المساعد الشخصي الرقمي

مشاهدة النسخة كاملة : فكسار 97 ولا سفاري 97 افزعوا


صبي هذيل
02/04/2011, 11:50 AM
السلام عليكم ورحمة الله وبركاته
عرض علي جيب فكس ار موديل 97 قير اوتماتيك وانا معي باترول سوبر سفاري 97 قير عايدي السؤال هل تنصحوني به ولا اقعد على سيارتي والله احترت مالي خبره في التايوتا فزعتكم
ابوسند9
02/04/2011, 12:06 PM
والله اخوي كلهم حلووين
بس النظيف منهم احرص عليه سواء البقاء على السفاري او شراء الفكسار
وما يمنع انك تجرب الفكسار وانت عاد تحكم بينهم
اتمنى اني افدتك
تركي98
02/04/2011, 12:13 PM
كلهم عينين في راس وماعليهن خلاف وهن زبدة الجيوب ... بس انا رايي اذا موترك السفاري زين وماتشتكي من شي فيه وموديك وجايبك استمر عليه ولا تحوس عمرك ومالك ومال الخساير وامسك ...... لايجيك ..... منه هههههههههه املأ الفراغ . والله يختار لك اللي فيه الخير يارب.
لاند93
02/04/2011, 12:15 PM
97 فكس ار مافيها كلام بس عيبه اوتماتيك,,
صبي هذيل
02/04/2011, 12:15 PM
والله اخوي كلهم حلووين
بس النظيف منهم احرص عليه سواء البقاء على السفاري او شراء الفكسار
وما يمنع انك تجرب الفكسار وانت عاد تحكم بينهم
اتمنى اني افدتك
بيض الله وجهك وشاكر مرورك
صبي هذيل
02/04/2011, 12:17 PM
كلهم عينين في راس وماعليهن خلاف وهن زبدة الجيوب ... بس انا رايي اذا موترك السفاري زين وماتشتكي من شي فيه وموديك وجايبك استمر عليه ولا تحوس عمرك ومالك ومال الخساير وامسك ...... لايجيك ..... منه هههههههههه املأ الفراغ . والله يختار لك اللي فيه الخير يارب.

هههههه الله يجزاك بالخير علماً ان السفاري ولله الحمد مايشتكي من شي ماشاء الله ومشكور على النصيحه
صبي هذيل
02/04/2011, 12:18 PM
97 فكس ار مافيها كلام بس عيبه اوتماتيك,,
هذا الي معيبه صراحه
aooa
02/04/2011, 12:21 PM
الصراحه انا محتار اكثر منك ...
YUKON_GMC
02/04/2011, 12:22 PM
التويوتا اطلق وارغب بالسوق واقل استهلاك بنزين

لكن لونين فقط ( ابيض ) ( ذهبي ) باقي الالوان مالها داعي

و تأكد انه نظيف وبديه سليم ومحركاته نظيفه وخصوصاً القير والمكينه ماهي ماشيه واجد
مخاوي الليل؛؛
02/04/2011, 03:59 PM
خلك على السفاري

والفكسار زين بس والله ماتدري شلي فيه من خرابات غير واضحه

وانا اقول دام سيارتك تعرفها واثق منها خلك عليها افضلك

مع تحياتي
أبي عبدالله
02/04/2011, 04:10 PM
مثل ماقال أخوي تركي 98 خلك على مجنونك لا يجي أجن منه
أذا موترك سالك ونظيف لاتحوس عمرك
أذا بتسألني سبق شريت شيروكي وبعت موتر مثل الجنيه فورد
وعرفوني الورش ومحلات قطع الغيار
العنابي 616
02/04/2011, 04:19 PM
إذا هو قير عادي فهو عز الطلب
ابوميس الحلوه
02/04/2011, 04:26 PM
السلام عليكم
نصيحة مجرب مر علي
VX-R95 وجربت PATROL95
والله معليش التويوتا يذبحك بالحراره دائما على النص بس بالشتاء على الربع
وثقيل وهو قير عايدي لكن النيسان فيه خفه عجيه وبارد دائما
Salamah.y
02/04/2011, 04:27 PM
دام قيره اوتو ,, ما عليه شفقتن واجد
ان لقيت لك , فكسآر 98 , هو اللي تبدل به و انت مغمض
اما الأول , اوتو ,, صراحه ما حبيته أبد !!
مع اني أفضله على السفاري بمراحل ,, و لكن دام موترك سالك معك
تجنب التغيير ,, الا اذا كانت النقله , كبيره !!

,

الله يوفقك @~
مواسي الطعوس
02/04/2011, 05:18 PM
انت تقول سوبر سفاري((يعني بخاخ)) هل الفكسار بخاخ والا كلبليتر ؟؟؟؟؟؟؟؟؟؟؟؟؟؟اذا هو بخاخ يكون نفس العزم لوكان قير عادي .اما تماتيك بعيد؟؟؟

* مركب السفاري ال 97م وتحت مريح جدا ويكشف الطريق بشكل واضح وتحس انك مسيطر على الموتر .التويوتا القديم عزمه بالدبل الثقيل فقط واما الخفيف زفت .التوازن من صالح السفاري .
احمد الشمال
02/04/2011, 08:13 PM
عيبه قيره تماتيك

ولا مافيه افضل منه فكسار ولابعد تانكين بانزين اما السفاري تنك واحد

لكن بالخفه النيسان افضل بكثير

وقبل كل شيء استخر وانا اخوك

وبالتوفيق..
العنابي 616
02/04/2011, 10:45 PM
شف يا أخوي صبي هذيل
أحس الكلام كثر و احترت
بس أنا أقولك جربه أحسن لك و التجربة خير برهان إذا جاز لك و حسيت إنه في فرق يسوى فتوكل على الله بس بشرط إحرص على البخاخ و القير العادي
أما إذا ما حسيت إنه في فرق يسوى فخلك على السفاري دام إنك مرتاح معه

و حبيت أوضح لك لأن معي فكسار 95 كربريتر الحمدلله مرتاح معه لا حرارة و لا مشاكل
و عزمه عال العال أقوم على السفاري القديم بالشارع و بالطعس و هذا الكلام عن تجربة

الله يعينك و ييسر لك
abu fares
02/04/2011, 10:50 PM
إن كان موترك زين فخلك عليه أفضل لانهم كلهم حول بعض
طارق الحريري
03/04/2011, 12:06 AM
حياك الله ياخوي من واقع تجربة مميزات السفاري القديم اريح مركوب واثبت بالطرد وعيوبه شفط البنزين وقرقعة البيبان اما عيوب اللاندكروز القديم يطمر من ورا وثبات اقل من الباترول ومميزاته صرف اقل بنزين وبديه جامد وعزم اقوى انا لوخيروني بينهن اخذت اللاندكروز لكن اذا الموديلات الجدد اختار باترول مجرد راي يقبل الخطأ والصواب مع العلم ان سيارتي لاندكروز97 واستخير قبل كل شي وانا اخوووووك والله يفوقك...........
mr.قهد
03/04/2011, 12:12 AM
مالك الا تايوتا حتى لو توماتيك لاان التايوتا هو حق الكرف ولعن الخير والنيسان زوين بس مايصل مرتبه التايوتا يبقى اقل منه لاان النيسان اقل تحمل وخراباته كثيره الخ...
تقبل تحيااتي وجه نظر
صبي هذيل
03/04/2011, 09:29 AM
بيض الله وجيه الجميع بدون استثناء
بعد فحص الاند وجد ان مكينته ماهي بالحيل وعذرنا منه
وشكر كل من شارك وابدء الراي الله يبارك فيكم جميع