لخبراء الشيروكي رانجلر اشتري ولا لا

[عبورد]

السلام عليكم ورحمة الله وبركاته
بس يا شباب انا من زمان وانا ادور على شيروكي رانجلر
واليوم وانا ادور لقيت رانجلر (صحارى) م2003 ماشي 16000 ونظيف
وسعره ب 42 فأتمنى اسمع وش رايكم هل اشتري ولا اصرف النظر
وشكرا

[صنهات]

غالي ونصيحه ابعد عنه ترى خرابه كثير وبتتعرف على الورشات
الشروكي باب واحد وقير عادي افضل منه وارخص منه بكثير
واذا تبي تريح راسك لاتبعد عن التايوتا والنيسان

[تطعيس]

السلام عليكم اخي العزيز نصيحه مجرب انا شريت شيروكي موديل 2000 باب واحد فكيته وكاله وبعته قبل سنه ونص والحين معي رانجلر 2002 الصراحه السيارات هذي ممتازه مررررررره اقتصاديه وقويه مرره لكن الموديلات القديمه خربت سمعتهن والحين معي الرانجلر ماشالله مايعرف الورش بس فحمات وقماشات وزيت علماا انه ماشي 140 الف تقريبا نصيحه اشره تراه لقطه والله يبارك لك فيه ويكفيك شره عيبه الوحيد انك لاتعديت 120 تسمع صوت هواء وشكراا

[abo_hosam]

والله اخوي عبورد انا ما ادري عن الرانجلر بس واحد من الجماعه معه واحد والله مدري كم موديلوه بس يقول والله حلو ولا يحتر وقوي بس أستخر قبل ما تشتري وإذا كان لك خير فيه فالله يبي يقربه لك وان كان لك شر فيه فالله يبي يبعده عنك

الشيروكي مثل الفورد ( الموديلات الأوله كانت تحتر وخراباتها كثيره وخربت سمعت الموديلات الجديده )

[ابوكشته]

اخوي تطعيس : مع التحية
انا املك رانجلر موديل 93 وخبرتي الشيروكي كبيرة وقديمة من ناحية الرانجلر ممتاز خفيف ويصلح سيارة ثانية اما الشيروكي ممكن يوكن يحل محل سيارتين يعني معك شيروكي يكفي من ناحية التطعيس ومن تجربتي ممكن الرانجلر افضل ومن الحرارة ايضا واقتصادي شوي وشكرا على هالموضوع ... اخوك ابوعبدالله

[ابو زياد السويلمي]

السلام .............والله انشاءالله ان سعره زين ومعقول بس نصيحة اخوك قبل ماتشتري افحصة عند الوكالة .....واذا اشتريت لاتنسانا في اول كشتة (الله يطعمك خيرة ويكفيك شرة ) :good2: :good2:

[ابو_هيا]

والله يا اخي العزيز انا ولله الحمد لي خبرة كبيرة في الشروكيات شريت جميع انواع الشروكي بس افضلها واكثرها اقتصاديه اذا تبي تسمع نصيحتي الرانجلر

وافضل الموديلات موديل 1991م الى 1994م
ونصيحتي لك لا تقرب للرانجلر الجديد تراه فاشل

وعلى فكرة فيه نوع من الرانجلر يجي 4 سلندر لا يفوتك هو افضلها