ملاك جيب الباترول ، شورتكم الله يجزاكم خير [الأرشيف]

مشاهدة النسخة كاملة : ملاك جيب الباترول ، شورتكم الله يجزاكم خير

mrsaal999

01/04/2011, 08:38 PM

السلام عليكم ورحمة الله وبركاته

ياجماعة الخير ابي شوركم ، وان شاء الله ماخيب

لقيتلي باترول اربعة ابواب موديل 93 مضروب بوية لونين شكل 97 للتجديد ( على قولة صاحب ماجاه صدوم وهو المالك الثاني للسيارة ) ومغير المكينة والقير ومركب موديل 97 الموتر جربته قيرة وكينته مفيهم اي شيء من حراره وغيره بس الرجال مركب عليه ( سده ) اما مراوح وفلاتر ما ركبن عليه ، مكيفين وثلاجة شغالين وباردين ما شاء الله بس فيه ملاحظات على الموتر وهي كالتالي :

1 - الدودة يبغالها تغيير
2 - القزاز كهرب ( خربانات كلهم )
3 - الموتر يبيله هوبات مع الفحمات
4 - تربيط كاملة انواع الاصوات في السيارة ( داخلي وخارجي )
5 - الباكم الي يمسك الفحمات في الكفر اليسار الامامي يطلع صوت قرقعه
6 - الموتر فحصة منتتهي ويبغاله فحص .
7 - الكلتش فيه فضاوة تقريبا 5 سم بس الموتر نزته قوية .
8 - يبغاله كراسي للمكينة .
9 - الموتر احس انه ثقيل ،،والى الجيوب كذا ( للمعلومية اول مرة بحياتي اسوق جيب )

س / كم تكلفة تصليح الخرابات الي فيه مع شغل اليد ( عشان الفحص )

والموتر سمته منه 20 ألف هل هي سومة طيبة ولا انا ظالم الرجال ولا السومة واجد على الموتر .

افيدوني الله يجزاكم خير ، واذا فيه ملاحظات اخذها بعين الاعتبار قبل الشراء ياليت تفيدوني لأني مأعرف في الجيوب ، الله يجزاكم خير

ابوالولد

03/04/2011, 12:46 AM

غالي سعره ب20 الف
يكلفك تصليحات حول 8 الاف اذا تبي تزين صح
يطلع عليك ب28 الف حرام والله وفوق هذا مرشوش امحق هههههههههههه

mrsaal999

03/04/2011, 08:36 PM

يعطيك العافية ابو الولد ،، تصدق لو اشوفك قدامي كان خميتك من الفرحة :good2::good2:

لي حوالي 3 ايام وعدد المشاهدات وصلت 44 مشاهد ولا واحد منهم اقل شيء رد السلام ، وبعد انا حاطة برابط نيسان يعني مفيه احد يجي هنا الى يعرف للنيسان .

***************

الله يجزاك الف خير وبيض الله وجهك على النصيحة ، والله يبو الولد اني اعتذرت من الرجال فعلا السيارة ما كنت مرتاح لها

المهاجر انا

03/04/2011, 10:08 PM

وعليكم السلام القروش اللي بتصلح الموتر بها زده على العشرين ودور غيره وشوري عليك لا تشتري الا من واحد تعرفه وثقه وبالتوفيق أخوي

راعي الفزعه.

04/04/2011, 10:16 AM

احمد ربك انك ماخذيته ولا وربي الخرابات لاغير تصل اكثر من 8 الاف

الدوده لوحدها تقريبآ بـ 3000 وشوي

يعني تبي تآخذ جيب

خذ سياره نظيفه وشرط الفحص

ابوالولد

04/04/2011, 04:17 PM

بصراحه المنتدى نايم مافيه الا انا اظاهررهههههههه

mrsaal999

04/04/2011, 08:26 PM

المهاجر انا

يعطيك العافية وهذا الي يبي يصير ان شاء الله ، شاكر مرورك

======

راعي الفزعه.

صدقت وهذا الي كنت خايف منه ، صدقني هالاسبوعين مغير مرابط بالمعارض كل الجيب الي مرت علي مكسرة وغالية ؟؟

====

ابوالولد

حياك الله ابو الولد مرة ثانية :D ،، وان شاء الله الشباب فيهم الخير والبركة ،، بس يبيلهم شوية عين حمراء :good2:

محطم عنيد

06/04/2011, 11:30 PM

بإختصار لاتشريه (رأيي )

mr.قهد

06/04/2011, 11:43 PM

شوف اخوي الموتر بياكل عليك وفوق كذا انت سايمه ب20 واقل ماتحط فيه 10الف لاْن النيسان معروف كل شوي وهو طالعلك بخراب جديد يعني بيكلفك الجيب 30 الف!! وهو مرشوش ؟؟ فا نصيحتي لا تااااخذهَ! وافتك من كل يوم وانت في ورشه وازعاج العمال وريح نفسك
لاتاخذ الا موتر نظييييف بمعنى الكلمه ولا بلاش!!!

mrsaal999

08/04/2011, 09:34 PM

محطم عنيد

يعطيك العافية شاكر لمرورك

==========

mr.قهد

جزاك الله ألف خير على النصيحة ، وفعلا مريت محلات القطع وبعض الورش الي اعرفهم ولقيت الموتر يبي يكلفني حدود 10 ألف ريال من قطع الى شغل اليد ..

لاتاخذ الا موتر نظييييف بمعنى الكلمه ولا بلاش!!!

اما النظيف يعتبر بالنسبة لليومين هذي حلم صعب المنال :D ،، والله اني لقيت مواتر مكسرة تكسير ،، وتعتبر في المعارض نظيفة واذا قلت لصاحبها موترك مكسر زعل

mfash

08/04/2011, 10:01 PM

يابو الوالد خذ النصيح من واحد جرب التايوته 97 وهو اخر الجيوب الي دفرنسه امامي زي الزفت وغير مريح **عندي جيب نيسان بترول (90) زيى الحلاوه من عام 1426هـ وكل ماشافه واحد قال ليه ماتغيرة قلته ماتدرو عن مركوبه المريح يسوء مركوب التايوته حى97 كثير مريح جدأ جدأ **ونصيحني بان المديل الي ذكرت 93 يسوي 14 الف ريال تقريبان الانك بتصلح فيه تقريبن 10 الف ريال بطلع عليك 24 الف

mrsaal999

15/04/2011, 02:37 AM

bassam7770

27/04/2011, 03:48 AM

انت راح تعيد تأهيله وراح يطلع عليك اكثر من بيع السوق
اذا اخذته من و احد مخبور يبغي لك تحط فيه من 3000 الي 5000 ريال
فكيف هذا !!!!!!!!!!!!!!!

بعطيك اسعار تقريبيه حسب الخبره

1 - الدودة يبغالها تغيير (من التشليح قيمتها 500 ريال وتركيبها حوالي 200 ريال)
2 - القزاز كهرب ( خربانات كلهم )اذا دينمو تحصل الوحده مستعمله من 100 الي 150 ريال
واذا افياش كهرباء الزر الواحد با 90 ريال والرئيسي للسايق با 300 ريال
3 - الموتر يبيله هوبات مع الفحمات (الفحمات تبدا من 80 الي 200 ريال )الهبات ماعدي خبر عنها
4 - تربيط كاملة انواع الاصوات في السيارة ( داخلي وخارجي ) يبغي لك حول 1000 ريال
5 - الباكم الي يمسك الفحمات في الكفر ممكن يبي له شد او ان خويك طايحن في مطب جامد وهو ماسكن بريك فكسر المسامير احتمال
6 - الموتر فحصة منتتهي ويبغاله فحص .
7 - الكلتش فيه فضاوة تقريبا 5 سم بس الموتر نزته قوية .اذا بتغير الكلتش قيمته 1000 ريال الاصلي وتركيبه يتراوح من 300 الي 500 ريال
8 - يبغاله كراسي للمكينة .قيمتها 300 ريال وتركيبها تتراوح من 200 الي 350 ريال
9 - الموتر احس انه ثقيل ،،والى الجيوب كذا ( للمعلومية اول مرة بحياتي اسوق جيب ) احيان يكون من الكربريتر يحتاج تنظيف لانه يكتم

واكيد راح يطلع معك ارضيته مقاصات وجلد مقصات ومسامير توازن واذا ربي سلمك من تنسيم الصوف الاماميه ولا الله يعينك عليها
وانتبه للكهرباء ممكن يكون في حرق بالضفيره وهذي مصيبه يحتاج لك 500 ريال قيمتها تشليح

>>>مافي عيب ماقلته شكل الرجال بيهون ههههههههههههه

ياخوي في مواتر صح غاليه شوي فوق 30 لاكن ماراح تتعب معها مثل ماقلت لك 3 الي 5 الاف ويرد جديد ومانقول غير الله يوفقك والجميع لما يحب ويرضى

التعـ King ـديل

07/05/2011, 08:47 PM

خذه ب15 ولا 16 والخرابات بتكلفك حول 5

قيمته 20 اذا نظيف ويبيله طقطقه واذا عند معك ارفع سومتك الى 17500 ووقف عندها

أبو شيبة

07/05/2011, 08:56 PM

أقول أخوي هج لاتقربه دور غيره أفضلك اسأل مجرب!!!!

غدر الزمن

10/05/2011, 02:13 AM

20 الف كثير عليه طالما هذي حاله اكيد فيه اشياء مابعد عرفتها لا انت ولا صاحبه

ومن كلامك تحصل بالتشاليح انظف منه والله اعلم