الجمس الحوض موديل 92

[الشنه]

هذي الموصفات
الموديل 92
اللون اسود
حوض الوسط لا هو الطويل الشاص ولا هو قطع عشره
المكينه جديده مغيره بالكامل ما مشت 3000كلم
والسياره مخزنه لها 7 سنين واقفه
القير عادي والدبل كذلك
راعيها يقول المحركات لا تنشد ما فيها شي هذا على خبره يوم وقف الموتر
البدي جيد

الموتر يبيله طقم كفرات
و تجديد الأستماره مطوف 6 سنين والغرامه على كل سنه طبعاً
لا يوجد فحص
وكذلك التأمين
كم يسوى الموتر

[دل البحار]

عشرة الاف ريال

[الشنه]

عشرة الاف ريال

انت راعي بخص او تتوقع قيمته
انا رجال اباخذ على شوركم
وشورو على بالصالح

[دل البحار]

اتوقع قيمته اش الي أبخص الله يصلحك
مكينه مغيره يعني مكروف الين كره الحياه ولا كيف تتعطل المكينه
لا وتقول مخزن اول مره اعرف مخزن والمكينه خربانه كيف الحال
عموما ياطيب من خبره بالسيارات اي سياره تتغير المكينه تنعرف عند الشريطيه ويطيح سعرها لان مكينة الجمس تتغير مجدد لاتفتكر انها وكاله مكائن مجدده من امريكا وأنت الله يوفقك بالخير

[بوفارس الشرقي]

أخوي الشنه الله يبارك فيك ودنا بالصور وين مكان الموتر .
تقبل مروري

[الشنه]

اتوقع قيمته اش الي أبخص الله يصلحك
مكينه مغيره يعني مكروف الين كره الحياه ولا كيف تتعطل المكينه
لا وتقول مخزن اول مره اعرف مخزن والمكينه خربانه كيف الحال
عموما ياطيب من خبره بالسيارات اي سياره تتغير المكينه تنعرف عند الشريطيه ويطيح سعرها لان مكينة الجمس تتغير مجدد لاتفتكر انها وكاله مكائن مجدده من امريكا وأنت الله يوفقك بالخير


دامك توقع
ولا انت براعي بخص
لا تسعر
كل واحد يعرف يتوقع
ولا كل واحد يعرف يسعر

والرجال هذا كلامه
غير مكينة الموتر وبلاه الله بمرض الله يشفيه ويشفي كل مسلم
ومن يومها مخزن الموتر
وان شاء الله انه صادق

وهالحين سمح خاطره منه


سؤالي موجه لأهل المعرفه والبخص

[escape_man]

اخوي الشنة

موديلات التسعين غير مرغوبة ابداً ابداً

قطع غيارها بالصعوبة تلاقيها ومشاكل الحرارة فيها مالها علاج وتعتبر مرحلة التسعينات اخفاق وفشل في انتاج الشاحنات في GM

خذ من الثمانينات او 2000 وطالع

واذا تشوف الموتر خش مزاجك وتقول مالي بخاطري حيله فنصيحتي لك كالتالي احسب قيمته 12 الف الي هي قيمة النظيف من هالموديل بسعر السوق .. ترى العلم مو من راسي .. واخصم منها حق التجديد لـ 6 سنوات بيطلع لك حق الموتر لاغالب ولا مغلوب

اذا بديه تعرض لمعجون فخذها من قاصرها ولا تقربه

[الشنه]

اخوي الشنة

موديلات التسعين غير مرغوبة ابداً ابداً

قطع غيارها بالصعوبة تلاقيها ومشاكل الحرارة فيها مالها علاج وتعتبر مرحلة التسعينات اخفاق وفشل في انتاج الشاحنات في GM

خذ من الثمانينات او 2000 وطالع

واذا تشوف الموتر خش مزاجك وتقول مالي بخاطري حيله فنصيحتي لك كالتالي احسب قيمته 12 الف الي هي قيمة النظيف من هالموديل بسعر السوق .. ترى العلم مو من راسي .. واخصم منها حق التجديد لـ 6 سنوات بيطلع لك حق الموتر لاغالب ولا مغلوب

اذا بديه تعرض لمعجون فخذها من قاصرها ولا تقربه
كلامك على متمه بارك الله فيك
انا فريت السوق بسرعه
لقيت مثل جنسه بس اللون احسن من الأسود
لقيته من 6/8 الاف

انا سمته من راعيه ب 5500 بيلحقني تجديد استماره
وكفرات وفحص وتأمين ولا يخلى الأمر من الصيانه الخفيفه
وقلت له ينزله المعارض ومستعد افرق سومتهم ب 500 ريال
او يبيعني بسومتي
والرجال رافض انه يحد الموتر
ننتظر ونشوف

واطلب الله ان يكتب لي الخيره في امري