أصحاب الخبره ...تكفووووون

[السيكيوريتي]

السلام عليكم ورحمة الله وبركاته
الحمدلله والصلاة والسلام على رسول الله وأله وأصحابه
أخواني أول حاجه أحب أشكر القائمين على هذا الصرح الكبير ويعلم الله انه يعود بالفائده على ناس كثير, وأحب أشكر الشباب اللي ما يقصرون بوقتهم وبجهدهم في خدمة أخوانهم .
أهل الخبره ....
أنا عندي يوكون 2008 جنط 20 وأبي أغير الجنوط طبعا لقيت لي جنوط 17 بما أنها أريح وخاصه مع شوارعنا ومطباتها , على الأقل إلى أن تبدأ هيئة مكافحة الفساد بالعمل أبي أستخدم جنوط 17 .
السؤال : هل فيه مشكله إني أبدل الجنوط مع العلم ان فيه هيدروليك . وهل لها أضرار مع العلم ماني براعي سرعه ولا راعي بر .
بالعربي راعي مدينه .
شباب إذا فيه أضرار على الموتر أتمنى تقولون لي بسرعه لأني مواعد راعي الجنوط اليوم بعد المغرب. تكفون يا هل الخبره .

[النفود100]

هلا و غلا اخوي
ما عندك مشكلة بتغيير الجنط الى 17 ما فية اي مشكلة لا سمح الله , في بالغرابي جنوط يوكن مقاس 17 شد وكالة مفكوكة من سيارات جديدة و اتوقع اسعاره من 1500 الى 2000 ريال مستعملة استعمال بسط ونتبه لا يلعبون عليك ترى بعض الجنوط قديمة و ملمعه وا نصحك بكفرات هانكوك مقاس 275*65*17 ,,, تحياتي لك و للجميع .

[ابونادر1111]

وعليكم السلام
لايوجد ضرر من من تركيب جنط 17 بل افضل من ناحية المطبات وقيمة الكفرات

[قمرنا]

هلا و غلا اخوي
ما عندك مشكلة بتغيير الجنط الى 17 ما فية اي مشكلة لا سمح الله , في بالغرابي جنوط يوكن مقاس 17 شد وكالة مفكوكة من سيارات جديدة و اتوقع اسعاره من 1500 الى 2000 ريال مستعملة استعمال بسط ونتبه لا يلعبون عليك ترى بعض الجنوط قديمة و ملمعه وا نصحك بكفرات هانكوك مقاس 275*65*17 ,,, تحياتي لك و للجميع .
+1 بكل تأكيد كفى ووفى بالشرح
والله يدلك على الخير,,,:good:

[السيكيوريتي]

الله لا يهينكم ياشباب وبيض الله وجيهكم
أنا اشتريت جنوط طبعا مع كفرات الوكاله راعيها ما مشى عليها اكثر من 20 كيلو طبعا هي ليوكن 2011 الكفرات جنرال جديده جدا طبعا وكاله .
بس اللي ما ادري عنه هو كيف كفرات جنرال عساها طيبه.

[بدوي جنوبي]

على الاقل احسن من الصيني
أقصد الجنرال