وش رايكم نسوي صيانة السياره الجديده في الوكاله والا اي ورشه؟

[walhan]

السلام عليكم
ودي اسأل يا شباب انا معي يوكون 2005 وسويت صيانة ال 5000 عند الوكاله طبعا الوكيل الجميح والسياره قربت توصل 10000 بس ما ادري اسويها عند الوكاله والا عندي اي ورشه وياليت اللي يعرف اسعار الصيانه من 10000 وطالع يعلمنا وهل ممكن اسوي بعض الصيانه عند الوكاله والبعض برا علشان ما يلغى الضمان.

[الطير المهاجر]

انا ماعتدي فكرة عن المبلغ كم
بس انا اقول انك توديها ورشة مزبوطة وراح تسويلك نفس الوكالة
يعني الوكالة ايش راح تسوي؟ كلها الشغلة في تغيير الزيوت وتشيكها بس اما زيت الدفرنش مثلا يمكن مايغيره بس بيشيك عليه
والمبلغ طبعا اذا شفت شغلهم تطق على راسك
انا اقول اسأل بعد واحد ماخذ يوكون وشوف وين الي يصلح لك
تحياتي

[ع.ف.الدرويش]

نصيحة من أخ لأخوه..
توكل على الله وخل الصيانة في الوكالة لعدة أسباب
أولا.. جديده وتستاهل كل قرش يحط على صيانتها
ثانياً.. تحت الضمان ففي حالة وجود أي خلل فإن الضمان يشمله
ثالثاً.. عند فك أي قطعة أو إستبدالها في الورش فإنها تكون خارج الضمان
رابعاً.. بالنسبة للتكلفة فما أعتقد إنها بتتجاوز الـ 700 ريال شاملة كل شئ
خامساً.. راحة البال يعني لا يجي هندي وإلا يماني يتفلسف على راسي وينصب ولازم ولازم والدعوه ما تستاهل فبدلاً من الإصلاح يكون إفساد وتخريب..!

هذه من أهم الأسباب إللي خلتني أتحمل الإرتفاع المتفاوت لأسعار الصيانة في الوكالة.. لا وبكل سيارة موجوده لدي أو عندنا في البيت
هذا كل ما لدي.. والله يوفقنا واياك والمسلمين لكل خير

أخوك.. ابو فهد..

[القناص]

اخي الكريم

لا يسري ضمان لسياره الا اذا حافظت على اتمام الصيانة الدوريه عند الوكاله

خاصة الامريكي
لازم تصونه عنده الوكاله
خصوصا انه احيانا تجي تحديثات مجانيه تتم على سيارتك اثناء فترات الصيانه الدوريه دون ان تعلم عنها.

والسلام

[غالي]

انا اضم صوتي لصوت القناص
فعلا ترا اذا قطعت الصيانه راح يروح عنك الضمان
على الاقل استمر عليه حتى 40 الف او 45 الف
صح بيكسبون منك دراهم
بس لو لاقدر الله موترك فيه شيء يتضح تقريبا في هالفتره
ولو خرابات بسيطه
مثل الدرايش او الفتحه كان فيه فتحه او فيوز او عيب بالكهرباء او الدبل او تسمع طقه او اي شيء لو كبير بيكون على الضمان ماتدفع ولا ريال
هذي نصيحتي اخوي والله اعلم
اكثر العالم اسمعهم يقولون اترك بلا ضمان بلا خرابيط وناس يتركونه
لكن انا ماطلعت موتر من الوكاله الا ويخرب شيء لو بسيط وارجعه لهم واستفيد من الضمان ولا ادفع من جيبي
وبالاخير اخوي
انت تراك تشتري حديد وبلاستيك
يعني لاتضن انه جديد مافيه خرابات بل بالعكس الصناعه الاخيره تخوف كل شيء اكتروني وشغله معقد وتصليحه نااااااااار
اسف على الاطاله

[الكونترولCONTROL]

انا اقول .... من تجربة ............. الوكالة ما ينفعونك الا اذا لك واسطة (( حارس ..... عامل نظافة ... مدير مبيعات ..... مدير ورشة .... عميل كبير .... و هو يجي في الأخير و تخب ))
===========================
و أحسن حل : لا تهتم زيادة بصيانة السيارة !!!!! تراها ما تشبع أبد !!!!!!!!!!
غير الزيت بعد 500 كم ..... لأنه زيت خفيف للتمرين فقط
ثم توكل على الله ( لأنك عاقلها ) موترك جديد و ابعد عن الوسوسة !!!!!!!!!!!!! الله يكفيك شرها
----------------------------------------
و ترى السيارة في الوكالة يمر عليها كل عمال الوكالة !!!!!!!!!!!!!!!!!! و افهم يا فهيم !!!!!!!!!
يعني .... وش هم مهندسين الوكالات عندنا ؟؟؟؟؟؟؟؟؟؟؟؟؟؟؟ عمال نظافة اغلبهم قبل 10 سنين !!!!

[aziz2727]

والله نصيحه يا اخوي واضم صوتي لباقي الاعضاء

الصيانة في الوكاله افضل من الورش لاسباب عده اهمها ان السيارة راح تكون تحت الضمان . صحيح ان الوكالة تاخذ اكثر من الورش بس وان اخوك تريح راسك وترتاح لان بعض الورش والله من جنبه يقعد يتطبب فيني وفيك لاين ما يعرف العله بعدين يعرف يشتغل .
انا مطلع لاندكروزر من الوكالة والاحين ماشي 40000 الف كيلو وكل الصيانات في الوكالة وتحت الضمان . فلا تبخل على سيارتك لانك اذا خدمتها بتخدمك .
والراي الاول والاخير لك .
والله يدبرنا واياك على الصالح

[بركان]

السلام عليكم ورحمة الله وبركاته

الصيانة في الوكالة ضرورة
لسبب واحد وهو انهم يبدلون القطع والزيوت حسب جداول وضعتها الشركة المصنعة
ثم ان العمالة التي تفحص وتستبدل مالهم الا رواتبهم يعني قيمة القطع والزيوت تذهب لجيب الوكيل
اذا هو لن يستبدل الا ما هو مدون في الجدول.
ثم ان اللجوء الى ورش الصناعية فيه مضرة على السيارة وجيب صاحبها فهم يستبدلون قطع لم تنتهي مدتها بعد ويجلبون اي قطعة او قد يقول لك انني استبدلت وهو لم يستبدل هل ستظل واقفا على رأسه يوم كامل.؟؟؟

سلم سيارتك الوكالة حتى وان زادو في السعر فهم ادرى بسيارتك .
وكما يقول المثل( اعط عجينتك الخباز ولو اكل نصفها.)

هذا رأيي اقوله ولا افرضه.

[walhan]

اشكر جميع اخواني اللي شاركو في الموضوع
وطبعا استخلصت من ردودهم ان الغالبية ترى ضرورة الصيانة في الوكالة حتى لو كان الفرق دبلات، لان المشكله لو صار خلل فني في السياره فراح يكون الضمان لاغي ويمكن تدفع اضعاف اللي كنت بتدفعه على الصيانه.
عموما اذا كان احد عنده اضافه فلا يبخل علينا.