نصايح أهل الخبرة للي بيشري بايفاندر وكالة

[وش احط]

السلام عليكم ورحمة الله وبركاته...................



يااخوان عزمت بإذن الله على شراء بايثفاندر 2005 من الحمراني.....ومواصفاته اتوماتيك وفتحة ومن داخل مخمل.....

ومحتار بصراحة في اللون أسود أو لؤلؤي.............

وودي تفيدوني فأمور....
1) هل فيه امكانية أضيف تانكي بنزين ثاني؟
2)هل اقدر إضيف ونش سحب؟

وياليت اللي عندة إضافات مجربة يتحفني فيها وخاصة صوت الطقة اللي في الخلف وحلها... وفي الختام كل واحد يتخيل انها سيارته ويقول وش بيسوي فيها وإذا فيه روابط مواضيع تفيدني ياليت تزودوني فيها....

وجزاكم الله خير

[sultan8861]

السلااااااااااااااااااااااااااااام
اذا شريته انشاء الله غير كفراته لان كفرات الوكاله قاسيه نصيحة مجرب
اما اللون لؤلؤي وتضليله وبسسسسسسسسسسسسسسس

[أبو أسامة]

السلام عليكم ورحمة الله وبركاته
أخوي الله يسلمك أنا أفضل الأبيض اللؤلؤي والرأي رأيك ............
أما الونش يركب أكيد لأني قد شفت واحد في الثمامه مركب على الباث موديل 2004 ونش نوع وورن بس كم حجم الونش ما أدري يمكن 3,5 طن يعني ماهو الكبير ...... أتوقع .......... ومركبها في الفتحه اللي بالوسط من الصدام الأمامي ...........

ليش ما تنتظر الباثفيندر 2006 تراه راح ينزل بعد تقريباً شهرين ........

[صنهات]

اللون الفاتح حلو وبالنسبه للونش والصدامات فيه شركة استراليه تبيع جميع كمليات الدفع الرباعي اسمها Arb
ولاتنسي بعد 10000 الاف كيلو يدخل للوكاله عشان يظبطون صرفية البنزين لانه اول ماتطلعه يلهم بنزين لهم

[الشقردي]

أنا رايي من راي أبو اسامة
ليش ما تنتظر الباثفيندر 2006 تراه راح ينزل بعد تقريباً شهرين ........

لأنه بيتغير كليا ....

[وش احط]

الله يجزاكم خير جميع...........
بالنسبه ل2006 أنا بصراحة شفته وما أعجبني أبد وحتى لو أعجبني بيكون سعره فوق طاقتي شوي....وأنا خذيت ال 2005 استغلالا للعرض.

وياليت يا أخوي صنهات توصفلي شركة Arb في الرياض وجزاكم الله خير

[النداوي HZ2AF]

الله يعطيك خيره ويكفيك شره

ابو عبدالله

[وش احط]

جزاكم الله خير..... بس فيه بعض الاستفسارات فوق ما لقيتلها جواب.....ولو تكرمتوا توضحون اليايات الاسترالية امام وخلف او خلف...وهل المساعدات الاسترالية ايضا يفضل تغييرها امام وخلف وبارك الله فيكم

[أبوناصر]

أما اليايات فأن مركب يايات خلفية ولا يعلى عليها عيبها ترفع السيارة شوي \\\


أما قدام ماجربتها

فيه صوت طقة قوية في الخلف للحين ما لقيت لها حل

[وش احط]

جزاااااااااكم الله ألف خير ولازلنا ننتظر مشاركات الشباب الباقين....

[salehhd]

السلام عليكم

اولاً مبروك مقدما واحسنت الاخيتار سيارة قوية وعزم ويمسك سعرة وقت ا لتبيع

نصيحة مني ليش ما تدور في المعارض 2005 مستعمل كم يوم تلقاه ماشي 1000 او 5000 بالكثير وسعرة اقل من الوكاله بفرق حول 8 الاف ريال

بالنسبة للصقة سمعت ان في بوالين تركب داخل اليايات تتعبى بالهوى تفكك من الطقة ومن نزول الموتر وقت التحميل

والونش يركب مافي مشاكل والشاب يدلونك على محلات التركيب

[ABU-AL-3eeS]

وينك يا black path تفيدنا عن سعر ال2005

[العشة]

اخوي وش احط انا انصحك لاتشري الباث فاندر الا اذا نزل 2006 ,,

منها ينزل سعر 2005 ومنها تزود لك قرشين وتشري موديل 2006 وشي يثبت سعره

لاكن اذا شريت 2005 ييبي يطيح سعره لانه شكله يبي يصيير قديم ولا احدن باغيه ,

هذا مالدي من خواطر ومبروك مقدما وتكسره بالعافيه .

[وش احط]

والله ماقصرتوا..............وقلت لكم مادخل مخي ال 2006 وبصراحة انا من النوع اللي مستعد يدفع فرق 10000 بس ياخذ وكالة على يده.......

بس يا اخوان كيف اركب تانكي بنزين اضافي والاستبنه تحت وانا من سكان الرياض اذا فيه مجمع محلات يقضي لزومي كله ياليت تدلوني عليه.

[salehhd]

الامر سهل

تقدر تركب التانكي في الشنطة

ويكون مسطح وفتفح فتحة على التانكي الاصلي

وحسب ما سمعت من احد الشباب انه فصل تانكي ثاني على شكل كرسي من فيبر ونجدة تنجيدة وركبة ورى وصار عندة
3 صفوف من الاسيات وفي نفس الوقت تانكي

واعتقد موضوعة موجود في المنتدى

[الشقردي]

تانكي الفايبر داخل السيارة اللي يقولون تلقاه بهالموضوع
http://www.mekshat.com/vb/showthread.php?t=25907

نانكي ألمنيوم داخل السيارة - (عيبة من وجهة نظري انه ياخذ مساحة)
http://www.mekshat.com/vb/showthread.php?t=27998

أنما بخصوص تانكي البنزين الاضافي, وتانكي الماء وحسب اللي فهمت من أسئلتك انك تبي الموتر لمسافات بعيد وداخل البر(راعي مقانيص في الربع الخالي مثلا) أجل لابد من عمل الآتي:

- بالنسبة للاستبنة اللى أسفل السيارة لازم تغير مكانها وتحطها تعليق ورا على باب الشنطة مثل موديلات الباثفايندر الاوله 98 على ما أذكر.
وهذي أتوقع تلقاها في الغرابي ان كانك في الرياض ولا أدري يمكن فيه أحد يصلحها أحسن منهم. أو تشتري القطع من التشليح

- المساحة اللي تحت مكان الاستبنة ممكن تحطها تانكي بنزين ويمكن تلقاه جاهز عند الرماية أو تفصل لك واحد (هذا ان كانك ملزم عليه) أو اقترح عليك تحط تانكي الماء(ألمنيوم) في هالمكان وهو أزين من تفصيل تانكي داخل السيارة لأنه يمكن يحوسك ويتكبب عليك وقت التعبية ويطلع ريحه داخل السيارة, فضلا عن أن توانك الفيبر معروفه بريحتها الشينه واللي ما لقو لها حل إلى الان على خبري.

ولا تنسى تركب دعامية قدام اللي تركب عليها المسحات والعدة.

ومبروك مقدما

[وش احط]

شكرا لكل من شارك....والسيارة بتطلع بعد بكره ان شاء الله وباقي ابي بعد نصايح.... يا اخوان كل واحد يتخيل ان السيارة له وش بيسوي...

[وش احط]

اخر مرة ارفع الموضوع.............اونشاء الله مع الدوام اليوم تروقون على موضوعي وتعطوني اللي عنكم

[غضنفر]

وينك يا black path تفيدنا عن سعر ال2005
انت تأمر يا باشا
الأسعار ل 2005 على خبري بها كالتالي
السياحي: (جنوط 16 ومكيف فرارات وقير عادي و لمبة سيكيورتي ) ب 74 الف (يا بلاش)
SE بدون فتحة : (جنوط 17 ومكيف لمس و سيدي و لمبات ضباب وطبق في الشنطة ) قير عادي ب 79 الف وتماتيك ب 83 الف
SE بفتحة: قير عادي 82 الف وتماتيك بحول 85 الف
فل كامل : (الصراحة هذا هو الموتر وموصفاته الي تفرق عن SE بفتحة هي:6 ايرباق(عادهن بنفسي),مثبت سرعة,ABS ,جلد , مراتب كهرب ) قير عادي طالعة لوحاته ب 91 الف وتماتيك اقل من المية

والي يبي باث الشكل القديم يلحق عليه قبل لا تقب اسعاره لأن 2006 امريكي وقبيح شكله و خلوه فليورات قدام وورى والبرادو اظاهر انه توقف انتاجه والفورتشنر تايلندي وغالي

[وش احط]

بس كذا يالبلاك باث ترد على الرجال وجحدتني ياراعي الموضوع...........طيب جاملني بنصيحة لو تقول لاتنسى تولع النور في الليل............