استشارة لاهنت بخصوص قير الفتك ( التماتيك)

[comابوسليمانwww]

السلام عليكم ورحمة الله وبركاته ....
إخواني موتري باترول فتك تماتيك .. واذا فقعت الموتر بنفود ولا بوسط شعيب ترتفع الحرارة شي بسيط .. وقالي واحد من اصحاب الخبرة ركب مبرد للقير علشان يرتاح الموتر ويصير القير له مبرد خاص .. لكن عندي بعض الاستشكلات :
- هل هو نافع فعلاً .
- هل يسبب مشاكل او يأثر على اشياء اخرى .
- اذا ركبته كيف اعرف ان القير محتمي ولا لا .... وان دورة تبريد القير ماشيه مضبوط ...
- هل تنصحني اركبه ولا لا ..
- افضل ورشة تركبه و تضبطه .

[سفاري959]

حياك الله اخوي ماعندي خبره لكن بعطيك رقم سعودي متخصص في الباترول وسبق شفته يركب مبرد خارجي لقير الفتك هذا رقمه بعد اذن المشرفين0504118191 محمد التركي ( ابوصالح ) اتمنى اكون افدتك

[خيال شاب]

نصيحة لوجه الله لاتركب مبرد قير خله علا بلده في الشتاء القير يحتاج حرارة مثل مايحتاج تبريد بالصيف

اليابان ابخص لو يبون يحطون مبرد حطوه الحراره ليست من القير اعلمك بعدين ان شالله

[رقبة حاشي]

اسباب الحراره كثيررررررررررررررررررررره
اولا: نظف الرديتر وغير الماء وجرب
2- بعد ذلك سيخ الرديتر وشيك على رمانات البكرات ارخ السير ودور البكرات وحده وحده
3-ولا تنسى التشييك على المروحه وكلتشها ............ وبعدين لكل حادث حديث.... بالتوفيييق

[ابوسند9]

اخوي مبرد القير ما له اي دخل في ارتفاع حرارة السياره,,
ومبرد القير يركبه البعض خوفا من دخول الماء على القير وهذا نادر جدا
واذا بتركب اديتر خارجي حاول يكون الاديتر كبير لانه كل ما كبر برد القير
الشي الاخر اذا كان موديل سيارتك من 2007 ونازل فا انا اتوقع ان سبب الحراره من بلف الحراره لان الفتك المفروض كل 3 سنوات تغير البلف وهذا عمره الافتراضي وصارت مع كم واحد نفس الشي
وذا غيرت البلف ولا تغير شي شيك على تماتيك المروحه لايكون خفيف دورانه لو تجرب تفك من احد زملائك وتجرب قبل تشتري
سعر بلف الحراره 70 ريال
اتمنى اني افدتك