المساعد الشخصي الرقمي

مشاهدة النسخة كاملة : فزعتكم ياهل الباترول 97


مخاوي الليل؛؛
02/04/2011, 09:20 PM
{بسم الله الرحمن الرحيم}

السلام عليكم ورحمه الله وبركاته


فزعتكم يالربع باخذلي باترول 97 او96 او59


واحترت اخذلي صالون والا ربع

وايش تنصحوني بالسوبر والا السلق


وهل الصالون خفيف في البر

معليش على الاسله الكثيره:D
مخاوي الليل؛؛
02/04/2011, 10:47 PM
وينكم والا رد
وين النشاما
راع الريمة
02/04/2011, 10:57 PM
ياهلا بمخاوي الليل

أولا...أنت صاحب عائلة وإلا لا؟...اذنك صاحب عائلة ..أكيد صاللللللللون
ثانيا..عندك سيارة ثانية؟؟إذا عندك فخذذذذذذ ربببببببببببع
سادسا..كم فلوسك؟؟ ترى السبعة غالي..وأنا من رايي انها ماهي بعيدة عن بعض...أنا عندي سفاري 91 قلبته سلق.3..ومااااااشي معي زي الحلاوة ...متوطي بكبدة يمشي بر وجو وبحر

لكن إذا عندك فلوس...نصيحة لاتبعد عن السبعة

عسى الله يوفقك.....ونصيييييييحة لاتاخذ غير النظيف اللي تكشخ على بودية...لأن النيسان مو مثل التويوتا...النيسان لكح كح


ان شاء الله راح تحصل اللي ماحصله غيرك ...من سيارة زينه وغيره
صبي هذيل
03/04/2011, 09:38 AM
هلا مخاوي الليل شف النيسان بصفه عامه خفيف وموتر ربع ولا صالون وانصحك تاخذ السوبر وحاول انه يكون بخاخ واحرص على النظيف وراح تدعيلي ومثل ماتفضل اخوي راع الريمه اذا انت صاحب عائله عليك بالصالون وانا معي 97 والحمد لله ماشتكي من شي ما شاء الله خفيف وحليو.
ولاتستعجل لين تحصل النظيف وموفق خير
خرجاوي2009
03/04/2011, 09:57 AM
السلام عليكم
صباح الخير
بالنسبه للمقارنه بين الربع والصالون
فيه فرق بينهم
الصالون أفضل بمراحل كثيره هذا بالنسبه لي
أنا أول باترول شريته كان ربع وكان زين وماعليه يطرب
بس بعده شريت باترول صالون وجلس معي فتره وكرهت الربع واللي
(يشريه) ههههههه بصراحه فرق في السعه والتحميل والطرب وفي السواقه والرساوه وبعدها بعته وشريت باترول صالون ثاني
وزادت قناعتي في الباترول الصالون
مع العلم اني عزوبي وقتها
بصراحه الربع كأنك في صندقه
وإذا جيت تحمل يغثك وإذ جاء احد يركب معك قدم المرتبه . رجع المرتبه
وأخيرا الناس أذواق ورغبات وهذا رايي
مع كل الاحترام والتقدير لملاك الربع
مخاوي الليل؛؛
03/04/2011, 01:05 PM
يعطيكم العافيه على ردودكم
الله يوفقكم في الدنيا والاخره والله يرزقنا الجنه

اخوي راع الريمه 1 انا عزوبي 2 ماعندي سياره ثانيه كان معي باجيرو وبعته 3 فلوسي حدود 25
وبحاول ازيدها
والقليل يجيب النضيف ههههههه

مع تحياتي
سفاري959
03/04/2011, 02:33 PM
خذلك صالون ولا تردد الربع يسمونه حول ابركب ومثل ما قال واحد من الأخوان دام ماعندك موتر ثاني خذلك صالون يشيل ربعك وعفشك وتقدر تركب فيه تانكي ماء وتكمله وللمعلوميه سعر الربع ماهو بعيد عن الصالون بالعكس بعض احيان يكون سعره اكثر من سعر الصالون بس احرص على النظيف وان حصل بخاخ يكون احسن اتمنى لك التوفيق اخوي ومبروك مقدماً