اما الريضان توها يبي لها وقت

[عاشق نجد]

هالأيام أفضل شئ الشعبان ، وخصوصاً الكبيرة ، لأنها مليانه ماء وفيها شجر ، أما الفياض فبعضها جاف وبعضها طين ، يعني ماتصلح .

باالنسبة للشعبان ، فيه قريب من الرياض شعيب الحيسية من جهة العيينة أو من بعد ضرماء ، أو شعيب الشمس أو الشميسة وهو بعد ضرماء بمسافة , سايل سيل غير مسبوق .
وفيه شعيب الشوكي والطيري وغيرها من الشعبان ، وهي هالأيام افضل شئ ( ماء ، وظل )

تحياتي لكم .