عاجل وهم لأهل الخبره

[الامسك]

السلام عليكم

ياشباب قدر الله على اخوكم و حصلت لي عشه موديل 1979 الموتر نظيف حيل ومحركاته من قير ودفرنسات
عال العال ومكينته جيده ..
استفساري الله لا يهينكم

1- هل هناك مكينه ممكن ارهمها للموتر بدون ما اسوي شي للقير ابدا ومن دون ما المسه وتكون المكينه جيده ...

2- وان لم يكن ماهي نوعية المكينه اللي ممكن ارهمها مع بعض التعديلات
البسيطه جدا ...لأني سمعت انك لازم تغير ضفيره ومرات يمكن دفرنسات
وكلن قام يعطي الزود من عنده .


3- مكينة فور ماركيز موديل قديم او جديد هل ممكن اركبها على العشه وهل تحتاج كثير تعديلات عشان تركب من قير وغيره


4- اسمع ان اي ترهيم يسبب تهريبات زيوت هل و صحيح

5- كم ممكن تكون تكاليف الترهيم البسيط حق الوناسه بس تقريبا

6- انا من اهل الرياض وين تنصحوني فيه ارهم المكينه

ملااااااااحظه هامه :

لست ابحث عن تحدي طعوس ومقاومات شباب ابي موتر اذا سنيته من حايل الين الربع الخالي ما يشتكي ابدا يعني ان بغيته خط خط وان بغيته طعس طعس

واكون لكم من الشااااكرين

[ابو سلامه]

السلام عليكم ورحمة الله وبركاته
اسمع يالغالي عندنا بالمنتدى رجال يقاله ابو أسماء مكنيكي وكهربائي واللي تبي ومن عيالنا بعد
يعني ماراح يلعب عليك مثل بعض الورش الله لا يوفقهم ولا ما خذ منك دراهم
مع انه يستاهل كل خير لا كن ماقصر الرجال وان شاء الله بيفيدك