استفسار بخصوص مركز الحفنه .. الله يجزاكم خير

[مهباش]

بسم الله الرحمن الرحيم


والصلاة والسلام على رسول الله محمد بن عبدالله ...


السلام عليكم ورحمة الله وبركاته ..


ابائي واخواني في منتدى مكشات ... اسعد الله ايامك وبارك فيكم ... عندي واحد من الشباب تعين في " الحفنه " ولا اعرف وشلون اوصل لمركز الحفنه .. فاذا بالامكان تساعدوني الله يجزاكم خير ... هل يجي مع طريق الشرقيه ثم يتعدى رماح ... ولا يجي
مع طريق الثمامه الين يتعدى التفتيش ثم يروح مع الصمان .. يعني اذا بالامكان وشهو
الطريق الاكثر اختصار .. وكم المسافه لو سمحتم .. وياليت لو كان فيه خريطه


بارك الله فيكم .. وصراحةً ماعرفت وين انزل ذا الموضوع ...



احترامي للجميع

[راعي مرزوقه]

وين السكن الله يجزاك خير

[،،،الدهمشي]

اخوي اذا ساكن بالشرقيه يلف يمين مفرق رماح بعدين قرية غيلانه ثم الرمحيه لين ياصل دوار الحفنه ترا الطريق سهل جدا وزين وهو الموصل الى روضة خريم المشهوره بالربيع وياصل سالم بإذن الله .

[abo norah]

السلام عليكم ورحمة الله وبركاته
الطريق سهل ان شاء الله اولأ الاتجاه الى رماح والاستمرار مع نفس الطريق الى الرمحية وعند الوصول الى الرمحية يتم الانعطاف يمين ومن ثم يمين ومن ثم يسار وهذا الطريق يؤدي الى دوار الحفنة مباشرة والله يحفظك ويوفقك

[مهباش]

اسف والله نسيت محل السكن ... السكن بالرياض

[ابو سمر]

إذا ساكن بالرياض فأقرب طريق عبر طريق الثمامة حتى مفرق الطوقي بعد مزرعة الملك خالد (منتزه الثمامة حالياً) بعد ما يفرق شرق مع مفرق الطوقي والصمان يستمر حتى يجيه أول دوار يلف يسار الحفنة بحدود 5 كم تقريباً.