مشكلة جننتني في الفورد

[هداج]

بسم الله الرحمن الرحيم





أيها الأخوة السلام عليكم ورحمة الله وبركاته





عندي مشكلة ما لقيت لها حل عند الورش وهي إن سيارتي تبدأ تفتف وتقطع سواء هي واقفة أوتمشي فحصت كمبيوتر ولافيه فائدة يعطيني نتيجة الفحص إن هناك 6 بلوف تفصل تم ترجع تعمل مرة ثانية علماً بأن المشكلة غير مستمرة يعني تجي مثلاً 2دقيقة ثم تذهب ثم ترجع مرة ثانية ثم تحتفي وهكذا وهناك ملاحظة وهي إن السيارة إذا بدأت تفتف أطفئ السيارة سواء وهي تمشي أو واقفة وإذا أطفأتها تزول التفتفة وذا مشيت بسرعة 140 كم وطالع تسير السيارة بشكل ممتاز يعني ما فيه تفتفة ولا شي أما إذا مشيت بسرعة اقل من 140 كم تحصل المشكلة السابقة الذكر علماً بأنني فريت ورش الصناعية القديمة بالرياض وصناعية العاصمة بالبديعة وكلاً يجيب حل من رأسه اللي يقول ضفيرة واللي يقول بلوف واللي يقول كمبيوتر علماً بأن السيارة هي فورد كراون فكتوريا موديل 2001 استعمال أمريكي


ياخوان أريد حل تكفون

[بدوي جنوبي]

عليكم السلام
والله ما احب اوصف الوكاله لاى عضو لانهم نصابين
لكن ويش تسوي اذا انحديت لهم

الله يعينك على غثاهم رح للوكاله وخلهم يفحصوا سيارتك بالكمبيوتر وشوف النتجيه
وصلّح سيارتك برا الوكاله ،،

[برق الفايزية3]

بإذن الله أخي سوف تجد ردا على سؤالك في هذا الموقع
http://www.assayyarat.com/forums/thread156199.html

[العقارب]

مشكلتك سهله .. صارت معي نفس المشكله...
سلمك الله تشتري لها جالد وسست كويلات طبعا تشتريها من صناعيه الي في اخر طريق المدينه على الدائري
قيمتها ماتزيد عن 220 ريال ل 8 قطع
غيرها وغير معها البواجي و صفايه البنزين.
ونضف معها مدخل الهواء الثروات ب بخاخ اسي ديلكو..
واذا مازبطت او تغير معك الموتر تغير بسيط واباقي شيك على الكويلات..
والله يعينك..
سلام ..

[البرتقالي]

هل موية الاديتر تنقص عندك اذا نعم معناها
عندك تهريب مويه بالثلاجة ومباشرة تنزل على الكويلات وتسبب التفتفه

واذا ماعندك ممكن تكون المشكلة
بالشخال حق طرمبة البنزين داخل التانكي يتسدد مع الزمن
وحلها تتبع اللي الراجع لطرمبة البنزين وتنفخه بهواء البنشري
بشرط يكون البنزين اقل من الثلث وغطاء التانكي مفتوح
اذا ضبط معك معناها يبي لك تنظف التانكي نفسه اولا وبعده الشخال

بخصوص فحص الكويلات تقدر تسويها بسهولة
فك الاسلاك الكهربائية اللي فوقها واحد واحد والسيارة شغالة
اذا تغير صوت المكينة معناها الكويل سليم
واذا ما تغير غير الكويل على طول

خذ حذرك من الكهرب بلبس قفازات
وبالتوفيق

[مستر جمس]

سبحان الله توني مخلص من المشكله هذي قبل شوي في سياره الوالد لنكن تاون كار موديل 2000


من العصر وانا افكك الكويلات ومنضمات الهوا وانضفها وارجعها وحساس الشكمان نظفته


والثروتل بدي نظفته وكل شي حتى صفايه البنزين


في الاخير لما شغلت السياره للترجبه نجح الامر


وركبت باقي الاغراض الي هي فلتر الهوا والغطا الي فوق المكينه


وشغلت الا السياره تتفتف وتكتم


استغربت الامر


وفكيت الفلتر واشغل الا السياره تمام


واركبه ترجع تتفتف وتكتم


عدها خمس مرات على شان اتأكد,, لاني ما كنت متوقع كل هذا يطلع من الفلتر


رحت للبنشري الي عند البيت وشريت فلتر


وصارت السياره في الاخير تمام وسليمه


اتمنى انها نفس المشكله الي عندك

فك الفلتر وجرب رح تمش بالسياره

او مثل ما قالوا الاخوان في الردود السابقه

[شوفان]

هل موية الاديتر تنقص عندك اذا نعم معناها
عندك تهريب مويه بالثلاجة ومباشرة تنزل على الكويلات وتسبب التفتفه

واذا ماعندك ممكن تكون المشكلة
بالشخال حق طرمبة البنزين داخل التانكي يتسدد مع الزمن
وحلها تتبع اللي الراجع لطرمبة البنزين وتنفخه بهواء البنشري
بشرط يكون البنزين اقل من الثلث وغطاء التانكي مفتوح
اذا ضبط معك معناها يبي لك تنظف التانكي نفسه اولا وبعده الشخال

بخصوص فحص الكويلات تقدر تسويها بسهولة
فك الاسلاك الكهربائية اللي فوقها واحد واحد والسيارة شغالة
اذا تغير صوت المكينة معناها الكويل سليم
واذا ما تغير غير الكويل على طول

خذ حذرك من الكهرب بلبس قفازات
وبالتوفيق
ما لون بالاحمر من مشاركة الاخ البرتقالي...
حصل معي بالظبط وغيرت الثلاجة .........

[بيكال MB153]

باختصار مفيد

الحل بسيييييييييييييييييط جدا


شيك على اسلاك الكويلات هل هي راكبة ولا ماهي راكبة

فقط لاغير وبامر الله ان المشكلة تنحل


الفورد مشكلة التفتفة دايم من الكويلات

والله اعلم

[البرتقالي]

< استدراك >
اذا مشكلتك صارت بالثلاجة لاتغيرها بمبلغ وقدره
عندك في ساكو غراء حراري مقاوم للسوائل يؤدي الغرض وزياده