باترول (2010/ 2011م....وتستمر تخبطااااااااااااااااات نيسان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مواسي الطعوس]

السلام عليكم ورحمة الله وبركاته

- الكل منا يعرف اننا شعب مانشوف الا الظاهر فقط (لسنا اصحاب تجارب)ولا نبحث عن اسرار السيارات واختبار قدراتها .

-لي اختبارات كثيره على الباترول من 97م حتى 2002م في مجال ((صرف البنزين ))وكذلك التعليق ((شد البلد ...وتركيب مساعدات ويايات ))

-موديل 2010 م وهو محور كلامي هنا ((ولعلمي ان شركة نيسان ماتترك عادتها في امبير البنزين -والاحتياط اللي ماله داعي ))سألت بعض ملاك الباترول عن امبير البنزين وصار الامر ((مثل ماتوقعت ))

- الباترول الجديد ((140 لتر))لكن التانكي الثاني تقريبا كله احتياط .يعني تولع اللمبه اذا مضى 107لتر تقريبا ......ليش التصرف هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حتى ان احد الكتاب معنا في هذا المنتدى اسمه((ابو اسامه))يقول الباترول الجديد 105لتر فقط """ ليش يكتبون 140 لتر ...وهذا من اسباب كتابتي هذا الموضوع ؟؟؟؟؟؟؟؟؟؟

-يعقل ان يكون 35 لتر احتياط او على اقل تقدير 30 لتر احتياط ؟؟؟؟؟لذلك اللي معه نيسان مايقطع بنزين ابد ......وانا اقول خله يقطع ....والمفروض تكون نيسان مثل ((تويوتا))الاحتياط بسيط جدا ...والسبب: ان اكثر سيارات في السوق تويوتا والناس متعوده انه اذا ولعت اللمبه الموتر مايمشي واجد ...والناس ماتحسب المممشى الا اللي قبل تولع لمبة البنزين .ليش تعاكس نيسان تويوتا والا امانه زائده واحتياط زائد ماله داعي ؟
الان البواجي تمشي في النيسان الى 200 الف على اقل تقدير وبعضهم مشى عليها الى 250 الف ولم يلاحظ فرق بنزين ولا تقطيع ..والبعض يغيرها اذا مشى 100 الف او اقل متعود على شركات ثانيه ........ومثله الفحمات تمشي مابين 150 الف الى 200 الف في نيسان والبعض يغيرها عند 70 الف او 100 الف واحيانا اقل متعودين على شركات تغش في الفحمات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-متى تكون شركة نيسان مثل الشركات الثانيه وتترك عنها الاحتياط اللي ماله داعي ؟؟؟؟؟

- الباترول 2002م التماتيك عند سرعة 130 يمشي اكثر من 120 كم بعد ماتولع اللمبه ...لماذا؟؟

-الباثفندر 2006م والاكستيرا كذلك يمشي باللمبه مسافه كثيره ليش ؟؟؟؟؟

- عندي قصص كثيره وتحديات حصلت انا طرف فيها نذكرها لاحقا ....من عنده معلومات عن هذا الموضوع اتمنى المشاركه .....ومن لايخصه الموضوع اتمنى عدم الخوض فيه ويتحمل مايجيه ؟؟

[مسير عليهم]

بصراحة مدري وش ارد عليك

يعني اذا كانت الشركة حريصه عليك يكون عيب فيها

وليه نيسان تكون مثل تويوتا ومن هي شركة تويوتا اللي لازم نمشي وراها

وبعدين شغل مخك شوي السيارات اللي تتكلم عنها سيارةات مخصصة للبر وقطع المسافات الطويلة واغلب وقتها تشتغل فمن الاحتياط ان يكون فيه احتياط اكثر لو ضعت بالبر او تعلقت سيارتك


يعني تبي من يوم تولع اللبمه تمشي 30 كيلو ويوقف عليك الموتر وتدور لك احد يصرف عمر

والا تبي سيارة اذا ولعت لمبه البنزين تمشيك مسافه طويله والى اقرب محطه

[مواسي الطعوس]

اشكرك اخوي على المداخله .

- انا اقول ليش الاحتياط الزائد ....ليش 130 كيلو ...خلها 60 كم فقط .

- انا ذكرت تويوتا لانها السياره الاكثر في السوق ...والقياسات دائم عليها .وانا ضربت مثل في اللي يغيرون الفحمات وهي مامشت الا 25 الف كم احيانا ...مع ان النيسان تمشي فحماته الى 200 الف .واخل على منتديات تويوتا العربيه وتشوف عجايب ؟؟؟؟؟

-البر الان المحطات قربيه ...وكل شخص محتاط عندما يدخل للبر.

[مسير عليهم]

واصابع يدك ماهي سوا اذانت تشوف تويوتا قدوه انا اشوفها اخر القافله ولاتعني لي شي ولاتحرك ساكناً فيني

انت ماجربت قطعه البنزين في خط 200 كيلو مافيه ولامحطه مافيه فرق اللحين بين انك تقطع مسافه 130 كيلو او 60 كيلو

بالنسبه لي اشوفها ميزة لصالح نيسان وياكثر اللي يطلعون للبر وينقطع عليهم البنزين والسبب الثقه الزايده في سياراتهم وصرفيه البنزين ماهي على مشي مسافات حتى لو الموتر واقف يصرف


كلامك متناقض

انت تقول كل شخص محتاط عندما يدخل البر

وعن نيسان تقول ليه الاحتياط الزايد

حدد موقفك والا ربعك ابخص من مصنع سيارات

[مواسي الطعوس]

واصابع يدك ماهي سوا اذانت تشوف تويوتا قدوه انا اشوفها اخر القافله ولاتعني لي شي ولاتحرك ساكناً فيني

انت ماجربت قطعه البنزين في خط 200 كيلو مافيه ولامحطه مافيه فرق اللحين بين انك تقطع مسافه 130 كيلو او 60 كيلو

بالنسبه لي اشوفها ميزة لصالح نيسان وياكثر اللي يطلعون للبر وينقطع عليهم البنزين والسبب الثقه الزايده في سياراتهم وصرفيه البنزين ماهي على مشي مسافات حتى لو الموتر واقف يصرف


كلامك متناقض

انت تقول كل شخص محتاط عندما يدخل البر

وعن نيسان تقول ليه الاحتياط الزايد

حدد موقفك والا ربعك ابخص من مصنع سيارات
************************************
** التويوتا كنت من عشاقها والان ماراها شي لكن فيه اشياء تكون قدوه غصب على اللي مايرضى .

**ابسألك : ايهم يمشي اكثر بالبنزين الفتك والا اللاند كروزر ؟؟؟؟؟؟؟؟؟؟؟؟؟؟؟


**اللي يقطع لا يقاس عليه ....ويعترف انه مخطي ...ويتحمل خطاه؟؟؟؟؟

** انا انظر الى 95% من الناس اذا ولعت اللمبه يعبي بنزين لاعتبارات منها :
1/ ان التانكي خلص او قري يخلص...
2/ انه يظر طرمبه البنزين لكي 1-لاتسحب بنزين فيه شوئب 2-لكي لاتحتمي لان البنزين يبرد عليها .
**الناس كلها تقيس ممشى الموتر اذا ولعت اللمبه كم مشى ....مثلا اذا مشى 440 كم لو وضعنا عليها الاحتياط الزائد وصل الممشى 500كم ويبقى في اللمبه 60 كم اخرى .

**الاحتياط انك تدخل للبر والموتر فل .....والاحتياط الزائد انك تاخذ معك جركل بنزين؟؟؟

عرفت الفرق بين الا حتياط والاحتياط الزائد .... ؟؟

[مسير عليهم]

يعني تبي تقنعني ان اللاند اقل صرفيه كلهم في الهوا سوا

واذا 95% تفكيرهم قديم والمفروض والصحيح انك تعبي التانكي اذا بقى فيه ربع مهوب اذا ولعت اللمبه

اكيد دام اللمبه ولعت معناها انتبه لعمرك


طيب على قولتك عبيت فل وانت في نفود وعلق موترك تبي تطلعه وهو طافي ..!!

وليه اتبع ناس مقياسهم خطاء اجل الموتر مايصرف بنزين الا اذا مشى في خط

المعروف ان السياارة في المسافات الطويله اقل صرفيه من داخل المدينة ممكن تفسر لي هالنقطه مع انك في الخطوط داعس على البنزين وداخل المدينه اغلب الوقت على سرعات قليله وواقف عند اشاره وصرفيه السيارة اكثر من اللي ماسك خط

وهل الاحتياط الزائد عيب في نظرك اجل اذا طلعت للبر لاتقول ربعك جيبو مويه اللي معي يكفي

واذا ميزه السيارة انها تمشيني مسافه اكثر بعد ماتولع لمبه البنزين ليه اخذ احتياط زائد وهو موجود من الاساس وازيد حمل على سيارتي

انت عرفت الاحتياط الواجب عليهم.

[مجنون نحم]

موضــــوع مالــــه فايــــــــدة طيب انا اعتبرهــــا ميزة مع اني من عشاق الشفر ولا لي دخل في تويوتا ولا تيسان بل والله انهم اكره شركتين بالنسبة لي

انت تعتبرها سلبية بكيفك خويك يعتبرها ميزة بكيفة فاتح موضوع ليه ؟؟ تبي تفرض رايك ولا تبي الناس يعافون الباترول لــــــ " عيونك وعيون اللمبة ام 60 " والله ان اهل العقول في راحة

والسلام عليكم

[مواسي الطعوس]

انا ابروح انام ....لكن موعدك الليله .

؟؟؟؟؟ انا قلت جاوبني ايهم يصرف اكثر اللاند والا الباترول ؟؟؟

انا ابعلمك ان الباترول اقل صرفيه ....لكن الامبير حقه غبي . والموضوع توه بادي معك لو تبي الى 20 صفحه ...

س/ وش رايك في امبير الباترول 88م الى 97م ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[لن أمل من العطاء]

تم اقفال الموضوع لحين عودة أحد المشرفين لاتخاذ اللازم

[بدوي جنوبي]

أشكرك اخى المشرف العطاء
تم أعادة الموضوع
نرحب بالنقاش الهادف والمفيد

تم تعديل بعض الرود ،، أرجو عدم الخروج عن مضمون الموضوع
بالتوفيق للجميع

[عاشق NISSAN]

ميزه لصالح النيسان وليست ضده

[آبونآصر]

هذي ميزه لصالح النيسان

وصرفية اللاند اقل من الباترول حسب كلام مجربين لكن الباترول يطربك بعزمه

[turkiq]

انا اشوف انك يا المستخدم اذا فهمت النقطة اللي يتكلم عنها اخونا صاحب الموضوع فهي بدون شك ميزة لك يا صاحب النيسان وان مافهمتها فهي تظل ميزة لكنها قد تربكك لان السائق قد يخاف من ان تتوقف به السيارة وهو في الامان بعد امان الله.

وسلامتكم

[مواسي الطعوس]

انا اشوف انك يا المستخدم اذا فهمت النقطة اللي يتكلم عنها اخونا صاحب الموضوع فهي بدون شك ميزة لك يا صاحب النيسان وان مافهمتها فهي تظل ميزة لكنها قد تربكك لان السائق قد يخاف من ان تتوقف به السيارة وهو في الامان بعد امان الله.

وسلامتكم
*******************************************

** بعدي والله ............يازين الناس الفاهمه .يريحك ويخليك تقول كل اللي عندك .

** ماهو مثل اللي مايفهم ...انا امدح وهو يحسبني اسب . لكن متى تكون مدح للموتر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

- ج// اذ عرفت الناس ان الموتر يمشي كل هذا الممشى بعد ماتولع اللمبه .

* وانا قلت اذا الموتر يمشي 450 كم ثم اخذنا 60 كم من اللمبه ووضعناها على الممشى يكون 500 كم ......ثم تولع اللمبه وهذا شي مهب بسيط ويقلب الموازين .

[Salamah.y]

اشوف انه ميزه , و الإحتياط زين
خصوصا ً , بسيارات مخصصة للصحاري و المناطق النائيه

و كل شركه له سياساتها المتبعه , يعني ما نقدر نقول صح و خطأ
كل واحد بيعرف سيارته و بيتأقلم عليها زي ما جت من بلادهآ !!

,

من ناحية الصرفيه , و حسب التجربه
الباترول 6 سلندر , يساوي صرفية الكروزر 8 سلندر
يعني , النيسان يصرف أكثر , !!

,

يعطيكم العافيه @~

[السليطين]

بخصوص الصرفيه ,,, انا مجرب جي اكس ار 2002 تماتيك مشوار الى المدينه قبل التسعيره الجديده ..

اذا وصلت المدينه اعبي بـ 121 ريال ..

ومجرب فتك 2002 قير عادي بنف الطريق .. اذا وصلت للمدينه اعبية بـ 111 ريال ..

وكلهن امشي 150 كم

[مواسي الطعوس]

بخصوص الصرفيه ,,, انا مجرب جي اكس ار 2002 تماتيك مشوار الى المدينه قبل التسعيره الجديده ..

اذا وصلت المدينه اعبي بـ 121 ريال ..

ومجرب فتك 2002 قير عادي بنف الطريق .. اذا وصلت للمدينه اعبية بـ 111 ريال ..

وكلهن امشي 150 كم
************************************

** مشكور اخوي .

** الباترول القير عادي يصرف اكثر من التماتيك في الخطوط مجربه انا .

** يعجبني الشخص اللي يقيس ((بالفلوس))وليس بالامبير .لان بعض الشركات عندها حرافه زائده بعكس نيسان ((احتياط زائد))

[درجلان الشمال]

ياخوي ان كانك ماتبي التانكي الثاني جبوه للاستراحه اشريه منك

[الجني العبد]

عندي الهايلوكس تشتغل اللمبه إذا قطعت 500 كيلو
ومرة من المرات اشتغلت اللمبه ولا عبيت بنزين
طفى الموتر على 650 كيلو !!
يعني 150 كيلو احتياط ، والله كبرت بعيني هالبقيرة

[المنيعي1]

من ناحية الصرفيه , و حسب التجربه
الباترول 6 سلندر , يساوي صرفية الكروزر 8 سلندر
يعني , النيسان يصرف أكثر , !!

يعطيكم العافيه @~


الله يعافيك ياسلامه
المعادلة غير صحيحة لأن الفكس أر أقل صرفية من ال جي أكس أر

[اتجاه السحاب]

تجربتي,,,
مره جاي من الرياض للقصيم يوم تعديت ام سدره بكم كيلو قالي رفيقي اللمبه مولعه والانبير متعدي الخط
ومشيت عليه 120 ـــ 50 كيلو تقريبا الى المحطه واناخايف يقطع

[ابن عكاش]

النيسان افضل شركه في العالم لصناعة السيارات كلامي عن تجربه

[4800VTC]

موضوع مفيد
اختلاف الرأي لا يفسد للود قضية
نقاش جميل وكل واحد ياخذ الموضوع من نظرتة الخاصة

[مسير عليهم]

انا ابروح انام ....لكن موعدك الليله .

؟؟؟؟؟ انا قلت جاوبني ايهم يصرف اكثر اللاند والا الباترول ؟؟؟

انا ابعلمك ان الباترول اقل صرفيه ....لكن الامبير حقه غبي . والموضوع توه بادي معك لو تبي الى 20 صفحه ...

س/ وش رايك في امبير الباترول 88م الى 97م ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ياحبي لك بس اجل الامبير غبي

مادرو عنك يا مخترع السيارة ومطورها ماعجبك امبيرهم لا تشتري منهم سيارة ولا تعيب فيها

ودام الموضوع فتح والردود فاقت توقعاتك واصابتك بالقهر يعني الاغلبيه قالو ميزة وفعلاً ميزة


وقصدك معروف جربت سيارات كثيره وامبيراتها غبيه وفيها من تويوتا اللي ماعليها غبار

لو بغيت وصل الموضوع الى الف صفحه فلن ينتهي فمازالت بعض العقول تفكر كما يفكر ابائهم ولا عندهم قدره في الاستيعاب واخذ الصحيح

[صقر أمه 506]

مافهمتو يالربع وش مغزا صاحب الموضوع

بيقنعكم غصب ان الباترول او النيساان بشكل عام اقل صرفيه من الاند او التويوتا
بس جايبها من بعيييييييييد
ههههههههههه
ياحبيلك يا مواسي .. بلش تدافع عن نيسان .. الي بقى لها كم سنه وتسكر هههههههههه

بس لايهمونك ترا الباترول مايصرف ابد ..

احلى مافي موضوعك عنواااانه ..
فعلا تخبطات ..

وبعدين انا عندي تويوتا ويمشي بعد ماتولع اللمبه 100 كم على سرعة 120
من قال انها نيسان لحالها ..


بس عندي نقطه ياليت توضحها لي


- انا ذكرت تويوتا لانها السياره الاكثر في السوق ...والقياسات دائم عليها .وانا ضربت مثل في اللي يغيرون الفحمات وهي مامشت الا 25 الف كم احيانا ...مع ان النيسان تمشي فحماته الى 200 الف .واخل على منتديات تويوتا العربيه وتشوف عجايب ؟؟؟؟؟

[خيال شاب]

مافهمتو يالربع وش مغزا صاحب الموضوع

بيقنعكم غصب ان الباترول او النيساان بشكل عام اقل صرفيه من الاند او التويوتا
بس جايبها من بعيييييييييد
ههههههههههه
ياحبيلك يا مواسي .. بلش تدافع عن نيسان .. الي بقى لها كم سنه وتسكر هههههههههه

بس لايهمونك ترا الباترول مايصرف ابد ..

احلى مافي موضوعك عنواااانه ..
فعلا تخبطات ..



:good2::good2::good2::good2::good2::good2::good2:: good2::good2: :l

[ملك الفكتوريا]

أنا قريت الموضوع قلت انك صالح الشيحي تجيبها من ورى لورى وبالاخير متكلم جد



يا لبى كلش بواجي بعد 200 الف هذا الكللام

[اسبيدر مان]

الله يعطيك العافيه يامواسي وفعلا نيسان تغيرت 180 درجه الى جرب نيسان سابقا ثم جربه الحين الحقيقه فرق شاسع وتطور ملموس

[مواسي الطعوس]

الله يعافيك ياسلامه


المعادلة غير صحيحة لأن الفكس أر أقل صرفية من ال جي أكس أر

*************************************

وين الناس اللي تفهم مثلك .............والا معروف في الخط الفكسار اقل .والباترول التماتيك اقل منه .....هذا على موديلات 2007م وتحت وموديل 2008م ماجربته التويوتا .

[غاوي قهاوي]

وجهت نظر
لاتعليق

[مواسي الطعوس]

ياحبي لك بس اجل الامبير غبي

مادرو عنك يا مخترع السيارة ومطورها ماعجبك امبيرهم لا تشتري منهم سيارة ولا تعيب فيها

ودام الموضوع فتح والردود فاقت توقعاتك واصابتك بالقهر يعني الاغلبيه قالو ميزة وفعلاً ميزة


وقصدك معروف جربت سيارات كثيره وامبيراتها غبيه وفيها من تويوتا اللي ماعليها غبار

لو بغيت وصل الموضوع الى الف صفحه فلن ينتهي فمازالت بعض العقول تفكر كما يفكر ابائهم ولا عندهم قدره في الاستيعاب واخذ الصحيح
***************************************

**اول شي انا عجزت تجاوبني على السؤالين اللي وجهتهم لك ....وهذا يدل انك ماتعرف ولاعندك سالفه ....ماعندك الا الهمق ...لو رجال وتعرف جاوبت ...والا اي بزر يغالط ويتكلم كلام بدون تجارب .....ولا معه يمكن اي موتر ؟؟؟؟؟؟؟؟؟؟؟؟انا كوني امدح امبير التويوتا مايدل على مدح السيارات من نفس الشركه .
*انا من عشاق نيسان لكن مايردني امدح الشي الصح في تويوتا ......مثلا الدبل الثقيل في تويوتا احسن من نيسان ولا فيه مقارنه ((الاستخدام وليس التحمل))

**انت تحسب الشركات ماتغلط الله من الاغلاط عندها ((اسئل المجربين ))وانا اعترضت على اشياء من نيسان منها :
1/تدري بكم نسافه (الددسن الدبل))وبكم نسافه (الاكستيرا والفاندر))؟؟؟؟؟؟؟؟؟؟؟؟؟

العام قبل الماضي جاء وفد من اليابان ومعهم ((عبد الاله وزني ))مدير الدفع الرباعي في الشرق الاوسط ....وسالتهم هذا السؤال ؟؟؟؟وطلعت اجاباتهم خطاء وسويت مقارنه وعجزوا يردون وسجلوها ملاحظه ؟الددسن ب 250 ريال .........والاكستيرا 80 ويخصمون 10 تصير 70 ريال ....وكلها قطع بلاستيك ؟؟؟؟والسياره الارخص المفروض قطعها ارخص ؟؟؟؟؟؟واستغربوا كلهم الاسعار هذه ؟؟؟؟

** الامثله كثيره مثلا : الباترول 98الى 2001م الاتوماتيك يمشي ب2 الى 140 كم ؟؟؟؟ويمكن يجيب طبلونه بالدبل الثقيل ؟؟؟وناقشناهم وقلنا لهم خطاء الموتر تصير النمر حقاته كذا .....وعندما جاء الفتك 2002م زادت قوة الماكينه ...وقلت سرعة النمره الى 100كم ..........فصار الفتك رائع جدا ((يعني المفروض موديل 98 يجيب 80 فقط ب 2))

**الكلام كثير والشرح اذا جاء ناس تفهم والا المعارضين الكلام فوق مستواهم .

[عبدالرحمن1980]

الله يهديكم يا اخوان الرجال قصده ان لمبه البانزين تولع بسرعه يعني تقلق تخاف با اي وقت يطفى عليك
والصراحه الواحد مهب كل مره يركب سيارته لازم يحسب كم مشى المره اللي راحت او يكون بالاعتماديه العاليه ويفاجئ بان الموتر وقف بنص الخط

[التعـ King ـديل]

اولا تمنيت انك تكلمت من تجربه وليس بكلمه يقال .. انا سقت باترول 2010 جايبه من مدينه العين الى الرياض المسافه كالتالي من العين للمفرق 120 كيلو ومن المفرق الى الحدود 400 كيلو

ومن الحدود الى الرياض 505 كيلو يعني المسافه الاجماليه 1025 كيلو حتى تدخل الرياض عزيزي هل تعلم ان ممشاي مانزل عن 140 ومع ذلك وصلت الرياض قبل تولع اللمبه واقولها والحق يقال

ان هالمسافه قطعتها بدون مكيف لان الجو كان بارد .. هذا بالنسبه للبنزين .. اما بالنسبه للفحمات اقوله وعن تجربه ماراح تلاقي اصبر من فحمات الباترول مهما قلت تخيل انها منتهيه ومستخدمها حوالي 4 اشهر

والفحمات على حسب الاستخدام كان عندنا كامري 2002 كنا كل ست شهور نطقم لها فحمات هل معنى ذلك ان الكامري سيئه ؟؟ مع العلم افضل موديلات الكامري 2002 عزيزي دع عنك مايقولون

وتكلم بما تشاهده عينك فقط .. لاتكن مرددا للكلام بدون ادراك ولك جزيل شكري

[مواسي الطعوس]

اشكرك ياكنق التعديل ......وعندي لك اسئله :

1/ هل يمشي اللاند كروزر مثل هالمسافه ؟؟؟؟؟؟؟؟؟؟

2/ كم لتر عبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ااذا مشى هذا اللمشى بدون اللمبه انا اقول لك ((بما ان الجو مناسب للمشى ))رايح يمشي في اللمبه اكثر من 150 كيلو .

** انا اتكلم مع ناس جربو الفتك ثم اشتروا البطل ...ويعرفون سالفتي مع امبير البنزين و القصص التي حصلت بيني وبينهم ((وعلمتهم الطريقه السليمه لمعرفة صرف البنزين وان المقياس الصحيح -الفلوس -وعدد اللترات ))وليس الامبير .

** الفحمات اعرفها في نيسان وتويوتا ....وكذلك البواجي .

[طعميس]

هههههههههههههههههههههههه
كلن على همه سرى وانا على همي سريت
مالقيت من السيارات الا التويوتا
حتى تقارن

وبعدين هي تعصبااات ارى
ولنبة الامبير مشغلتك من عاااام 2002

الله يعينك

وفي الاخير كلن يشري الايعجبه

ان مدحت اوسبيت

بس لا تنسى سااالفة الشيك بنسبة ل تويوتا

رح نم وخل عنك السيااارت

وصلى ركعتين ترى السيااارات مااااتدخل معك القبر


اخوووك المحب

[رهيبXرهيب]

السلام عليكم يا شباب

انا اقول تحسب لنيسان هذه الفكره وليست عيب وبعد لك الاسباب
1- اذا تخلي لنبه البانزين شغاله وتمشي عليه تاكد هذه الحركه تكرارها تخلي اطرنبه البنزين تخترب بسرعه
جرب شغل دينمو تصعيد الماء في المنازل (( الفلل)) لما تشغل دينمو تصعيد الماء لطابق الثاني ويكون الخزان الماء ما فيه ماء الدينو يحترق
هكذا فكره طرنبه البنزين تسحب البنزين من الخزان للمحرك واذا نقص تسبب خلل في الطرنبه وفوق هذا معروف انه اخر الخزان تتجمع الاتربه والشوائب ليش تخلي السياره من غير بنزين تضر سيارتك وتضر نفسك الطرنبه تخترب ومصفاه البنزين تنسد وممكن تاثر على نظام حقن الوقود والسياره تبدي تصرف بنزين

انا انصح كل الشباب لا تخلي مستواء البنزين ينزل عن ربع الخزان احسن لك واحسن لسيارتك

ملاحظه: انا مستغرب من الشعب السعودي الكريم ما يرتاح الى لما يشوف نور لنمبه البنزين شغاله لازم يتاكد انه اللنبه ما احترقت مثلا
والغريب في الموضوع كله انه السعوديه ثاني احتياطي عالمي والبنزين عندكم رخيص
اجل لو رحت قطر ولا الامارات ولا البحرين شنو بتسوي
نصيحه ثانيه عليك ببنزين 95

[الليث الذهبي]

ايييييييييه
انا اقول ان الهلال والنصر رجعت مره ثانيه بس مع نيسان وتياوتا
وبعتقادي ان هل المور كلها خرابيط
صحيح ان الهلال اقوا من النصركنادي ,,,,,,,لاكن واش استفدت
وصحيح ان نيسان اقوا من تيوتا كشركه ,,,,,,,لاكن وش استفدت
الحمد لله خذ الموتر الي يعجبك ولا تقعد تعذب نفسك باقناع الناس

[مسير عليهم]

***************************************

**اول شي انا عجزت تجاوبني على السؤالين اللي وجهتهم لك ....وهذا يدل انك ماتعرف ولاعندك سالفه ....ماعندك الا الهمق ...لو رجال وتعرف جاوبت ...والا اي بزر يغالط ويتكلم كلام بدون تجارب .....ولا معه يمكن اي موتر ؟؟؟؟؟؟؟؟؟؟؟؟انا كوني امدح امبير التويوتا مايدل على مدح السيارات من نفس الشركه .
*انا من عشاق نيسان لكن مايردني امدح الشي الصح في تويوتا ......مثلا الدبل الثقيل في تويوتا احسن من نيسان ولا فيه مقارنه ((الاستخدام وليس التحمل))

**انت تحسب الشركات ماتغلط الله من الاغلاط عندها ((اسئل المجربين ))وانا اعترضت على اشياء من نيسان منها :
1/تدري بكم نسافه (الددسن الدبل))وبكم نسافه (الاكستيرا والفاندر))؟؟؟؟؟؟؟؟؟؟؟؟؟

العام قبل الماضي جاء وفد من اليابان ومعهم ((عبد الاله وزني ))مدير الدفع الرباعي في الشرق الاوسط ....وسالتهم هذا السؤال ؟؟؟؟وطلعت اجاباتهم خطاء وسويت مقارنه وعجزوا يردون وسجلوها ملاحظه ؟الددسن ب 250 ريال .........والاكستيرا 80 ويخصمون 10 تصير 70 ريال ....وكلها قطع بلاستيك ؟؟؟؟والسياره الارخص المفروض قطعها ارخص ؟؟؟؟؟؟واستغربوا كلهم الاسعار هذه ؟؟؟؟

** الامثله كثيره مثلا : الباترول 98الى 2001م الاتوماتيك يمشي ب2 الى 140 كم ؟؟؟؟ويمكن يجيب طبلونه بالدبل الثقيل ؟؟؟وناقشناهم وقلنا لهم خطاء الموتر تصير النمر حقاته كذا .....وعندما جاء الفتك 2002م زادت قوة الماكينه ...وقلت سرعة النمره الى 100كم ..........فصار الفتك رائع جدا ((يعني المفروض موديل 98 يجيب 80 فقط ب 2))

**الكلام كثير والشرح اذا جاء ناس تفهم والا المعارضين الكلام فوق مستواهم .


من اول سطرين عرفت مستوى عقلك عشان كذا خلك على اسلوبك يالرجال


بس فقرتك الاخيره حسيت انك مبتكر سيارات الدفع الرباعي وعلى مزاجك تبي السيارة

حتى قطع الغيار تبيه على مزاجك


فخلك على اسعار النسافات ابرك لك من صرفيه البنزين

[مسير عليهم]

الله يهديكم يا اخوان الرجال قصده ان لمبه البانزين تولع بسرعه يعني تقلق تخاف با اي وقت يطفى عليك
والصراحه الواحد مهب كل مره يركب سيارته لازم يحسب كم مشى المره اللي راحت او يكون بالاعتماديه العاليه ويفاجئ بان الموتر وقف بنص الخط


حنا عارفين قصده بس يبينا نفهم على مزاجه هو

بما ان نظام السيارة كذا فبكون عارف انه فيه احتياطي يمشيني مسافه بعيده

وعلى قولتك اذا انا مااحسب كم مشيت قبل لاتولع اللمبه فعندي علم ان فيه مجال في الاحتياطي وبكذا اعرف وش وضعي

[turkiq]

قولوا لا اله الا الله

[ساري 111]

خلاص درينا ان الباترول مايصرف هههههه الله يصلحك بس

هي واقفه على امبير بس ؟؟ اتمنى والله

[التعـ King ـديل]

اشكرك ياكنق التعديل ......وعندي لك اسئله :

1/ هل يمشي اللاند كروزر مثل هالمسافه ؟؟؟؟؟؟؟؟؟؟

الاند يمشي اقل لاني مشيت نفس المسافه بفكسار 2009 فل الفل وعبيت بنزين قبل الرياض ب 250 وكان فيه اقل من الربع

2/ كم لتر عبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ااذا مشى هذا اللمشى بدون اللمبه انا اقول لك ((بما ان الجو مناسب للمشى ))رايح يمشي في اللمبه اكثر من 150 كيلو .

ماني متذكر كم لتر بالضبط لاننا اخذناه والتانكي فل من راعيه .. عباه لنا ضيافه يوم شريناه لانه عزمنا على غداء ورفضنا وسلمنا الموتر مشيك بنزين وزيت

** انا اتكلم مع ناس جربو الفتك ثم اشتروا البطل ...ويعرفون سالفتي مع امبير البنزين و القصص التي حصلت بيني وبينهم ((وعلمتهم الطريقه السليمه لمعرفة صرف البنزين وان المقياس الصحيح -الفلوس -وعدد اللترات ))وليس الامبير .

السيارات مب واحد وانا اخوك .. انا مجرب النياسين من 88 الى 2005 واعرف وش اقول طال عمرك

** الفحمات اعرفها في نيسان وتويوتا ....وكذلك البواجي .

الله يزيدك علم باافضل منها

تحياتي لك ..

[التعـ King ـديل]

خلاص درينا ان الباترول مايصرف هههههه الله يصلحك بس

هي واقفه على امبير بس ؟؟ اتمنى والله

حي الله الشيخ ساري بن جميل

منور من زمان عن محاراشاتك

[ابوعبدالله200]

بدووووووووووووون تعليق

[sultan911]

انا مع نيسان وافضل طريقه هي زياده الحرص وودي بـ vxr 2011
وثانياً احس الموضوع ماله اهميه قصوى ويسبب بعض الحساسيه بين شركه نيسان وشركه تايوتا وتعرفون انهم ربعنا وماودنا يجي بينهم اخلاف

[hally]

ياأخوان قولوا لا إله إلا الله والسوالف هذي مهيب للي مثلكم وشرواكم
واختلاف الرأي لايفسد للود قضيه

[faris2006]

انا من الناس الي اتمنى ان يكون الاحتياطي اكبر او اكثر لو فيه امكاني تكبير التانكي لا كبره الى حده الاقصى
على العموم مشكور على الموضوع

[الليث الذهبي]

هههههههههههههههههههه
كل هال هوشه علشان نيسان وتيوتا!!!!!!
والله انه قاصن عليكم جميل والحرامي قصدي الحمراني
يارجال خلو عنكم الدعدعه ولا واح فيكم صنع لهالسياره مسمار
بس ولو نيسان ازين من تيوتا ,, فيه احد يعارض هنا,, يطلعلي ههههههههههههههه

[خيال شاب]

ملينا من الدعايات والخرطي يا مواسي الطعوس ايذ انت صادق تبي تنفع اهل مكشات
وتقول اعرف ناس من شركة نيسان ليش ما تكلمهم عن الاشياء المهمه مثل زيت القير يقول لازم تغير الزيت عندنا ب 1200 ريال الله من الاستغلال حتى ايذا بغيت تشتري زيت ما يعطونك مثل العالم
التايوتا تلاقي الزيت عند اصغر الموزعين يحترمون الناس مهب مثل ربعك اللي بالوكالة تقول يكدون على العالم اقول الله يخلي لنا تايوتا نشتري الزيت من عندهم حتى مساعدات الباترول نشتريها من تايوتا والله حالة



والله حالة والله حالة والله حالة والله حالة :D

[ابن عكاش]

الله يعينكم على النيسان والله لو لكم مصلحه ماتوصل انك تتعصبون كل هالتعصب
مقارنات غير منصفه ونقد جارح والنهايه المستفيد البوذي في اليابان واخوك المسلم راح حبك له وابديت البغضاء
الله يهدينى قولوا آمين

[عبدالرحمن1980]

الله يعينكم على النيسان والله لو لكم مصلحه ماتوصل انك تتعصبون كل هالتعصب
مقارنات غير منصفه ونقد جارح والنهايه المستفيد البوذي في اليابان واخوك المسلم راح حبك له وابديت البغضاء
الله يهدينى قولوا آمين


احسن رد:good2::good2::good2:

مع احترامي للجميع

[جرماان]

ملينا من الدعايات والخرطي يا مواسي الطعوس ايذ انت صادق تبي تنفع اهل مكشات
وتقول اعرف ناس من شركة نيسان ليش ما تكلمهم عن الاشياء المهمه مثل زيت القير يقول لازم تغير الزيت عندنا ب 1200 ريال الله من الاستغلال حتى ايذا بغيت تشتري زيت ما يعطونك مثل العالم
التايوتا تلاقي الزيت عند اصغر الموزعين يحترمون الناس مهب مثل ربعك اللي بالوكالة تقول يكدون على العالم اقول الله يخلي لنا تايوتا نشتري الزيت من عندهم حتى مساعدات الباترول نشتريها من تايوتا والله حالة



والله حالة والله حالة والله حالة والله حالة :D





والله ماشفنا من تويوتا الا العلل الله يعلها .... لكن ان شاء الله نبي نحول على البطل باذن الله

[DRAKOLA]

هذه ميزة في النيسان بعدين يا اخي ترى ماصنعوا النيسان لنا بس تراه ماشي من استراليا الى امريكا الشمالية الى ادغال الامازون وافريقيا مشكلتنا نحسب ما في الكون الا الرياض والثمامة وضواحيها

[عالي الكيف]

غريب انت يا مواسي

ما اقول الا كم واحد بيدعي عليك بعد ما وهقتهم بالاكستيرا ؟؟؟؟

ان كانك صادق تبي الخير للناس رح انصح الحرامي الحمراني بخصوص اسعار قطع الغيار !!!!

اجل حذاف الاكستيرا براتب شهر كااااااااااامل ؟؟؟؟

والسؤال الأهم ليش يخرب وهو ماكمل سنه ؟؟؟؟؟؟

[بربنجي]

انا اشوف الافضل الاحيتاط الزيادة خاصة انك في صحراء وبعيد عن المدينه
الزود ولا النقص
اقلها يا اخوك تلقى واحد منقطع من البنزين تساعده لينا اقرب محطه ولا ينقص منك شي واجد
وهي تعتبر تنبية ولا سواء باقي مية او ميتين انتك كذا كذا بتعبي من اول محطه لكن هي مجرد تنبية
والله اعلم

[الباحث_6610]

ياشباب اذا فيه زود بالاحتياطي للبنزين في النيسان فهذة ميزة تكتب لها
وبعدين كلن يشتري اللي براسه
لو تشابهة الاذواق لبارت السلع
انا احب التايوتا وانت تحب النيسان واخر يحب الشفر وكلن وهواه

[دانكن]

ياجماعة الخير حبيت اشارك بنقطة

اللي هي

ليس شرط بآن ال8 سلندر يصرف اكثر من ال6

مقاس البخاخات لها دور وكمية البانزين اللي مبرمجة عليها السيارة لها دور

[نايم فوق جبل]

ياصاحب الموضوع والله انك غريب ,,, يعني الميزات اللي سوتها شركة نيسان صارت عيوب ,,,

كلنا راعين بر وملنا نحتاج الإحتياط الأكثر يعني ليش نرفض الخير ,,


مع احترامي انت مثل المثل اللي قول ,,

قال هاك خير قال مامعي له ماعون

[مزدهر]

شكلكم ما فهمتو قصد الرجال
أسأل أي شخص أيهم أكثر صرفية التويوتا أو النيسان ؟
أغلب الناس تقول التويوتا ليش؟
لإن النيسان ثلث أو ربع التانكي أحتياط
مثال الباث فاندر 2006 لما تولع اللمبة ياخذ من 60 إلى 65 لتر تقريبا وسعة التانكي 80 لتر
يعني أغلب الناس تعبي السيارة إذا وصل الأمبير للربع كم ياخذ الموتر من لتر إذا وصل الأمبير لخط الربع
والناس لابغو يقيسون صرفية الموتر يقول أنا يمشي معي الموتر 500 لاكن ما ينظر لكم أخذ الموتر من لتر
باختصار موتر يمشي 500 كيلو 65 لتر
وموتر يمشي 500 كيلو 80 لتر
يعني قصد صاحب الموضوع الموتر اللي فيه إحتياط واجد عند الأغلب يصرف وقود أكثر

[majeds]

السلام عليكم ورحمة الله وبركاته

- الكل منا يعرف اننا شعب مانشوف الا الظاهر فقط (لسنا اصحاب تجارب)ولا نبحث عن اسرار السيارات واختبار قدراتها .

-لي اختبارات كثيره على الباترول من 97م حتى 2002م في مجال ((صرف البنزين ))وكذلك التعليق ((شد البلد ...وتركيب مساعدات ويايات ))

-موديل 2010 م وهو محور كلامي هنا ((ولعلمي ان شركة نيسان ماتترك عادتها في امبير البنزين -والاحتياط اللي ماله داعي ))سألت بعض ملاك الباترول عن امبير البنزين وصار الامر ((مثل ماتوقعت ))

- الباترول الجديد ((140 لتر))لكن التانكي الثاني تقريبا كله احتياط .يعني تولع اللمبه اذا مضى 107لتر تقريبا ......ليش التصرف هذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حتى ان احد الكتاب معنا في هذا المنتدى اسمه((ابو اسامه))يقول الباترول الجديد 105لتر فقط """ ليش يكتبون 140 لتر ...وهذا من اسباب كتابتي هذا الموضوع ؟؟؟؟؟؟؟؟؟؟

-يعقل ان يكون 35 لتر احتياط او على اقل تقدير 30 لتر احتياط ؟؟؟؟؟لذلك اللي معه نيسان مايقطع بنزين ابد ......وانا اقول خله يقطع ....والمفروض تكون نيسان مثل ((تويوتا))الاحتياط بسيط جدا ...والسبب: ان اكثر سيارات في السوق تويوتا والناس متعوده انه اذا ولعت اللمبه الموتر مايمشي واجد ...والناس ماتحسب المممشى الا اللي قبل تولع لمبة البنزين .ليش تعاكس نيسان تويوتا والا امانه زائده واحتياط زائد ماله داعي ؟
الان البواجي تمشي في النيسان الى 200 الف على اقل تقدير وبعضهم مشى عليها الى 250 الف ولم يلاحظ فرق بنزين ولا تقطيع ..والبعض يغيرها اذا مشى 100 الف او اقل متعود على شركات ثانيه ........ومثله الفحمات تمشي مابين 150 الف الى 200 الف في نيسان والبعض يغيرها عند 70 الف او 100 الف واحيانا اقل متعودين على شركات تغش في الفحمات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

-متى تكون شركة نيسان مثل الشركات الثانيه وتترك عنها الاحتياط اللي ماله داعي ؟؟؟؟؟

- الباترول 2002م التماتيك عند سرعة 130 يمشي اكثر من 120 كم بعد ماتولع اللمبه ...لماذا؟؟

-الباثفندر 2006م والاكستيرا كذلك يمشي باللمبه مسافه كثيره ليش ؟؟؟؟؟

- عندي قصص كثيره وتحديات حصلت انا طرف فيها نذكرها لاحقا ....من عنده معلومات عن هذا الموضوع اتمنى المشاركه .....ومن لايخصه الموضوع اتمنى عدم الخوض فيه ويتحمل مايجيه ؟؟

الحل بسيط جدا خذلك تانكي ابو 140 او 160 لتر استرالي او مثله وريح بالك من الافكار البسيطه .. ترى حنا ندور راحتك ولا نرتاح يوم نشوفك محووس في ذا الموضوع المصيري وكون الاحتياطي يعطي مسافه اكبر هذي ميزه موب عيب تخيل نفسك خلفت طريق الرجعه بالبر وش بتسوي؟ بتقول ليت الاحتياطي قليل ! ليت الموضوع تم مقفل

معلومه ماوردت في بالك: الناس اجناس في من يعبي بنزين قبل الربع وفيه من يعبي بعد اللمبه بساعه ولا تقدر تجمع الناس على هواك.
عن اذنك بروح اعبي بنزين من المحطه الي بعد المحطه الي كنت واقف فيها الفرق 5 كيلو

[السليطين]

ملينا من الدعايات والخرطي يا مواسي الطعوس ايذ انت صادق تبي تنفع اهل مكشات
وتقول اعرف ناس من شركة نيسان ليش ما تكلمهم عن الاشياء المهمه مثل زيت القير يقول لازم تغير الزيت عندنا ب 1200 ريال الله من الاستغلال حتى ايذا بغيت تشتري زيت ما يعطونك مثل العالم
التايوتا تلاقي الزيت عند اصغر الموزعين يحترمون الناس مهب مثل ربعك اللي بالوكالة تقول يكدون على العالم اقول الله يخلي لنا تايوتا نشتري الزيت من عندهم حتى مساعدات الباترول نشتريها من تايوتا والله حالة



والله حالة والله حالة والله حالة والله حالة :D




زيت القير يغيرون زيت بي ام دبليو بس مدري وش موديله ...

[الصحافة 15]

موضوع غريب الأطوار وهذي ميزة تحسب لصالح النيسان

[رسيس نجد]

كل شركه لها طريقتها واسلوبها 0

[سوبر VTC]

تم حذف ما يقارب 9 ردود
ياخوان ما يصير
ارجو التزام اداب الحوار في النقاشات
مكشات منكم و اليكم و بكم

[MjNo0oN]

انا اشوفه امر عايدي جداً وبالعكس اشوفها ميزه وعن نفسي اقول مسكين يامن خذاله جكسار فل 6 سلندر ويمكن بعد نص فل وبقيمته تقدر تطلع لك باترول فيه مواصفات تناهز الفي اكس ار يا اخي وش تبي اكثر من هاذا الشي بـ180 الف تركب موتر داخليته تقول بي ام وعزله ورساوته تقول لكزز ومكينته 8 سرندل ومن ناحية العيوب لحد الان مابعد طلعت عيوب جسيمه اغلبها اخطاء مصنعية في كذا سياره فقط مهوب كل السيارات وقل منا من لايخطى واكبر دليل شف مواتر التيوتا اول سنتين من ضهورها انواع العيوب المصعينه (وفي كل السيارات عموماً وهاذا امر طبيعي وهاذي هي فايدة ضمان الوكاله)

وعن نفسي ما اعيب في الباترول الجديد الا شي واحد فقط الي هي خلفية السياره منضرها مهوب ذاك الزود ولاولا اختلاف الاراء لبارت السلع

للعلم انا من عشاق التويوتا ما اركب الا هو ولو نويت اشتري موتر مافكرت في غير التويوتا لاسباب كثيره من ضمنها رخص اسعار بعض الجوب مقارنة مع مواصفاتها وتحملها للجور + تمسك سعرها + قطع غيارها تلقاها حتى في البقالات من كثرها

لاكن اذا الله رزقني وجت معي 200 الف وناوي على جيب وكاله بستعمله مانويت ابيعه بعد فتره مافكرت في غير الباترول و السبب معروف مواصفات في اكس ار بقيمة جي اكس ار او ارخص منه

[عاشق مطر]

انا طلعت من الصمان مولعه المبه ووصلت ايلى محطت حفر العتش وطفا وشغلته ويالله وصلن المحطه
طبعن مشان 90كم الموتر باث فندر

[الذيب 502]

يا الربع ترى الموضوع تعدى مسألة النقاش

وصارت الدعوة كلن يبغى ينصر لنفسة

وترانا ما دخلنا مكشات الا نبغى الفايدة

يعني مليناااااااااااااا من الهواااااااااااااااااااااااش

[مخاوي دابذريع]

الله يخلي لي الديزل ويخليني لها ^ ^

[شرقااااوي]

انا مع اخوي بالنسبه للصرفيه
مافي مقارنه الباترول يشفط شفط اما اللاندكروزر ماشاالله عليه
وتبقى لكل سياره ايجابيات وسلبيات

[مواسي الطعوس]

انا مع اخوي بالنسبه للصرفيه
مافي مقارنه الباترول يشفط شفط اما اللاندكروزر ماشاالله عليه
وتبقى لكل سياره ايجابيات وسلبيات
************************************8

الفتك والبطل ....اقل صرفيه من اللاند كروزر (لكن مثل ماذكرت الامبير دمااااااااااار)

* انا ليش قلت تخبط ؟؟؟؟؟ علشان الناس تناظر الامبير ولا تناظر (الفلوس) بكم عبى .