كفرات الفتك (مازال البحث جاري عن النوع المناسب)

[عبدالله العلاج]

بســـــــــــــــــــــــــــــم الله الرحمن الرحيــــــــــــــــــــــــــم




السلام عليكم ورحمة الله وبركاته



أعزائي ملاك الفتك

صاحبكم معه فتك 2009

ويبي له كفرات مظبوطه لان كفرات شد البلد (البرجستون جدا سيئه قاسيه جدا ومطبها قوي وصوتها مزعج بالخط )



السؤال
ماهي الكفرات المناسبه للباترول

علما ان الجنوط هي الجنوط الظاهره بالصورة

http://farm6.static.flickr.com/5174/5537739707_0ac38073a5_b.jpg



اذا اخذنا في البال الاعتبارات التاليه

الإستخدام مقسوم بالتساوي على البر والمدينه والخطوط
واستخدام البر مقسوم بالتساوي على النفود والحصى والارض القاسية



بصراحه مايهمني كثيرا هو صوت السياره لامسكت خط
البرجستون مزعج جدا جدا جدا كرهني بالموتر




مع خالص شكري وتقديري لكم أعزائي

[الوسيطاء]

الدنلوب لا تتعدى غيرها

[عبدالله العلاج]

الدنلوب لا تتعدى غيرها
عافاك الله عزيزي الوسيطاء اتمنى لك كل التوفيق والسداد ورأيك مهم بالتأكيد وأتمنى أن أسمعمن باقي الأخوان

[ابو سعود4500]

الدنلوب زين لكنه ماهو مرتفع يعني نعلة الكفر تحس انك مركب كفر كامري ناهيك انه فيه قساوه بعد ولايفرش بالرمل الا يالله 15 ان اعتقد اختياري واللي مركبه على موتري فتك 2005 هانكوك خط ممتاز وبالبر لين يعني لو تحط فيه 22 تتمشى بالنفود تمشي على كيفك

[الحزوبر]

انحش من الدنلوب انا زيك توني مركب كفرات وحترت في البدايه ومدحو لي الهانكوك440 ريال ولكن ماقتنعت ولقيت يوكوهاما وعجبتني وسعرها مناسب 450ريال مركبها واحد من الشباب لكن دورت لها ومالقيتها وفي النهايه طقمت مشلن ابو جني الفرنسي 600 الله لايخسر له اسبوعين معي ولاهو بشين.

[اتجاه السحاب]

دنلوب من تجربه عريقه,,يتحمل وراسي بالخط وزين بالنفود والحصى ولا له صوت,,طبعا العريض..
اي استفسارحنا بالخدمه

[اتجاه السحاب]

انحش من الدنلوب انا زيك توني مركب كفرات وحترت في البدايه ومدحو لي الهانكوك440 ريال ولكن ماقتنعت ولقيت يوكوهاما وعجبتني وسعرها مناسب 450ريال مركبها واحد من الشباب لكن دورت لها ومالقيتها وفي النهايه طقمت مشلن ابو جني الفرنسي 600 الله لايخسر له اسبوعين معي ولاهو بشين.
حبيبي اكثر مبيعات الكفرات الدنلوب ,,واحس انه هوالثلاثي(خط ــ نفود ــ حصى)
من خلال تجربتي..

[نيتروجين xp]

بالنسبة لي أفضل الدانلوب ..

لين ويتحمل كل شي خطوط - بر - حتى بحر :)

والله يوفقك ..

[شحرور الدهنا]

الهنكوك ممتاز جدا للرمل والخط اما الحصى يخسى ماينفع لانه لين مره انا معي توي شاريه وانواع الرقع وكلها بسبب الشوك تخيل شوكه صغيره تدخل بالكفر
الدنلوب لاتعداه ممتاز

[عبدالرحمن السالم]

والله شف الكفرات اليابانيه ممتازه دانلوب وتويو واليوكاهاما
انا اشوف ان الدانلوب ممتاز جداً وحتى التويو لينه خفيفه تتحمل وتعيش سنتين بدون اى مشاكل
اذا ناوي على الدانلوب خذه من الوكيل لان اغلب إلى بالسوق دبي ولك عليه شوي ، شف وكيله بن زقر بشارع الضباب ، والتويو وكليه العمودي شف له فرع بالغرابي وبالصناعية القديمة
موفق خير

[ALBDRANE]

الصراحة جربت الدنلوب ما أعجبني من ناحية عدم الرساوة في المنعطفات ويتشطب بسرعه وشكله أصبح ممل من كثر ما يركبونه أهل التايوتا وغيرت الى الوكالة البرجستون وأستعملتها سنتين ولا فيها من العذاريب الا القساوة شوي في البطناج وأعجبتني في المناطق الجبلية .

والأن ركبت طقم ميشلان ونفس قياس الوكالة ومرتاح معها لحد الأن صوت هادي ورساوة ولينه في البطناج ونقشه تطق أصبع للدنلوب .

[عاشق الجكسار]

تبي تطعيس خذ بايلون اي نوع انا معي مكسس والله انه ممتاز اني مركب اول دلوب والموتر مايعطيك مع النفود يندفن بسرعه اما يوم ركبت البايلون والله اني اتمشى بانفود ادور التغريز اما مع الخط حلو بس عيبه ايذا انفقع انسى سيارتك وانسى تثبتها مو قصد مس بريك لا هو كيذا انا معي ومن سنه لسنه ونص اغيره ولا تدعس على الخط يمكن لاسمح الله صاره شي والبايلون ماقولك خذه عشان المهايط لا ايذا تبي تاخذه خذه للتطعيس اسال مجرب مو سامع عنه

[دانكن]

خذ لك دنلوب من تجارب مو تجربة ..

الهانكوك لين لكن اي عود شجرة ولا مسمار يشقه بسرعة ..

والبريسجتون يعيش بس عيبه قاسي مره ..

الدنلوب من افضل الكفرات ..

[كنود]

من رايي خذ الميشلان (تحمل-رساوه-ليونه-عمر) له معي السنتين لا صعرر ولا حبل ولا انمسحت النقشه
نصيحتي وانا خوك الميشلان.

[ابوصالح022]

عز الله الكفرات انهن مشلاااااااااااااااااااااان ماشاء الله تبارك الله لكن غاااااااااااالي وصرااحه ماجربته على باترول جربته على جمس وطلعت النتيجه ممتااااازه
الدنلووب واحد من اخوياي مركبه على باترول 99 يقووول مايتحمل الحصى + مايفرش بالرمل+ ثقيييل اضن مركب 275/70/16 على مااعتقد يقوووووووووول ولا بقرش



اخوك ابوصـالح

[عاشق الخشب]

مكسس العريض للطريق وللنفود وللوعر اسئل مجرب 000000000000000اهم شي تضبط الهوا 0000

[شماغ وعقال]

الدنلوب ونا اخوك لا تتعداه

كان على موترنا برجستون شد بلد وبهذلتنا ف البر ولا تفرش

لكن بعد تغييرها الى دنلوب فرق السماء عن الارض في رساوتها ومطبها وفرشها اذا نسمتها في البر


دمت بود

[سلطان2007]

هانكووووووووك ممتازه انا مجربها على بي ام دبليو 2005 ومجربها على لاند 2008 وممتازه ومخصصه للخليج والحراره والسرعه وكل شي ورخيصه وكوريه .. والاختيار يرجع لك انت

[مواسي الطعوس]

الدنلوب 265 /70/17 حلو .....

[ابوعبدالله 22]

انا اعتقد الدنلوب في المركز الاول من تجربه

بعده يوكوهاما والان على موتري .

الميشلان اسمع الناس يمدحونه لكن ماجربته

الهانكوك لين بزود ينفع في الطعوس ولاينفع في الحصى

الماكسس التايواني .. ممتاز جدا وقوي ومريح واكثر كفر يتحمل بس مشكلته في الرجه وايضا خطير في الزفلت الغير متساوي واوقات المطر كذلك

وسلامتكم

[فتك 32]

اخوي خذ دنلوب هو افضل كفر لكن سعرة غالي شوي خذيت طقم4 كفرات ب2800 قبل امس
معي باترول 2009 مريح مع الخط وبالنفود فرق كبير عن البرجستون
خذ دنلوب ولا تشاور

[رِجم]

انا مركب قبل يومين مارشال ممتازه جدا وصناعتها كوري

واسأل اهل النقل الثقيل وش يمدحون

اخذته من وكيله الصافي عند دوار الخرج الكفر ب 600 طبعا ما عنده تركيب

افضل من دنلوب وهانكوك بمراحل وجمبه اقوى ونقشته حلوه

ومجربها قبل على سياره ثانيه استخدام سنتين

[ss33ss18]

فيه دونلوب 2010 5كفرات اذا تبي والى 4
على السوم
0550083623

[ابو سلطان س]

265/65/17 تويو ممتازه بر وبلد وتخفض نسبة الرجة في الباترول 90%

[wafian]

انحش من الدنلوب انا زيك توني مركب كفرات وحترت في البدايه ومدحو لي الهانكوك440 ريال ولكن ماقتنعت ولقيت يوكوهاما وعجبتني وسعرها مناسب 450ريال مركبها واحد من الشباب لكن دورت لها ومالقيتها وفي النهايه طقمت مشلن ابو جني الفرنسي 600 الله لايخسر له اسبوعين معي ولاهو بشين.

انا اضم صوتي لصوتك و من واقع تجربه

[زاد الخيل]

فر من الهانكوك فرارك من الاسد تفجر علي ثلاث مرة واحد لا وفي بر مو جبل وبصراحة محتار مثلك

[زاد الخيل]

هل ممكن احصل دانلوب70/65 17اللي عند خبر لايبخل علينا وشكرا

[راعي طويلات]

من تجربة على الجيوب مافيه أفضل من الدنلوب 16 أو 17

[كيري ميري]

الدنلوب 265 /70/17 حلو .....

هذا احسن مقاس

[زاد الخيل]

الموضوع قديييم هههه

[سكيكو]

السلام عليكم
من تجربتي الهانكوك جيد من ناحية السعر و الراحة .

[al__2008]

انا مركب دانلوب ممتازه رساوه في الخط بس مشكلته الان يطلع صوت في الخط لان الدعسه من الخارج في الكفرات الاماميه اصبحت مربعاتها متفاوته مربع طالع ومربع نازل واعتقد هذا سبب الصوت

[طحنون]

ارشح الميشلان له سنه ممتاز جدا الهوا 25 يتمشى بالطعوس بدون دبل
ليونه غير طبيعيه لدرجه تحس ان الكفر مبنشر اول ماتركبها بعدين تتعود على الكفر
عيبه من الجنب لين زياده عن اللزوم يعني بالمناطق الحجريه تأخذ احتياطك منها

[يسعد مساك]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!

[abohmad]

السلام عليكم انا عندى جيب سفارى فتك ودى اركب كفرات وانا رجال راعى بر وحصى وش تنصحونى اركب المشلن عجبنى بس ما يجى فية كتابة على جنب الكفر وانا عندى الكتابة مهمة على جنب الكفر تعطى نظرة للكفر وش رايكم جزاكم الله خير

[الهاجري 4800]

معي فتك الي في التوقيع مركب ميشلان 275\65 ركبها ولاتشاور احد

[الهاجري 4800]

السلام عليكم انا عندى جيب سفارى فتك ودى اركب كفرات وانا رجال راعى بر وحصى وش تنصحونى اركب المشلن عجبنى بس ما يجى فية كتابة على جنب الكفر وانا عندى الكتابة مهمة على جنب الكفر تعطى نظرة للكفر وش رايكم جزاكم الله خير


للناس فيما يعشقون مذاهب

[عضـو قديم]

اخوي اذا رنقاتك 16 خذ بالون سيام الاصلية وانت مغمض واذا رنقاتك 17 خذ بالون هيرو الجديدة وانت نايم بعد وعيش الريافه
انا فكسار ٢٠١٢ مركب بالون هيرو ١٧ وعندي نيسان فتك شاص ٢٠١٢ مركب بالون هيرو ١٦ لعدم توافر السيام

[3leee_1989]

تبي كفرات هاديه ولينه بالنفود ويعطن شكل للموتر

هانننكووك 275 . 70 . 16 مجربهن 3 سنوات على الإكستيرا

وأحسهن خفاف على الموتر :good2: