باركوا لي شريت اكسبلورر 2010 هات خبراتكم ...

[اسير الشرقية]

السلام عليكم ورحمة الله وبركاته

كيفكم ايها المكشاتية الاحرار ..

ايها المؤيدون لقبيلة الإكسبلورارية .. :D

لا زعيم إلا الزعيم .. <<< :( الله يشفيك ..

متأثر من كثر أخبار العرب . والقذاذفة والبحارنه واليمنه , والسوارية والمصارية وال... أقول اسكت بس ..:mad:

الموهيم . مالكم بالطويلة ..

شريت يا جماعة الربع فورد اكسبلورر 2010 ابيض لؤلؤي :good: .. بالقوة كتبتها . :eek: باركوله :good2:


ابي خبراتكم يالربع توي مستجد في أمور الجيوب .

1- اثناء صعود الطعس على أي دبل اعشق الجيب يعني لو دخلت بالاوتو مع تنسيم الكفرات يبي يرقى الطعس او اعشق الخفيف او او عاد دلوني ابي اشق الطعوس شق ;) << صدقت يابو مغشم ,
والاوتو والخفيف والثقيل وش استخداماتها .
2- من جرب الجيب في الجبال لأني ناوي بإذن الله إن رحت للديرة الجنوب ودي اختبره واسوي تجربة . هل من احد له سابق تجربة .
3- بالنسبة لي ملاحظة على البوصلة وانا متجه مع الدايري الشمالي بالرياض متجه شرق جهة طريق الدمام يطلع البوصلة شمال ش والعكس مع باقي الاتجاهات هل الحالة هذي عندي بس . مع انه جديد ولا ودي اعبث به .
4- بالنسبة لي شريت عليه صيانة مجانية 3 سنوات . وش هي الصيانة المجانية هل الفحمات والبواجي والزيوت والفلاتر تدخل ضمن الصيانة المجانية .
5- الوكالة قالوا لي اول صيانة لما يوصل العداد 8000 معقول يمشي الزيت لين 8000 واروح اسوي صيانة والا وش رايكم يا اهل الخبرة . متى اغير الزيت اول مره .

6- بعدين اشلون اعرف ان الزيت يبي له تغيير هل يظهر بالشاشة الصغيرة . او انا ابحث عنها عن طريق نفس الشاشة ,

7- بالنسبة للبنزين وش الافضل 91 ام 95 مع ان الوكالة قالوا 91 .
8- انا طبعاً الاثنين راجع للشرقية مقر اقامتي ودي اركب تظليل عازل وواقي الغبار وودي اركب شاشة للعوال :D بس هل اذا ركبتها برى ممكن الضمان يصير فيه لخبطه .
وابي محلات للي ذكرتها تكون اسعارها معقولة .

ادري طولت عليكم بس الله يوفقكم .. عشان انضم للقروب ورابطة الشرقية .. :p << على شحم محد قعد في حراك .

دمتم بود وعافية ..

اخوكم / مدري وش اسمي سجلت بكذا عضوية لين لقيت ذي وتفعلت بس اول ما اراسل الادارة وافعل اسمي اللي ابيه راح اعلمكم .. :D .

فورد4×4

[اسير الشرقية]

اي صح نسيت اسألكم ,, :mad: <<< ياكثر بربرتك توك مسجل عط الناس فرصة يجاوبونك على استفساراتك اللي فوق . :(

الحين اللي مستخدم السيارة من زمان هل طلع له اصوات مثل اصوات الكراون فكتوريا في الكفر الامامي مع انك مربط السيارة والهوبات مافيها شي والكليبرات تمام صوت طقطقة حتى لو تجي من فوق عيون القطط الصوت >> ّ"؛.,،: فهمتوا .. :p

ماعرفت اوصفه بس انه صوت كأنه في شي مفكوك في الكفر اللي موديلاتهم له سنتين او ثلاث هل طلع له الصوت مع الحفر الصغيرة طقققق .. طقققق .. << الصوت .. :D

[سلفاريو]

مبروك عليك الله يعطيك خيره ويكفيك شره

[ابوعمر1397]

وعليكم السلام ورحمة الله وبركاته

الف مبروك والله يعطيك خيره ويعديك شره

1- اذا بتاخذ عزم خل القير على d مع الدبل الخفيف واذا بدون عزم حط القير على رقم 1 او 2 والدبل الخفيف واضغط على مانع الانزلاق لتعطيله وانصحك بالرفق عليه تراه حساس واذا بدا يطلب تبلش

الدبل الخفيف للتطعيس والثقيل للسحب وعند التغريز الصعب
الاوتو لفصل الدبل الثقيل او الخفيف


2- صعود الجبال اذا عنيفة مثل عقبات ابها الدبل الخفيف والقير على 1 او 2

3- البوصلة ما دامها شغالة فهي سليمه

4-الصيانة المجانية هي كل 8 الاف تغير كل المذكور في كتيب الصيانة اللي عطوك ولا تدفع ريال واحد
غير شاملة الفحمات

5- لا تغير الزيت الا عند الوكالة وتقيد بجدول الصيانة كل 8 الاف

6- رسالة تنبيه تغيير الزيت تظهر كل 4500 كيلو لكن لا تهتم والتزم بتغيير الزيت بعد 8000

7- الافضل في العزم بنزين 95

8- اي تدخل في كهرباء السيارة مثل تركيب شاشات وغيرها يلغي الضمان الكهربائي في حالة حدوث اي مشكلة كهربائية في السيارة فافضل لك ركبها عند الوكالة

[مجنون اكسبلور]

ااااالف اااالف مبروك الله يعطيك خيره ويكفيك شره ...
والله يارجل يبي قلم وورقة فاضيه عشان نرد على اسألتك ...
لي عوده ان شاء الله ..

[اسير الشرقية]

مبروك عليك الله يعطيك خيره ويكفيك شره



الله يبارك فيك وجزاك الله خير وشرفني تواجدك يالغلا ..

[اسير الشرقية]

وعليكم السلام ورحمة الله وبركاته

الف مبروك والله يعطيك خيره ويعديك شره 1- اذا بتاخذ عزم خل القير على d مع الدبل الخفيف واذا بدون عزم حط القير على رقم 1 او 2 والدبل الخفيف واضغط على مانع الانزلاق لتعطيله وانصحك بالرفق عليه تراه حساس واذا بدا يطلب تبلش
الدبل الخفيف للتطعيس والثقيل للسحب وعند التغريز الصعب
الاوتو لفصل الدبل الثقيل او الخفيف



2- صعود الجبال اذا عنيفة مثل عقبات ابها الدبل الخفيف والقير على 1 او 2 3- البوصلة ما دامها شغالة فهي سليمه

غير شاملة الفحمات
4-الصيانة المجانية هي كل 8 الاف تغير كل المذكور في كتيب الصيانة اللي عطوك ولا تدفع ريال واحد 5- لا تغير الزيت الا عند الوكالة وتقيد بجدول الصيانة كل 8 الاف 6- رسالة تنبيه تغيير الزيت تظهر كل 4500 كيلو لكن لا تهتم والتزم بتغيير الزيت بعد 8000 7- الافضل في العزم بنزين 95 8- اي تدخل في كهرباء السيارة مثل تركيب شاشات وغيرها يلغي الضمان الكهربائي في حالة حدوث اي مشكلة كهربائية في السيارة فافضل لك ركبها عند الوكالة

الله يبارك فيك ويجزاك خير .

الله يوفقك يالغلا .. انا اشهد انك كفيت ووفيت

بس ياخوك 95 تنصحني به بعدين يأثر على السيارة ؟

مشكور والله يوفقك ..

[اسير الشرقية]

ااااالف اااالف مبروك الله يعطيك خيره ويكفيك شره ...
والله يارجل يبي قلم وورقة فاضيه عشان نرد على اسألتك ...
لي عوده ان شاء الله ..

الله يبارك فيك ..

ويجزاك خير ..

وانا في انتظارك يامجنون قصدي مجنون اكسبلورر . :p

انا اشهد انك صادق اني طولتها . بس تحملنا يالزميل . :good2:

[اسير الشرقية]

لي ملاحظة على الاكسبلورر

بصراحة انا عمي عنده جيب فيرا كروز هونداي .

جلس معاي الجيب فترة بصراحة اريح من الفورد واحس اقوى عزم وتغييراته ماتحس بها . وسلس في الممشى .

الاكسبلورر مدري له صوت قوي كأنه في اكس آر . مدري هي المروحة والا هو كذا .

طبعاً مجرد اسم فورد يكفي . لكن الحقيقة تقال . وبالنسبة للطعوس او الجبال ما جربته بس راسي وتكنولوجيا متطورة وطبلونه 240 ومشيت عليه بصراحة 200 وخففت السرعة .

لكن للآن ما اقدر احكم على الفورد . بس عندي احساس انه شنب .

واللي يثبت لي انه عند حسن الظن ان واحد من الشباب كان عنده 2006 ولا طلب منه ولا شي كود العام حصل عنده عطل صار يفور الماء ويسخن وتلافاه وصلحه .
وبالنسبة للبر هو راعي بر من الصمان لين الهاف مون لين الجنوب .
وحمستني تجربته اني اشتري اكسبلورر .

ودمتم ..

[اسير الشرقية]

ابوعمر
اكسبلورر2010
سعد الاحمد
ابو مشاري
جميع من لديه خبره

طبعاً لحد الآن مامشى إلا 800 كلم كلها داخل الرياض يمكن مع الدايري الشمالي امشي 100 بس .
المكيف من اول ماطلعته من الوكالة شغلته هل عليه ضرر منه . طبعاً تو ماله الا 5 ايام .

متى يحق لي او بالاصح اقدر استخدم الدبل وارقى الطعوس ومتى اقدر اتعدى الـ 100 كلم .

لأني لحد الآن ما اتعدى 100 كلم يمكن مره او مرتين 120 هل يضره .

ضروري بكره يالربع ماشي الشرقية صعبه امشي عليه لين اوصل 100 كلم .

[EXPLORER_2010]

السلام عليكم ورحمة الله وبركاته
وعليكم السلام ورحمة الله وبركاته ,,

كيفكم ايها المكشاتية الاحرار ..

ايها المؤيدون لقبيلة الإكسبلورارية .. :D

لا زعيم إلا الزعيم .. <<< :( الله يشفيك ..

متأثر من كثر أخبار العرب . والقذاذفة والبحارنه واليمنه , والسوارية والمصارية وال... أقول اسكت بس ..:mad:

الموهيم . مالكم بالطويلة ..

شريت يا جماعة الربع فورد اكسبلورر 2010 ابيض لؤلؤي :good: .. بالقوة كتبتها . :eek: باركوله :good2:

ألف مبروك والله يعطيك خيره ويكفيك شره .. وابشرك أنا شاري نفسه وباللون من تقريب 3 أشهر والحين ماشي 12 ألف .. قل ماشاء الله :good2:..

ابي خبراتكم يالربع توي مستجد في أمور الجيوب .

يا أخي ما أدري أرد عليك كاش والا اقساط خخخخخخ بس خلنا في التقسيط أحسن ... سعووودي
طيب زين .. باقي بدري .. لك للساعة 2 والله يعيني أرد في الهذا الوقت عساااااااااه يكفي ..

1- اثناء صعود الطعس على أي دبل اعشق الجيب يعني لو دخلت بالاوتو مع تنسيم الكفرات يبي يرقى الطعس او اعشق الخفيف او او عاد دلوني ابي اشق الطعوس شق ;) << صدقت يابو مغشم ,والاوتو والخفيف والثقيل وش استخداماتها .

بالنسبة لي أعشق الدبل الصغير 4×4 H ولا أنسم الكفرات ولا شي .. مشكلة لا نسمتها يولع معك لمبة حساسات الكفر في الطبلون وتحتاج برمجة .. وخليت التنسيم للضرورة بس ما شاء الله عليه ما احتاج مرة غرزت في الثمامة وجربت الدبل الكبير وطلع .. نصيحة ادخل اليوتيوب ودور مقاطع التطعيس صدقني تفيدك .. وكنت مثلك متحمس للطعوس .. وجديد بس بالتجربة بعد استلام السيارة كفت رغبتي وبعدها بديت احافظ على السيارة خخخخ

2- من جرب الجيب في الجبال لأني ناوي بإذن الله إن رحت للديرة الجنوب ودي اختبره واسوي تجربة . هل من احد له سابق تجربة .

أنا من الجنوب أيضا ً وجربته في صعود واحدة من أشد الطرق في جبال فيفاء وطلع بالدبل الصغير وكذلك بالكبير .. بس نسيت ما اطفي زر الانزلاق .. ( أقرا عنه .. مهم سواءاً في كتيب المالك أو من خلال شرح الاخوان في النت ) فاللي صار معي لاحظت أن السيارة ( صعود ولف يسار وبعده يمين ) لاحظت أن النظام يتحسس السيارة إذا بدأ إدى الكفرات في الدوران غير ملاصق للأرض .. يصي التالي : يشتغل نظام الكبح في المحرك لحظياً وكذلك نظام الكبح بالفرامل عن طريق ABS اللي يصير التالي يقطع عزم المحرك وأنت داعس على البنزين نفس الدعسة ثواني ليثبت الكفر المعلق ومن ثم تواصل الصعود .. وأذكر أحد المواضيع كان يقول ( نظام الكبح بالمحرك .. هو العدو اللدود للمناطق الوعرة خخخ ) بإختصار أفصله بالضغط على زر السيارة المنزلقة عند زر الدبل يكون أحسن .. وجربه كذا وكذا ..

3- بالنسبة لي ملاحظة على البوصلة وانا متجه مع الدايري الشمالي بالرياض متجه شرق جهة طريق الدمام يطلع البوصلة شمال ش والعكس مع باقي الاتجاهات هل الحالة هذي عندي بس . مع انه جديد ولا ودي اعبث به .
في لها طريقة برمجة مذكورة في كتيب دليل المالك .. ويقولك قم بإستدارة بسيطة يعني ( خمس ) بشويش .. خخخخ وان ما طلعت بنتيجة علمني بقولك اللي فهمته ..

4- بالنسبة لي شريت عليه صيانة مجانية 3 سنوات . وش هي الصيانة المجانية هل الفحمات والبواجي والزيوت والفلاتر تدخل ضمن الصيانة المجانية .
مشاء الله لازم تقولي بتاريخ الشراء بالتحديد عشان أعرف لأن ماعندي صيانة مجانية قاعد أدفع دراااهم :mad:
والصيانة المجانية .. مكتوب في الكتيب اللي معك بالتفصيل .. يعني بيقول تغيير أو بيقول فحص
واللي أعرفه ان الفحمات خارج الضمان والصيانة المجانية يقعدون يفحصونها في كل صيانة واذا احتاجت تغيير أخذوا موافقتك على السعر ..
وأما الزيوت ( قير ومكينة وو ) على الصيانة المجانية وكذلك البواجي والفلاتر .


5- الوكالة قالوا لي اول صيانة لما يوصل العداد 8000 معقول يمشي الزيت لين 8000 واروح اسوي صيانة والا وش رايكم يا اهل الخبرة . متى اغير الزيت اول مره .
بالنسبة لي غيرته على 5 آلاف ثم رحت لهم على ال 8 ألاف وغيروه كمان .. وترا السيارة مبرمجة تطلب التغيير إذا قربت من ال5 آلاف .. تناقض عجيب :D بس عايره ترا في الـ 5 الأولى ينقص اشوي يتشرب المعدن والصوف والوجيهات ووو يعني زده لحد العيار المحدد .

6- بعدين اشلون اعرف ان الزيت يبي له تغيير هل يظهر بالشاشة الصغيرة . او انا ابحث عنها عن طريق نفس الشاشة ,
نعم يظهر بالشاشة باللون الأصفر تحذير ثم باللون الأحمر إذا طولت عليه .. بس تقدر تعلينه من زر SETUP (إذا كتبته صح) .. يطلع معك الظاهر في الضغط الثانية اضغط REST لبدأ تفحص النظام ومنها نسبة الزيت .

7- بالنسبة للبنزين وش الافضل 91 ام 95 مع ان الوكالة قالوا 91 .
أمش مع مواصفات الوكالة 91 أرخص وقريت في المنتديات ناس جربوا الاثنين يقولون نفس الشي . ماتفرق

8- انا طبعاً الاثنين راجع للشرقية مقر اقامتي ودي اركب تظليل عازل وواقي الغبار وودي اركب شاشة للعوال :D بس هل اذا ركبتها برى ممكن الضمان يصير فيه لخبطه .
وابي محلات للي ذكرتها تكون اسعارها معقولة .
رح للغرابي أحسن لك .. وانا ظللت في الغرابي (كوري) جيد .. وبالنسبة للدي في دي ترا إذا ما طلع معك مشكلة في الكهرباء على نفس المشكلة ما يروح الضمان إلا على نفس المشكلة فقط ..

ادري طولت عليكم بس الله يوفقكم .. عشان انضم للقروب ورابطة الشرقية .. :p << على شحم محد قعد في حراك .

دمتم بود وعافية ..

اخوكم / مدري وش اسمي سجلت بكذا عضوية لين لقيت ذي وتفعلت بس اول ما اراسل الادارة وافعل اسمي اللي ابيه راح اعلمكم .. :D .

فورد4×4




وبالنسبة لـ

متى يحق لي او بالاصح اقدر استخدم الدبل وارقى الطعوس ومتى اقدر اتعدى الـ 100 كلم .
لأني لحد الآن ما اتعدى 100 كلم يمكن مره او مرتين 120 هل يضره .
ضروري بكره يالربع ماشي الشرقية صعبه امشي عليه لين اوصل 100 كلم .

بعد الـ 1000 امش في الطعوس براحتك .. سونها ولا صار شي بحفظ الله ..

واما السرعة .. فترا المكاين موب زي أول الحين تجي ممرنة من المصنع ولا أنسى أقولك تقرا بداية كتاب دليل المالك ( تليين السيارة ) .. بالنسبة لي فمشيت عليه من البداية 120 من الرياض لمكة - عمرة تفتتح فيها احسن شي - وانا داخل مكة وصلت ال 1000 وبديت اكرشه في الجبال والبران لين طلعت اللي في راسي :D
ولما وصل ال 8 بديت أعقل واحافظ خخخخ بعد ايش :D

وتصل بالسلامة


اتمنى أكون أفدتك وأي استفسار أنا جاهز ...

[اسير الشرقية]

وبالنسبة لـ

متى يحق لي او بالاصح اقدر استخدم الدبل وارقى الطعوس ومتى اقدر اتعدى الـ 100 كلم .
لأني لحد الآن ما اتعدى 100 كلم يمكن مره او مرتين 120 هل يضره .
ضروري بكره يالربع ماشي الشرقية صعبه امشي عليه لين اوصل 100 كلم .

بعد الـ 1000 امش في الطعوس براحتك .. سونها ولا صار شي بحفظ الله ..

واما السرعة .. فترا المكاين موب زي أول الحين تجي ممرنة من المصنع ولا أنسى أقولك تقرا بداية كتاب دليل المالك ( تليين السيارة ) .. بالنسبة لي فمشيت عليه من البداية 120 من الرياض لمكة - عمرة تفتتح فيها احسن شي - وانا داخل مكة وصلت ال 1000 وبديت اكرشه في الجبال والبران لين طلعت اللي في راسي :D
ولما وصل ال 8 بديت أعقل واحافظ خخخخ بعد ايش :D

وتصل بالسلامة


اتمنى أكون أفدتك وأي استفسار أنا جاهز ...

بيض الله ويهك وطول الله عمرررك ان شاء الله الرادار مايرمسني [ بلهجة الامارات ] :D

راح امشي على نصايحك ياخوي التشبير [ بلهجة التشويت ] ;)

ابك مير الله يسلمك ,, :) معروفة هاللهجة .. :p

ماتقصر ياخه الله ياهبلك عافية .. :good2:

مانستغني عن خدماتك وانا اشهد انك كفيت ووفيت . بمعلوماتك الذهبية .

[EXPLORER_2010]

بيض الله ويهك وطول الله عمرررك ان شاء الله الرادار مايرمسني [ بلهجة الامارات ] :D

راح امشي على نصايحك ياخوي التشبير [ بلهجة التشويت ] ;)

ابك مير الله يسلمك ,, :) معروفة هاللهجة .. :p

ماتقصر ياخه الله ياهبلك عافية .. :good2:

مانستغني عن خدماتك وانا اشهد انك كفيت ووفيت . بمعلوماتك الذهبية .




بس ترا بلهجتنا ما جبتها وصعبة تجيبها خخخ


الله يحفظك وبالتوفيق ,, في حلك وترحالك

[مركز الثقل]

لحد يلمس السيارة الا الوكالة واترك المهايطية اللي يسوون فتاكة في المنتدي
البنزين خلك 95 افضل وتغيير الزيت 8000 كلم اي 5000 ميل فخلك علي كلامهم انتبة من الحساسات واستخدا الدبل بحذر شديد
اخيرا الله يعطيك خيرة ويكفيك شرة